ساعدوني بسرعة في اختيار اسم للنونو

[se_ Elsyed]

إخص عليكي ... ما كنتش احب أسرار الإشراف تطلع بره وتتنشر على الملأ

إحنا مش خلصنا من أم الموضوع ده وأقنعتك بـ " سيدهم " عشان الحسد ؟

وإذا كان ولا بُد يبقى سميه عُمر .. ودلعيه وقولي له يا سيدهم

على فكرة .. ما عرفتش حد إسمه عُمر إلا وبيبقى عفريت ....

عُمر مجنن اللي جابوني ...

لسه الضهر النهاردة كان معايا في العربية ... والدنيا حر موت .. درجة الحرارة بقت 45 عقبال عندكم ... وقولت اضحي به .. ركنت قدام المطعم وقولت له خد الفلوس وانزل المطعم يا عمر هات فرخه ونص ومعاهم مكرونه مش رز ..

لقيته بعد شوية راجع لي بنص فرخه بس .. فقولت له .. فين ام الفرخة الباقية ؟

فقال لي : مش إحنا إتعلمنا في الأرابيك إن ذهب عمر إلى المدرسة = عُمر ذهب إلى المدرسة ؟

فقلت له : مال النحو والصرف ده بالفراخ ؟ يابني الفراخ ماتت من الجوع .. قصدي أخواتك جعانين

قال لي أنا فكرت وقولت إني لو جبت كلمة نص فرخه في اول الجملة هي هي زي لو جت النص بعد الفرخة

قلت له : انا أستاهل ضرب الفرخة لو قولت لك إشتري حاجه تاني

خليكي في سيدهم وهاتدعي لي أحسن ما تسمي عُمر وتمشي تكلمي الفراخ في الشارع

[Om Zayd]

يا رب يبارك فيه و في اخواته و كل أولادنا

يا رب

و يفرحنا بيهم

عشان ازود الحيرة

:closedeyes:

معتصم

سراج

سليمان

عمار

[عبير يونس]

استاذ آل مصريم

ميرسي يا فندم ع الاقتراح و الغنوة

باهي

الرومانستيك ده بيتعمل ازاي؟؟؟

هه؟ هه؟

طب انا حأنقع الرز احتياطي

:unsure:

سين سين

و الله اني فعلا كنت قايلة عمر

بس اما افتكرت حكاياتك عن الابن المبجل عمر خفت

و كلامك دلوقت أكد مخاوفي

هو انا ناقصة

أم زيد

الله يسامحك

هو انا ناقصة حيرة

:sad:

[اثار]

الف مبروك يا عبير وحمدالله علي سلامتك

ربنا يباركلك في النونو واخواته بأذن الله

اكتر اسميين بحبهم ونفسي لما ربنا يكرمني اسميهم

عمر ويوسف

ومن اجمل الاسماء محمد - ابراهيم - يحي - آدم

بس نصيحة لوجه الله اوعي تسميه

مبارك او جمال لو خايفه علي مستقبله

[Om Zayd]

بس نصيحة لوجه الله اوعي تسميه

مبارك او جمال لو خايفه علي مستقبله

يبقى توكلي على الله و سميه

:closedeyes:

معتصم

[باهى الطائر الحزين]

شوفى ياستى :

الرومانستيك ده بيتعمل ..

من وش الفخده ' مش بتاعت السرير

لاء دى قطعه فى العجل ' بتتبل فى

المسترده وصوص التارتار ..

لاء الولد ماعملهاش

دى حاجه خاصه بالمأكولات البحريه

لو عندك وقت لمدة تلت سنين اكمل

جعيدى يعنى جعيدى

وش مطلع لسانه

[Alshiekh]

أحمد

أو

أحمد فؤاد

[التونسى]

محمد

[Alshiekh]

محمد

يعني يبقى محمد محمد؟

[ريمون]

الف مبروك يا مدام عبير. يتربى فى عزك

لو متمانعيش ممكن تقوليلنا اسم زوجك؟ علشان نشوف وزن الاسم

انا عن نفسى بحب اسامى يوسف و ادم

لو عاوزاه يبقى اسمه فى اول الصف الدراسى اختارى ادم لو عاوزاه فى الاخر اختارى يوسف :)

[التونسى]

محمد

يعني يبقى محمد محمد؟

عادى .. ابوتريكه مثلا .. اسمه محمد محمد محمد ابوتريكه .. وحاول يسمى ابنه سيف بنفس الاسم لكن ادارة تسجيل المواليد رفضت .. وليا صحاب كتير من ايام الاعداديه والثانويه اسمهم محمد محمد .. اصل ماشاء الله عبير عندها سبع اولاد .. وشئ محمود فى رأيى لو يبقى فيهم من اسمه محمد عشان يبارك بقية اخواته .. ربنا يحفظهم جميعا ويجعلهم عون وسند لابويهم

[Hesham Zaki]

الف مبروك وانا سميت براء وممكن حبيب او آدم

[mamdowh]

أستاذ ممدوح

ميرسي يا فندم ع القائمة المهيبة دي

بس تعرف حضرتك

" منقول" ده عجبني اوي

:closedeyes:

انا كنت هاختارة على الأقل يبأى سهل معاكى تنقليه هنا تنقليه على السرير أو الكنبه, بدل ما نقول ونعيد jmb-)

[عادل أبو عمر]

النهاردة البيبي أخد التطعيم الاول

و كانوا مصرين يسجلوا اسمه

رجوت الدكتورة ان تكتفي بكتابة طفل عبير الشرقاوي

لأني لسه ما استقرتش على اسم

في اقتراحات كتيرة للأسماء

و ده مزود الحيرة

ممكن تساعدوني؟؟؟ بسررررررررعة

:blush2:

عمر

عمار

مهند

براء

سفيان

مازن

و اللي عنده اقتراحات يتفضل مشكورا

حمدالله على سلامة حضرتك يا مدام عبير و ألف مبروك

ربنا يبارك لحضرتك في أولادك و يفرحك بيهم

اقترح لحضرتك .. عمر

[EsoWay]

مبروك

ربنا يحفظه

بقترح يس ( ياسين )

تم تعديل 30 أبريل 2012 بواسطة EsoWay

[عبد الله غريب]

توكلي على الله و سميه:

صخر

[hOuSsAm]

حمدا لله عالسلامة يا مدام عبير

طبعا تسميه حسام :))

هى دى عايزة كلام ؟؟؟؟

----------------------

انا بهذر

عن نفسى بحب اسم عمر

بس حاسس ان الافضل محمود محمد احسن من عمر محمد

مديرى كان اسمه محمود محمد :))

ولو معجبكيش سميه عوكل او بوحة الصباحي محمد :))

[samehmagdy]

الف حمد الله على سلامتك وعلى سلامه النونو يا مدام عبير

ربنا يجعله زريه صالحه ويقر عينك وقلبك بيه

ايه رايك فى اسم

مصطفى

ياسين

معاذ

بس فى الاول والاخر اسم الاب هو اللى بيفرق علشان وزن الاسامى مع بعض

[عنبو]

حمداً لله على السلامه يا مدام بيرو

توكلى على الله وسميه حازم

وان معجبكيش حازم سميه حازم برده

انا يستغرب ازاى الناس عايشين من غير ما يسموا اولادهم حازم

_______________________________________________

سيبك من اليى فوق ده وتوكلى على الله وسمى الولد

حازم اكيد يعنى انت تفتكرى انى هغير رأى يعنى

[عطر الجنة]

ربنا يملاه بركة

و يجعل ايامه خير و سعادة و بر

اختارى احب الاسماء لنفسك

و اعتقد ان لازم الاسم مع اسم الاب يعمل جملة موسيقية

يعنى انا مثلا كان نفسى اسمى انس لكن والد ابنى اسمه يبدأ بحرف السين

لذا كان صعب تركيبة الاسمين مع بعض

و لما فقت من البنج اعترضت على الاسم الذى تم تسجيله

ماله اسم احمد

تم تعديل 30 أبريل 2012 بواسطة عطر الجنة