من وجهة نظرك .. ما هي الخلطة السحرية للفوز في الإنتخابات الرئاسية ؟

[se_ Elsyed]

خلاص 3 أيام ويبدأ مارثون الإنتخابات الرئاسية على الأقل عند المغتربين . وهو حدث نادر لاول مره يحدث في مصر على مر عصورها ... فلأول مرة يكون هناك إختيار حقيقي للحاكم مهما كان إسمه .. ولاول مره يكون إسم الحاكم غير محسوم سلفاً ... ولاول مره لا تكون الإنتخابات مجرد مسرحية هزلية

وبما إن عندنا 13 مرشح ... 4 أو 5 منهم فقط اللي عندهم حظوظ قوية وهم بدون ترتيب

- عمرو موسى

- احمد شفيق

- محمد مرسي

- عبد المنعم أبو الفتوح

- حمدين صباحي

لكن عفواً .. في مثل تلك المواقف .. التنظير لا يُفيد

يعني على عيني وعلى راسي البرنامج القوي لكل مرشح ... لكن ممكن توافقوني إننا لازم ننزل على أرض الواقع شويه ... يعني عاوزين تفهموني إن المؤامرة التي تُنفذ ضد هذا الشعب الطيب واللي خلت نسبة الامية تكاد تكون 40 % من الشعب يعني حوالي 30 مليون وأكتر .. ودي الأُمية التعليمية .. ما بالنا بالأُمية السياسية اللي ممكن تتخطى هذه النسبة ... وهي أُمية : يا عم كبر دماغك .. وأنا مالي ... أو أُمية من نوعية " أنا هاختار واحد بتاع ربنا " ... وكأن الباقون بيعبدوا النار او هندوس مثلاً ... انا سمعت الجُملة دي من أقرب الناس لي وهو اخويا اللي لقيته بيطبع على حسابه بوسترات للشيخ حازم .. فقلت له انا معاك وموافق وده حقك .. لكن ما هو أساس إختيارك : فقال لي إنه رجل بتاع ربنا !!!!!!!!!!

وكأن بتاع ربنا أو اللي بيصلي يبقى لازم بالضرورة إنه يكون ناجح وإنه يقودنا إلى بر الأمان وهو معيار يدل على طيابة هذا الشعب .. ويدل على تكبير الدماغ .. يعني إلزقها في الدين يا معلم .. واهو إذا فشل يبقى ربنا أعلم بنيتي لأني أخترت على أساسا الدين فقط .. وهذ خطأ تماماً ..

وبرضوا لما حازم ابو إسماعيل كان بتاع ربنا .. طب وأبو الفتوح والشاطر ومرسي والباقي كانوا بتوع إيه ؟

إذن فالدين مطلوب .. لكنه ليس كل شيء لأنها أمانة ولأنها خبرة وإدارة ....

لكن مش ده موضوعنا دلوقت والفكرة دي إتهرست هنا مليون مره

إحنا عاوزين نتوصل للخلطة السحرية اللي تخلي حد يفوز ... مش شرط بأغلبية .. إن شالله يفوز بـ 52 5 زي فرانسوا أولاند اللي فاز إمبارح في إنتخابات فرنسا

وخلونا نكون واقعيين إن نسبة كبيرررررررررررررررررررررة جداً واتحدى أي حد يقول غير كده .. لا هاتقرا برنامج إنتخابي ولا تعرف حاجه عنه ولا عندها أستعداد تطل طله عليه حتى ..ده إن كانت هناك برامج مرشحين تم عرضها بالفعل سواء مكتوبة أو مقروءه او مسموعه او بها تفاصيل ... في ناس لسه بتبيع كلام وكأنهم ناويين يفاجئونا بالبرنامج بعد الإنتخابات او يقولوا لنا بخخخخخخخخخخخ .. بص العصفورة

يعني كل اللي انا شايفه دلوقت تقريباً كلام إبن عم حديت ... انا كمواطن عادي غلبان أعرف أقول أحسن منه مليون مره عن تعمير سيناء وجعل قناة السويس أحسن من قناة فالوب والصحة اللي هاتبقى بومب وما إلى ذلك ...

وحتى لو في برامج زي البرامج اللي كانوا عاملينها حزب النور وحزب الحرية والعدالة في إنتخابات البرلمان ... واللي نسبة لا تتعدى أصابع اليد الواحدة قرات تلك البرامج فقط والباقي راح ينتخب على البركة ... برضوا مش هاتتقري وإذا قُرأت .. مش كل شوية هامسك الصفحة رقم 9 من البرنامج وأجري على القصر الرئاسي وأحاسب الرئيس على اللي ما عملهوش واللي عمله ....

