الإخوان ترشح الشاطر للرئاسة بأغلبية الأصوات

[eslam elmasre]

الصراع بين الاخوان والمجلس العسكري هو صراع على السلطة

المجلس قالها وش ومن الاخر

عايز خروج امن ونصوص دستورية صريحة تعتبر المؤسسة العسكرية خط احمر وعدم مساءلة المجلس العسكري او ملاحقته بالجرائم التي تمت في خلال الفترة الانتقالية واصدار قانون التصالح مع عصابة طرة واعطاءه الحق في تعيين الوزارات السيادية مثل الخارجية والداخلية والدفاع والمالية والاعلام ومعهم البترول

طبعا كل هذا بعد ان اكل الاخوان اكبر مقلب في حياتهم عندما ظنو ان استحواذهم على مجلس الشعب يعني استحواذهم على الحكم والسلطة لكن فوجئو بانهم اشترو الترماي وان المجلس ليس له اي صلاحيات سوى الكلام الذي لا يسمن من جوع

وبعد ان افاقو من الصدمة حبو يفلسو في اللعبة اللي لعبوها ورضو بقواعدها من الاول فوجدو المجلس العسكري يكشر عن انيابه ويظهر وجهه الحقيقي الذي ياما حذرهم منه الثوار لكن الطمع وشهوة الامتلاك تغلبت على نصائح المخلصين بل وبدأو يهاجمو هؤلاء المخلصين ويتهمونهم بالتمويل تارة وبانهم اصحاب اجندات اجنبية

الاخوان افتكرو انهم لسه معاهم كروت ممكن يلعبو بيها مع المجلس في لعبتهم قامو مرشحين خيرت الشاطر كنوع من التهديد

يعني احنا استحوذنا على مجلس الشعب مش عاجبك طب هانستولى على الرياسة وورينا هاتعمل ايه

طبعا الكلام ده بعد فوات الاوان بعد ما الشعب كشفهم وعرف انهم طماعين وما عندهمش القدرة على العمل والاصلاح وانهم فنجرية بوء ومش واخدين بالهم ان الاغلبية الصامتة اللي بتنجح اي واحد هاتروح تقف جنب المجلس العسكري ومع مرشحه لان الناس وثقت في الاخوان وكانت ثقة مش في محلها

للاسف

الاخوان خسرو الجميع في خلال فترة وجيزة والجميع تركهم يواجهون شراسة المجلس العسكري وحدهم لانهم تداسو على الجميع من اجل ان يشترو الترماي

[ssmaly]

الظاهر الان اما ان تكون مع الاخوان ومرشحهم او مع المجلس العسكرى ومرشحهم والحقيقة النتيجة مرتبة مسبقابالانتخاب او بالتزوير والمادة 28 تمنع الطعن فى النتيجة

انا سوف امتنع عن المشاركة فى تمثلية الانتاخابات

[الدكتور ياسر]

والله العظيم احترت في أمر الإخوان ..

صدعوا رؤوسنا بعدم تقديمهم لأى مرشح رئاسي منذ الثورة و حتى اليوم ..

وأعلنوا تبرئهم من ابنهم أبو الفتوح الذى كاد أن يصل إلى موقع المرشد لإعلانه

دخول سباق الترشح , وبعد أن حاز أبو الفتوح بالشعبية العريضة واصبح يقف ندا لأيو اسماعيل

وبدلا من أن يدعموه ويحوزوا احترام قطاعات كبيرة من الشعب بمختلف ايديولوجياته يقومون

بالقاء كرسي في الكلوب باقحام الشاطر , وبالتالى تضعف فرصة الثلاثة أبو الفتوح وأبو إسماعيل

والشاطر نفسه !!

أى عبث هذا؟!؟!

إذا كان الإخوان قد أدركوا أخيرا ضرورة الدفع بمرشح فلماذا لا يدعمون ابنهم أبو الفتوح !؟!؟

إذا كان قد خرج عن ميثاق الجماعة , فلماذا لم يقدموا المصلحة العليا لمصر فوق كل مصلحة ؟؟

أم أن هناك مصالح أخرى لا نعلمها ؟!؟!

لو وصل شفيق أو موسى لمقعد الرئاسة من جراء هذا الفعل الذى أراه غير مسئول فلن يرحم أحد الإخوان ..

