سين سؤال

[se_ Elsyed]

نفس الموضوع من فتره فكرت فى فتحه لكن خشيت من ان يضايق البعض .. وكمان نفس السؤال اللى كان نفسى اساله

معليش إحقاقاً للحق عايز أقول إن كان فيه موضوع لشعنونة بنفس المعنى من ييجي حوال سنة كده وكان اسمه تقريباً " كرسي الإعتراف " بس يظهر الناس إفتكرته كُرسي كهربائي وخافت تقعد عليه ومالقاش إقبال جماهيري .

سين سؤال:

*الأخ سى السيد والاخ حشيش، بشهاده الجميع أنتم تدخلون السرور علينا جميعا بقفشاتكم المرحه وخفه ظلكم...هل أنتم كذلك فى الحياه أم على النقيض تماما؟ (ال111 على وجوهكم وقليلا ما تضحكون إلا فى المناسبات) smk: هل المقربين منكم مثلا يعلمون عن أرنوب حسين والحاجه صباح والعته المنجولى ومنخوريا البحر المتوسط؟  :lol:

للأسف أنا على النقيض تماماً وغلس جداً في حياتي وخصوصاً في شغلي ...

بالله عليكي عمرك شوفتي حد شغال في الـ Admin. او الـ personnel ودمه خفيف ؟

طب تيجي إزاي إذا كان طبيعة شغلهم كلها Procedures و company policy وخصومات وإنذارات للموظفين وحاجات كده .... فيظهر إن الوظيفة بهتت على الواحد وزي ما بيطلقوا علينا إحنا الـ Bad guys في أي شركة او مؤسسة .

بالإضافة إلى إني مؤمن جداً بإن التهريج والهزار الكثير في الحياة بيفقد الإنسان هيبته أمام الناس ...

ولم أنسى في حياتي مهندس مبيعات مصري جه السعودية وقعد حوالي سنة ونص وبعدين سابنا وسافر دبي ..

وبالمصادفة طلع جاري في مصر ... المهم البني آدم ده عبقري فعلاً وشاطر جداً وفاهم في شغله .. بس كان فيه عيب خطيرً كلنا كنا منكرينه عليه وياما نصحناه وهو إنه لما بييجي يتكلم ماتعرفش هو جد ولا بيهزر ولا بيعمل إيه بالظبط .. وعلى كده طول الوقت سواء كنا مع بعض في السكن أيام ما كنا عُزاب أو كنا في العمل .. فكنت زعلان عليه جداً .. ومره واحد صاحبنا قال له كلمه بترن في وداني لحد دلوقت وقال له " إنت فعلاً ممكن تبقى غير كده .. لكن للأسف إنت بتبهدل نفسك بطريقتك دي "

مين .. في إيه .. انا قلبتها غم ... صح ؟

[yasovinas]

الاخت مسلمه تحياتي

الله على هذا الموضوع بصراحه انا استمتعت جدا بردود الاستاذ محبط الله ينور عليكي

حقيقي بعد الاسئلة والاجابات الجميله من الاستاذ محبط شعرت اني اعرفه من زمان

[فــيــروز]

الاخت مسلمه تحياتي

الله على هذا الموضوع

وأخيرا حانت الفرصه stnd::

ممكن يا أخ ياسو لو الموضوع مش سر ولا امر شخصى نعرف معنى اسمك وليه اخترته؟ stnd::

[yasovinas]

[وأخيرا حانت الفرصه  stnd::

ممكن يا أخ ياسو لو الموضوع مش سر ولا امر شخصى نعرف معنى اسمك وليه اخترته؟  stnd::

زنقتيني يا فيروز

اسمي هنا هو جزء من اسمي الحقيقي وكان لي صديق عزيز جدا بس مش عارف هو فين دلوقت كان دايما يناديني بهذا الاسم (ياسو فينس) وهي كلمه يونانيه على ما اظن لانه كان راح سنتين هناك ورجع يقولهالي

[فــيــروز]

شكرا يا ياسو على الاجابه

يا رب نلاقى حد بيعرف يونانى يقول لنا معنى الاسم ده stnd::

كان نفسى اسال الاستاذ freemind سؤال بس مش عارفه هو بييجى النواحى دى ولا لأ؟ stnd::

[MuslimaEgyptian]