مش هي دي برضوا الخلطة السحرية

خلصنا من البرامج ؟

- طب ندخل على الشخصية .... ودي أعتقد إنها هاتلعب دور كبير إلى جانب عوامل أخرى .. لأننا شعب لسه بنصدق إن اللي نعرفه أسحن من اللي ما نعرفوش .. وشوف يا جدع ماسكة عمرو موسى للسيجار الكوبي كلها كبرياء أزاي ؟ واللهم صلي عالنبي عمر سليمان عليه حت طله وحتت شخصية ؟ لأ وأحمد شفيق الشخصية العسكرية التي تتسم بالجدية

كل ده جميل .. لكن هل هي كفاية ؟

طب ما على كده كنا ممكن نجيب انور وجدي او محمود مرسي بتاع شيء من الخوف أو رشدي أباظة .. واهو اللي ما أتجوزش رشدي أباظة يبقى ما شافش جواز .. يعني كلنا متجوزين عُرفي دلوقت هههههههه... ما هما برضوا شخصيات محترمة وعال العال

- طب لو قولنا الحشد ... هل هو كفاية ؟

هنا مربط الفرس بقى ... لا تقولي شخصية ولا جواز عرفي ولا برنامج ولا مش عارف مين ... فلو لديك القدرة على حشد الناس .. واقناعهم وأخد العاطل في الباطل واللي مقتنع مع اللي مكسل مع اللي مكنسل مع اللي مشكل وخلتهم يصوتوا بالصوت الحياني ... يبقى أنت كده بتشتغل صح يا معلم وبرنس البرنسات ورمانة الميزان

وحكيت لكم عن حماتي كمثال لملايين في الإنتخابات البرلمانية .. ست زي العسل وفي منتهى الطيابة زي امهاتنا كلنا ... وكل اللي بتعمله طول اليوم إنها بتتفرج على قناة الناس وقناة الحكمة .. وبتقعد تدعي لنا طبعاً .. وما بتناس تاخد دوا الضغط ً .. ولا لها في إنتخابات ولا فلول ولا ثورة ولا حاجه من دي ... عدوا عليها صاحباتها الاناتيم في المنطقة وقالوا لها تعالي يا حاجه معانا عشان الناس اللي بدقون جايبين ميكروباصات وبيقولوا لنا لازم تروح تنتخبوا الزتونه وحزمة البقدونس ( قصدها الزيتونة وباقة الورد .. وأنا شخصياً شايف أن البقدونس أفيد ويا سلام عليه في خلطة المحشي ) وخلي بالك لو ما جيتيش يبقى هاييجي عليكي 500 ج غرامه ... فبتقول لي انا خوفت وروحت في الميكروباص الكبير اللي زي الأتوبيس .. يعني 26 صوت مشفيين يا معلم ... وقالوا لنا هانروحكوا تاني ما تخافوش ... لكن دقوا الناقصة معانا وسابونا ومشيوا وخرجنا من اللجنة مالقناش حد والدنيا كانت زحمة واتبهدلنا في المواصلات على ما رجعنا البيت ...

يبقى هو ده صح الصح ...

لا ننكر دور الطبقة المثقفة .. ودور الطلبة اللي بقى عندهم وعي غير عادي وعندهم أقبال ومشاركة إيجابية في الحياة السياسية .. لكن كل دول على بعض ما يجيبوش 20 %

ناهيك إن في منهم ناس ضد الثورة .. هو حر ... وفي ناس ممنهم على إقتناع بعمرو موسى واحمد شفيق وهم من رموز الفلول ...

يبقى برضوا إزاي تخلي الثورة هي اللي تكسب وإزاي ننتخب حد يحقق أهداف الثورة مش اهداف حزبية أو شخصية ؟

تحياتي

[hanzalah]

عاوزين رئيس راجل

يكاشفنا ويصارحنا بعيوبنا

ويضع معانا .. معانا .. خطة واقعية لحل كل معضلة في مصر

اصحاب الاعمال بيصرخوا من مرقعة الصنايعية

هل كثير الشباب والمصريين اخدت على الرحرحه والكسل والتوك توك

الاجابة مع الاسف نعم

تخيل حضرتك .. ذهبنا لرئيس مجلس المدينة ووضعنا خطة واقعية لحل مشكلة الزبالة لن تكلف الدولة ولا المواطن أي شيء

ولقينا ودن من طين وودن من عجين بعد كلام ووعود براقه ولم يخرج المشورع للنور منذ شهور

مع إن قرى في محافظات مجاورة طبقته وجاء بنتائج باهرة

هل المقصود ان تظل مشاكل مصر قائمة حتى قيام الساعة

[عطر الجنة]

للانتخابات

حسابات اخرى

فعلا القدرة على الحشد مهمة جدا

مع بعض الكلمات الطنانة

تم تعديل 7 مايو 2012 بواسطة عطر الجنة

[عطر الجنة]

الشئ المهم فعلا

هل ينفع تنفيذ بعض فقرات البرنامج الانتخابى للمرشح

فى ظل التعديلات الدستورية و التى جائت نتيجتها بنعم

بالطبع لا

يعنى الرئيس القادم مكبل اليدين من قبل ان يرى النور

فلا نسرف فى احلامنا تجاهه

[hanzalah]

الشئ المهم فعلا

هل ينفع تنفيذ بعض فقرات البرنامج الانتخابى للمرشح

فى ظل التعديلات الدستورية و التى جائت نتيجتها بنعم

بالطبع لا

يعنى الرئيس القادم مكبل اليدين من قبل ان يرى النور

فلا نسرف فى احلامنا تجاهه

صدقت

[عطر الجنة]

الشئ المهم فعلا

هل ينفع تنفيذ بعض فقرات البرنامج الانتخابى للمرشح

فى ظل التعديلات الدستورية و التى جائت نتيجتها بنعم

بالطبع لا

يعنى الرئيس القادم مكبل اليدين من قبل ان يرى النور

فلا نسرف فى احلامنا تجاهه

صدقت

بالنسبة للنقطة دى

فقد كنت اليوم مع منسقى حملة ابوالفتوح فى البحيرة

و تناقشت معهم فى تلك النقطة

فقالوا لو نظام الدولة سيكون برلمانى فسيقدم استقالته على الفور

و كم يتمنى ان يكون النظام مختلط

كده تتبدد بعض المخاوف نحوه

[se_ Elsyed]

إبراهيم عيسى بيغش مننا

مقاله اليوم بيتكلم عن سر الخلطة ...

