اشترى عربية من السعودية ولا مصر

[انسان مخنوق]

انا شغال فى السعودية وبفكر اشترى عربية زيرو برغم انى لسه متعلم سواقة على خفيف بس ماشى الحال

اصحابى اقترحوا عليا اشترى سيارة اوتوماتيك زيرو بحيث اخدها مصر معايا وانا نازل نهائى

ايه رأيكم ؟؟؟؟

هل هاتبقى تكلفتها هيا هيا ولا اقل ولا اكتر ؟؟؟

وايه افضل نوعية يكون جماركها معقولة وشكلها حلو

انا احتمال اكمل هنا فى السعودية سنتين او تلاتة بالكتير ان شاء الله

علما انى مش بحتاج سيارة كتير لانى ساكن جنب شغلى يعنى لو جبتها هاتبقى للخروجات اخر الاسبوع وعلشان انزل بيها مصر وخاصة ان السيارات هنا مواصفاتها افضل من مصر

تم تعديل 29 يناير 2012 بواسطة انسان مخنوق

[م تيمور المراغي]

مجالات الاختيار كده واسعه اوي

لازم تحدد البادجت اللي بتتحرك فيها وطلباتك عاوزها رفاهيه ولا عمليه وناوي تبيعها قريب ولا حتبقى سيارة العمر

ربنا يوفقك

[انسان مخنوق]

والله احنا نعمل حسابنا على انها هاتبقى سيارة العمر وتكون عملية وشكلها حلو بردو

صحيح ممكن تضطرنى الظروف انى ابيعها بس التفكير الغالب عليا انها هاتبقى سيارة باقية معايا اطول فترة ممكنة

اصحابى اغلبهم بيشترى الانترا دلوقتى .... هيا مقبولة بس لو فيه حاجة افضل فى المواصفات + الشكل + التكلفة الاجمالية + لو فكرت ابيعها ماخسرش فيها كتير

[herohero]

اشتري من مصر طبعاااااااااااااااااا لو الهدف انك تركب عربية ف مصر يبقى محتاج العربية اللي قطع غيارا متوفرة ف مصر والضمان ف مصر وف كلا الحالتين انتهى موضوع المواصفات لان فيه موديلات كثير مصر ف منها المواصفات الخليجي عادي فالاهم ف مصر عربية قطع غيارها متوفرة وماشية ف مصر وانا شايف اللي ماشي ف مصر كويس جدا هيونداي-كيا-ميستوبيشي -نيسان-تيوتا

وغالبا لن تحتاج اثر من 1600سي سي وعن تجربة شخصية من سنة 2001 معانا ميتسوبيشي لانسر وكنا ف الكويت ساعتها وجيبناها من مصر وكانت مواصفات خليجية من المصرية للسيارات وامورها كانت عال العال اهم شئ عربية لها قطع غيار حنينة ف مصر وحاليا افضلهم هي الهيونداي ويفضل تكون

العربية 1600 سي سي

والهيونداي ف السعوديه عامله شغل كويس يكفي انتشارها كتاكسيات

-----------------------------------

طبعا المهندس رؤوف خير من يتحدث ف هذا الموضوع وهو عامل موضوع خاص بسيارات المغتربين لكن انا حكيت التجربة الشخصية

[عادل أبو عمر]

أخي العزيز

هذا الموضوع فيه كل ما تحتاجه و المهندس رؤوف ربنا يجازيه كل خير أكيد هيفيدك بإذن الله

كل ما يخص السيارات للمغتربين لكل المغتربين