رحله الى الصين

[se_ Elsyed]

إنذار للزميل ماجد من واحد عشاق لأدب الرحلات ...

إمبارح يا سيدي طبعت مغامرات فول الصين العظيم ومنيت نفسي بسهراية ممتعة حيث إني من عشاق دول شرق أسيا ...

المهم أُفاجأ إني خلصت الست حلقات وإحنا لسه في اللوبي بتاع الفندق وعمالين ناكل في زبدة وجبنة كيري ...

اومال فين حواري الصين وأزقة الصين .. والحمامات الشعبية بتاعت الصين ...

ماتكلمنيش عن فنادق وطيارات كلنا زهاقنين من سيريتهم... إدخل على الشعبيات ...

أنا هاضرب الحلقة السابعة والثامنة دلوقت ويارب مالاقيش نفسي لسه في الأسانسير بتاع الفندق .

عقلي الباطن بيقولي : ده على كده كليو كانت أرحم .... ولسه ياما هانشوف .... دول بتوع أدب الرحلات بيأدبونا على حق .

[ماجد]

أومال انت فاكر ايه يا عمنا se_ Elsyed

انت فاكر الموضوع سهل ..

دى اصول المسلسلات...

انت كنت عاوز تخلص الرحله فى 6 حلقات مع البيتزا و اقعد انا امصص صوابعى .

ده انا هاعمل فيكو عمايل .... :blink: :blink:

و كما قلت سابقا ....

ده فى الأول بس بدى جرعه مكثفه علشان نربى زبون.

بعد كده هاعذبكو عذاب

ولا عذاب الأرمله

دى فرصتى وجت لحد عندى mfb: :) :P

ده حته انا بافكر اعمله مسلسل مش شهرى لا .... سنوى

حاجه كده زى فالكون كريست أو دالاس بس هاسميها

كابتن ماجد فى جونجزو

مش كفايه آخر مره كلت من عندكو جالى مغص tot::

المهم أُفاجأ إني خلصت الست حلقات وإحنا لسه في اللوبي بتاع الفندق وعمالين ناكل في زبدة وجبنة كيري ...

ما هى دى الحبكة الدراميه يا استاذ اللى تربى مجموعة المدمنين - اقصد المشاهدين - علشان يحرموا يعملوا كدا تانى

و بعدين الجماهير عاوزه كدا و انا لازم استجيب لمطالب تحالف قوى الشعب العامل و انزل على رغبة الجماهير الجارفه :blink:

ما تجيب حتة بيتزا .... :blink: tot::

[فــيــروز]

رحت جبت حتتين جاتوه ……….

md2:  :angry:  :angry:

يتبع .......

دى ضحكات صينيه :P

ممكن بس اطمئن على حاجه؟

رحت سور الصين العظيم ولا لا

بجد هاتكبس كبسه جامده جدا لو الفيلم مافيهوش السور

تم تعديل 29 نوفمبر 2004 بواسطة فــيــروز

[yasovinas]

فيروز اصبري على رزقك ما تحرقيش الفيلم

احكي ياعم ماجد على مهلك

وايام تعدي وايام تفوت

وناس تيجي وناس تروح

وبلاد تشيلني وبلاد تحطني

وشمس تطلع وشمس تغيب

كده يعني

واخذ يفكر ويفكر ويفكر

ثم عاد يفكر

وتذكر انه يفكر ففكر لماذا هو يفكر

مش فيه مسلسل ياباني طويل منا بنتفرج عليه بتاع الوليه اسمها ايه مش فاكرها

[ماجد]

أوشين

[yasovinas]

أوشين

هي دي الله ينور عليك يا عمو ماجد

اوشين بس ايه

الله الوكيل وليه نكد حيسي

لا تقولي امينه رزق ولا اسمها ايه زوجه محمد فاضل

[ماجد]

اكمل ....

