شارتك خضرا

[أشرف حسين]

زحمة أتوبيس

واحد مغلّي

بيغطي الرعشه ف منديلُه

قرب حبه اخد الشكه

ابعد يا خسيس

وانا ايه ذنبي

ماعامود النور واقف بيكُح

و اهو حجب الشوف

بعفار الشارع من تاني

بجموع البشر الرغايه

و كلاكس التاكسي الشرّاني

ليه صحّاني

صحّاني و صحاه ولاد الكلب

الخوف و الرعب

عملين غدّيوه على حشايا

و انا جوايا

الناس و الشارع و حبيبتي

طلعين نجري

من غول الدوشه ابو رجل اسفلت

و ياريتني ما خفت !!

عصفور و اتدق على قفايا

قام طار بدري

ياما كان نفسي

تتسحب يدي و تحضنها

و نصلي فروض الخوف بينا

لا فى نص السكة تتوه قصه

و نتوه منا

لا يضيع حسي

كما ضاعت انتي

ولا من شايف

و لا من طنّش

و لا من يدري !!