إبراهيم عيسى يكتب: المعركة في مكان آخر

Tue, 05/08/2012 - 11:02

وائل غنيم، الشاب النبيل الذى أنشأ صفحة «كلنا خالد سعيد» التى كانت دعوتها مع جماعة «ستة أبريل» ليوم خمسة وعشرين يناير شرارة ثورة، أعلن عن تأييده لعبد المنعم أبو الفتوح، لكن موقفه لم ينجح فى إقناع والدة خالد سعيد نفسه بما ذهب إليه، فقد أعلنت أم الشهيد تأييدها لحمدين صباحى.

هذه مفارقة كاشفة.

كاشفة لإيه؟

سأقول لك، لكنك مثلى بالتأكيد تعرف شبابا رائعا يدعون لمرشح ما، ولكنهم بكل حماسهم وعصبيتهم وتعصبهم لهذا المرشح لا يفلحون فى إقناع والدهم ولا حتى إخوتهم أو خالهم -على اعتبار أن الخال والد- بالتصويت له (وآباء كثيرون كذلك قطعا لا يقدرون على إقناع أولادهم بدعم مرشح يفضله الأب).

ندخل على ما تكشفه مفارقة أن مؤسس صفحة الشهيد يمنح صوته لمرشح، ووالدة الشهيد نفسه تمنح صوتها لمرشح آخر!

نعم.. المعركة الانتخابية لا يمكن خوضها على صفحات «الفيس» و«التويتر» ولا فى مؤتمرات القاعات المغلقة والمفتوحة بهتافاتها الحارَّة وشعاراتها المخلصة!

لكن أخشى أن بعضنا يتصور أو يتصرف على أساس أن معركة الانتخابات الرئاسية يتم حسمها فى «التويتر». نفس الخطأ المأساوى الذى ارتكبته القوى الاحتجاجية وشبابها وناشطوها فى انتخابات مجلس الشعب، حيث استغرقوا جهدهم، إما فى تجاهل الانتخابات وإما فى الاندفاع نحو الاعتصامات والمظاهرات فكسب الإخوان والسلفيون الانتخابات، وظل حكم العسكر ولم يرحل الجنرالات!

المعركة معركة شوارع والشباب ينجح جدا فى إثارة معركة الشوارع الثورية أو الاحتجاجية.. ولكنه فشل بامتياز فى معركة الشوارع الانتخابية، كما حدث فى انتخابات مجلس الشعب الماضية، لكن يبدو أن شباب القوى الاحتجاجية اهتم أخيرا بالانتخابات، ولكن اهتمامه جاء فى الانتخابات الرئاسية، وهى بالمناسبة غير مهمة!

اهتم قطاع من شباب هذه القوى الاحتجاجية بانتخابات الرئاسة -والتى هى أقل أهمية بكثير دستوريا وعمليا من البرلمانية- فانخرط محموما فى الانتخابات على «الفيسبوك» و«التويتر» كأننا فى معركة استطلاعات رأى، وليست اقتراعا فى الصناديق، ولا أعرف مدى جدوى شبكات التواصل الاجتماعى فى إنجاح مرشحى الرئاسة على الأرض، ويجوز أن نكتشف لها دورا فى نتائج هذه الانتخابات مع إقبال الشباب على التصويت مثلا، لكن المؤكد أن الانتخابات لا تجرى على شاشة الكمبيوتر، والانتشاء الثورى على «التويتر» يرضى أصحابه، لكن لا يقود إلى أى إنجاز، فضلا عن أن شعبية الثورة نفسها والمرشحين باسمها أو المتمسحين بها أو المحسوبين على شبابها فى صناديق الانتخابات محل تساؤل مع احترامى لرضا الثوار عن أنفسهم، بالإضافة إلى أن أكبر عدد من المصوتين فى الانتخابات للمفارقة هو حزب الكنبة الذى نال تقريعا هائلا من شباب «الفيس» و«التويت» ونال شباب «الفيس» و«التويت» هجوما مروعا عليه من مكونات هذا الحزب بشرا وكنبا.. ومن ثم يبدو صعبا أن يستجيب حزب الكنبة لنداء «الفيس» و«التويت» لانتخاب مرشحهم، وإلا فإننا سنشهد أعظم عملية مصالحة فى التاريخ بين توم وجيرى (يبدو لى فى مئات أفلام الكرتون التى شاهدتها لتوم وجيرى أنهما يحبان بعضهما!).

الانتخابات تتم على الأرض وفى الشارع، ومن هنا فإن «الإخوان المسلمين» فى رأيى تستعيد عافيتها وقوتها فى الانتخابات الرئاسية، لأنها غير مستغرقة كثيرا فى الاستسلام للمنشور فى الإنترنت والمذاع فى البرامج ونتائج استطلاعات الرأى المضحكة والمتناقضة!