طيب مش تقول يا د. رجب إنك إستخدمت كارت الpass bxg::

ده ايكون مستورد  يعنى هو قريب شويه فى الشبه من اللى انتى حطيتيه بس مختلف خالص فى المعنى

معلش يا فيروز، العتب عل...الأيكون :o فكرتينى بنجمه وراقيه إبراهيم، فاكره؟ :Dربنا يخلى كل أوقاتك سعيده يا رب bngn::

بس معقوله فعلا تؤمنى بأن أسعد الأوقات لم نعشها بعد؟ مفيش أوقات سعيده خالص زمان أو حاليا؟؟؟ ده حتى هناك أوقات سعيده نمضيها بالمنتدى ما بين إبتسامه ومناقشه جاده.... نسيت أقول سين سؤال ;)

اسمي هنا هو جزء من اسمي الحقيقي وكان لي صديق عزيز جدا بس مش عارف هو فين دلوقت كان دايما يناديني بهذا الاسم (ياسو فينس) وهي كلمه يونانيه على ما اظن لانه كان راح سنتين هناك ورجع يقولهالي

معقوله مفيش مره خطرت على بال حضرتك إنك تسأله معنى الإسم إيه؟؟ :)

للأسف أنا على النقيض تماماً وغلس جداً في حياتي وخصوصاً في شغلي ...

:o

;)

أجده شئ صعب للغايه تصديق ذلك، سبحان الله..ولكن عندك حق يا أخ سى السيد، فهناك مقوله للإمام حسن البنا رحمه الله، يقول ألا نكون جد طول الوقت ولا هزليين طول الوقت..فلكل مقام مقال..

ولكن ردك هذا يضيف سؤال هام وهو هل للكل منا شخصيه على النت تختلف عن الحقيقه...و لما يترتب عليه ذلك مؤشرات عديده...

جزاكم الله خيرا جميعا على مشاركاتكم...

[فــيــروز]

فكرتينى بنجمه وراقيه إبراهيم، فاكره؟

أيوه طبعا ys): .. حتى لسه مش عارفين النجمه معناها ايه ;)

بس معقوله فعلا تؤمنى بأن أسعد الأوقات لم نعشها بعد؟ مفيش أوقات سعيده خالص زمان أو حاليا؟؟؟ ده حتى هناك أوقات سعيده نمضيها بالمنتدى ما بين إبتسامه ومناقشه جاده.... نسيت أقول سين سؤال

لا طبعا الحمد لله هناك اوقات جميله كثيره جدا مرت علىّ ولا انكر هذا والا اكون جاحده للنعمه :D

لكن اذا الانسان شعر انه احلى الاوقات فى عمره قد مرّت بالفعل وانه اجمل الاماكن قد رآها وانتهى الامر و اطيب ناس قابلهم و خلاص ممكن يشعر بانعدام معنى حياته bxg:: .. لكن الامل دائما ما يجعل للحياه معنى وقيمه :o

سين سؤال ليك يا جميل :)

يا ترى لماذا اخترتى تخصصك الدراسى؟ ويا ترى الانسان الذى يقترب عمله من التركيبات النفسيه للبشر مع ما تحمله من تعقيدات و مفاجآت لا يتاثر بهذه الظروف التى تحيط به خاصة لو كان شخص رقيق الحس من البدايه؟ bngn::

تم تعديل 9 ديسمبر 2004 بواسطة فــيــروز

[yasovinas]

معقوله مفيش مره خطرت على بال حضرتك إنك تسأله معنى الإسم إيه؟؟ :blink:

ماهي المشكله ان كما قلت لكم لا اعرف اراضيه الان

تخيلوا انسان عشت معاه اجمل ايام العمر 6 سنوات في الجامعه ناكل ونشرب ونذاكر وننام مع بعض وتاتي الغربه وتبعدنا لدرجه اني ما اعرفش عنه اي اخبار

[Farida]

انا كمان يا مسلمه عندى سؤال ليكى :

و انت عايشه فى امريكا و معاكى الجنسيه ازاى قادرة تعيشى ازدواجيه انك مصريه و فى نفس الوقت امريكيه يعنى قضيه الأنتماء و الجذور و غيرها حلتيها ازاى متهيألى معظم الأمريكيين عندهم المشكله دى .....بس بعد 11 سبتمبر اكيد الوضع اتغير