عسكر ....كاذبون

[ماستر]

«العسكرى» يشكل لجنة إعلامية من 11 لواء لتوفير «المعلومات الحقيقية»

دة دليل على نجاح الحملة,

بردو مهما العسكر عمل هما كاذبون

[ماستر]

حملة كاذبون وسلاسل الثورة للناس اللي عندها نسبة وعي او تعليم

حملة احمد سبع الليل هدقها الاقل وعي وتعليم وبالذات العساكر الغلابة

حملة يقوم بيها شباب الثورة اللي من الارياف والنجوع والصعيد

دور على المجندين الغلابة من نوعية احمد سبع الليل

وخلي عندك هدف انه يبقى احمد سبع الليل لم قابل بن بلده المحترم المظلوم

وممكن تطبق الفكرة على الناس العادية

حاول تفهمه حقوقه

عرفه دول مين ودول مين (عرفه هم مين اعداء الوطن الحقيقيين)

كلمه بلغته وبطريقته وشوف ايه المهم بالنسبة له واثبتله اننا عاوزين حاله احسن

عرفه يعني ايه عدالة اجتماعية وان هو اول مستفيد منها

عرفه قيمة الكرامة والفرق بين الالتزام العسكري الميري يعني وبين الاهانة والذل وغسيل غيرات الباشا

فهمه هو المفروض يخدم مين الوطن ولا يخدم الباشا والمدام والاولاد

فكره بقيمه وعاداته انه مش المفروض يسمح بحد يهينه وانه ما يتعداش على حرمة

فمهمه اننا لم بنتعب بنروح لدكتور ولم بنحب نتعلم بنروح لمدرس ولم نحتاج فتوى نروح لشيخ واننا لم نحب نعرف يعني ايه سياسة لازم ناخد براي المختص في السياسة

فهمه يعني ايه ثورة وايه الخطوات اللي لازم تحصل مجلس انتقالي مدني دستور بعدين رئيس بعدين مجلس شعب وان اللي حصل كان خداع

عرفه تونس عملت ايه وليبيا وصلت لفين واننا لا حصلنا دول ولا دول

احكيله تجاربك الشخصية انت او الناس اللي تعرفوهم شخصيا علشان الكلام يكون له مصداقية اكبر عنده

فكرة ان لم مات جنود زمايلهم على الحدود احنا اللي طالبنا بحقهم واستشهد مننا ثلاثة شباب وجيش العسكر اعتقلنا وعذبنا و علشان خاطر السفارة الاسرائيلية

وان اسرائيل اعتذرت بسببنا احنا والجيش ضربنا علشان خاطر سفارة اسراائيل

مع ان الجنود والضباط دول كانوا ضباط شرطة اللي المفروض بينا وبينهم تار لكن لانهم كانوا بيخدموا الوطن على الحدود احنا لازم نفديهم بالروح لكن لم بيكوونوا بيخدموا مصالح اشخاص جوة البلد يبقى لازم نثور عليهم

عرفه العسكري في كل دول العالم وبالذات اسرائيل بتكون عيشته ازاي بدلات وفلوس وعلاج

وطبعا كل واحد يقدر يضيف من عنده وللتواصل عن الحملة استعمل على تويتر

#sab3leel

وافتكر تحكيلنا عن تجربتك واضافاتك

كل ادمن صفحة او جروب يعمل ايفنت للفكرة ينقل الكلام او يضيف عليه

كل واحد مننا بيخدم مصر باللي يقدر عليه

[احمد رضوان]

سلاسل الثورة تستمر حتى في ظل العواصف والأمطار الغزيرة بالأسكندرية ، يقف شباب مصر ، شباب مستقبل الثورة ليربط إجزاء الشعب المصري إلى هدفه بسلسلة بشرية تضم مختلف التوجهات ولكن تحمل في داخلها نفس الحلم ... الحرية والكرامة والعدل

تم تعديل 19 يناير 2012 بواسطة احمد رضوان

[احمد رضوان]

سلاسل الثورة من المعادي ... العائلات تشارك والمواطنون يتفاعلون

http://www.youtube.com/watch?v=ho54fq0C-IA

[متعب]

http://www.youtube.com/watch?v=MpujjV7HQi8

[aimen]

http://www.youtube.com/watch?v=0H_8KisimvM

اعتداء المواطنون الشرفاء - البلطجية على الشباب بالعصى والحديد

تم تعديل 19 يناير 2012 بواسطة aimen

[aimen]

http://www.youtube.com/watch?v=QGBycNExcOE

رصد | خاص | العاشر من رمضان | عرض كاذبون بالعاشر من رمضان

تصوير كريم جمال

الخميس 19 يناير 2012

[se_ Elsyed]

كان في عرض لكاذبون النهاردة

بس عرض من نوع أخر

شاهدت هذا الصباح برنامج صباح دريم وكانوا مستضيفين وزير القوى العاملة الأسبقة أحمد حسن البرعي ... هههههههههههههههه الراجل تحدث بإستفاضة وقال إنه لما كان وزير في وزراة شرف لم يجرؤ وزير أن يتخد قراراً دون الرجوع إلى المجلس العسكري فإما يوافق على القرار أو يرفضة

وإن أمام عينه

إسمع وركز يا مؤمن وأعرف عدوك الكاذب

وإن أمام عينه تم تحويل قوانين العزل السياسي وحل المجالس المحلية وحل الحزب الوطني .. كل ده في بداية وزارة عصام شرف ...