لاحظ كذلك أن الانتخابات ليست المؤتمرات الانتخابية للمرشحين فى الجامعات أو المحافظات، رغم ما بها من بهجة تريح المرشحين أو توترات تقلقهم، نعم يحتشد مؤيدوه ومهللوه والفضوليون وجمهور الزحمة والعائلات أو القبائل التى تؤدى واجبها لضيفها، بصرف النظر عن تأييدها أو عدمه، كما يأتى أحيانا الشباب المناصر لمرشح آخر للمناكدة والمكايدة والتعليم على المرشح المنافس، لكن المؤتمرات -على أهميتها فى الاستعراض الدعائى والتواصل الشخصى- تنتهى إلى دعم ناخبيك أكثر من جلب ناخبين جدد!

الانتخابات صراع يتطلب من اليوم إلى لحظة إعلان النتيجة نحو خمسين مليون جنيه لإنفاقها على أربعة وخمسين ألف صندوق اقتراع فى مصر كلها ومعركة تنظيم شديدة الإرهاق، فضلا عن التعامل مع خريطة مصر الانتخابية بعد الثورة، وهى ككل مصر مشوشة وضبابية ومرتبكة ومتقلبة وزئبقية وعكرة المزاج، ومن ثم يصبح يوم الاقتراع، بل وأيام الفرز فى منتهى الأهمية المفصولة غالبا عن واقع الإعلام من تليفزيون وجرائد ونت ومحمول!

الانتخابات حاجة تانية خالص!

.

[se_ Elsyed]

وهو ده اللي حصل بالظبط أيام التعديلات الدستورية اللي ودت البلد كلها في داهيه

وغن كان لا أحد يستطيع ان يُشكك فيما كانت يُكتب على الإنترنت

او إستطلاعات الرأي

أو البرامج التليفزيونية

اللي كل المؤشرات كانت بتقول غن التصويت هايبقى بـ لا للترقيعات الدستورية وعاوزين دستور على ميه بيضا

وفوجئنا بالحقيقة الواقعة اللي أيضاً لا شك فيها .. وهي إن المعركة في مكان أخر ...

لأن لسه بدري علينا عشان نُدير معركة فضائية أو إلكترونية في مجتمع 40 % منه أميين كما قولنا .. او نسبة كبيرة منه لا تستخدم الإنترنت وعاوزه اللي ينزل لهم ويتعامل معهم بشكل مباشر ويقنعهم .. حتى لو بفكرة خاطئة كما حدث .

[التونسى]

فى ظل نزاهة الانتخابات ((اللى مشكوك فى أمرها حاليا)) فإن 60 % على الاقل من اوراق الللعبه الانتخابيه فى يد الاخوان ..وباقى ال40% اغلبهم فى يد الاعلام

طبعا فى ظل التلاعب فى النتائج 100% اللى حيوصل للرئاسه هو احد الفلول .. والفلول أتخن واحد فيهم ((وبعيدا عن التزوير)) ممكن يكون فى ايديه 30% من اوراق اللعبه ((مدعما بتأييد اغلب الاعلام العام والخاص)) الى جانب التأييد من اغلب الليبرال والعلمان ((وبعض من حزب الكنبه.. والمرجفين امثالى)) وكذلك الاقباط تبعا للقول المأثور(نار الفلول ولا جنة الاسلاميين) و (لف وارجع تانى يابنى)

عن نفسى طبعا ورغم انى(( مرجف وكنباوى ومنبطح وشبه فلولى )).. لكنى حنتخب باذن الله من يرشحه الاخوان ..ليس انتماءا لهم .. ولكن إيمانا منى بحقهم فى اخذ الفرصه كامله.. وربنا يوفقهم ويوفقنا معاهم فيما فيه صالح البلد ((وليس صالح تيار بذاته))

تم تعديل 8 مايو 2012 بواسطة محمود البصيلى

[عطر الجنة]

فى ظل نزاهة الانتخابات ((اللى مشكوك فى أمرها حاليا)) فإن 60 % على الاقل من اوراق الللعبه الانتخابيه فى يد الاخوان ..وباقى ال40% اغلبهم فى يد الاعلام

طبعا فى ظل التلاعب فى النتائج 100% اللى حيوصل للرئاسه هو احد الفلول .. والفلول أتخن واحد فيهم ((وبعيدا عن التزوير)) ممكن يكون فى ايديه 30% من اوراق اللعبه ((مدعما بتأييد اغلب الاعلام العام والخاص)) الى جانب التأييد من اغلب الليبرال والعلمان ((وبعض من حزب الكنبه.. والمرجفين امثالى)) وكذلك الاقباط تبعا للقول المأثور(نار الفلول ولا جنة الاسلاميين) و (لف وارجع تانى يابنى)

عن نفسى طبعا ورغم انى(( مرجف وكنباوى ومنبطح وشبه فلولى )).. لكنى حنتخب باذن الله من يرشحه الاخوان ..ليس انتماءا لهم .. ولكن إيمانا منى بحقهم فى اخذ الفرصه كامله.. وربنا يوفقهم ويوفقنا معاهم فيما فيه صالح البلد ((وليس صالح تيار بذاته))

