أشرف حسين بتاريخ: 26 مارس 2012 تقديم بلاغ مشاركة بتاريخ: 26 مارس 2012 {يا ذو الجلال} يـ اللي انت كاتب خطوتي عندك هناك قبل الميلاد عبدك المبدور على طين البلاد دابّحُه السؤال؟ أنا أيه زرعت وأيه جنيت من دُنيتي ؟ مشواري طال أتهد حيلّي و ما اهتديت من يوم مـ اتفتح الباب للـ تِيه فـ دوايري بـ دوُر نفس الوشوش نفس الشتات باب الحياه لذّه و ممات كل الحاجات نفس الحاجات ! أهديني يا هادي لـ عتبة بيت لـ بصيص من نور يمكن أشوف يمكن أعود أنسان برئ سيبتُه هناك فين مـ ابديت {يا ربنا} يـ اللي بـ يديك مفتاح مناصي بحكمه منك جيت الحياه بدون أستشاره و بـ ضعف مني بكتب معاصي لو حكمه منك غيرت سكَك الرجوع! {يا ربنا} أديني(شاره) يمكن أعافر و رتضي أني أنتهي فين مـ انتهيت ! البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
فولان بن علان بتاريخ: 26 مارس 2012 تقديم بلاغ مشاركة بتاريخ: 26 مارس 2012 ياه يا أشرف اسعدت ليلتي وكأنك يا أخي أنا ممكن يكون توارد الخواطر كده تعرف سنة كاملة وأنا في استخارة وعملتها شفت البشارة وقررت أعود برئ قررت انتهي فين ما ابتديت رغم الاتهام بالجنون أشكرك بحجم اللي عاد من أشياء أدام الله عليك نعمة الابداع وقولوا للناس حسنا رابط هذا التعليق شارك المزيد من خيارات المشاركة
عبير يونس بتاريخ: 26 مارس 2012 تقديم بلاغ مشاركة بتاريخ: 26 مارس 2012 يااااااااااارب وريني البشارة نفسي أخرج م المغارة و من على قلبي زيح الحجارة و خللي نورك قصادي ف الصدارة نفسي أشوف نفسي على حقيقتها نفسي ما انخدعش جوة متاهتها تعبت منها و من مناهدتها و من دلعها ويا قسوتها خليك يا ربي حكم ده انت العدل الحق و احكم مابيننا ظالماني هي و الا لأ لو كنت ظالماها وليها عليا حق انا محقوقة لها و حقها على راسي نفسي بالي يروق و فكري يكون راسي دي توهة الفكر وجعها مر اوي وقاسي يارب وريني البشارة وخللي نورك قصادي في الصدارة أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
التونسى بتاريخ: 27 مارس 2012 تقديم بلاغ مشاركة بتاريخ: 27 مارس 2012 بدون مجامله قصيده من أروع وأبدع ما قرأت خلال الفتره الحاليه :clappingrose: جمالها فى إنها طالعه من القلب ... منفوخ فيها روح الصدق .. ومتزينه بصور شعريه لا هى متكلفه او هشه ... كل صوره بتعبر عن معناها فى تناغم وانسجام وترابط .. سلمت يمناك استاذ اشرف .. وشكرا للاخوة الافاضل الذين شاركوا بمساجلتهم التى أثرت الطرح اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
shahd بتاريخ: 27 مارس 2012 تقديم بلاغ مشاركة بتاريخ: 27 مارس 2012 الله عليك.. صح لسانك طـــــــفولــــة شــــــهـــد رابط هذا التعليق شارك المزيد من خيارات المشاركة
أشرف حسين بتاريخ: 28 مارس 2012 كاتب الموضوع تقديم بلاغ مشاركة بتاريخ: 28 مارس 2012 ياه يا أشرف اسعدت ليلتي وكأنك يا أخي أنا ممكن يكون توارد الخواطر كده تعرف سنة كاملة وأنا في استخارة وعملتها شفت البشارة وقررت أعود برئ قررت انتهي فين ما ابتديت رغم الاتهام بالجنون أشكرك بحجم اللي عاد من أشياء أدام الله عليك نعمة الابداع يبدو و كأننا في توارد و تقاطع لخطوط حياه و ليست خواطر فقط يا فلان حقيقي انا كمان بقى لي كتر من سنه كنت مستني(أشاره)لكن الفرق انها جات لكن عكس طريقك تماما....خلاص ضاقت بجد و أستحكمت حلقاتها !! خلاص مفيش رجوع ... واحد و عشرين سنه مش شويه يا صاحبي عارف ... وكأن طعم الاغترابه بقى عادي و تطعم العوده اصبح مُر..مُر وصعب قوي كل شئ سيبته هناك زمان استوحش و اتغير للاسواء لا..لا خلاص زمان كنت لسه شتله صغيره دلوقتي جذوري مدت برّه ارضي و لو نزعت نفسي ببساطه كده ها دبل موت بشويش !! فكر كويس قبل اي خطوه....ليك وحشه يا فلان نفسي اقراه لك حاجه قريب تحياتي .... البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