فرفضها جميعاً ...

تخيلوا ؟

بس كنت عاوز أتصل به واقول له إن سعادتك منافق يا سيادة الوزير .. لإن لو كنت في السلطة وفي الوزراة وطلعت قولت الكلام ده .. خلي بالك ده بعد الثورة يعني لا حد هايعتقلك ولا يغتالك .. كان زمان إتعمل لك تمثال .... أما وإن خرجت من الوزارة والان تتكلم مع الاخ السلمي ... فكلامك ما يلزمنيش يا فندم

[ابراهيم عبد العزيز]

بعد أن جابت الحملة معظم محافظات مصر

كاذبون تبدأ في نقل عروضها إلى مختلف مدن العالم

أعلنت إنجي حمدي عضو المكتب السياسي بحركة 6 أبريل عن بدء أولى فعاليات مجموعات 6 أبريل بالخارج تحت شعار '' اليوم العالمي للتضامن مع الثورة المصرية '' وتأتي مشاركة المصريين بالخارج لدعم المصريين بالداخل والتأكيد على مطالب الثورة وخلق ميدان التحرير في جميع ميادين الحرية في جميع أنحاء العالم.

وتظاهرات'' 6 أبريل '' بإيطاليا في مدن " ميلانو ـ روما ـ فينيسيا ـ نابولي ـ فينيسيا " من أمام محطة قطار فينيسيا حتى ميدان سانتو ستيفانو فيما تم عرض كاذبون بعد الانتهاء من التظاهرة.

وبجانب التحرك بسويسرا من أمام مبنى الأمم المتحدة بالإضافة أقامت الحركة مسيرة بإسبانيـــــا طافت عدد من الميادين لتصل إلى ميدان الشمس و الذي شهد مؤخرا مظاهرات للأسبان بقوة يوم 25 يناير.

ومن المقرر أن تستمر المسيرات بعدد من الدول منها النرويـــج و فرنســا و استراليا بالإضافة إلى الصين.

ومن جانبها أعلنت إنجي على استمرار حشد المواطنين بجميع محافظات الجمهورية للمشاركة يوم 25 يناير لاستكمال مطالب الثورة، محذرة من المجلس العسكري ووزارة الداخلية عن مسئوليتهم لأي عنف يتم ضد المتظاهرين المسلمين كما نحملهم مسئولية تأمين المسيرات وتأمين المنشات العامة.

تم تعديل 22 يناير 2012 بواسطة ابراهيم عبد العزيز

[ابراهيم عبد العزيز]

كان في عرض لكاذبون النهاردة

بس عرض من نوع أخر

شاهدت هذا الصباح برنامج صباح دريم وكانوا مستضيفين وزير القوى العاملة الأسبقة أحمد حسن البرعي ... هههههههههههههههه الراجل تحدث بإستفاضة وقال إنه لما كان وزير في وزراة شرف لم يجرؤ وزير أن يتخد قراراً دون الرجوع إلى المجلس العسكري فإما يوافق على القرار أو يرفضة

وإن أمام عينه

إسمع وركز يا مؤمن وأعرف عدوك الكاذب

وإن أمام عينه تم تحويل قوانين العزل السياسي وحل المجالس المحلية وحل الحزب الوطني .. كل ده في بداية وزارة عصام شرف ...

فرفضها جميعاً ...

تخيلوا ؟

بس كنت عاوز أتصل به واقول له إن سعادتك منافق يا سيادة الوزير .. لإن لو كنت في السلطة وفي الوزراة وطلعت قولت الكلام ده .. خلي بالك ده بعد الثورة يعني لا حد هايعتقلك ولا يغتالك .. كان زمان إتعمل لك تمثال .... أما وإن خرجت من الوزارة والان تتكلم مع الاخ السلمي ... فكلامك ما يلزمنيش يا فندم

صدقت أخي سي السيد

أكثر شىء يُثير الإشمئزاز أن ترى مسئولا طوال فترة توليه المنصب يغض الطرف عن التعدي والإنتهاكات المختلفة من السلطة الحاكمة في حق سلطاته ومسئولياته , بل ويخرج ليدافع عن السلطة وينفي وجود هذه الإنتهاكات أصلا