(9)

الفقره دى لأنسات و سيدات المحاورات:

تانى يوم رحت المعرض من الصباح و فى اذنى التعليمات الحكوميه : كل كويس – البس تقيل لو برد – الهدايا .طبعا بالنسبة للأكل عملت ساندويتشات من التموين اللى معايا و اللبس لبست اللى قدامى قلت مش باقى غير الهدايا لفيت على المنتجات اليدويه من تابلوهات سيرما و مصنوعات جلديه فيه حاجات جميله جدا و حاجات متوسطه بس الأسعار كانت نار بالنسبه للحاجات القيمه ثم توجهت الى حيث مكان تجارة اللؤلؤ و هناك قضيت اليوم.

اصناف و اشكال و انواع و الوان و احجام و اجمل نوع عجبنى هو اللؤلؤ الوردى و اغلاه اللؤلؤ الأسود و الأوروبيين ( السيدات طبعا ) نازلين شراء و بصراحه انا اشتريت معاهم بس مش زيهم و على فكره الفصال هناك يتم بالنسبة المئويه فمثلا تسأل عن سعر حاجه و بعدين تقوله او تقولها و اغلب العاملين فى اللؤلؤ من النساء و الحوار يدور هكذا :

هاتدينى خصم كام

تقول 5 %

تقولها 15 %

تحسبها على الآله و بعدين تقولك لأ 10 % عادل

فتقولها اوكى و يمشوا فى دقيقه و نص والأوروبيين الشطار ياخدوا 12 % و يقولك شوفت الشطاره انا أصلى شاطر فى الفصال . أما ابن النيل فبعد ما فهم الفوله فكنت اقولهم دى بكام تقولك مثلا 10 طب و دى بكام تقولك 15 تقول مثلا طيب هاخدهم الأتنين ب 17.5 تبصلك ببلاهة و فى عينيها سؤال طيب احسبها ازاى لدرجة واحده فى محل بعد ما خلصت شرا من عندها جابت كرسى و قعدتنى و قالت : علمنى و بعدين اديتنى عقد هديه من اجمل الأنواع . بس لو حد راح هناك ما يروحلهاش لحسن هاتقوله قديمه يا مصرى.

الحكومه كمان كانت طالبه مرجان وده دخت عليه و مالقيتش غير مكان واحد بس كان عنده حاجات روعه و ده ماكانش عنده فصال لكن بعد ما اشتريت منه اعطانى هديه لطيفه .

كمان الأحجار الكريمه موجوده هناك بأنواع و تشكيلات غايه فى الجمال و الأناقه و اسعارها معقوله و الألوان بتاعتها خرافيه و اشتريت من عندهم بصراحه حاجات كويسه ( عرفت من واحد جواهرجى لما رجعت ) بأسعار اكثر من ممتازه و بيعملوا الأحجار دى هناك غوايش و حلقان و تعليقات فى السلاسل الذهبيه و خواتم طبعا.

هناك طبعا محلات تبيع للزوار و أخرى للكميات التجاريه لكن فى المشغولات اليدويه و المجوهرات الكل بيعمل فى النوعين.

الصينيات بشكل عام خجولات و مؤدبات جدا و يضعن مساحيق التجميل كالغربيات و يلبسن الأزياء الغربيه و معظم مجوهراتهن من الأحجار الكريمه و لم أر محلات تبيع الماس أو الذهب و هناك محلات كوافير أى ان صورة الصين تغيرت تماما بعد رحيل ماوتسى تونج و انتهاء عصر الثوره الثقافيه .

يتبع ....

تم تعديل 29 نوفمبر 2004 بواسطة ماجد

[Asat]

أخ ماجد

دي قصة جميلة جدا!!

و مخبي ده كله من إمتى!!

ده طلع ان في مواهب أدبية جامدة جدا في المنتدى و إحنا مش عارفين!! :)

أحب أوجه شكر إلى الأخت فيروز على دفعها و تحفيزها للمواهب الجديدة. fr1::

[ماجد]

أخ ماجد

دي قصة جميلة جدا!!

و مخبي ده كله من إمتى!!