أشرف حسين بتاريخ: 28 مارس 2012 كاتب الموضوع تقديم بلاغ مشاركة بتاريخ: 28 مارس 2012 يااااااااااارب وريني البشارة نفسي أخرج م المغارة و من على قلبي زيح الحجارة و خللي نورك قصادي ف الصدارة نفسي أشوف نفسي على حقيقتها نفسي ما انخدعش جوة متاهتها تعبت منها و من مناهدتها و من دلعها ويا قسوتها خليك يا ربي حكم ده انت العدل الحق و احكم مابيننا ظالماني هي و الا لأ لو كنت ظالماها وليها عليا حق انا محقوقة لها و حقها على راسي نفسي بالي يروق و فكري يكون راسي دي توهة الفكر وجعها مر اوي وقاسي يارب وريني البشارة وخللي نورك قصادي في الصدارة في قمة السعادة بنعيش صراع مع روحنا و في أحلك اللحظات بنعيش صراع حتى في أوقات الهدوء و السكينه برضه بيعيش الإنسان نفس الصراع الصراع هيفضل موجو و للابد طالما العقل بيفكر و يقرر و القلب بيحس و بيمانع.. المشاعر و طبيعة الحياه طريقين مختلفين في الاتجاه و قدرنا اننا نحاول نمشي فيهم في نفس اللحظه و بتزان و إلا تتوه روحنا منا كلامك اللي فوق وشوش لي بكده مش انا يمكن التعبير عن النفس ببساطه و عمق معادله صعبه عندي لكن عند عبير الشرقاوي مجرد فضفضه لا و وليدة اللحظه كمان(اللهم لا حسد);) يهدّي ربي روحك و سرك ست الكل البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
عبير يونس بتاريخ: 28 مارس 2012 تقديم بلاغ مشاركة بتاريخ: 28 مارس 2012 يا نهار أبيض كل ده عليا أنا !!!:blink: ده من ذوق حضرتك و الله يا أستاذي ميرسي على الدعوات و لك مثلها آمين أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
Salwa بتاريخ: 29 مارس 2012 تقديم بلاغ مشاركة بتاريخ: 29 مارس 2012 ياه يا أشرف اسعدت ليلتي وكأنك يا أخي أنا ممكن يكون توارد الخواطر كده تعرف سنة كاملة وأنا في استخارة وعملتها شفت البشارة وقررت أعود برئ قررت انتهي فين ما ابتديت رغم الاتهام بالجنون أشكرك بحجم اللي عاد من أشياء أدام الله عليك نعمة الابداع يبدو و كأننا في توارد و تقاطع لخطوط حياه و ليست خواطر فقط يا فلان حقيقي انا كمان بقى لي كتر من سنه كنت مستني(أشاره)لكن الفرق انها جات لكن عكس طريقك تماما....خلاص ضاقت بجد و أستحكمت حلقاتها !! خلاص مفيش رجوع ... واحد و عشرين سنه مش شويه يا صاحبي عارف ... وكأن طعم الاغترابه بقى عادي و تطعم العوده اصبح مُر..مُر وصعب قوي كل شئ سيبته هناك زمان استوحش و اتغير للاسواء لا..لا خلاص زمان كنت لسه شتله صغيره دلوقتي جذوري مدت برّه ارضي و لو نزعت نفسي ببساطه كده ها دبل موت بشويش !! فكر كويس قبل اي خطوه....ليك وحشه يا فلان نفسي اقراه لك حاجه قريب تحياتي .... أخى الاستاذ اشرف ..... بالتأكيد ان شاء الله لى عودة هنا مرة أخرى .لكنى اردت التعليق و..(( الفضفضة )) على ردك على أخى الفاضل فولان بن علان....(( سبق لى ايضا ان تحدثت معه فى نفس موضوع الغربة . كلمتك .. زمان كنت لسه شتله صغيره دلوقتي جذوري مدت برّه ارضي و لو نزعت نفسي ببساطه كده ها دبل موت بشويش !! يااااااااه .......ده هو نفس احساسى ولو انى بخدع نفسى على طووووول ....عارف ليه؟؟؟ عارف ليه؟؟؟ ليييييييه؟؟ لأنى عايشة جوة مصر اللى تركتها وانا لسا حتى مكملتش جامعة ..... هى دى الحقيقة . لاينفع ترجع زى ماكنت (( مجرد شتلة لسا صغننة وعايزة تكبر ف أرضها )) ولا ينفع تشيل جذور عملتها ف غربتك وتحاول تزرعها ف أرض تانية حتى لو كانت ارضك انت.. ولا ينفع تاخد فروعك واوراقك وتقول حاعيش ف ظلها .. راجعة لك هنا تانى .. لأنى دلوقت مش حاقدر اكتب . خلينى شوية ...ابطل تفكير ...(( وارجع هنا تانى )) :clappingrose: (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
أشرف حسين بتاريخ: 29 مارس 2012 كاتب الموضوع تقديم بلاغ مشاركة بتاريخ: 29 مارس 2012 (معدل) بدون مجامله قصيده من أروع وأبدع ما قرأت خلال الفتره الحاليه :clappingrose: جمالها فى إنها طالعه من القلب ... منفوخ فيها روح الصدق .. ومتزينه بصور شعريه لا هى متكلفه او هشه ... كل صوره بتعبر عن معناها فى تناغم وانسجام وترابط .. سلمت يمناك استاذ اشرف .. وشكرا للاخوة الافاضل الذين شاركوا بمساجلتهم التى أثرت الطرح الزجال المتمكن .. محمود البصيلى لـ ما اكتب كل الشرف ان ينال استحسانك اغبط اطرائك اللطيف يا صديق(بل ريقي ولله) و اتمنى ان اكون عند حسن ظنك و الجميع بـ قدر مـ استطيع لك خالص مـودتي و أكثر تم تعديل 29 مارس 2012 بواسطة أشرف حسين البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
أشرف حسين بتاريخ: 29 مارس 2012 كاتب الموضوع تقديم بلاغ مشاركة بتاريخ: 29 مارس 2012 الله عليك.. صح لسانك ما جدوا الثناء عليك او على أجمل(صح لسانك)في اللغه ان كانت أجمل من كل ثناء! من زمان بسمعها منك يا مدام شهد و لسه بتسعدني :happy: لا يحرمني ربي مرورك العطر ابدا البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
أشرف حسين بتاريخ: 29 مارس 2012 كاتب الموضوع تقديم بلاغ مشاركة بتاريخ: 29 مارس 2012 أخى الاستاذ اشرف .....بالتأكيد ان شاء الله لى عودة هنا مرة أخرى .لكنى اردت التعليق و..(( الفضفضة )) على ردك على أخى الفاضل فولان بن علان....(( سبق لى ايضا ان تحدثت معه فى نفس موضوع الغربة . كلمتك .. زمان كنت لسه شتله صغيره دلوقتي جذوري مدت برّه ارضي و لو نزعت نفسي ببساطه كده ها دبل موت بشويش !! يااااااااه .......ده هو نفس احساسى ولو انى بخدع نفسى على طووووول ....عارف ليه؟؟؟ عارف ليه؟؟؟ ليييييييه؟؟ لأنى عايشة جوة مصر اللى تركتها وانا لسا حتى مكملتش جامعة ..... هى دى الحقيقة . لاينفع ترجع زى ماكنت (( مجرد شتلة لسا صغننة وعايزة تكبر ف أرضها )) ولا ينفع تشيل جذور عملتها ف غربتك وتحاول تزرعها ف أرض تانية حتى لو كانت ارضك انت.. ولا ينفع تاخد فروعك واوراقك وتقول حاعيش ف ظلها .. راجعة لك هنا تانى .. لأنى دلوقت مش حاقدر اكتب . خلينى شوية ...ابطل تفكير ...(( وارجع هنا تانى )) :clappingrose: أرجو تفادي أبرد سكاكينك يا أستاذتنا و النحر يكون سريع و خاطف و على الشريعه في انتظار التنفيذ :sad: البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
باهى الطائر الحزين بتاريخ: 29 مارس 2012 تقديم بلاغ مشاركة بتاريخ: 29 مارس 2012 مش عارف اكتب ايه بعد قامات سبقتنى كل ما ادخل ارجع اخرج تانى وربى حياء عدوى اللدود خاطر طايح وخيال سارح وقلم نشيط صاحب الفكره الجهنميه / اشرف وان اذنت لى فى مساحه ؛ ترحيب خاص بصاحب الاصابع الحرفيه ( فلان بن علان ) وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