وى وى وى

يعنى حضرتك عاوز كل خيوط اللعبة فى ايد واحدة

مجلس شعب ... مجلس شورى .... رئاسة .... اكيد وزارة

و بعد كده من كلام كبرائهم ان كل المناصب العليا ستكون بالانتخاب حتى فى الازهر

صراحة لا اؤمن انها الجماعة المختارة فى الارض

فكيف لعدد حوالى 3 مليون يكون له حد القوامة على 80 مليون

[التونسى]

فى ظل نزاهة الانتخابات ((اللى مشكوك فى أمرها حاليا)) فإن 60 % على الاقل من اوراق الللعبه الانتخابيه فى يد الاخوان ..وباقى ال40% اغلبهم فى يد الاعلام

طبعا فى ظل التلاعب فى النتائج 100% اللى حيوصل للرئاسه هو احد الفلول .. والفلول أتخن واحد فيهم ((وبعيدا عن التزوير)) ممكن يكون فى ايديه 30% من اوراق اللعبه ((مدعما بتأييد اغلب الاعلام العام والخاص)) الى جانب التأييد من اغلب الليبرال والعلمان ((وبعض من حزب الكنبه.. والمرجفين امثالى)) وكذلك الاقباط تبعا للقول المأثور(نار الفلول ولا جنة الاسلاميين) و (لف وارجع تانى يابنى)

عن نفسى طبعا ورغم انى(( مرجف وكنباوى ومنبطح وشبه فلولى )).. لكنى حنتخب باذن الله من يرشحه الاخوان ..ليس انتماءا لهم .. ولكن إيمانا منى بحقهم فى اخذ الفرصه كامله.. وربنا يوفقهم ويوفقنا معاهم فيما فيه صالح البلد ((وليس صالح تيار بذاته))

وى وى وى

يعنى حضرتك عاوز كل خيوط اللعبة فى ايد واحدة

مجلس شعب ... مجلس شورى .... رئاسة .... اكيد وزارة

و بعد كده من كلام كبرائهم ان كل المناصب العليا ستكون بالانتخاب حتى فى الازهر

صراحة لا اؤمن انها الجماعة المختارة فى الارض

فكيف لعدد حوالى 3 مليون يكون له حد القوامة على 80 مليون

أيوه عايزهم يكوشوا على كل حاجه مدام ده حيتم بالأليه الوحيده المتاحه . اى بالانتخاب الحر وبدون تزوير.. ((والتزير ..تزوير ارادة الشعب)) كان احد اهم الاسباب لقيام ثورة 25 يناير والشعره التى قصمت ظهر النظام السابق

انا شايف ان زمام الحكم لازم يبقى فى ايد واحده .. لان الزمام لو فى اكتر من ايد ... الدنيا مش حتمشى .. لان البرلمان لو حيقول شمال .. حنلاقى الرئيس بيقول يمين .. والحكومه بتنفذ عكس ده وده .. ونبص نلاقى البلد بتتراجع .. ده مش معناه انى دكتاتور او ضد المعارضه .. بالعكس .. بس انا عايز اللى يبقى فى ايده اتخاذ القرار هو واحد بس ((اللى حيكون ان شاء الله الاخوان كشخصيه اعتباريه)) .. واللى حيكون مختاره الشعب .. واللى يقول عليه يتنفذ ويسرى على الجميع مدام فى اطار قانونى او حتى اجتهادى

وبكرر لحضرتك انا بعيد كل البعد عن الاخوان او الانتماء لهم .. انتمائى فقط لمصلحة البلد بغض النظر عمن يمسك بزمام الحكم

[عطر الجنة]

معنى كلامك انى اضع البيض فى سلة واحدة

فى ظل قانون غير معروف ينظم العلاقة بين الافراد و البلد اى الدستور

صراحة احنا بننتخب فى ظل غير معرف

زى اللى بيشترى صندوق مقفول

فمثلا ممكن يجى دستور يقول نظام مختلط يبقى كده صراع بين الرئيس و الحكومة و البرلمان

او نظام تشريعى و حيكون كرسى فى كلوب الرئاسة

يعنى الرئيس شرفى

عموما من محاسن الثورة ان كل واحد اصبح حر فى معتقده و الاهم ان عنده اختيارات

لكن امس سالتنى بنتى سؤال

بعد كل الشو الاعلامى حول 13 مرشح ... اين سيذهبون و هل سيكون لهم دور ؟

[Abu Reem]

سبحان الله....انا كنت ناوي اطرح موضوع عن اهمية التصرف في الانتخابات القادمة حتى لا يفوز مرشحي الفلول...ويمكن كلام كتير قاله سي السيد كنت هاقوله بنفس الطريقة

- والاهم انه وفر فعلا تضييع الوقت وذلك عن طريق اختصاره لللمرشحين..الى 5 مرشحين وهذه هي الحقيقة

- لكن كنت ناوي انا اطرح سؤال مهم جدا جدا ، لابد ان نفكر فيه ، ..وادخل في الموضوع:

أول شيء او سؤال يجب ان يطرحه كلا منا على نفسه..هو : من هو المرشح الاول لدى والذي اقتنع بها وببرنامجه تماما..وانوي ان اعطيه صوتي....