ده طلع ان في مواهب أدبية جامدة جدا في المنتدى و إحنا مش عارفين!! :)

أحب أوجه شكر إلى الأخت فيروز على دفعها و تحفيزها للمواهب الجديدة.  fr1::

اخى Asat

اخجلتم تواضعنا ....

( وش واحد مكسوف و الدمعه فاره من عينه )

[ragab2]

متتبع

كتابتكم وحكاويكم الشيقة

أكمل

فكلنا أذنا صاغية وعيونا قارئة

تحياتى

[SilverSwan]

الاستاذ ماجد,,,بجد ماقدرتش ارفع يعني من التوبك وصف جميل و دقيق و اسلوب ادبي ممتع .. ياريت تكمل كلنا حماس للباقي... :)

[ماجد]

عمنا الكبيييييييييييييييييييييييييير أوى ragab2 عندنا ...... rs:

حللت اهلا و نزلت سهلا .....

ده سعادتك حضورك تشريف لى و للموضوع ...

و كمان الأخت SilverSwan منوره هنا ....

طيب عشان كده ....

اليكم جزء كمان ..... بالعند فى أخى essothegreat

:) fr1:: lo::

[ماجد]

اكمل .....

(10)

رجعت الأوتيل و غيرت و سألت هل فيه سمك فى مطعم الأوتيل فأجابوا بالنفى فقلت لنفسى لازم ادور على مطعم اسماك يكون محترم . المهم نزلت فى الريسبشن و سألت و اعطونى عنوان مكان و رحت هناك .

فى مدخل المطعم على اليمين وجدت حوض زجاجى كبييييييييييييييير و جدت به انواع كثيره من الأسماك و جمبرى معتبر و حاجه عظمه المفروض انى اختار منهم و ادخل المطعم و ألتهم قلت فى نفسى فرجت و كنت أظنها لا تفرج . المهم باضرب بعينى فى الناحيه التانيه لقيت اقفاص كده فقلت اروح اشوف فيها ايه . لقيت اشى بط بكينى على فراخ على حمام على ………. ايه ده . قربت من القفص شويه لقيت حاجه عجيبه . حيوان كده طوله حوالى 50 سم واقف و راسه طولها حوالى 10 سم و وجهه يشبه الخفاش و بينظر لى نظره حزينه جدا ناديت لأحد الجرسونات و سألته بلغة الأشاره عن هذا الحيوان فأجاب بما معناه انه يذبح و يسلخ .

بصراحه منظر الحيوان المسكن ده صعب عليا. بالمناسبه كان فيه جنبه اقفاص زجاجيه بها تعابين . و الله العظيم تعابين حقيقيه ضخمه مش تعابين سمك. قررت الرجوع للأوتيل و الأكل من التموين .

تانى يوم اتصل بى صديقى الصينى و ادانى موعد يجيلى الأوتيل فقررت آخد جوله حره حتى الموعد . نزلت الريسبشن و سألت عن موقع خطوط سنغافوره و اخذت من هناك مجله تتكلم عن الصين و كان فيها موضوع عن هونج كونج فقلت ليه لأ . المهم خدت تاكسى و رحت لشركة الطيران علشان اطلب اكل نباتى و أاكد الحجز و هناك سألتهم كيف اذهب لهونج كونج فارسلونى لشركة اتوبيسات فى نفس العماره حيث حجزت بعدها بيومين لهونج كونج و حاولت اغير تذكرة العوده من هونج كونج للقاهره فوجدت انى هادفع مبلغ حوالى 3000 جنيه اضافى فقلت لأ أرجع لجونج زو تانى و اركب من هنا و الغريب اعمى ولو كان بصيرا .

التاكسى هناك لونه احمر و السقف ابيض و طبعا فيه عداد شغال و التاكسى مش غال يعنى المشوار من رمسيس للعباسيه مثلا حولى 10 جنيه و من رمسيس للمطار حوالى 20 جنيه لأن بدايته كبيره ( فى فرنسا مثلا دفعت من فرساى لمنطقه تسمى اوسترليتز حوالى 200 جنيه لمشوار 15 دقيقه ) المهم ركبت تاكسى تانى و رجعت الأوتيل علشان اكمل الجوله الحره على الأقدام .

امام الأوتيل يقف شرطى لابس ازرق و كل شرطة المرور لابسه ازرق و الراجل اللى واقف امام الأوتيل مهمته حاجه واحده ياخد ارقام التاكسيات اللى الناس بتنزل منها و اللى بتركب فبها و موعد الركوب أو النزول. كما لاحظت وجود سياره مدرعه مختفيه بجوار الأوتيل .

المحافظه التى تقع فيها المدينه تسمى كانتون و تقع جنوب شرق الصين. جوها معتدل طوال العام عن بكين القارصة البروده شتاء و لذلك يقام هذا المعرض مرتين فى ابريل وفى اكتوبر حين ذهبت . المدينه نفسها واسعه جدا و الشوارع غير مزدحمه كما تصورتها و لكن لأن المساحات هناك شاسعه فعدد السكان غير واضح اطلاقا و يمكننى ان اشبهها مثلا بحى ذو كثافه متوسطه عندنا .

المدينه بها نهر يسمى بيرل ليس كنهر النيل مثلا و لكنه ايضا ليس كأنهار انجلترا التى هى عباره عن ترعه واقفه من بتوعنا و الناس عمالين يقولوا عندنا نهر عندنا نهر و تبص تلاقيه زى قنايه فى غيط .

فوجئت بكميه من السيارات الحديثة جدا – مرسيدس و بى ام – بكثره هناك و كذلك بكميات غير عاديه من الموتوسيكلات و الفيسبا التى حلت محل الدراجه التقليديه التى نادرا ما رأيتها بما يغنى ارتفاع المستوى الأقتصادى للسكان كذلك انتشار الموبايل بصوره مهوله و لكنها انواع لا نعرفها عندنا.

ايضا كبارى عبور المشاه مختلفه فلها مطالع و منازل كبيره علشان الموتوسيكلات و العجل و الفيسبات و لذلك فشكلها غريب شويه. المرور منتظم بسيوله و الأتوبيسات العامه خضراء اللون و متواضعه المنظر و زحمه على خفيف يعنى فيها ناس واقفه مش كله قاعد و جميعها فيها ظاهره غريبه و هى وجود كاميرا فيديو مثبته خلف الأوتوبيس تنقل الصوره لتلفزيون صغير بجوار السائق . ايضا المدينه بها مترو انفاق .

ايضا من ركوبى للأتوبيس و انا فى طريقى من و الى المعرض أو التاكسى لاحظت ملاحظه غريبه . المدينه تكاد تكون منقسمه لقسمين متلاصقين و فى بعض الأحيان متداخلين احدهما مثل بولاق الدكرور او بولاق ابوالعلا من جوه أوى بمحلاته و مجاريه و الآخر مثل الشانزليزيه او اكسفورد بس أرقى شويه جناين و مولات و مراجيح فى الشارع و ناطحات سحاب. هذه الملاحظه كانت هاتجننى.

الى احد هذه المولات دخلت بغرض تجديد التموين و عمل زواده . دخلت سوبر ماركت زى مترو كده بس على كبير شويه و فضلت الف علشان اعرف اجيب حاجه اعرفها تتاكل مش عارف و كله مكتوب بالصينى و خايف اجيب حاجه مش عارفها تطلع بيضة كيوى من نوع تانى . المهم لقيت حاجه كده عامله زى الفواكه المجففه اشتريت منها عدة انواع و اشكال و انواع مختلفه من التوست و العيش و خرجت حيث كان موعدى مع صاحبنا قد اقترب.

يتبع .........

[ماجد]

اكمل ......

(11)

جاء الرجل و لنطلق عليه مستر بيل فى الموعد و قد احضر لى هديه بسيطه – أو هكذا تخيلتها – و هى عباره عن علبتين من الشاى و لكنه طلب منى الأحتفاظ بهم حتى الرجوع للوطن و علمنى طريقة عمل الشاى منهم و كنت قد اشتريت له هديه من السوق الحره بالقاهره قبل سفرى . و بعد اخذ بعض الصور التذكاريه توجهنا للمعرض و من لحظتها تحول الرجل للمرشد السياحى و السياسى و الأجتماعى لحضرتنا . و قد عصرت الراجل أسئله لكى يفهمنى مالم أفهم .

و أول سؤال كان عن لون ازياء رجال الشرطه فأجاب بأن الأزرق للشرطه و الأخضر للجيش أى أن الجيش هو ما يتولى جميع أمور الأمن فيما عدا المرور و بعض الأمور البسيطه الأخرى . و عن الشرطى الواقف أمام الأوتيل يسجل أرقام التاكسيات فهذا مهمته فى حال نسيت شىء فى التاكسى أو السائق غالطك فى الحساب أن يحضر جميع السائقين فى الموعد الذى ركبت فيه لكى تختار واحدا هو سائقك و يجيب حقك منه :o .

اما عن السيارات الفخمه فى الشوارع فهى لمديرو الشركات . و يعنى انت عاوز لما ييجى ضيف أجنبى ( يعنى غير صينى ) نركبه موتوسيكل و لا سياره صغيره.

معظم الشركات الموجوده هناك قطاع عام اى ملك للدوله و القطاع الخاص مساهمته محدوده جدا و مساهمة القطاع الأجنبى محدوده أكثر و معظم الأستثمارات الأجنبيه فى قطاع البنوك و مشاركة رأس المال الأجنبى بالمال فقط يعنى لك أرباح و فلوس بس و تحولها لبره بدون مشاكل بس مالاكش دعوه بأى شىء آخر و لأن رأس المال الأجنبى بيكسب هناك كويس جدا فلا يتكلم عن أى شىء و لذلك نرى الشركات الأمريكيه و الأوروبيه تتقاتل للدخول هناك بأى شروط يفرضها الصينيون.

لا يزال تحديد عدد المواليد بواحد ساريا و بصرامه و اذا العائله خلفت واحد تانى فالدوله تفرض عليه ضرائب و رسوم باهظه لن تستطيع العائلات العاديه دفعها و بالتالى تقوم الدوله بأخد الطفل منهم و تربيته بمعرفتهم و طبعا لا تعليق عندى :o :o .

المافيا الصينيه موجوده فى بعض المدن ذات الأحتكاك بالأجانب بشده و اكبرها توجد فى شنغهاى و هى ميناء رئيسى بالصين و هى مافيا خدومه و مؤدبه أى أنك طالما تدفع الأتاوة الشهريه لمندوب الشركه الأنيق – كما يطلقون عليها - بانتظام فلن يحدث لك أن نوع من المشاكل fsh:: و اذا كان لك فلوس عند واحد و عندك دليل على الفلوس فياخدوا 10 % منها و يجيبولك الفلوس اما بدون دليل فلا ...لأن هذه النسبه تقسم بين الفرع اللى انت تبعه و الفرع اللى الراجل التانى تبعه. و هناك تسعيره أخرى لعمليات التأديب و التخويف بل و الأغتيال و حسب أهمية الشخص نفسه .

هذه الظواهر جاءت نتيجة الأنفتاح كما قال لى مستر بيل و هى تتركز فى شنغهاى بالخصوص.

عندما وصلنا للمعرض طلب منى مستر بيل ان اتوجه معه للأستقبال لكى يتمكن من استخراج تصريح دخول لنفسه على أساس انه مترجم خاص لى و قد كان وهناك عرفت انه يمكن استئجار مترجم أو مترجمه شخصيه mc: تكون مرافقه معك بقيمة تتراوح بين 100- 300 دولار و لكن يجب عليك ان تكون صاحى لنفسك لأن المترجم ممكن يعمل شغل مع البائع من ورا ظهرك .

هذه الظاهره منتشره بشكل ضخم . أى ظاهرة البيزنس من تحت الترابيزة و العمولات الخاصه و السمسره و بشكل يكاد يكون شرعى و معترف به لكن غير رسمى يعنى مثلا انا عاوز بضاعه من مستر لى و اتفقت معاه على سعر لكن مستر لى لا يستطيع ان يصدر و الشركه اللى هاتصدر هى شركة مستر بيل فاعمل حسابك ان فيه عموله خاصه لمستر بيل هاياخدها منك مثلا 3 % غير العموله اللى مستر بيل هاياخدها من مستر لى . لكن العموله دى مش عاشان يمشى الورق زى عندنا …لآ دى علشان يتأكد من مواصفات و كمية البضاعه و تبقى تحت مسئوليته . و هناك عندهم شركات أخرى للتأكد من انك لا تتعامل مه شركة وسيطه و أنك تتعامل مع شركة سمعتها كويسه ….الخ

الناس دى تعمل كل وقت و اى وقت و دايما . اتذكر اننى كنت اطلب مستر بيل فى أوقات العمل عندنا بكل بساطه :rolleyes: . لما رحت هناك تذكرت انى ممكن اكون طلبته فى الساعه 3 الفجر او الساعه 1 الفجر و الراجل رد على بمنتهى البساطه و اتكلمنا على الماسنجر و بعت فاكسات و ايميلات و رد عليهم . كل ده من بيتهم و راح تانى يوم الشغل عادى . لما سئلته عن هذا الموضوع اخبرنى بأنه ده عادى جدا و انه عنده فى البيت اوراق للشغل و انهم متفهمين فروق التوقيت لباقى العالم عنهم و انه عنده بنت فى الجامعه و محتاجه مصاريف علشان تدرس.

كيف يمكن أن نتفوق على بشر كهؤلاء ………….. انسوا

:lol:

يتبع ......

[ماجد]

فين الزباين ........

الله هم هربوا من ساعة الحريقه ولا ايه ....

يالله ....

لله يا زمر

:rolleyes: :lol:

mc:

[راضي]

فين الزباين ........

الزباين موجودين ومستمعين بل ومستمتعين

أكمل

الله ينور عليك

[amir]

كيف يمكن أن نتفوق على بشر كهؤلاء

استاذ ماجد

أكثر من رائع

بس يا ريت تجاوب لنا على السؤال اعلاه

انتظر بشغف باقى الحلقات

[Farida]

ايه ده يا استاذ ماجد المواهب دى فعلا انا مستمتعه جدا بالرحله وواضح ان لسه عند حضرتك حكاوى كتير عن بلاد كتير ...

نفسى اعرف فيروز عرفت منين ان حضرتك عندك المواهب دى (صورة اينشتين بتدينى انطباع ان لازم اقول حضرتك و سعادتك و كده يعنى) استمر سعادتك

[yasovinas]

الله ينور عليك يا استاذ ماجد

احكي ياشهريار

بس حلوة حكاية تؤجر لك مترجم ((او مترجمه )) :rolleyes:

بس ما قلتلناش الاحجار الكريمه دي اسعارها كام

يعني من باب العلم بالشيء ولا الجهل بوه

[ماجد]

الأخ راضى ...

الزباين موجودين ومستمعين بل ومستمتعين

طيب ماتسمعونا سقفه للنبى علشان نعرف نلعب القرد :lol:

الأخ amir....

بس يا ريت تجاوب لنا على السؤال اعلاه

لن نستطيع يا أخى ان نقترب من منافسة هؤلاء الناس الا اذا تواجدت ارادة الأصلاح و لذلك انا قلت ....

………….. انسوا

:rolleyes:

على فكره . قلت فى موضوع سابق عن فكرتين لتغيير واقع و مستقبل مصر احداهما لى و الأخرى لأستاذ هندسه عالمى و تمت مناقشة الفكرتين على مستوى سياسى و كانت الأجابات .... انسى.

ربما لم يحن الوقت بعد لكى تطفو مصر .....