[متعب]

ما يقع إلا الشاطر

طيب متجيبولنا بقى بالمرة بطولاته الخارقه والفيديو الشهير له

(قولوا يناس لامن الدوله . عمر الظلم ما قوم دوله )

وكده يبقى بطل الابطال

حاكم احنا قاعدين هنا نسمع من الابطال وبقيه الشعب ده غنم

[أسد]

كش ملك

[ام سلمي]

يبقى سيب وأنا أسيب يا معلم

- هاتسيبني اخرج خروج أمن ومافيش قضايا تترفع عليه ولا بهدلة ولا بورش ... وتسيب لي حته من الميزانية والهبابير

- في المقابل انا مش هالغوص لك في موضوع الحزب الديني ولا مجلس الشعب ... وهاسيب لك فوقيهم تشكيل الحكومة يا معلم

الاستاذ الفاضل سي السيد

لو فرضنا ان وجهة النظر دي سليمة و ان المجلس العسكري كان عايز الصفقة دي ، و ان الاخوان ما وافقوش علي الوضع الخاص للعسكري في الدستور

و لذلك المجلس العسكري رفض يسيب لهم الحكومة ، طبعا لحد هنا الاخوان يبقي تصرفهم ده كويس بعدم قبول صفقة زي كدة

لكن السؤال دلوقتي ليه نزول الشاطر يعتبر كارت تهديد للعسكر رغم ان حضرتك بتقول انهم عارفين انه مش حيقدر يكسب بسهولة وان شعبية المرشحين التانيين كبيرة ؟

يعني مش كان افضل مثلا لو هما عايزين الحكومة يتفقوا مع احد المرشحين الموجودين زي ابو اسماعيل او ابو الفتوح انهم يدعموه في مقابل يختار الشاطر

رئيس لحكومته ، و ده كان حيبقي اتفاق مقبول لان الشاطر فعلا كفؤ انه يمسك الحكومة واكيد حيبقي احسن كتير جدا من الجنزوري مثلا

انا فعلا مش قادرة افهم سبب منطقي لتصرف الاخوان ده

[Mr MAGED]

أسوأ قرار تم اتخاذه حتي الأن من وجهة نظر الشعب .. ولكن من وجهة نظر الأخوان والمجلس العسكري هذا هو القرار الأمثل

ولنلاحظ جميعا ً أنهم قالوا مرشح الأخوان .. ولم يقولوا أنه مرشح حزب الحرية والعدالة!!!

مع كامل الاحترام لشخص خيرت الشاطر وتاريخه السياسي .... فهل نرضي أن يكون لرئيس دولتنا مرجعية ؟؟؟

كيف نقارن بين أشخاص ثبتوا علي مبدأهم من أول يوم .. .وبين من انتظر قرار المرشد .. كيف نطلب من أبو اسماعيل أو أبو الفتوح بالتنازل

لمصلحة من هذا الهراء السياسي !! بعد أن كنا نعترض علي حكومة رجال الأعمال .. نأتي الأن برجل أعمال ليكون رئيسا ً !!!

عندما كنا نقول حكومة الحزب الوطني .. كان رئيس الجمهورية هو رئيس الحزب الوطني .. لذا فلم تكن له مرجعية يرجع اليها

كيف يتخذ الأخوان مثل هذا القرار وهم يعلمون أنهم بهذا يفتتون أصوات الاسلاميين علي ثلاثة .. والنتجية الحتمية هي سقوطهم جميعا ً

إلا إذا كان هذا هو المطلوب !!!!! فهل هذه هي الصفقة !!! هل خيرت الشاطر هو المرشح التوافقي الذي لن يعادي المجلس العسكري !!!

أم أن خيرت الشاطر سيكون هو العامل الرئيسي في فوز مرشح المجلس العسكري ؟؟

اذا كان الأخوان يريدون ترشيح أحد قياداتهم ... فلماذا لم يؤيدوا أبو الفتوح .. وإيه يعني لما يرجعوا عن قرار عدم تأييده

طيب ما هما رجعوا عن كل القرارات والوعود اللي خادوها قبل كده .. اشمعني دي يعني !!!

لا حول ولا قوة إلا بالله العلي العظيم

[se_ Elsyed]

برافو يا مستر ماجد

والله العظيم كنت داخل اكتب الجُملة دي

- أيها المصري الثائر الحزين .. هل ترضى ان يكون مرشح بلدك بيشتغل عند المُرشد وبيلطع الكريمة على إيده كل ما يشوفه وما ينفعش يروح يعمل بيبي إلا اما ياخد الأذن من المُرشد ولو قال له لأ .. إمسك نفسك أصلحك الله .. يقول سمعاً وطاعة سيدي اللورد حتى لو جالي إمساك ؟

مش ده اللي بيحصل بالفعل ولا هانكذب على نفسنا ؟

مرة أخرى ... فهمتوا كلامي بقى بتاع حزب الأخوان واخوان الحزب وكله خلطبيطه وكذب ؟

لأ ويقول لك .. مستحيل . ده كيان منفصل تماماً وماحدش له دعوه بحد

بُصوا حتت الأستربتيز دي من عصام العريان

حتى لو مش في الأخبار

دي أنا سمعتها بوداني من جميع قيادات الإخوان اللي لا مؤخذه مسلمين

بذمتكم في عُري اكتر من كده ؟

[se_ Elsyed]

يعني مش كان افضل مثلا لو هما عايزين الحكومة يتفقوا مع احد المرشحين الموجودين زي ابو اسماعيل او ابو الفتوح انهم يدعموه في مقابل يختار الشاطر

رئيس لحكومته

أقول لحضرتك ليه

خلونا نكون واقعيين ... الإنسان طماع بطبعه .. وتخيلي بقى لما يبقى طماع وكذاب .. شوفتي الكوكتيل العجيب ؟

ما بين الإخوان والسلفيين ما صنع الحداد في السياسة .. وبالتالي لو جالهم واحد زي أبو إسماعيل فها يلغوص لههم في سبوبة الحكومة .. خصوصاً لو حصلت ضغوطات زي دلوقت عشان النظام ما يبقاش برلماني كامل .. يبقى كده السيطرة هاتبقى ناقصة حته ومش هاتنفع الطبخة طالما فيها واحد مش منهم

ليه ما دعموش أبو الفتوح ؟

اذا كان الأخوان يريدون ترشيح أحد قياداتهم ... فلماذا لم يؤيدوا أبو الفتوح .. وإيه يعني لما يرجعوا عن قرار عدم تأييده

هو نفس سؤال حضرتك ونفس سؤال كابتن ماجد

لأ طبعاً مستحيل يؤيدوا أبو الفتوح لأن بكده هايفتح على نفسهم مفاتيح هما مش قدها .. وعشان ما يحاربوش على 50 جبهة كفاية المشاكل اللي عندهم ...

أبو الفتوح راح الحمام من غير ما يستأذن وياخد إذن بابا المرشد .. وبالتالي خالف مبدأ السمع والطاعة ولا تجادل يا أخ حسن .. فلو عفوا عنه ودعموه ... يبقى وإحنا مغمضين كده .. هايفتحوا عين شباب الإخوان بالذات على الموضوع ده اللي هايتكرر كتيرررررررررررر ... أه إشمعنى أبو الفتوح عمل كده وسامحتوه ؟

-----------

وزي ما قولت لكم .... هي لعبة قذرة ... عشان أضرب بطلباتي في العلالي وأبقى ماسك زمام الأمور

فاز الشاطر ... خير وبركة وبها ونعمة .. والبلد جت لنا .. ولا حدش قدنا وهاتبقى عزبة إخوانية يمشي فيها المرشد ما يجيبش أخرها

ما فازش وده الإحتمال الكبير لأنها عملت فتنه في الشارع المصري اللي كتير منه كان هايؤيد أبو إسماعيل وأبو الفتوح وضرب هذا المعسكر في مقتل .. في حين معسكر الفلول متماسك زي ما هو وعامل شغل عالي وإحتمال كده تروح لهم على طبق من دهب ... يبقى إحنا بعون الله نكلفت الدستور اللي مش معروف له هوية .. ونخلي الرئيس الفلول ده خيال مآتة ونستولى على غنيمة رئاسة الحكومة ....

وبكده نبقى كسبانين على طول الخط

----------

لكن خلوا بالكم

إحنا شعارنا إيه ؟

ويمكرون ويمكر الله ، والله خير الماكرين

يعني كان غيرهم اللي مرمي في السجن ده أشطر

لان لا هي بلد الإخوان ولا هي بلد الفلول ... لكنها بلدنا احنا

[se_ Elsyed]

اللهم صلي عالنبي

ويا ترى المرشد إرتقى لدرجة نبي مُرسل ولا لسه ؟

-الإخوان اتخذوا قرارا يوم 10 فبراير 2011 و أكدوه في شهر إبريل 2011

لأ معليش يا حزنبل .. التواريخ بعافية شويه عند حضرتك .. لأن ده حصل لحد 31 مارس 2012 اللي هو إمبارح ... يعني لحد الصبح كانوا بيطنطنوا وبيكذبوا وبينسحبوا من لسانهم وبيقولوا مش هاندعم حد وكل ما يُشاع عن ترشيح خيرت الشاطر كذب كذب كذب .. انا كنت خايف المرشد يعيط ويتشحتف وهو بيقول كده ويهدد إنه هايلم هدومه ويروح يقعد عند امه من ظلم الناس وإفتراهم على الجماعة

أما من ينتقد قرار الإخوان لحاجة في نفسه ولم يكن في يوم من الأيام مؤيدا لهم ولا محبا لهم بل كان دائما متصيدا لأخطائهم مسارعا في اتهامهم بالباطل والكذب ،نقول له : لم نسعى يوما إلى رضاك لأننا نعلم أنك لن ترضى عنا ولن تتوقف عن الصورة المسبقة التي بنيتها في ذهنك من إعلام فاسد محرض يمول من فلول النظام ومن عملاء امريكا في الداخل والخارج فتوقف أو لا تتوقف عن نقدك لنا فنحن نعلم طبيعة دعوتنا و أنها لن تسلم من النقد سواء حقا أو باطلا لذا فلن نجتهد في الرد عليك بل سنوفر وقتنا وجهدنا لمن أراد أن يستبين الحق و الله من وراء القصد وهو يهدي السبيل

لأ حضرتك مش واخد بالك

دعوة إيه وبتاع إيه وإحنا في معترك سياسي يخص بلدنا مصر وليس أمراً دينياً على الإطلاق

واخد بالك .. مصر بلدنا مش بلدهم

اما موضوع الإعلام الفاسد والفلول وعملاء امريكا والحركات القرعة دي ... فما بتخيلش علينا لأننا ما بناكلش من الأونطة ...

ولن نتوقف عن نقد من رغب في العمل السياسي في

فين ؟

في مصر بلدنا مرة اخرى .. واخد بالك ؟

أما تشبيهاتك بموقفهم بما فعله النبي .. فلا تعليق لأن النبي عُمره ما كان كذاب ولا أتخذ الكذب طريقاً يحقق منه منفعة أو مكسب مهما كان ...

ولكم حق تقولوا اكتر من كده .. ومش بعيد فعلاً يتم التأكيد على إن يوسف الصديق بُعث من جديد في صورة الشاطر اللي بإذن الله متأكد إن الطير هاياكل من رأسه لأنه كذاب وانضم لجماعة كلهم كاذبون

وتذكر هذه الأية جيداً

وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏

[ام سلمي]

التحدى الأكبر لخيرت الشاطر

.

.

.

.

.

.

.

.

. هيجيب مكان لبوستراته منين ؟

منقول

[الدكتور ياسر]

والله العظيم احترت في أمر الإخوان ..

صدعوا رؤوسنا بعدم تقديمهم لأى مرشح رئاسي منذ الثورة و حتى اليوم ..

وأعلنوا تبرئهم من ابنهم أبو الفتوح الذى كاد أن يصل إلى موقع المرشد لإعلانه

دخول سباق الترشح , وبعد أن حاز أبو الفتوح بالشعبية العريضة واصبح يقف ندا لأيو اسماعيل

وبدلا من أن يدعموه ويحوزوا احترام قطاعات كبيرة من الشعب بمختلف ايديولوجياته يقومون

بالقاء كرسي في الكلوب باقحام الشاطر , وبالتالى تضعف فرصة الثلاثة أبو الفتوح وأبو إسماعيل

والشاطر نفسه !!

أى عبث هذا؟!؟!

إذا كان الإخوان قد أدركوا أخيرا ضرورة الدفع بمرشح فلماذا لا يدعمون ابنهم أبو الفتوح !؟!؟

إذا كان قد خرج عن ميثاق الجماعة , فلماذا لم يقدموا المصلحة العليا لمصر فوق كل مصلحة ؟؟

أم أن هناك مصالح أخرى لا نعلمها ؟!؟!

لو وصل شفيق أو موسى لمقعد الرئاسة من جراء هذا الفعل الذى أراه غير مسئول فلن يرحم أحد الإخوان ..

انتقد الشيخ وجدى غنيم ترشيح حزب الحرية والعدالة، للمهندس خيرت الشاطر، لرئاسة الجمهورية وقال "والله ستحاسبون أيها الإخوان على تلك الفتنة..

واضاف متسائلا لماذا لم تدعموا أخوكم حازم إذا كان فعلا الغرض هو الدين؟".

وأضاف غنيم على صفحته الشخصية على "تويتر": "بات من الواضح أنكم تتعرضون لأشياء من تحت الطاولة، لا يعلمها إلا الله، من كثرة الرجوع فى القرارات، واتباع أساليب السياسة نفسها التى كان يتبعها المخلوع مبارك، وهى سياسة المرحلة، إلى أن تتسللوا على ما تريدون".

وتابع: "لقد فقد الكثير من الناس الثقة فيكم، بسبب الخداع والتلاعب بمواقفكم المذبذبة، التى جعلتنا نشك، وبل نتأكد أن هناك اتفاقات غير شريفة، وغير واضحة، بينكم وبين الخونة، من المجلس الخائن للثورة، وللشعب المصرى، واحذرو من أن تأمنوا للعسكر، كما أمن له من كانوا قبلكم، فوضعهم فى السجون".

الرباط الخاص بي

[طارق مصرى]

بجد برافو يا هيئة الارشاد تستاهلوا جايزة قيمة جدا من اعداء الجماعة و الكارهين للتيار الاسلامى

اللى مقدرش يعملوا امن الدولة بكل جبروته عملتوه انتم

برافو عليكم تصعيب موقف المرشحين الاسلاميين

برافو عليكم تسهيل موقف مرشحين الفلول

برافو عليكم تشويه صورة الجماعة و نضالها

برافو عليكم خروج اعداد من كوادر الجماعة منها

برافو عليكم الفرقه و تشويه العمل الاسلامى

برافو عليكم اسقاط ثقة شباب الجماعة فيكم

حسبى الله و نعم الوكيل فيكم

[الغريب]

متستعجلوش يا جماعة

إن شاء الله خير

أكثروا من الأستغفار

إن شاء الله ربنا هيكرم بلدنا

[se_ Elsyed]

التحدى الأكبر لخيرت الشاطر

.

.

.

.

.

.

.

.

. هيجيب مكان لبوستراته منين ؟

منقول

صباح الخير يا أم سلمى

[Mr MAGED]

جماعة الأخوان وكل المنتمين لهم من ساعة ما خدوا قرار ترشيح الشاطر .. وهما عمالين يبرروا للناس هما خدوا القرار ليه بعد ما كانوا وعدوا بعدم الترشيح ..

وعمالين يعرضوا السيرة الذاتية للشاطر ويعرفوا الناس بيه ... هو حد قالهم ان الشاطر مش عاجبنا .. أو احنا معترضين علي شخصه وقدراته وكفائته

بغض النظر عن كونه رجل أعمال واحنا أساسا ً كنا بنعترض علي حكومة رجال الأعمال .. نقوم نجيب رئيس رجل أعمال .. معلهش هنعمل نفسنا مش واخدين بالنا

هما حاسين ان القرار غلط عشان كده عمالين يبرروا ويصوغوا الحجج !! .. لو هما شايفين ان القرار صح انا شايف ان مافيش داعي للتبرير كل شوية ..