- ثم يأتي السؤال الثاني وهو الأهم...: من من المرشحين الاخرين يأتي في الترتيب الثاني ثم الثالث لدي في الترتيب ؟؟؟

ولماذا السؤال الثاني مهم ...من وجهة نظري..السبب هو التالي:

- اذا افترضنا ان سي السيد مثلا يقتنع تماما وسيرشح سليم العوا....لانه في نظره افضل المرشحين ...اذن المنطق يقول ان اقوم بإعطاء صوتي لمن اقتنع به بعقلي وارتاح له كشخصية وكبرنامج....مضبوط......

الإجابة ( لأ ممكن ميكونش مضبوط الكلام ده )...ازاي يا ابوريم...يعني ابقى مقتنع بالشخص وببرنامجه وحاسس انه الافضل والاقوى..ثم ارشح واحد تاني غيره .....

الاجابة :::: ( أيون ) ممكن تكون مقتنع به وترشح واحد تاني غيره...يعني ترشح نمره 2 او 3 في الترتيب اللي وضعته لنفسك في الاول

- ليه يأأبو ريم..ازاي الكلام ده..؟؟

- هنا بقى أهم ما في الامر...واليكم التفسير

يتبع.........!!

[Abu Reem]

- كم هي احتمالية وصول العوا الى المرحلة الثانية....طبعا الذين يتابعون كل المواقع وكل استطلاعات الرأي او حتى لو عملنا تجربة على 100 شخص كعينة عشوائية وسألناهم عن من هو مرشحك الذي ستختاره...سنجد مثلا ان نسبة لن تتعدي 5 % قد تعطي اصواتها للعوا..

- طيب معنى كده ايه..معنى كده ان صوتي راح في الهوا..رغم برنامج العوا الفظيع ورغم شخصيته الجبارة..ورغم ورغم ورغم......اذن نفعني بايه...المنطق..ونفعني بايه اختياري...ولا حاجة

- مش بس كده لأن في حالتنا احنا في مصر وفي حالة كونها اول انتخابات نشك انها قد تكون نزيهه..وفي حالة وجود مجلس عسكري نشك ايضا في نواياه نحو انتخابات نزيهه وفي حالة وجود تحفز من الفلول لإعادة الامر الى ما كان عليه..سيكون اعطائي صوتي لمرشح اعلم تماما بنسبة كبيرة ان فرصته معدومة..هي تصرف خاطيء لاني بذلك منعت صوتي عن مرشح رقم 2 او 3 التي قد تكون فرصهم افضل من مرشحي الرئيسي...

- نفس الكلام ينطبق على الراجل الطيب حمدين صباحي " نصير الفقراء" طيب ايه الحل..يعني ابقى مقتنع ب صباحي وادي صوتي لواحد تاني ؟؟؟؟

للأسف ايوه...لانك في حكم المضطر....لان لما 5 % من الاصوات تروح لصباحي ( وهو مش هيفوز) و 5 % تروح ( للعوا ) وهو مش هيفوز.....ولما كمان 5 الى 10 بالمائة من الاصواته ممكن تتوزع على باقي المرشحين( من غير المحسوبين على الفلول )..يبقى انا كده و:كأنني اعطيت مرشحي الفلول 20 % من الاصوات كهدية ومنحة من السماء..

- طيب ايه الحل ..الحل هو رغم اقتناعنا احيانا باحد المرشحين لكن قبل ان اعطيه صوتي اذا شعرت ان فرصته شبه مستحيلة يبقى لابد ان اعطي صوتي للمرشح رقم 2 في ذهني..ولابد ان يكون المرشح رقم 2 هو احد المنافسين على الفوز لاني اعطائي صوتي لمرشح لن يفوز..معناه انني لم احقق ما اتمناه ولكن في حالتنا في مصر سيكون ايضا معناه إفشالي للثورة لاني ساعدت مرشح الفلول

هذا هو التصرف الصحيح..لاننا في هذه الظروف لا نملك رفاهية الاختيار الامثل ولا نملك رفاهية الامن والامان والعدالة والنزاهة التي تتم بها الانتخابات في الدول المتقدمة....

يعني الخلاصة لو وجدنا ان ابو الفتوح هو صاحب الفرصة الاوفر في المنافسة مع عمرو موسى مثلا...فلابد ان اعطيه صوتي حتى ولو كان في نظري ليس هو الخيار رقم 1 لي....وإلا...لا نلومن الا انفسنا لو لم تأتينا تلك الفرصة التاريخية مرة اخرى لحرية الاختيار بين اكثر من مرشح

تم تعديل 8 مايو 2012 بواسطة Abu Reem

[se_ Elsyed]

على فكرة

الخلطة هاتختلف 180 درجة في المرحلة الثانية ... اللي أكيد هاتحصل .. فمستحيل واحد يحصل على 50%+1 في المرحلة الأولى إلا لو كان المخلوع

إذن شئنا أم ابينا هايبقى في تصويت بالإكراه

إستكمالاً لكلام أبو ريم

لو لا قدر الله أبو الفتوح طلع من المرحلة الأولى وشفيق كمان وحمدين صباحي ... ووصل للنهائيات مرسي وعمرو موسى

فشيء طبيعي إن أي إنسان مصري كان مع الثورة والتطهير .. هايصوت لمرسي حتى لو هو مش مقتنع بالأخوان ...

