Alattar بتاريخ: 9 يناير 2012 تقديم بلاغ مشاركة بتاريخ: 9 يناير 2012 في ظل الأخبار الواردة عن احتمال إصدار أحكام علي مبارك و أعوانه لتهدئة الوضع يوم 25 يناير القادم..قرأت النهاردة الخبر ده نقلا عن مصراوي أبناء مبارك: هنهد السجن هنولع فيه لو مبارك حكموا عليه أستمر أبناء مبارك فى هتافاتهم المؤيدة للرئيس السابق مبارك، والمطالبة بتبرئته وعودته للحكم مجدداً، رغم البلبة التى شهدتها المنطقى التى يتمركزون فيها على يمين البوابة، حيث حدثت مشاجرات بين مؤيدى مبارك وأنفسهم، وتعدى العيسوى صحفى بجريدة التحرير. على الجانب الأخر ساد الهدوء فى المنطقة الخاصة بتمركز أسر الشهداء حيث إختفى أسر الشهداء وهتافاتهم ولم يبقى سوى القليل الذين إستمروا فى رفع لافتاتهم التى تحمل صور الشهداء من أبنائهم. وردد أبناء مبارك العديد من الهتافات المؤيدة للرئيس السابق منها" هنهد السجن هنولع فيه لو مبارك حكموا عليه"و"شوفنا الذل وشوفنا العار بعد الريس الطيار"و"بالروح بالدم نفديك يا مبارك". من جانبها أكدت شيماء مصطفى أحد المؤيدين للرئيس مبارك والمطالبة بالأفراج الفورى عنه، ان مبارك لن يصدر أوامر بقتل المتظاهرين ولن يحرض على نشر البلطجة لحدوث الأنفلات الأمنى، متوقعة أن يصدر الحكم فى قضيته بالبراءة بعد 25 يناير الجارى. وحول مرافعة النيابة فى الجلسات السابقة، نفت أن يكون هناك أدلة تدين مبارك، رغم ما تم عرضه من مقاطع تسجيلية لقنوات فضائية بقتل المتظاهرين السلميين بميدان التحرير، قائلة" النيابة فى أى قضية بتوجه التهم وبطالب بأقصى عقوبة مفيش قلق من مرافعة النيابة". شخصيا..متوقع أيام صعبة جدا الفترة الجاية..الجماعة المغيبين دول لو فعلا فكروا يعملوا أي حاجة..هيبقي فيه مواجهات احنا في غني عنها الفترة دي.. ان شاء الله تعدي علي خير (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) رابط هذا التعليق شارك المزيد من خيارات المشاركة
عصام أبوالفتح بتاريخ: 9 يناير 2012 تقديم بلاغ مشاركة بتاريخ: 9 يناير 2012 (معدل) OK .. لكن لا يوجد حتى الان ما يسمى بآسفين يا مشير .. لأنه لن يحاكم كمبارك والعادلى ... والأيام بيننا واذا وجدت بعد 6 شهور جماعة اسمها آسفين يا مشير فستكون أنت أحدهم بالتأكيد ده لو كنت أبن من أبناء مبارك زي انت ما كنت بتتباهي أو لو عملت جروب لتجميع مليون توقيع للمجلس العسكري زيك تم ابلاغ الادارة عن المشاركة لاتخاذ اللازم .. يعلم جميع القدامى فى المحاورات اننى من أشد أعداء مبارك وادعائك هذا محض كذب وافتراء أرفضه واستهجنه كالسب والقذف تماماً . فى الذكرى السنوية لشهداء العبارة أدعو الله ربى أن تموت حتى يعلم الجميع من الصادق هذا هو جزء من مداخلة سي السيد اليوم وفيها ما يتعلق بما ذكرته ردا على مداخلتك في محاولة لشخصنة الموضوع لغلقه Posted Today, 11:15 AM Quote واضح استعدادك الفطرى للقفز على السلطة ودلدلة الرجلين كمان .. لكنك لم تأخذ هذه الفرصة حتى الان ولعل المستقبل يحملها لك