لأن كثرة التبرير بتضعف الموقف مش بيقويه

تم تعديل 1 أبريل 2012 بواسطة Mr MAGED

[se_ Elsyed]

أحد التعليقات الحراقة

''مبارك كان عنده علاء وجمال وعمل فينا كده، الشاطر عنده 10 أبناء و16حفيد، اللى جاب لك يخليلك يامصر، يتربوا فى عزك''

[ام سلمي]

راي فاضل سليمان في قرار الاخوان بترشيح الشاطر

د.فاضل سليمان على حسابه على تويتر

١- سألني المهندس خيرت عن رأيي في ترشيح الجماعة لإسلامي منذ أسبوع فكانت إجابتي هي "كان من زمان يا باشمهندس، أما بعد الموقف من أنصار أبوالفتوح

2- فمن المستحيل أن تتراجع الجماعة لأن معنى ذلك أنك تضع الشباب في موقف صعب بأن ترشح لهم إسلامي آخر من خارج الجماعة و إبن الجماعة مرشح

3- و لم يكن في حسباني إطلاقا ترشيح أحد الأعضاء بل كان مستبعدا جدا عن ذهني

عندما سمعت الخبر الليلة و كنت أدرس في الأكاديمية الإسلامية في قاعة مؤتمرات الأزهر نزل على الخبر كالصاعقة و رفضت التعليق عليه لجهات إعلامية

4-و أخذت أفكر في الأسباب التي دفعت ٤٣ عضوا بمجلس شورى الجماعة لتغيير موقفهم بعد أن كان الموافقون من ٤ أيام ١٣ فقط

5- من معرفتي بهم و معايشتي لهم ١٧ سنة عرفتهم ربانيين و مخلصين (بلاش شتايم)، لذلك أحسست أن الأمر لا يمكن يكون غرضه ضرب أبوالفتوح و لكن شئ آخر

6-الكلام لدكتور عمار و لؤي نجاتي: الذي دفع الإخوان للدفع بمرشح هو أن العسكري أعطاهم برلمان بلا صلاحيات و لا يستطيعوا حتى تشكيل وزارة

7- لذلك أعتقد أنه ستحدث إنسحابات من بعض المرشحين لصالح خيرت الشاطر و منهم حازم أبو إسماعيل و د. العوا، و لكن الخوف من الصدام بين الإخوان و العسكري الذي لا يريد السماح بذلك، لذلك أتوقع نزول العسكري على طلبات الإخوان بتشكيل وزارة مقابل عدم ترشح الشاطر

8- هتقول لي بس الشاطر ترشح خلاص. هقول لك أنه مازال يحتاج لإبراء ذمة من التهم التي سجن بسببها و رد الإعتبار لا يكفي قانونا

9- أرجو ممن يقول بس هم قالوا مش هيرشحوا حد أن ينضج شوية لأن هذه المثالية غير موجودة في السياسة و يمكن للإنسان مراجعة قراراته بس هذا معناه

10- أن أبوالفتوح لم يخطئ لمخالفته قرار الجماعة لأنه رأى مصلحة الوطن في ذلك و هذا ما فعلته الجماعة نفسها فيما بعد

11- لا تتسرعوا فالأيام القادمة في جعبتها الكثير، واذهبوا للبقالة و خزنوا مخزونا كبيرا من الكركديه فستحدث فيه أزمة كبيرة في الأيام القادمة

[hanzalah]

أنا سعيد بالقرار ده

أولاً هو قرار طبيعي لأن مفيش حزب بيشكل أغلبية برلمانية في أي دولة في العالم ولايكون له دخل في تشكيل حكومة ولا يدفع بمرشح رئاسي

هذه بدعه ما سبقنا إليها أحد من العالمين .. ولو صدقناها نبقى غلطانين طبعا

عجيبه .. بس انت مكنتش راضي عن أداء الاخوان وهاجمت تيار الاسلام السياسي

طبعا

طب إيه غيرك ..كده فجأة

الحقيقه أنا لم أتغير

أنا فقط أقول أن مافعلوه طبيعي جدا .. وسعيد ليه .. لانه سيعجل من كشف الصورة أمام من كان يظن ان الرؤية ضبابية او متوقف لمزيد من الايضاح

اظن انه لا مجال لمزيد ايضاح الآن

نأتي لجوهر الموضوع

هل نحن فعلا نفهم اتجاه الشارع المصري والناخب المصري .. أم ترانا نكلم أنفسنا في فضاء افتراضي فقط لاغير

بكلمات اخرى .. هل الصندوق سيأتي بالشاطر رئيسا لمصر .. أقول نعم وبنسبة كبيرة

لماذا .. لاننا أخدنا وقت طويل جدا ف الكلام ثم صحونا على مفاجأة استفتاء نعم - لا

ثم اخذنا وقت أطول ف الكلام ثم صحونا على مفاجأة اكتساح مجلسي الشعب والشورى

ثم سنأخذ وقت أطول وأطول ف الكلام .. ونصحو على مفاجأة اكتساح مرشح الاخوان لانتخابات الرئاسة