على العكس .. كل كتلة شفيق .. واللي بين بين هاتروح لعمرو موسى

بس نقدر نقول إن أغلبية الشعب المصري مع الصورة .. وبالتالي المرحلة الثانية أراها بإذن الله محسومة لنا من غير جدال

[ريمون]

نرجع للسؤال الاصلى: ما هى الخلطه السحريه للفوز بالانتخابات

مبدأيا ده ترتيب المرشحين بالنسبه لى:

ابوالفتوح

صباحى

عمرو موسى

مرسى

اى حد قبل شفيق

اغلب اصدقائى المقربين من الاقباط و المسلمين من مؤيدى الثوره و مش محتاج اتكلم معاهم و بكتفى بنشر اخبار المرشحين اللذين اناصرهم

نجى بقى لحزب الكنبه, فبحاول اختار المعارك اللى ممكن اكسبها

يعنى فيه ناس كتير من معارفى لو السما انطبقت على الارض مش هينتخبوا مرشح اسلامى. دول بازقهم على حمدين صباحى لان مفيش فايده من محاوله اقناعهم بابو الفتوح

و فى ناس على الحركرك فبزقهم على ابو الفتوح و صباحى و بابعدهم عن موسى

و اللى بيفكر يرشح فلول بفكره بايام مبارك السوده و ازاى بهدل مصر و رجوع النظام السابق مش هيجيب استقرار لكن هيجيب ثوره تانيه تاكل الاخضر و اليابس

[Abu Reem]

على فكرة

الخلطة هاتختلف 180 درجة في المرحلة الثانية ... اللي أكيد هاتحصل .. فمستحيل واحد يحصل على 50%+1 في المرحلة الأولى إلا لو كان المخلوع

إذن شئنا أم ابينا هايبقى في تصويت بالإكراه

إستكمالاً لكلام أبو ريم

لو لا قدر الله أبو الفتوح طلع من المرحلة الأولى وشفيق كمان وحمدين صباحي ... ووصل للنهائيات مرسي وعمرو موسى

فشيء طبيعي إن أي إنسان مصري كان مع الثورة والتطهير .. هايصوت لمرسي حتى لو هو مش مقتنع بالأخوان ...

على العكس .. كل كتلة شفيق .. واللي بين بين هاتروح لعمرو موسى

بس نقدر نقول إن أغلبية الشعب المصري مع الصورة .. وبالتالي المرحلة الثانية أراها بإذن الله محسومة لنا من غير جدال

بس لازم يا باابو عمر...منطمنش قوي كده انه هناك جولة تانية...ليه..

لان العسكر اكيد بيفكروا زينا وعارفين نتائج استطلاع الرأي...وبالتالي همه ممكن يكونوا عارفين ان لو دخلنا في مرحة تانية ممكن معظم اصوات مرسي مثلا تروح لابوالفتوح..او ممكن لو ابو الفتوح اللي خرج من الجولة الاولى ، ان معظم اصوات ابو الفتوح تروح لمحمد مرسي

لذلك ممكن جدا يحاولوا يحسموا الامور من الجولة الاولى لصالح عمرو موسى ( رغم صعوبة ده في رأينا احنا )..

- خد بالك من حاجة تانية مهمة جدا....ماذا لو فكروا ان يجعلوا موسى - شفيق هم طرفي النهائي...

كده تبقى مصيبة طبعا.....وعلى فكرة ده وارد جدا لان التشتيت الحاصل بين الاصوات على كل من ( ابو الفتوح ، ومرسي) ممكن هذا التشتيت يقفز باحمد شفيق كمرشح رقم اثنين وراء عمرو موسى....

- بصراحة انا ارى ضرورة اذا وجدنا ابو الفتوح يتقدم في استطلاعات الرأي ان نقوم بعمل دعوة لكي يتنازل مرشح الاخوان لصالح ابو الفتوح......هذا اقل واجب يجب ان نفعله لنقلص من احتمالية فرصة فوز احد مرشحي الفلول

تم تعديل 8 مايو 2012 بواسطة Abu Reem

[Abu Reem]

نرجع للسؤال الاصلى: ما هى الخلطه السحريه للفوز بالانتخابات

مبدأيا ده ترتيب المرشحين بالنسبه لى:

ابوالفتوح

صباحى

عمرو موسى

مرسى

اى حد قبل شفيق

اغلب اصدقائى المقربين من الاقباط و المسلمين من مؤيدى الثوره و مش محتاج اتكلم معاهم و بكتفى بنشر اخبار المرشحين اللذين اناصرهم

نجى بقى لحزب الكنبه, فبحاول اختار المعارك اللى ممكن اكسبها

يعنى فيه ناس كتير من معارفى لو السما انطبقت على الارض مش هينتخبوا مرشح اسلامى. دول بازقهم على حمدين صباحى لان مفيش فايده من محاوله اقناعهم بابو الفتوح

و فى ناس على الحركرك فبزقهم على ابو الفتوح و صباحى و بابعدهم عن موسى

و اللى بيفكر يرشح فلول بفكره بايام مبارك السوده و ازاى بهدل مصر و رجوع النظام السابق مش هيجيب استقرار لكن هيجيب ثوره تانيه تاكل الاخضر و اليابس

تصرفك ده رائع ياريمون....وهذا اقل واجب تفعله تجاه بلدك...يعني انا النهارده مثلا اخيرا اقنعت اسرة..اعرفها كانت تريد ترشيح موسى...وعلى فكرة همه اساسا كانوا زعلانين على مبارك..وشايفين ان الثورة تسببت في وقف الحال.....والغريب انهم لم يكونوا من المستفيدين مثلا من النظام السابق..بس مش عارف ليه كانوا بيحبوا مبارك وليه كانوا عاوزين يرشحوا عمرو موسى

المهم يعني اقنعتهم بالعافية ، من منطلق انه يعني بقالنا 60 سنة في حكم العسكر من ايام عبد الناصر وحتى مبارك...قلت لهم يعني لازم نعمل زي فرنسا زي امريكا..ماهم عايشين زي الفل..ومع ذلك لازم يجربوا..مرة يختاروا ديموقراطي ، ومرة جمهوري...وفي اسرائيل مرة ليكود ومرة العمل...

مرة يميني مرة يساري..رغم انهم في جميع الاحوال عايشين كويس.لكن التغيير ممكن ان يطرح ابتكار ورؤى جديدة ورفاهية اكتر..وتجربة جديدة...اما الثبات فده لا يمكن يحقق تقدم ولا يمكن ان يخلق تنافس..فيظل الحال كما هو

المهم قالوا لي ممكن نرشح ابو الفتوح....بدلا من موسى..ونشوف...

لو كل واحد عمل كده..ممكن يبقى فيه امل...

تم تعديل 8 مايو 2012 بواسطة Abu Reem

[se_ Elsyed]

على فكرة

الخلطة هاتختلف 180 درجة في المرحلة الثانية ... اللي أكيد هاتحصل .. فمستحيل واحد يحصل على 50%+1 في المرحلة الأولى إلا لو كان المخلوع

إذن شئنا أم ابينا هايبقى في تصويت بالإكراه

إستكمالاً لكلام أبو ريم

لو لا قدر الله أبو الفتوح طلع من المرحلة الأولى وشفيق كمان وحمدين صباحي ... ووصل للنهائيات مرسي وعمرو موسى

فشيء طبيعي إن أي إنسان مصري كان مع الثورة والتطهير .. هايصوت لمرسي حتى لو هو مش مقتنع بالأخوان ...

على العكس .. كل كتلة شفيق .. واللي بين بين هاتروح لعمرو موسى

بس نقدر نقول إن أغلبية الشعب المصري مع الصورة .. وبالتالي المرحلة الثانية أراها بإذن الله محسومة لنا من غير جدال

بس لازم يا باابو عمر...منطمنش قوي كده انه هناك جولة تانية...ليه..

لان العسكر اكيد بيفكروا زينا وعارفين نتائج استطلاع الرأي...وبالتالي همه ممكن يكونوا عارفين ان لو دخلنا في مرحة تانية ممكن معظم اصوات مرسي مثلا تروح لابوالفتوح..او ممكن لو ابو الفتوح اللي خرج من الجولة الاولى ، ان معظم اصوات ابو الفتوح تروح لمحمد مرسي

لذلك ممكن جدا يحاولوا يحسموا الامور من الجولة الاولى لصالح عمرو موسى ( رغم صعوبة ده في رأينا احنا )..

- خد بالك من حاجة تانية مهمة جدا....ماذا لو فكروا ان يجعلوا موسى - شفيق هم طرفي النهائي...

كده تبقى مصيبة طبعا.....وعلى فكرة ده وارد جدا لان التشتيت الحاصل بين الاصوات على كل من ( ابو الفتوح ، ومرسي) ممكن هذا التشتيت يقفز باحمد شفيق كمرشح رقم اثنين وراء عمرو موسى....

- بصراحة انا ارى ضرورة اذا وجدنا ابو الفتوح يتقدم في استطلاعات الرأي ان نقوم بعمل دعوة لكي يتنازل مرشح الاخوان لصالح ابو الفتوح......هذا اقل واجب يجب ان نفعله لنقلص من احتمالية فرصة فوز احد مرشحي الفلول

عمرو موسى وشفيق في النهائي ؟

على أساس إنهم الإتنين هايخدوا 75 % مثلاً من الأصوات .. والسلفيين والأخوان وشباب والثورة والمثقفين هاُصابوا بفقدان ذاكرة أو يتنوموا مغناطيسياً ويصوتوا لهم ؟

ده يبقى مش تزوير ... ده فُجر يا أبو ريم وساعتها أنا هاكون في مصر إن شاء الله وأول واحد هاروح مبنى وزارة الدفاع أجيب طنطاوي من قفاه وأسحله لحد التحرير

[Abu Reem]

طيب شوف كده يا ابو عمر

- 20 % ابو الفتوح

- مرسي برده ممكن نقول 20 %

-----------------

- كده فاضل 60 %

------------------

نقول موسى 25 %

ونقول شفيق 22 %

----------

كده يبقى فاضل 13 % وزعهم بقى على الباقيين

يعني تقسيم منطقي برده...وهتلافي ان موسى وشفيق همه الاول والثاني وبفارق بسيط عن الاخرين..وهذا نتيجة النزاهة والشفافية والمهلبية

وصدقني يا ابو اعمر انا خايف...لانه كله بالصندوق وكله بالديموقراطية...واهي الدفاتر دفاترنا ومحدش هيفتش ورانا.......وطبعا اللي هيتجرأ ويقول انزل مظاهرة لو فاز شفيق...ساعتها انت عارف....هيكون عدو الديموقراطية ومن ( أعداء الوطن ياباشا)