بإذن الله لن يحدث .... فحروف الأنسان تفضحه وتكشف شخصيتة .. والجميع يعلم من يبحث عن شهرة ومنصب .. ومن يكتب لوجه الله وللوطن فقط فرق كبير بين صاحب المبدأ الواضح الرافض لأي فساد ... وبين من يدعي خوفه على البلد وهو يبطن في داخله شيء أخر ويظهر ذلك بدعمه ومساندته للفاسدين .. تحت حجة إن دي مصلحة البلد أعرف ناس بييدعو الوطنية هنا .. وهما على الفيس بوك بيقودوا حملة لجمع مليون توقيع لدعم المجلس العسكري ... زيك يا عصام إحنا هانروح بعيد ليه .. ولا هاتتبرا من ده كمان ؟... اللي مستغرب له إنت ليه ما اعلنتش عن الحملة دي هنا في المحاورات ؟ طبعاً ما كنتش تقدر تلمح حتى عن الحملة المشبوهة دي لأن إنت عارف الموقع ده كويس وعارف توجهة الوطني ولله الحمد وده مش عيب .. حقك إن شالله تسكن في العباسية حتى عشان تبقى قريب من المجلس عرفت مين بقى بتوع المصالح والمناصب والجداول الأرتوزاية اللي المجلس العسكري بينتظرها بفارغ الصبر عشان يسلم السلطة ؟ انت بتعجن على فكرة . . خلطت دفاعى عن المجلس بفكرة مفتراه من دماغك انى باتباهى انى من ابناء مبارك . . ربنا يشفيك وكملت وعجنت كلامى مع كلام س س وخليته كله على لسان س س وها هو اصل المشاركة اللى عجنتها وردى عليها... واتحداك ان تاتى بأصل لفرية التباهى بانى من ابناء مبارك .. يا كذاب الرباط الخاص بي واضح استعدادك الفطرى للقفز على السلطة ودلدلة الرجلين كمان .. لكنك لم تأخذ هذه الفرصة حتى الان ولعل المستقبل يحملها لك بإذن الله لن يحدث .... خير ان شاء الله :) أنا مشترك على الفيس فى 52 جروب لم اعلن هنا الا عن حملة المغتربين المصريين للمطالبة بحقوقهم السياسية التى تضم كثير من الاعضاء هنا منهم سعادتك ودعمى للمجلس العسكرى لا يخفى على أى أحد هنا أو فى الفيسبوك أو فى جداولى الارتوازية كما اسميتها حضرتك وربنا أعلم بالنوايا على أى حال يا س س .. وعيب انك تقول يبطن وميبطنش لأنك لست الله لتعلم ذلك تم تعديل 9 يناير 2012 بواسطة عصام أبوالفتح ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
ابو محمود بتاريخ: 9 يناير 2012 تقديم بلاغ مشاركة بتاريخ: 9 يناير 2012 (معدل) على مايبدو انا امام صورة رخيصة للتشكيك فى نوايا اشخاص وقلوبهم وحملة من الافتراء على الاعضاء من بعض الاعضاء واتهامهم فى وطنيتهم تعاطيآ مع افكارهم والحكم عليهم بالعمالة والسقوط لانهم يملكون فكرآ مغايرآ لفكر بعض وهذا يدل على اننا لا نمتلك الحكمة او اي جزء بسيط من الديمقراطية التى يتشدق بها البعض تم تعديل 9 يناير 2012 بواسطة ابو محمود لا تقلق من تدابير البشر، فأقصى ما يستطيعون فعله معك هو تنفيذ إرادة الله . رابط هذا التعليق شارك المزيد من خيارات المشاركة
ابو محمود بتاريخ: 9 يناير 2012 تقديم بلاغ مشاركة بتاريخ: 9 يناير 2012 سيناريو آخر ليوم 25 يناير إنقلاب على المجلس العسكري قبل 25 يناير من داخل الجيش بتخطيط من أمريكا وبالإتفاق مع المجلس العسكري الحالي لإستبدال الوجوه والحفاظ على النظام والخروج الآمن لأعضاء المجلس الحالي .... ونبدأ الجيم على ميه بيضه من الأول على فكرة يا استاذ احمد .. انت لم تتعرف جيدآ على تكوين الجيش المصري او بالأصح لم تتعرف على المحاورات عن طريق المطالعة والتصفح بها ان بالمحاورات اعضاء قدامى تكلمو عن الجيش المصري واستحالة قيام انقلاب بداخلة على فكرة الترمومتر عند حضرتك بيتغير بسرعة ولا ينبغى بناء مواقف على مداخلات بعض الزملاء اما تأيدآ او هجومآ لمجرد انهم اتهمو زملاء باشياء لم تشاهدها بنفسك او تلمسها ببصيرتك تحياتى لا تقلق من تدابير البشر، فأقصى ما يستطيعون فعله معك هو تنفيذ إرادة الله . رابط هذا التعليق شارك المزيد من خيارات المشاركة
ماستر بتاريخ: 9 يناير 2012 تقديم بلاغ مشاركة بتاريخ: 9 يناير 2012 (معدل) بعيد عن المناقشة المشتعلة الى بتحاول تخرج الموضوع عن هدفة وشخصنة الكلام, خلينا فى الهدف الاساسى: 1- لو فية مبانى هتتحرق يبقى هتتحرق فى خلال الاسبوع دة او القادم بالكتير 2- الى هيتحرق اوى اشباة الرجال الى ركبوا على الثورة 3- الى هيتحرق عملاء امن الدولة الى لسة منتشرين فى كل مكان ومنهم المنتدى هنا 4- الى هتيتحرق الى كان عايز ياخد العزاء فى الثورة والحمد لله الثورة لن تموت 5- الى هيتحرق هو دم كل واحد كان بيتريق على الثورة وبيشتم الثوار 6- الى هيتحرق هى كل خطط العسكرى وخطط النظام القديم 7- الى هيتحرق هى امال نظام مبارك انة يرجع تانى 8- الى هيتحرق كل واحد عامل انة بيحافظ على مصلحة البلد وهو بيحاول بكل طريقة انة يفسدها ويدمرها 9- الى هيتحرق هو كل واحد بيشكك فى الانتخابات وعايز يلتف عليها وبيقول ان الثورة ضدد الانتخابات 10- الى هيتحرق هو دم كل واحد كان زمان مع الثورة بس خايف 11- الى هيتحرق هى الاقنعة الى لبسها اعداء الثورة وهيبانوا على حقيقتهم تم تعديل 9 يناير 2012 بواسطة ماستر ليس من المهم اين نقف، ولكن من الضرورى معرفه فى اى اتجاة نسير رابط هذا التعليق شارك المزيد من خيارات المشاركة
احمد رضوان بتاريخ: 9 يناير 2012 كاتب الموضوع تقديم بلاغ مشاركة بتاريخ: 9 يناير 2012 (معدل) على مايبدو انا امام صورة رخيصة للتشكيك فى نوايا اشخاص وقلوبهم وحملة من الافتراء على الاعضاء من بعض الاعضاء واتهامهم فى وطنيتهم تعاطيآ مع افكارهم والحكم عليهم بالعمالة والسقوط لانهم يملكون فكرآ مغايرآ لفكر بعض وهذا يدل على اننا لا نمتلك الحكمة او اي جزء بسيط من الديمقراطية التى يتشدق بها البعض الوحيد اللى يدخل في النوايا هو ربنا ... والواحد بيهاجم المواقف ، عندما يدافع البعض عن القتلة ... هذا موقف يجب مهاجمته وبكل ضراوة ، وكل من يدافع عن من تلطخت يده بدماء ابناء الوطن الواحد بل يصل الأمر لعمل حملة لجمع مليون توقيع له ... توقيع مليون فرد بالموافقة على سياسات التفرقة والخراب والقتل والسحل والتعرية والتجويع .... والمصيبة تهون عندما لا نرى اما عندما نرى ونخلق مبررات واهية من وجود عفاريت كطرف خارجي هو من يحرك الأحداث او كائنات فضائية كطرف خفي ... يبقى لازم موقف لإن ده انحياز سافر .... لا يراعي عقول حتى الأطفال اما ردك عن الفكر ... ما نطرحه هنا هو لهتك وفضح تلك الأفكار الملوثة بدماء الأبرياء والتى تدعو للخنوع والركوع آه نسيت اقولك ... الصورة مش رخيصة دي مصروف عليها وغالية تم تعديل 9 يناير 2012 بواسطة احمد رضوان لك الله يا مصر مدونتى : حكايات عابر سبيل radws.blogspot.com رابط هذا التعليق شارك المزيد من خيارات المشاركة
متعب بتاريخ: 9 يناير 2012 تقديم بلاغ مشاركة بتاريخ: 9 يناير 2012 انا جه شوف ياحج احمد فوكك الاول من الفلول الجدد دول . دول عندهم استعداد يحرقوا مصر وال جاب مصر لسبب بسيط لعلمهم انهم دخلوا البرطمان ده بالعصى والسكينه ومعروف ليهم ان العسكر وامريكا واسرائيل هى ال ورى تواجدهم بعد ما اعطوا الامان والولاء والطاعه لتل ابيب ف فوكك خلينا نشوف السيناريو بتاع الواد الزعبله المتزعبل ده يعنى كلام اعتبروه فى الزعبله . نقول من الاول انتشار الاشاعات والتهديدات من سوزان سكسه انها بتهدد ب وب وب على اساس يعنى ان العمليه يعنى قال ماشيه قانونيه قال الحكم هيصدر على مبارك وهيشيل الليله كلها بمفرده باعتباره هو ال اعطى وهو ال اخذ وبالطبع اولاده براءة وكل المتواجدين . عادلى وعدلات كمان . لان الزبون شال الشوال لوحده والباقى كان مرغم مانجه كده الحكم هيصدر بالاعدام على قيصر الروم على اساس انهم يلتفوا من جديد على يوم خمسه وعشرين يناير القادم وبعدها يصدر الطعن بالحكم باستخدام نفس القانون ال هما اصلا عاملينه دابه بيركبوها وقت ماهما عوزين القانون بيقول ان لاينفذ حكم الاعدام على من تعدى الستين مش السبعين زى ما بتقول الا فى الحالات الخاصه فقط والحالات الخاصه دى عبارة عن ايه اما امام محاكم عسكريه وال المفروض كان يحاكم فيها وهما رفضوا عشان كده مع الرغم انه محاكمته قانونا تكون امام المحاكم العسكريه لكونه القائد الاعلى للقوات المسلحه اذن الحكم باطل وهيتم تبرئته هو الاخر الحاله التانيه ال يتنفذ فيها حكم الاعدام انه يكون امام محاكم ثوريه . ودى برده محصلتشى يبقى ضربوا عصفورين بحجر واحد برئوا الجميع وجابوها فى واحد وبرئوا الواحد ده كمان شغل حلق حوش يعنى . لان ده مبدء عندهم واتربوا واترعرعوا عليه والتيارات الزعبلويه دى هتساند ده بقوة ده سيناريوا السيناريوا الاخر . الحكم بالمؤبد مش هيختلف كتير عن الاولانى . ونفس السيناريوا هيطبق . بس بعد التصاريح اليوميه والاصدارات والتقارير الطبيه ال هتقول ان مبارك بيطلع فى الروح وجاله كام جلته وكام شلل وكام نيله عليه وعلى ال جابه وبالطبع نفس الاصوات هتطالب بالعفو عن مبارك لحالته الصحيه ويبقى برده برئوا الجميع وكماله السيناريوا اعلاه اذا كان امين شرطه رفضوا يحاكموا اصلا هيحكموا مبارك ولا العادلى ال ماسك رقابيهم كلهم فى اديه ماعلينا اعتقد ان طالما مفيش عدل قائم على ارض مصر بالشكل ال شايفينه ده لازم ينتشر الفوضى الى مالا نهايه عاوز تنهى الفوضى ال فى البلاد سبب واحد ينهيها . هو اقامه العدل واعتقد ان الرجاله مش هتقيم العدل ابدا فاالى الفوضى اما شله قابضين ياريس دول فوكك منهم وعلى راى المثل البيت بيت ابونا . ويامأمنه للميه فى الغربال عبيد وصناع الأصنام يكرهون دوما من يقوم بتكسيرها رابط هذا التعليق شارك المزيد من خيارات المشاركة
احمد رضوان بتاريخ: 9 يناير 2012 كاتب الموضوع تقديم بلاغ مشاركة بتاريخ: 9 يناير 2012 انا جه شوف ياحج احمد فوكك الاول من الفلول الجدد دول . دول عندهم استعداد يحرقوا مصر وال جاب مصر لسبب بسيط لعلمهم انهم دخلوا البرطمان ده بالعصى والسكينه ومعروف ليهم ان العسكر وامريكا واسرائيل هى ال ورى تواجدهم بعد ما اعطوا الامان والولاء والطاعه لتل ابيب بص يا زعبلة ... عايز ديموقراطية وحرية ... يبقى تلتزم بالشروط ، مفيش حاجه اسمها البطرمان لأن ده مجلس الشعب اللى تم اختياره عن طريق الشعب ، لو الإختيار مش عاجبك انت حر بس لازم تحترم اختيار الأغلبية ... وعيب اننا نسخر من أول مؤسسة منتخبة ذات شرعية ، كده نبقى بنهرج ، وفعلا غير جاهزين للديمقراطية ... عصل ومش عصا ، الشعب هو اللى اختار وهو اللى حيتحمل تبعة اختياره والشعب مع الوقت حيتعلم إزاي يختار الأصلح الإختلاف هنا فقط ليس على شرعية مجلس الشعب بل على متى يتم نقل السلطة وآلية نقلها بعض الناس تفضل الإنتظار ... وآخرون وأنا نهم نفضل افسراع لتفويت الفرصة لإي تلاعب ... يعنى الموضوع مفيش فيه خلاف على الهدف لكن الوسيلة ... وكل ده خوف من المجهول وخوف على الثورة وخوف من سقوط خسائر جديدة في الأرواح والممتلكات وخوف من تشبث المجلس بالسلطة فياريت يكون طرحك نابع من المكتوب هنا لأن غير كده يبقى الهدف عمره ما حيكون صالح البلد لك الله يا مصر مدونتى : حكايات عابر سبيل radws.blogspot.com رابط هذا التعليق شارك المزيد من خيارات المشاركة
egyptawy بتاريخ: 9 يناير 2012 تقديم بلاغ مشاركة بتاريخ: 9 يناير 2012 (معدل) OK .. لكن لا يوجد حتى الان ما يسمى بآسفين يا مشير .. لأنه لن يحاكم كمبارك والعادلى ... والأيام بيننا واذا وجدت بعد 6 شهور جماعة اسمها آسفين يا مشير فستكون أنت أحدهم بالتأكيد ده لو كنت أبن من أبناء مبارك زي انت ما كنت بتتباهي أو لو عملت جروب لتجميع مليون توقيع للمجلس العسكري زيك انا مش قادر افهم احنا ليه ما عندناش ثقافة الاختلافوتقبل الراى الاخر هو فيها ايه لو رايى عكس رايك هو لو اختلفت معاك ابقى خاين وعميل وانت الوحيد الا فاهم انما انا مغيب و مش فاهم للاسف فيه اعضاء كتير قوى بيمارسوا الارهاب الفكرى لمجرد الاختلاف معاهم فى الراى من حقى اعبر عن رايى ومن حقك تعترض عليه وتتناقش معاى وتقنعى او اقنعك او ما نوصلش لنتيجة ومن ححقك على انى اتقبل اختلافك معاىبصدر رحب بل من حقك انى استميت فى الدفاع والتضحية عشان اديلك فرصة تعبر عن رايك حتى لو كان مخالف لى لكن مش من حقك ترهبنى فكريا المفروض فيه ناس عنا من صفوة شباب مصر اذا كانت ده طريقتهم فى الاختلاف فلاسف يبقى احنا نستاهل 100 ديكتاتور يحكمنا تم تعديل 9 يناير 2012 بواسطة egyptawy سبحان الله و بحمده سبحان الله العظيم اللهم لك الحمد ولك الشكر كما ينبغى لجلال وجهك وعظيم سلطانك اللهم اغفر للمسلمين و المسلمات و المؤمنين و المؤمنات الاحياء منهم و الاموات رابط هذا التعليق شارك المزيد من خيارات المشاركة
متعب بتاريخ: 9 يناير 2012 تقديم بلاغ مشاركة بتاريخ: 9 يناير 2012 هو مجلس الشعب ده من امته لو لزمه فى مصر ده مجلس من يومه مجلس موافقين وسبب رئيسى فى الفساد ال فى مصر وطول عمره مصدر رئيسى لسرقه مصر هتقولى ده مجلس ثورة مجلس ثورة ازاى والنظام القائم على نفس الفساد هو ال موجود يبقى ايه الجديد ال هيتغير فيه طالما النظام قائم امال احنا بنطالب بسقوط النظام ليه اصلا ؟ عبيد وصناع الأصنام يكرهون دوما من يقوم بتكسيرها رابط هذا التعليق شارك المزيد من خيارات المشاركة
se_ Elsyed بتاريخ: 9 يناير 2012 تقديم بلاغ مشاركة بتاريخ: 9 يناير 2012 الداخلية:نتابع دعاوى التخريب فى 25 يناير اللواء محمد ابراهيم وزير الداخليةالغربية – رفيق ناصف: منذ 3 ساعة 16 دقيقة أعلن اللواء محمد إبراهيم، وزير الداخلية، أن أجهزة الأمن تتابع دعاوى التخريب والدعوات إلى التظاهر من جانب بعض الأشخاص، خلال الفترة الماضية عبر شبكة التواصل الاجتماعي "فيسبوك"، و"تويتر"، والتي تتضمن دعوات لإثارة الشغب والتخريب في منشآت حيوية بالقرب من ميدان التحرير خلال احتفالات ذكرى ثورة 25 يناير. وقال وزير الداخلية فى تصريحات على هامش جولته اليوم فى محافظة الغربية إنه يتابع تلك الدعوات، ويتم حاليا محاولة معالجتها سياسيا حتي يكون يوم 25 يناير عيدا يحتفل به الجميع بنجاح الثورة التي أنقذت مصر من نظام جثم على صدور المصريين لمدة 30 عامًا. وأوضح أن جميع مؤسسات الدولة تقوم بواجبها، خاصة مع بدء دورة مجلس الشعب فى 23 يناير المقبل بعد انتخابات أشاد الجميع بنزاهتها، وقدرة القوات المسلحة والشرطة على تأمينها. ولفت فى الوقت نفسه إلى أن الداخلية شكلت لجنة لدراسة المزج بين عيد الشرطة وعيد الثورة للخروج بالاحتفال بالشكل اللائق. وأكد وزير الداخلية استمرار دعم جميع مديريات الأمن علي مستوي الجمهورية بالإمكانيات المادية اللازمة من سيارات وأسلحة، وسواتر ضد الرصاص، حتي تتمكن القوات من الاضطلاع بمهامها في إعادة الأمن والاستقرار إلى الشارع المصري في أقصر فترة ممكنة، مشيرًا إلى أن ذلك لن يتحقق إلا بالمساندة الشعبية من المواطنين لرجال الشرطة. اقرأ المقال الأصلي علي بوابة الوفد الاليكترونية الوفد - الداخلية:نتابع دعاوى التخريب فى 25 يناير مش العالم قرية صغيرة ؟ مش قرية سياحية في شرم الشيخ طب ما يعرضوا لنا كام موقع من دول عشان نفضحهم ونخزق عنيهم الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
احمد رضوان بتاريخ: 9 يناير 2012 كاتب الموضوع تقديم بلاغ مشاركة بتاريخ: 9 يناير 2012 هو مجلس الشعب ده من امته لو لزمه فى مصر ده مجلس من يومه مجلس موافقين وسبب رئيسى فى الفساد ال فى مصر وطول عمره مصدر رئيسى لسرقه مصر هتقولى ده مجلس ثورة مجلس ثورة ازاى والنظام القائم على نفس الفساد هو ال موجود يبقى ايه الجديد ال هيتغير فيه طالما النظام قائم امال احنا بنطالب بسقوط النظام ليه اصلا ؟ النظام كله سابقاً كان مسخراً لشخص الرئيس وحاشيته ... وهو ده اللى بهدل البلد الآن نطمح لمجلس قوي ... علشان كده بنساند المجلس مهما كات تكوينه حتى يستطيع ان يقف ويفاوض المجلس العسكري وبعد هدوء الأوضاع يتم مراقبة أداء المجلس عن طريق الشعب والشعب يقدر يصحح اختياره ... لكن ليس من الحكمه التقليل من دور مجلس شعب شرعي ومنتخب ... كده عمرنا ما حنتفق على هدف والمجلس العسكري مش طالع منها ولو بعد كمان 60 سنة لك الله يا مصر مدونتى : حكايات عابر سبيل radws.blogspot.com رابط هذا التعليق شارك المزيد من خيارات المشاركة
aimen بتاريخ: 9 يناير 2012 تقديم بلاغ مشاركة بتاريخ: 9 يناير 2012 (معدل) دا احسن مكان الواحد يضع الفيديو دا فيه http://www.youtube.com/watch?v=mdPC4QCQ1xo اللقاء الوحيد مع مفجر الثوره الحقيقي ....لقاء نادر ياترى حنشوف المفجر الجديد امتى ؟؟ يمكن عمرو مصطفى ولا توفيق عكاشة يعملها تم تعديل 9 يناير 2012 بواسطة aimen رابط هذا التعليق شارك المزيد من خيارات المشاركة
الباشمهندس ياسر بتاريخ: 9 يناير 2012 تقديم بلاغ مشاركة بتاريخ: 9 يناير 2012 مش هيحرقوا حاجة جنب الميدان اطلاقا تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
عصام أبوالفتح بتاريخ: 11 يناير 2012 تقديم بلاغ مشاركة بتاريخ: 11 يناير 2012 يا ترى إيه اللى حيتحرق يوم 25 يناير القادم شمعة عيد ميلاد الثورة .. وشمعة عيد ميلادى الرسمى .. ان شاء الله 25 يناير عيداً قومياً لمصر ....... مبروك عليكم يا مصريين أول شمعة ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
ماستر بتاريخ: 11 يناير 2012 تقديم بلاغ مشاركة بتاريخ: 11 يناير 2012 25 يناير عيداً قومياً لمصر ....... مبروك عليكم يا مصريين أول شمعة مبروك على كل المصريين واتمنى يكون الكلام دة من قلبك يا استاذ عصام, ان شاء الله هنحتفل ببداية وضع الثورة على طريقها الصحيح ليس من المهم اين نقف، ولكن من الضرورى معرفه فى اى اتجاة نسير رابط هذا التعليق شارك المزيد من خيارات المشاركة
عصام أبوالفتح بتاريخ: 11 يناير 2012 تقديم بلاغ مشاركة بتاريخ: 11 يناير 2012 25 يناير عيداً قومياً لمصر ....... مبروك عليكم يا مصريين أول شمعة مبروك على كل المصريين واتمنى يكون الكلام دة من قلبك يا استاذ عصام, ان شاء الله هنحتفل ببداية وضع الثورة على طريقها الصحيح الله يبارك فيك يا أستاذ ماستر وحياتك الثورة على الطريق الصحيح وماشية فى السريع مش فى الخدمة وفى الحارة الشمال وضاربين العالى كمان.. بس مش عايزين حوادث علشان الطريق ميقفش وعشان منتعطلش تانى. ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان