أكذوبه التعدى على وزراة الدفاع

[متعب]

مش عارف دايما ال بيجيب من الاخر بيبقى وحش

الاخر بتاع الليله دى . اننا قام اكاذيب وافتراءات من خير جنود الارض واتباعهم

اولا انا مش بس ضد مظاهرة العباسيه انا ضد اى مظاهرة بعد الثورة تكون سلميه مع عالم زى دى نهائى

وانا قلت ليهم انسحبوا والمواجهه خسرانه مع ناس زى دى

ال بيحصل من الاخر ان ده كله منظم من قبل خير جنود الارض . كل المظاهرات دى كلها منظمه منهم ورجالتهم متواجده فى كل مصيبه والشعارات لجر الشباب الى فخ الانتقام كل ما تهدى المواقف . عشرات الالاف متواجده فى السجون حاليا من الشعب بدون اى تهم ايا كانت . يلاقوا الجو هدى يفتعلوا موقف لاثارة الناس زى قانون او موقف قذر . الناس تثور وتعمل مظاهرة وينقضوا عليها ويحولوها لمذبحه لحبهم فى الانتقام ويكون زريعه لده انهم يسجنوهم ويهتكوا اعراضهم

يعنى الغرض كله الانتقام من الشعب على قيامه بالثورة على مبارك وعلى النظام . وده ال واضح جاليا للجميع

جرايمهم اتباعهم بيحولوها الى بطولات . هما يسفكوا الدماء والاعراض ويطلعوهم ضحايا . وطبعا الرجاله جاهزة فى كل مصيبه لفبركه اى حقائق ايا ان كان سيان بالصور او بالفيديو او بالتركيب . يعنى كل المظاهرات ال ضدد الجيش بتكون مترتبه من التحريات العسكريه وده بيحصل لما بيكونوا خلاص تم تشفيتهم تماما فى الناس ال قبلهم . فبيحتاجوا دفع جديده . بفتعلوا اى مواقف ليها لجر شباب جديد وبالمرة نستغل المواقف اكتر للالقاء القبض على رموز بعينها للثورة والتهم تكون جاهزة

طيب ايه الفرق بين مظاهرة العباسيه بتاع عكاشه ومظاهرة العباسيه برده بتاعه ولاد ابو اسماعيل

مظاهرة عكاشه بتكون محميه تماما من اى مواقف . غيرها بتكون القتل والسحل

اولا احنا قدام اكذوبه واضحه لاعمى القلب والنظر ان المظاهرة الاخيرة كانت للاقتحام وزارة الدفاع . وده محصلشى اطلاقا. بس رجالتهم على النت واعلامهم صورها للناس كده . على ارض الواقع هتولى ده بالصور او بالفيديوهات

الاحداث كلها حصلت فى مسجد النور واجمالى الاحداث كلها كانت بعيده كل البعد عن وزارة الدفاع

يبقى ايه ال جاب القلعه للبحر ؟

ال حصل تم جر بعض الشباب لاقتحام الاسلاك ال هى بينها وبين الوزارة يجى ميت بلد عشان تكون زريعه لقتلهم او القبض عليهم والتنكيل بيهم

لكن مفيش حد اقتحم حاجه وكل ده كالعاده تلفيق وافترا . وناس تانيه كانت فى نفس العباسيه منهم بترعب سكان المنطقه بالتسلق على العمارات والسرقه عينى عينك من قبل ناس لابسه مدنيين تابعه ليهم برده لارهاب الحى نفسه والصاق ده بالشباب او يوصل انهم السبب فى الانقلات الامنى ال صار فى العباسيه

واسر كتير جدا اترفع عليها اسلحه واتسرقت وانتهكت اعراضها اثناء الاشتباكات نفسها بين الجيش والشباب

وعلى ما يشبعوا رغباتهم فى تعذيب الشباب ال تم القبض عليهم . برده هيفتعلوا شىء اخر وهكذا