أشرف حسين بتاريخ: 29 مارس 2012 كاتب الموضوع تقديم بلاغ مشاركة بتاريخ: 29 مارس 2012 مش عارف اكتب ايه بعد قامات سبقتنى كل ما ادخل ارجع اخرج تانى وربى حياء عدوى اللدود خاطر طايح وخيال سارح وقلم نشيط صاحب الفكره الجهنميه / اشرف وان اذنت لى فى مساحه ؛ ترحيب خاص بصاحب الاصابع الحرفيه ( فلان بن علان ) لا لا لا .. انت بالذات ليك رخصة خاصه بالتحليق هنا زي ما تحب و وقت ما تحب :happy: اعتبر صفحتي عشّك يا طائر و تأكد ان رأيك يهمني جدا اشكر وجود روحك العذبه هنا يا عزيزي . . . أه....على فكره فلان صاحب بيت قديم البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
Salwa بتاريخ: 29 مارس 2012 تقديم بلاغ مشاركة بتاريخ: 29 مارس 2012 وجيت ...وعملت استخارة ..وانتظرت البشارة ..وجت لى الاشارة . كن كما كنت . كتبت عليك الغربة ياانسان .. كتبت؟؟ أى نعم...واخترتها ..ولالالالالالالا مفر. الناس بتتغرب وتسأل ؟؟ يعنى ايه كلمة وطن؟؟؟ ...واحنا خلاص عدينا المرحلة دى وبدأنا نسأل نفسنا ...يعنى ايه كلمة غريب ؟؟؟ يعنى ايه كلمة مهاجر ؟؟؟ يعنى ايه ؟؟؟ وصلنا لمرحلة .......( بلا أى غرور ) ذكاء الأحساس .أو...ذكاء الأحاسيس والمشاعر . وقدرنا نوصف وضعنا ......بلا أى خجل . يظهر الانسان لما بيكبر ف السن وبيشعر انه ( ناضج الفكر ) ...لايخجل من اظهار مشاعره الحقيقية . لايخجل ...لايتجمل . يعنى ايه ...ف يوم صحيت وقلت ......هو ده القرار الصح ..انا ماشى . مهاجر .لالالالالالالالالا.....مسافر كام سنة وراجع... يعنى ايه ؟؟ يعنى حضرت شنطتى .......فيها كل أحلام المستقبل . يعنى مشيت...والكل بيبكى على فراقى .......وانا اللى بواسيهم وبطمنهم ( وانا مش عارفة لى مستقبل ...,ياترى حايحصل ايه ؟؟) يعنى ( من غير ما اشعر ) قطعت الحبل ( اللى مش سرى ) بينى وبين جدتى وبين أمى واخواتى واهلى ....حتى لو كنت فاكرة انى حافضل عايشة معاهم (( بجواباتى وتسجيلاتى الصوتية ) خدعة كبيرة لأنك بتنفصل عن كل روتينيات حياتهم. يعنى ايه؟؟ يعنى سافرت .وعارف انك حاترجع تلاقى اصحابك ..اما مشيوا بلاد تانية .او...ماتوا ( مانت مش عارف حاترجع امتى والا مش حاترجع بلدك )..انسى الزيارات الخاطفة . يعنى ايه؟؟ يعنى الخلاصة انك بتسافر .......وتقطع كل شئ وراك...كل الماضى (( بتوهم نفسك بالعكس )) يعنى ايه؟؟ يعنى بتسافر لبلد .ممكن تكون مش بتتكلم نفس لغتك ........وتحاول تندمج ف ثقافة مهياش ثقافتك.. بتعيش خايف ......مانت مهاجر ......عايش باقامة ...خايف ف يوم ترجع من نص الطريق بتفكر (( حايقولوا عليا ايه؟؟ )) مستنى الأيام تعدى .....رغم انك مش عارف حايحصل فيها ايه؟؟ يعنى ايه؟؟؟ بتشوف ولادك بيكبروا .سعداء ...مش حاسين بالبركان اللى بيثور من وقت للتانى جواك.. سعداء ..عايشين ومش حاسين...اننا مش من نفس بلدهم .( !!! ) . يعنى ايه؟؟ يعنى جواك ....شايف ولادك بتحيى علم تانى ...وانت بتعتز ( بعلمين ) .. خايف ولادك يضحوا .......علشان بلدهم .......ومش قادر تعمل اى شئ . مانت كمان عاشق لبلدك. يعنى ايه؟؟ يعنى بتتعذب لو حسيت ان صاحب البلد الأصلى ( بيحقد عليك لأنك ناجح ) بيقولك من غير قولان ....دى بلدى أنا .وانا كنت اولى بالخير اللى انت فيه . يعنى ايه؟؟؟ ولساا بتسألنى يعنى ايه ؟؟؟ يعنى تبكى لوحدك....وتخاف لو جالك تليفون من بلدك..تخاف تسمع اخبار مش عاوز تسمعها . يعنى تضحك مع ناس بتتكلم معاك بطريقة تانية وبلغة تانية وانتوا بتاكلوا أكل متعودتش عليه وتضحك على نكت مش بطعم نكتة من نكت بلدك وتدندن بأغنية مفيهاش أى رتم من اللى ودنك اتعودت عليه . يعنى ايه؟؟ يعنى تضحك وتضحك وتحاول تنسى أى احزان ...مع اصدقاء جداد....اصبحوا يحملون اصدقاء العمر . يعنى ايه؟؟ يعنى ضاعت حياتك فعلا ........ ف محاولة تحسين اوضاعك على كل المستويات ... ضيعتها علشان تبقى سعيد ...ودلوقت انت مش عارف ( هل فعلا اصبحت سعيد ؟؟ ) يعنى ايه؟؟ يعنى بالعربى الفصيح ...حاتفضل غريب ........هنا وهناك.مهما عملت .. خلاص ...انت اللى اخترت ف الأول ولابد تتحمل نتيجة اختيارك للآخر .. يعنى الخلاصة ؟؟؟ يعنى الخلاصة ان ده كرم من ربنا وكمل اللى بدأته ......وعيش واستمتع بالحياة ف أرض ابناءك . يعنى ايه؟؟ يعنى لما ترجع بلدك ( زيارة ) ابقى روح اقرأ الفاتحة ف الحسين والسيدة نفيسة وابو العباس واتمشى شوية ف الشوارع واتفرج على وجوه ناس ( متعرفهاش ) واسأل على أماكن....اندثرت ....( زى طباع كتير ضاعت ) ...واتفرج شوية على الآثار وقول ..(( هنا كانت بلدى ..وكانت الناس بتهاجر اليها ....,اضرب تعظيم سلام .....للفراعنة اللى احترموا نهر النيل ))... ولو قدرت ابقى روح اتمشى على كورنيش اسكندرية ...امشى .وامشى ..وامشى . و.. امشى ...واسرح...,احلم بزمان ..بزمان عدى وفات ومش راجع.. والمرة دى ... حضر شنطتك.. حضرها ........وفيها ذكريات قديمة حلوة .......افتكرها لما تحس بالشوق لبلدك . وافتكر انها ...جواك انت بس . مش جوة وجوه أى حد تانى . ولما تلف الأيام تانى وترجع............زيارة لبلدك...ابقى فضى الشنطة وعيش مع الحاجات الحلوة ....خدها ف ايدك وانت نازل تلف على الحبايب اللى (( بقيوا ...ولازالوا على عهد المحبة والمبادئ )) .....وبس. والنهاية ؟؟ علم ذلك عند ربى ... وياغريب................غربة سعيدة .. :clappingrose: (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
باهى الطائر الحزين بتاريخ: 29 مارس 2012 تقديم بلاغ مشاركة بتاريخ: 29 مارس 2012 مش عارف اكتب ايه بعد قامات سبقتنى كل ما ادخل ارجع اخرج تانى وربى حياء عدوى اللدود خاطر طايح وخيال سارح وقلم نشيط صاحب الفكره الجهنميه / اشرف وان اذنت لى فى مساحه ؛ ترحيب خاص بصاحب الاصابع الحرفيه ( فلان بن علان ) لا لا لا .. انت بالذات ليك رخصة خاصه بالتحليق هنا زي ما تحب و وقت ما تحب :happy: اعتبر صفحتي عشّك يا طائر و تأكد ان رأيك يهمني جدا اشكر وجود روحك العذبه هنا يا عزيزي . . . أه....على فكره فلان صاحب بيت قديم شكرا / اشروف على كرم اخلاقك وترحيبك الودود ياباشا وهل يخفى القمر فلان /بك ؛ لى معه باع وذراع افتقد قلمه الذهبي وكلماته النديه كما جميعنا وربى وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
أشرف حسين بتاريخ: 31 مارس 2012 كاتب الموضوع تقديم بلاغ مشاركة بتاريخ: 31 مارس 2012 وجيت ...وعملت استخارة ..وانتظرت البشارة ..وجت لى الاشارة . كن كما كنت . كتبت عليك الغربة ياانسان .. كتبت؟؟ أى نعم...واخترتها ..ولالالالالالالا مفر. الناس بتتغرب وتسأل ؟؟ يعنى ايه كلمة وطن؟؟؟ ...واحنا خلاص عدينا المرحلة دى وبدأنا نسأل نفسنا ...يعنى ايه كلمة غريب ؟؟؟ يعنى ايه كلمة مهاجر ؟؟؟ يعنى ايه ؟؟؟ وصلنا لمرحلة .......( بلا أى غرور ) ذكاء الأحساس .أو...ذكاء الأحاسيس والمشاعر . وقدرنا نوصف وضعنا ......بلا أى خجل . يظهر الانسان لما بيكبر ف السن وبيشعر انه ( ناضج الفكر ) ...لايخجل من اظهار مشاعره الحقيقية . لايخجل ...لايتجمل . يعنى ايه ...ف يوم صحيت وقلت ......هو ده القرار الصح ..انا ماشى . مهاجر .لالالالالالالالالا.....مسافر كام سنة وراجع... يعنى ايه ؟؟ يعنى حضرت شنطتى .......فيها كل أحلام المستقبل . يعنى مشيت...والكل بيبكى على فراقى .......وانا اللى بواسيهم وبطمنهم ( وانا مش عارفة لى مستقبل ...,ياترى حايحصل ايه ؟؟) يعنى ( من غير ما اشعر ) قطعت الحبل ( اللى مش سرى ) بينى وبين جدتى وبين أمى واخواتى واهلى ....حتى لو كنت فاكرة انى حافضل عايشة معاهم (( بجواباتى وتسجيلاتى الصوتية ) خدعة كبيرة لأنك بتنفصل عن كل روتينيات حياتهم. يعنى ايه؟؟ يعنى سافرت .وعارف انك حاترجع تلاقى اصحابك ..اما مشيوا بلاد تانية .او...ماتوا ( مانت مش عارف حاترجع امتى والا مش حاترجع بلدك )..انسى الزيارات الخاطفة . يعنى ايه؟؟ يعنى الخلاصة انك بتسافر .......وتقطع كل شئ وراك...كل الماضى (( بتوهم نفسك بالعكس )) يعنى ايه؟؟ يعنى بتسافر لبلد .ممكن تكون مش بتتكلم نفس لغتك ........وتحاول تندمج ف ثقافة مهياش ثقافتك.. بتعيش خايف ......مانت مهاجر ......عايش باقامة ...خايف ف يوم ترجع من نص الطريق بتفكر (( حايقولوا عليا ايه؟؟ )) مستنى الأيام تعدى .....رغم انك مش عارف حايحصل فيها ايه؟؟ يعنى ايه؟؟؟ بتشوف ولادك بيكبروا .سعداء ...مش حاسين بالبركان اللى بيثور من وقت للتانى جواك.. سعداء ..عايشين ومش حاسين...اننا مش من نفس بلدهم .( !!! ) . يعنى ايه؟؟ يعنى جواك ....شايف ولادك بتحيى علم تانى ...وانت بتعتز ( بعلمين ) .. خايف ولادك يضحوا .......علشان بلدهم .......ومش قادر تعمل اى شئ . مانت كمان عاشق لبلدك. يعنى ايه؟؟ يعنى بتتعذب لو حسيت ان صاحب البلد الأصلى ( بيحقد عليك لأنك ناجح ) بيقولك من غير قولان ....دى بلدى أنا .وانا كنت اولى بالخير اللى انت فيه . يعنى ايه؟؟؟ ولساا بتسألنى يعنى ايه ؟؟؟ يعنى تبكى لوحدك....وتخاف لو جالك تليفون من بلدك..تخاف تسمع اخبار مش عاوز تسمعها . يعنى تضحك مع ناس بتتكلم معاك بطريقة تانية وبلغة تانية وانتوا بتاكلوا أكل متعودتش عليه وتضحك على نكت مش بطعم نكتة من نكت بلدك وتدندن بأغنية مفيهاش أى رتم من اللى ودنك اتعودت عليه . يعنى ايه؟؟ يعنى تضحك وتضحك وتحاول تنسى أى احزان ...مع اصدقاء جداد....اصبحوا يحملون اصدقاء العمر . يعنى ايه؟؟ يعنى ضاعت حياتك فعلا ........ ف محاولة تحسين اوضاعك على كل المستويات ... ضيعتها علشان تبقى سعيد ...ودلوقت انت مش عارف ( هل فعلا اصبحت سعيد ؟؟ ) يعنى ايه؟؟ يعنى بالعربى الفصيح ...حاتفضل غريب ........هنا وهناك.مهما عملت .. خلاص ...انت اللى اخترت ف الأول ولابد تتحمل نتيجة اختيارك للآخر .. يعنى الخلاصة ؟؟؟ يعنى الخلاصة ان ده كرم من ربنا وكمل اللى بدأته ......وعيش واستمتع بالحياة ف أرض ابناءك . يعنى ايه؟؟ يعنى لما ترجع بلدك ( زيارة ) ابقى روح اقرأ الفاتحة ف الحسين والسيدة نفيسة وابو العباس واتمشى شوية ف الشوارع واتفرج على وجوه ناس ( متعرفهاش ) واسأل على أماكن....اندثرت ....( زى طباع كتير ضاعت ) ...واتفرج شوية على الآثار وقول ..(( هنا كانت بلدى ..وكانت الناس بتهاجر اليها ....,اضرب تعظيم سلام .....للفراعنة اللى احترموا نهر النيل ))... ولو قدرت ابقى روح اتمشى على كورنيش اسكندرية ...امشى .وامشى ..وامشى . و.. امشى ...واسرح...,احلم بزمان ..بزمان عدى وفات ومش راجع.. والمرة دى ... حضر شنطتك.. حضرها ........وفيها ذكريات قديمة حلوة .......افتكرها لما تحس بالشوق لبلدك . وافتكر انها ...جواك انت بس . مش جوة وجوه أى حد تانى . ولما تلف الأيام تانى وترجع............زيارة لبلدك...ابقى فضى الشنطة وعيش مع الحاجات الحلوة ....خدها ف ايدك وانت نازل تلف على الحبايب اللى (( بقيوا ...ولازالوا على عهد المحبة والمبادئ )) .....وبس. والنهاية ؟؟ علم ذلك عند ربى ... وياغريب................غربة سعيدة .. :clappingrose: يااااااالله ...قد كده انتي مجروحه... عارفه يا مدام سلوى .. حقيقي عمري ما احب ارتدي عبائة النُصح و اعتدل في جلستي و امدد رجليه و اتكلم... ما الكلام رخيص اوقات الشدائد لكن بحكم اننا في قارب واحد حابب بس اقول ان غربتنا مش مجرد شدّه طويله عيشينها وخلاص كده (حاشا لله) هنكون محدثين نعمه و لو استعملنا ميزان الحكمه بين سلبيات و اجابيات حياتنا هنا بلمقارنه بهناك اكيد كفة الغربه (هتُطب).. زي ما قلتي احنا كبرنا دلوقت و انتي عارفه ان كل شئ و ليه ثمن و الثمن هنا هو مشاعرنا بس مش اكتر !! ... عارفه اول زياره ليه لمصر كانت بعد 18 سنه ما اخدتش اكتر من اسبوع و أبتدت ملامح التعب و المعاناه على وجوه الناس تتعبني حتى المقتدر و مرتاح من اصدقائي القدامى تحسي ان شكله مهموم و متهالك من جوه .. مصر مطحنه كبيره..و اللي جواها بس هو اللي يقدر يستحمل قسوة تروسها.. لكن احنا خلاص اتعودنا نتطحن لكن بطريقه اكثر أدميه... و بالبلدي كده طالما هنا موته و هناك موته... هموت و انا بحاول اوفر لبنتي و اهلي حياه كريمه و ممكن نعتبر ده قرار بأثر رجعي.. لو رجع الزمان تاني... برضه هحضر شنطتي و همشي و احتمال اشوفك(انتي) على نفس الطياره... البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
Salwa بتاريخ: 31 مارس 2012 تقديم بلاغ مشاركة بتاريخ: 31 مارس 2012 لو الزمن رجع حاعمل كل اللى عملته مرة تانية.. صحيح اهو داخلين على 30 سنة غربة....لكن..بوضع مصر انهاردة؟؟؟؟ مش مشكلة مادة... كنا حانبقى زيادة عدد...لانعرف ننافق..ولانتملق...ولا نتسلق...ولانتغير. وكانت ستكمم الأفواه...كالعادة...لو قلنا...أن العنقاء...خيال. والصراحة هنا ..الانسان الصح فى المكان الصح. وعلى قد عملك..تاخد نتيجة...وليس حرث فى البحر. الاحترام والاحساس بالآدمية..ولو عندك موهبة بتنميها محدش بياخد مكانك. اولادى اتربوا احسن تربية واتعلموا أفضل تعليم وأخدوا فرصتهم بالعدل. لو عملنا موازنة بالايجابيات والسلبيات....حانلاقى 98% موجب. و2% سالب.....لكن بصراحة بعد ما الولاد بتكبر..بيزداد الحنين للوطن الأم...ورغم كل الايجابيات بتبقى حاسس أنك اتظلمت وان عمرك راح لم تشعر بدفء الأهل..أهلك دخلوا مرحلة الشيخوخة وانت بعيد عنهم تفقد الأعزاء واحد وراء الآخر..لاتجد من يواسيك...هى دى أصعب حاجة فى الغربة. وتانى حقول حاجة كنت اتناقش فيها بالأمس مع أصغر أبنائى....قال لى اكتشفوا أن الطفل يكتسب 50 % من ذكائه من الأم...وال50 %الأخرى من الأب وممارسة حياته اليومية..أى بالاكتساب... وكل شئ هنا....اذا احسنت استخدامه...ينمى ذكاء الطفل. وبالتالى يستطيع أن يبدع...وماذا أريد أكثر من هذا. اتربى اولادى فى مناخ جيد.... ماشافوش مثلا مثلا يعنى......بودى جارد لحماية الراقصات.. والعلماء متشعلقين على سلم الاوتوبيس؟؟؟ وكفايه كدة. سلامى. مساء الحنين لسما صافيا موجودة على أرضنا الطيبة . كيف حالك ياأبو شيرين ؟؟ المداخلة الموجودة عاليه ...كتبتها هنا ف المحاورات سنة 2003 .. ياااه... اسباب الغربة أو الاغتراب ..مش دايما اسباب مادية . والدليل؟؟؟ لما تكون اتعلمت ف أحسن مدارس وبيتدفع لك سنويا (( مبلغ وقدره )) ولما تكون اتولدت ولقيت نفسك لاينقصك اى شئ (( مادى )) وتحس بدفا الأهل والأحباب .. وفجأة...ومع مرور الأيام...وتغير الوضع الاجتماعى ... بين يوم وليلة الأمور تتغير ...تتغير ف المحيطين ...( المحيط الضيق ) و...( المحيط الأبرح )....لازم توافق ...(( اللى عايز ينقذ نفسه من جنون محقق ..لأنه نصفك الآخر )) . لازم.. ليه؟؟؟ لأسباب كتيررر ....ومنها . الغضب على وضع البلد...الغضب لقول الرأى الحقيقى الحر ... ف يوم (( وكانت محاكمة )) ....!!!....ماحنا اتفقنا ..خلاص بقى مفيش مكان غير للحقيقة . يعنى ايه؟؟؟ ------. بدلتى عاملة لى هيبة ...!! مركزى بيحسدونى عليه..!!! طيب وانا ؟؟؟ ف الحقيقة انا ايه؟؟؟ مجرد دمية .......نفذ الأوامر ..مش من حقك الاعتراض .. بس ده غلط... غلط؟؟ انت تنفذ وبس .. الاعتراض معناه .....!!!!! -----. الله؟؟ وف يوم وليلة .....وبعد شهور صراع داخلى ..... قال .. معايا تصريح الذهاب ....انا ماشى . ومشيت وراه .. ومكنتش ( عايزة ) ممشيش وراه . و.. شفت ضحكة وتفاؤل ......وفرحة بتملا عيون ( عيونى وحبيبى الأسمر ) .. ومشيت وراه.. ومش ندمانة ... مش ندمانة ... وطلع هو صح وكان دايما صح والزمن اثبت انه دايما كان على الطريق الصح. مشى وسابهالهم.. وكما توقعنا . الطوفان أنواع ............والفيضان انواع .. ماهى الحاجات كلها ....أنواع . و.. يااشرف الواقعيين .....غربة سعيدة . والسعادة ايضا .....أنواع .....وكثيرة جدااا . ومش شرط تكون مرتبطة بأى مادة . احنا اللى بنوجد السعادة ف المكان .....ومش المكان هو اللى بيخلينا سعداء . هو بس الحنين .. الله يسامحه . ولو رجع الزمن ....حاعمل كل اللى عملته تانى وتالت ....ومن وقت للتانى حاحضر شنطتى . واحط فيها كل ذكرياتى الحلوة واجرى على شط قديم واضع اقدامى لتترك بصمة تمحوها المياه مرة اخرى واخيرة .. واعود لأبدأ من جديد ولا أمل ابداا .. لا الاغتراب ...ولا الحنين .. و.. كأننا ........نسير جنبا الى جنب .....وكل منا يحمل صخرة سيزيف . غربة سعيدة . دمت بكل ود ... :give_rose: (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
أشرف حسين بتاريخ: 1 أبريل 2012 كاتب الموضوع تقديم بلاغ مشاركة بتاريخ: 1 أبريل 2012 اخدتي بالك حضرتك ان في جُمل كتير كتبتيها في مداخله سنة 2003 لفت و اخدت وقتها و رجعت لك تاني حرفياً لكن على لسان غيرك في 2012.... أقول ايه ؟!...غريبه و مش غريبه !! يظهر اننا اكتشفنا هنا مصطلح جديد و قديم في نفس الوقت اسمه (توارد مواجع) غربة سعيدة .دمت بكل ود ... :give_rose: و واضح كمان ان للاسف..مفيش قدامنا غير رفع نخب (سرسبت العمر) في منفنا الاختياري السعيد كاس اكيد أتشرب قبلينا كتير و احتمال هيتشرب بعدينا أكثر مدام سلوى X ... صحتك ... :hi: البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
عبير يونس بتاريخ: 5 أبريل 2012 تقديم بلاغ مشاركة بتاريخ: 5 أبريل 2012 اسمحوا لي انضم لكم في حوار الغربة ما أنا زيكم متغربة من زمان من صغري في الغربة بس عمري ما بقيت صاحبة بلد لا هنا و لا هناك أهلي تعبوا من الغربة و قرروا يرجعوا و رجعنا و بعد سبع سنوات عجاف مات في آخرهم والدي قعدت كام سنة في غربة جوة بلدي و اتجوزت و رحت لغربة تانية لسه فيها بقى لي 10 سنين و ولادي اتولدوا هنا و برضه مش أصحاب بلد زي ما تقولوا كده كلنا طايرين ريشة في مهب الريح و ماله الطيران ؟؟؟ واهي أيام و بتعدي وماحدش عارف لها آخر يللا في صحتكم pps: أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان