الهاربين من صوت مصر

[Abo Aley]

بدء أعضاء صوت مصر الفارين من نير الاستعمار السعدوي اللجوء إلى الدول الصديقة مثل محاورات المصريين وذلك بناءا على معلومات مخابرتيه من الأخت سلفر سوان وذلك حفاظا على ماء وجهنا من الحمات التأديبية

وأنا هنا باحيي كل أعضاء المنتدي

وبادعو الاصحاب القدام انهم يتلموا تاني زي زمان

وبالمناسبة للي لسه ما عرفش انا مين منهم انا موني بس غير النيك نيم علشان العضمه كبرت بقى

[عصام]

عُرف عن دولة "محاورات المصريين" منذ القِدم عطفها على كل عابر سبيل .. واجتوائها لكل فكر جاد ومحترم ..

كما عُرف عنها كرمها الشديد مع الأغراب

تشترط دولة "محاورات المصريين" حب مصر فقط للحصول على الجنسية ..

وكما هى كريمة .. فلقد عُرف أيضا عن حكامها فى ذات الوقت غلظة القلب .. وتحجر الشعور .. كما عُرف عنهم أنهم لا يترددون فى استخدام القوة ضد كل مخطىء ..

أهلا بك عضوا جديدا فى أسرتنا الصغيرة .. ونتمنى ألا تكون مسافر ترانزيت cld:

أفادنا الله بك وأفادك بنا ..

[Abo Aley]

قام رعايا مملكة صوت مصر والشهيره بعزبة سعداوي بجر (ضرف) العزبه بعد ما خرجوا منها في هجره للبحث عن ملاذ امن وقد قررنا وضع السلاح بعد الثورة الحمراء التي قمنا بها في العزبه ..... إلا اننا لا نحب اصحاب القلوب المتحجره

ويقول الله عز وجل

لو كنت فظا غليظ القلب لانفضوا من حولك

واسف على عدم كتابة الأيه بالتشكيل

ويا سيدي انا مسلم مولود في مصر ولا تفرق عندي جنسيتي سواء كنت مصريا او باكستاني او صيني طالما ان مسلم ولله الحمد

معرفة طيبه ان شاء الله يا اخ اسو

والسلام عليكم

[SilverSwan]

مونييي ازيك يا ابو علّي و ازي علّي !!

والله ليك وحشه .. انا فرحانه اوي انك جيت ... cld:

ايوه كده .. اهلا بيك معانا - انا لسه ضيفه و برضه برحب - البقيه الباقيه من بعد الثوره التي تبعتها الحرب هتوصل لارض المحاورات قريبا ان شاء الله ..

و مين عارف يمكن نعمل انقلاب و ناخد الحكم me0:

[egyptforever]

طيب ماتدونا فكره عن الحرب العالميه التالته و ثورتكم الحمرا

علشان الواحد يعمل حسابه و يحضر الشوزن بتاعه

cld: me0: ax: s-:

[se_ Elsyed]

من 103 إلى جميع المشرفين ...

جاءنا إنذار مبكر بإن في شوية ثورجية هايهجموا على المحاورات ... إستعدوا وكل واحد يقف على الباب بتاعه ويتبت ويفنجل عينه .

أبو علي .. مرحباً بك وبكل إنسان محترم ينضم إلى

المحاورات ...

صدقني لو قلت لك إن أي مشرف هنا ليست له إمتيازات تميزه عن أي عضو عادي .. لكل المسألة عندنا تنيظمية أكثر ... وروح إقرأ موضوع " يوميات مشرف في المنتدى " في باب الإبتسام وشوف بيحصل لنا إيه ..

تحياتي لك ولكل أعضاء منتدى صوت مصر ( أول مره أسمع عنه ) بس والله ...

والله

والله ما بتفرق معانا الأسماء ...

تكون جاي من صوت مصر ... من كلام مصر ... مرحباً بك .. واظن سيلفر سوان سبقتكم وعملت إستطلاع وهاتعرفكم نظامنا هنا ....

هنا ما فيش ياما أرحميني me0: ax: s-: cld:

[عصام]

من 103 إلى جميع المشرفين ...

نفسى أرد عليه .. بس أنا مش فاكر رقمى كام ... fty::

رقمك كام يا إسو ؟

كام يا إسو :o ؟

ده لسه قايللى عليه من يوميين .. cld: fty:: :o

[yasovinas]

ابو علي اهلا بيك

انت تقرب لام على اللي بناكلها

نورت المكان تعالى جنبي في متسع للحبايب كلهم بس بلاش حكاية الثورة الحمرا والثورة الخضرا احنا هنا كلنا بتوع كلام وبس

[SilverSwan]

من 103 إلى جميع المشرفين ...

جاءنا إنذار مبكر بإن في شوية ثورجية هايهجموا على المحاورات ... إستعدوا وكل واحد يقف على الباب بتاعه ويتبت ويفنجل عينه .

أبو علي .. مرحباً بك وبكل إنسان محترم ينضم إلى

المحاورات ...

صدقني لو قلت لك إن أي مشرف هنا ليست له إمتيازات تميزه عن أي عضو عادي .. لكل المسألة عندنا تنيظمية أكثر ... وروح إقرأ موضوع " يوميات مشرف في المنتدى " في باب الإبتسام وشوف بيحصل لنا إيه ..

تحياتي لك ولكل أعضاء منتدى صوت مصر ( أول مره أسمع عنه ) بس والله ...

والله

والله ما بتفرق معانا الأسماء ...

تكون جاي من صوت مصر ... من كلام مصر ... مرحباً بك .. واظن سيلفر سوان سبقتكم وعملت إستطلاع وهاتعرفكم نظامنا هنا ....

هنا ما فيش ياما أرحميني  me0:  ax:  s-:  :)

:P :P :D

طبعا سلفر سبقت اصل انت مش عارف يا س س - اهو انا ماشيه على سلو بلدكوا - اصلي في بيتنا القديم اللي اتطربق على دماغنا ف الزلزال كنت دايما اللي بسبق و بعمل واشارك ودايمااللي اغلط برضه rs:

كنا في صوت مصر مجموعه متميزه جدا و في اعضاء مننا اعضاء معاكوا من زمان منهم الست امينه و اخرون ...

ولولا السايت قفل فعلا و كل مشاركاتنا و ذكرياتنا راحت كنت جبتلك منها لينكس تتفرج و تقرا و تعيش معانا ..

اعتقد ان عمر صداقتنا هناك عدا ال 3 سنين ولا ايه ؟؟ فكرني اي ابو علي ؟؟ و خدوا بالكم اللي يناديه يقوله ابو علّي بتشدبد اللام - واخده بالك مني يا ميس لايت :) -

كل الاعضاء هيجوا قريب بس البعض بيشتكي من صعوبة التسجيل ف الموقع يعني حكاية الكود و كمان الكونفيرميشن ايميل بياخد وقت على ما يجي ..

اوعدكم ان الناس اللي هتجي من اعضاء صوت مصر هيكونوا ناس فعلا على مستوى من الاحترام و الثقافه هيذهلكم ..

- شوفتوا الاعلانات ;) -

اتمنى نلاقي معاكوا اللي افتقدناه هناك ..

[yasovinas]

]نفسى أرد عليه .. بس أنا مش فاكر رقمى كام ...  :)

رقمك كام يا إسو ؟

كام يا إسو  :P ؟

ده لسه قايللى عليه من يوميين ..  rs:   :)  :P

يا اسو يا حبيبي (بللم بللم ) ذي اسماعيل يا سين

الله يرحم الشاويش عطية (هو بسحنته.... هوب,,,,,,)

تم تعديل 29 نوفمبر 2004 بواسطة yasovinas

[SnipeR]

نورتنا يافندم وشرفت ان واي حد من الاخوه الفارين من نير العدوان :blink:

اهلا بيك

تم تعديل 29 نوفمبر 2004 بواسطة SnipeR

[Modest]

أصدقائي الأعزاء جداً أبو عليً و سيلفر و قبلهم ست الكل ست أمينة :angry: ... و من سيأتي بعدهم.

أنا أحد الأعضاء اللي كانوا (كان فعل ماضي على اعتبار ان الموقع راح في الوبا) فعَّالين جداً جداً ... و كمان جداً :P في صوت مصر... و مش هاقول على اسمي و أخليها فزورة و أنا واثق من ذكائكم :angry:

هاااااااا .... عرفتوا؟ md2:

[Abo Aley]

السلام عليكم

يا جماعة انا متشكر جدا من الاستقبال الحار ده ( وده يقرب للفول ابو زيت حار ) واتمنى يكون المنتدي زي ما فرقة الاستطلاع بلغتنا

انا عرفتك يا مودست ... اطلع من دول يا بو سعده

عمري البندقيه يا سلفر ... وفتحي عنيكي ولو مش عارف كلمة السر طخيه

والست امينه الشهيره بأم برعي دي ست الكل وصحيح هي سبقتنا من غير ماتقول بس هنسامحها المره دي علشان خاطر برعي

ومين تاني نرد عليه .. أه ... يا فندم انا ابو علي وام علي من الفاموليا بس اللي من غير مكسرات .. اللي بمكسرات دي من عيلة تانيه وده مجرد تشابه اسماء

بس تعال هنا هو انت اسمك ايه احسن انا ما عرفتش انطقه ... هو انت بللم بتاع الشاويش عطية

[casper]

وبالمناسبة للي لسه ما عرفش انا مين منهم انا موني بس غير النيك نيم علشان العضمه كبرت بقى

والله زمان يا مونى :)

[casper]

مونييي ازيك يا ابو علّي و ازي علّي !!

والله ليك وحشه .. انا فرحانه اوي انك جيت ... :)

ايوه كده .. اهلا بيك معانا - انا لسه ضيفه و برضه برحب -  البقيه الباقيه من بعد الثوره التي تبعتها الحرب هتوصل لارض المحاورات قريبا ان شاء الله ..

و مين عارف يمكن نعمل انقلاب و ناخد الحكم  me0:

fr1:: lo:: rs:

ايه ده ؟

ادى اخرة اللى يقول الاسرار للبنات

اهى راحت لاهل تروى وقالتلهم على الخطة السرية

وبعدين خدى هنا

ايه ال 68 بوست اللى كتبتيهم بسرعة دول

هالحقك ازاى انا طيب دلوقتى

[casper]

طيب ماتدونا فكره عن الحرب العالميه التالته و ثورتكم الحمرا

علشان الواحد يعمل حسابه و يحضر الشوزن بتاعه

:)  me0:  ax:  s-:

بس يا سيدى انا هاقولك على الموضوع وامرى لله

1-تعاقد مع اتنين يكونوا بيلعبوا كلمات متقاطعة وشطرنج علشان يحاولوا يخمنوا الحروف الناقصة والمتلخبطة فى كلام العضوة دى علشان تفهمها

2-ربنا يستر وميتعملهاش بان لان ده ممكن يكون لعنة على السايت صدقنى

دى قفللت بتاع عشرة تماناشر سايت لغاية دلوقتى

يعملولها بان تغضب عليهم السايت يقع والادمن ينتحر والموديريتورز يجيلهم عقد نفسية وحاجات كتيرة مش هاقولها احسن تقول عليا انى باطلع عليها سمعة وحشة او حاجة

[casper]

من 103 إلى جميع المشرفين ...

جاءنا إنذار مبكر بإن في شوية ثورجية هايهجموا على المحاورات ... إستعدوا وكل واحد يقف على الباب بتاعه ويتبت ويفنجل عينه .

هنا ما فيش ياما أرحميني  me0:  ax:  s-:  :)

fr1:: lo::

ربنا يسامحك ياللى فى بالى

يعنى عنصر المفاجاة فقدناه وكمان عنصر التخفى

انا مش قولتلكم البنات متلعبش حرب معانا يا جماعة محدش سمع كلامى

اشربوا بقى

[casper]

رقمك كام يا إسو ؟

كام يا إسو  :) ؟

ده لسه قايللى عليه من يوميين ..

17

بص يا سيدى انت تجمع الارقام اللى موجودة فى رقم العضوية بتاعتك

او تجمع الارقام اللى موجودة فى عدد بوستاتك (اوعى تكتب حاجة تانى احسن الخطة تبوظ)

او تجمع الارقام اللى فى تاريخ اشتراكك (محدش يقوله يا جماعة انهم 18 مش 17 هنا علشان الراجل مايتلخبطش)

او تجمع الارقام اللى فى تاريخ ميلادك هتلاقيهم 17 برضه

من الاخر كده احنا مشفناك

وبيتهيالى المفروض انهم يعدموك علشان انت خلاص بقيت كارت محروق

[casper]

ابو علي اهلا بيك

انت تقرب لام على اللي بناكلها

نورت المكان تعالى جنبي في متسع للحبايب كلهم بس بلاش حكاية الثورة الحمرا والثورة الخضرا احنا هنا كلنا بتوع كلام وبس

لا بجد

انت التوقيع بتاعك تحفة فنية

سكر بجد وملهوش حل

[casper]

واخده بالك مني يا ميس لايت  :) -

كل الاعضاء هيجوا قريب بس البعض بيشتكي من صعوبة التسجيل ف الموقع يعني حكاية الكود و كمان الكونفيرميشن ايميل بياخد وقت على ما يجي ..

ميس لايت مين بس

ده اسمه سى السيد

يادى الافلام الكارتون اللى اكلت دماغك

وبعدين ايه اللى بيشتكوا من صعوبة التسجيل دى

التسجيل سهل جدا والايميل بيوصل بسرعة جدا

ولا انتى كده وخلاص

دايما تجيبى العيب على الموديريتورز fr1::