ثم في الوقت الذي أصبح فيه كلامه بلا وزن ولا داعي نتيجة لخروجه من المنصب , يبدأ في الكلام عن الخطايا التي كانت موجودة أثناء توليه المسئولية , وأنه تعرض لمعوقات وأنه تحمل عبء تنوء من حمله الجبال من أجل الوطن وووو إلخ

نفس هذا النهج رأيناه من د/ علي السلمي , فأثناء وجوده في المنصب ظل يرفض أي إنتقاد للمجلس العسكري بسبب الوثيقة بحجة أن هذه الوثيقة هي نتاج محاورات ونقاشات بين القوى السياسية وأن المجلس العسكري لا دخل له مطلقا بما ورد فيها لا من قريب ولا من بعيد , ثم بعد خروجه من المنصب رأيناه يخرج في وسائل الإعلام ليؤكد أنه لا دخل له ببعض النقاط التي وردت في الوثيقة لأن المجلس العسكري هو من وضعها !!

تم تعديل 22 يناير 2012 بواسطة ابراهيم عبد العزيز

[aimen]

ستيكر كاذبون وحاكموهم على شاشة المصرية، بداية الغيث قطرة، والمسيرة مستمرة وإعتصام ماسبيرو قائم إلى أن يتم تطهير الإعلام بشكل كاملْ

[aimen]

http://www.youtube.com/watch?v=SSRIyLFKMeU

بعض المشاهد من عرض حملة عسكر كاذبون علي جدران مبني ماسبيرو...يوم الجمعة 27 يناير 2012

[capitshino]

عاجل : طنطاوى يقرر اعفاء اسماعيل عتمان من منصبه .

[محمد عبدالعزيز]

عاجل : طنطاوى يقرر اعفاء اسماعيل عتمان من منصبه .

ده عشان يترشح للرئاسة يعنى ولا إيه؟

هو باقى أعضاء المجلس العسكرى لسه صغننين؟

[capitshino]

عاجل : طنطاوى يقرر اعفاء اسماعيل عتمان من منصبه .

ده عشان يترشح للرئاسة يعنى ولا إيه؟

هو باقى أعضاء المجلس العسكرى لسه صغننين؟

تقريبا ده اصغر واحد فيهم .. وبرده اكتر واحد كان بيتكلم بطريقة محترمة . ربنا يستر ويخيب ظنى .

[أحمد محمد]

عاجل : طنطاوى يقرر اعفاء اسماعيل عتمان من منصبه .

دا علشان أن حملة كاذبون عملت شغل رائع و قدرت تفضح معظم أفعال المجلس العسكري bv:-

تم إحالة اللواء إسماعيل عتمان، رئيس الشئون المعنوية وعضو المجلس العسكرى، إلى التقاعد بعد بلوغه السن القانونية.

وكشفت مصادر مطلعة لـ"اليوم السابع" أن المشير حسين طنطاوى، القائد العام، رئيس المجلس الأعلى للقوات المسلحة، رفض التجديد لـ"عتمان"، نظراً لاعتراضه على أداء عتمان فى إدارة الشئون المعنوية، والتى وصفها بأنها ليست على مستوى الحدث عقب ثورة يناير، ولم يتواصل بالشكل الأمثل مع وسائل الإعلام المختلفة.

كما أضافت المصادر أن المشير طنطاوى استعان فى الفترة الأخيرة باللواء سمير فرج ليدير المنظومة الإعلامية.

[capitshino]

بلال فضل : المشير طنطاوي أطال الله عمره "78 سنة" أحال إسماعيل عتمان "60" سنة للمعاش !

[se_ Elsyed]

عاجل : طنطاوى يقرر اعفاء اسماعيل عتمان من منصبه .

بطلوا إشاعات مغرضة بقى

بعد ربع ساعة من القرار الاولاني

مشمش فقعنا قرار تاني أهو

أصدر المشير محمد حسين طنطاوى، القائد العام، رئيس المجلس الأعلى للقوات المسلحة، قرارا اليوم الإثنين، بتعيين اللواء إسماعيل عتمان مساعدا لرئيس أركان حرب القوات المسلحة،

انا سايب إيدي اهو

عنان وزير دفاع بعد كام لما مشمش يعمل فيها أبو الأبطال ويعتزل الحياة السياسية

عتمان رئيس للإركان

والصين حلوه

[طارق مصرى]

للرفع للتذكيييييييييييييييييييييير

لعل و عسى ننظر لمذبحة الحرس الجمهورى بعين بصيرة

[ام محمود]

يا عالم الغيب

انصر شعب مصر

حفظ الله الجيش العظيم

تم تعديل 9 يوليو 2013 بواسطة ام محمود