كل جرايم العسكر من بعد الثورة اتحولت بقدرة قادر لبطولات خارقه والرجاله جاهزة لده

يحرقوا مصر ويقتلوا الناس ويروعوا الخلق والنتيجه ابطال الابطال ونسمع احلى الرنات من زوى الاخلاق الرفيعه على الانترنت والمواطنين الشرفاء

والشعب طبعا ولا يعرف فى عرفهم معنى الشرف . هما بس ال بيخروا شرف ومبادىء ومثل وقيم عليا

عملت ايه ياعم الشرف والفضيله فى البلد الى الان . ولا حاجه غير الارهاب للشعب واثارة الفوضى وترهيب المارة وسرقتهم . والمحاكمات العسكريه

طيب ياعم الشرف عملت ايه فى تسليم البلد للمدنيين. انته مش قلت بعد سته شهور هتسيب البلد وتسلمها ومسلمتش حاجه . ليه بقى

الاجابات جاهزة من رعاياهم . سيان بقى اجابات عبيطه او غبيه مش مشكله . نسمع الايجابات . قصدى السخافات

هو مش القوى السياسيه ال طلبت ده وطلبت اعطائهم فرصه عشان يكونوا احزاب

ياحلولى

طيب مهما خلاص كونوا الاحزاب . هأو .

طيب مهى نفس القوى السياسيه دى ال بيتطالب الان فى كل شوارع مصر برحيلك . اشمعنه بقى

ولا هو الطلبات على تارة وتارتين . مصر كلها بتقولك امشى روح فى الف سلامه . متسمع بقى كلامهم . ولا السمع هنا تقل

الزبده بتاعه الحدوته ان ال بيحصل هو انتقام من الشعب فقط لاغير

الشعب بيعاقب على ثورة على الفلول والفلول هى ال بتحاكمه على ده لكن مفيش واحد من الفلول اتحاكم

والسؤال هنا .

هل لو الشعب مسلح كانوا علوا فيه كده .؟

استحاله طبعا . والدليل تحالفهم مع الاخوان خوفا منهم لانهم عارفين انهم شويه ارهابين وسهل جدا حصولهم على سلاح والمواجه معاهم خسرانه . لكن المواجهه مع شعب اعزل هى دى ال مكسب

ومات الكلام

[متعب]

http://www.youtube.com/watch?v=CYF09VYJGcI&feature=g-logo

اللعب بقى على المكشوف وال مش عاجبه يخبط دماعه فى الحيطه

البلطجيه دول مش بنشوفهم فى المظاهرات المؤيده للجيش نهائى او فى مظاهرات عكاشه

تخصصوا بس مظاهرات الشباب

وكأن البلطجيه اكثر وطنيه من شباب مصر وحبهم للبلد والاستقرار يفوق مئات المرات الشعب المصرى

بلطجيه عندهم مبدء لايتجزء

عمرنا ما سمعنا عن اى انتهاكات لرموز النظام من نفس البلطجيه .

وده بيعنى ان الشعب هو يستاهل البلطجه والترويع لكن رموز النظام ولا الهوى

وبرده مش هنشفهم يوم الجمعه القادمه فى مليونيه تأييد الجيش .

بس ياريت يلبسوا الجزم الملكى بدل البياده الميرى فى المليونيه القادمه

[متعب]

http://www.facebook.com/notes/yehia-salah/%D8%A7%D8%BA%D9%8A%D8%AB%D9%88%D8%A7-%D8%A7%D9%87%D9%84%D9%83%D9%85-%D9%8A%D8%A7%D8%B4%D8%B1%D9%81%D8%A7%D8%A1-%D8%A7%D9%84%D9%82%D9%88%D8%A7%D8%AA-%D8%A7%D9%84%D9%85%D8%B3%D9%84%D8%AD%D8%A9/409301855757708

الهاتف الذى تحاول الاتصال به قد يكون مشغولا بترتيب احداث اخرى للتشفى فى قتل الشعب