هل تذكرون مفاجاة حزب النور في انتخابات مجلس الشعب .. أظن مفاجأة بالمعنى الحقيقي للكلمة .. طب ايه كانت ردة فعلنا نحن الاغلبية الصامته التي تقول انها واعية

ولا حاجه

فعلا ولا حاجه

فينا من قال إنهم خدوا اصوات بالعشرين جنيه او بالتخويف من النار والجنه وان من يختار هذا المرشح سيرضى الله عنه إلى غير ذلك من تبريرات

جميل

بس برضه في دنيا الواقع هما فازوا و أصبحوا في موقع قياده واحنا لازلنا على مقاعد المتفرجين

بكيس سكر بزجاجة زيت بالجن الازرق .. هما فازوا يا جماعه الخير .. خلاص .. خلصت

وواضح انهم فازوا لاسباب كتير قد نحللها صح وقد نجهلها تماما

يجوز لان تيار الاستقطاب ولان المزاج العام للمصريين يميل للتشدد على عكس ما نظن .. يجوز

نفس الشيء .. أخشى ان نجلس نفس الجلسة بعد انتخابات الرئاسة ونقول .. مين كان يصدق .. الاخوان جاءوا بخيرت الشاطر على مقعد الرئاسة

أو نقول .. ياخبر .. حازم صلاح رئيس مصر بجد

أو نقول .. يرحم الله الثورة .. الصندوق لعب فيه العسكر وجابوا لنا شفيقق بلوفر .. يا فرحت أبله ظاظا فيا

ماهو ياجماعه احنا على الارض غير فاعلين

حد فينا حاول يزود وعي الناس اللي شايفيهم مش واعيين .. محصلش

حد فينا فكر يدعم ابو الفتوح او غيره من المرشحين بأي وسيلة فاعلة .. محصلش

يبقى الرسالة وصلت

[الدكتور ياسر]

#رصد | د. كمال الهلباوي - المتحدث الرسمي السابق للأخوان المسلمين في الغرب، فى حواره مع الاعلامية منى الشاذلي

-لم أرى هذا التخبط والتردد في الأخوان في ظل أي قيادة سابقة للإخوان.

- أين الإخوان الذين كانوا يقولون: لو وجدنا من الأمة من يقوم بالعبء فنحن له جنود!

- طريقة المنافسة التي أراها تشبه الحزب الوطني وانا حزين ان اقول هذا.

- انا مشفق على من نربي من الشباب.

- فكرت كثيرا وأنا في الطريق وقررت أن أستقيل من الأخوان المسلمين...لا أستطيع أن أتحمل!...

دخلت الأخوان عشان أدخل الجنة مش لازم أدخل رياسة...دخلت لكي أتعلم قيم وعلموني فعلا قيم...

- لما الأخوان يقولوا شيء في ابريل الماضي ثم يعودوا فيه الآن!

ويتخذوا موقف شاذ من أبو الفتوح لأنه كان أسبق في النظرة وقريب من باقي التيارات..و الآن يقولوا نحن أخطأنا.

- أرى تمثيليات...وعدم شفافية....وعدم مصارحة

- يقابلني رجل الشارع العادي في الشارع والمواصلات ويسألني: ليه الاخوان بيعملوا كده؟!

- أرجو أن يعين الله الشباب حتى لا يشتركوا في هذا التردد والتخبط الذي يصيب الجماعة..

- لا أدعو للانشقاق... ولكن أتمنى التصحيح...الأشرف للأخوان أن يعتذروا...فما الفرق بين ابوالفتوح او حازم ابو اسماعيل او العوا وبين الشاطر؟..

فالمرشحين الحاليين فيهم الكفاية!

- الكلام عن المباديء في الخطبة التي ألقاها الأخوان..مثل الحزب الوطني...أنا معدتش آكل من الخطب.. الشعب عايز أعمال...

وقيم ومباديء..الدعوة بريئة من هذه المناورات ..الدعوة تحب الخير لكل الناس...

تم تعديل 1 أبريل 2012 بواسطة الدكتور ياسر