ما هو مصير المجلس العسكري بعد انتخاب رئيس للجمهوريــه

[وطني حر]

ما هو مصير المجلس العسكري واعني بذلك المشير طنطاوي وسامي عنان .؟؟

هل سيستقيلان بعد انتخاب رئيس جمهوريــه ؟؟؟

او سيبقي الجيش كمؤسسه عسكريه يحتفظ بسلطه مستقله ؟ لا سيما بعد ما رشحت معلومات ان تكون ميزانيه الجيش سريــه ؟؟؟

طبعا اعتقد من المستحيل ان يقبل المشير العوده الي مقاعد الدراسه . قصدي كرسي مجلس الوزراء .؟

الاجابه على هذا السؤال ستفتح الباب لمعرفه ما يفكر به المجلس العسكري . وهل هو صادق في وعوده او هي عباره عن استثمار الوقت لما هو اكبــر .

تم تعديل 3 يناير 2012 بواسطة وطني حر

[Alshiekh]

ما هو مصير المجلس العسكري واعني بذلك المشير طنطاوي وسامي عنان .؟؟

هل سيستقيلان بعد انتخاب رئيس جمهوريــه ؟؟؟

او سيبقي الجيش كمؤسسه عسكريه يحتفظ بسلطه مستقله ؟ لا سيما بعد ما رشحت معلومات ان تكون ميزانيه الجيش سريــه ؟؟؟

طبعا اعتقد من المستحيل ان يقبل المشير العوده الي مقاعد الدراسه . قصدي كرسي مجلس الوزراء .؟

الاجابه على هذا السؤال ستفتح الباب لمعرفه ما يفكر به المجلس العسكري . وهل هو صادق في وعوده او هي عباره عن استثمار الوقت لما هو اكبــر .

جميعهم تخطوا سن التقاعد ( 56 سنة للعسكريين ) ، فالواجب ان يحالوا للتقاعد ليعطوا الفرصة لغيرهم

وبعد ذلك يكون إختيار وزير الدفاع الجديد طبقا لما يحدده الدستور وتحديد وظائف رئيس الدولة أو رئاسة الوزارة لأننا لانعرف حتى الآن كيف سيكون النظام القادم ، رئاسي أم برلماني أم مختلط.

وخلي اللى فرحوا بالإستفتاء يتحيروا شوية!

[raouf]

المشير سيستقيل

الفريق سامى عنان يصبح وزيرا للدفاع

باقى اعضاء المجلس كما هم وبالطبع سيصبح احدهم رئيسا للاركان

طبعا توقع وليس اكثر

[mamdowh]

الوضع قد يستمر فترة بعد انتخابات الرئاسة كل واحد يشوف التانى آخرة فين كعادة المصريين اللى نفسه طويل يغلب أو اللى نفوذه أقوى يغلب أما تطبيق القوانين والنظام لسه بدرى عليه, اللواءات بعد نهاية الخدمة ها يتوزعوا على الوزارات والمحافظات كمكافأة لنهاية الخدمة كالعاده والباقى على الشركات والمؤسسات كالعاده برضه للاستفادة منهم لان مفيش ناس بتفهم زيهم فى ال85 مليون مصرى, smk: smk: smk:

تم تعديل 3 يناير 2012 بواسطة mamdowh

[ماستر]

السيناريو الاول:

يكون عندهم شوية دم ويستقيلوا من نفسهم (ودة بعيد شوية)

السيناريو الثانى:

الرئيس الجديد يكون قوى ويحيلهم الى التقاعد ونخلص من المشكلة دى خالص

السيناريو الثالث:

الرئيس الجديد ضعيف ويحكموا من خلاله (يعنى رئيس طرطور وهما الى معاهم القوة وبالتالى السلطة الفعلية)

السيناريو الرابع:

يرجعوا الى امكانهم ويحصل توازن قوى بينهم وبين الرئيس ومجلس الشعب لغاية ما كل واحد فيهم يطلع معاش بس فى الحالة دى طبعا كل شوية هيعملوا مشاكل علشان احراج الادارة المدنية

اظن الاقرب هو السيناريو الرابع

[لونا]

طيب و لو لم يستقيلوا ..

هل سيكون في استطاعة الرئيس القادم أيًا كان أن يقيل وزير الدفاع؟؟

[ذهبية]

لو ربنا طول فى عمرنا ووصلنا لمرحلة الرئيس و يطون بحق و حقيقى مش طرطور

هيحصل الاتى ان يظل الجيش فى مكانة و بنفس قوتة الى ان يقوم الرئيس الجديد

يزيادة قيضتة على البلاد و لم حاشية حولة ومساعدين لة و بالتدريج يتم التخلص من القيادات واحد وراء واحد

وليس جماعة لا ام بالترهيب لا ام بالاقالة لا ام بنسب لهم جرائم تمس الشرف و دة هيحصل مع الناس اللى مش هيقدر عليهم بالطرقتين الاولين

[ام سلمي]

أتوقع حيفضلوا في أماكنهم السابقة عادي لكن طبعا لن يكون لهم سلطة خارج المؤسسة العسكرية انما السلطة التشريعية والتنفيذية حتبقي في ايد البرلمان والرئيس والحكومة

وده في حد ذاته مش مشكلة بمعني ان طول فترة حكم مبارك ما كانوش مضايقننا في حاجة. فقط من وقت ما تدخلوا في الحياة السياسية وارتكبوا اخطاء كتير فما بقيناش مستحملينهم

فاتوقع يرجعوا أماكنهم مع رقابة للميزانية الخاصة بالجيش طبعا

[hanzalah]

فيه مغالطة اتمنى ان ننتبه جميعا لها

عصام شرف لم يأت من الشعب

بل كان هناك كلام حوالين اكثر من اسم مرشح لمنصب رئيس الوزراء

ثم اختار المجلس العسكري تسمية عصام شرف - بالتأكيد بناء على تقارير أمن الدولة أنه يسهل قيادته - ثم بعدها فرح الناس وفرح ميدان التحرير وشالوا الراجل فوق كتافهم هي مفارقة كانت غريبة شوية ان الناس لم تتعلم من درس التنحي وفضلت مصدقة المجلس العسكري

لكن المهم إن الناس فرحت جدا برحيل شفيق .. او أقدر اقول معظم الناس الناس كشفت حقيقة البلوفر خلال فترة حكمه مصر

وياريت كلنا نركز ونفكر بعض ان عصام بهدل مصر شهور طويلة واستطاع بحسن نية أو بسوء إدارة ونيه أن يجمد البلد

يبرد الثورة .. يستمر في إهانة الثورة والصاق التهم بهم بتدبير من المجلس العسكري والمواقف أكثر من أن نحصيها في مقال واحد

اليوم يتكرر المشهد الدرامي

يعني نسأل نفسنا .. لو الرئيس اللي جاي طرطور زي عم العيسوي وعصام يبقى السيناريو كذا .. لو الرئيس راجل يبقى مش عارف ايه

طب ما تيجوا نسأل نفسنا سؤال استباقي

هو الرئيس القادم جاي من أنهي جهة

ومن أي فصيل سياسي

ومين هيقف وراه ويدعمه ويوصل بيه للكرسي

لو رئيس مننا احنا الناس العادية وكلنا - أو أغلبنا - مقتنعين بيه و مصرين إننا ننجحه

يبقى رائع طبعا

لا رئيس يحصل على بركات بديع

ولا رئيس تدعمه اسرائيل والامريكان

ولا رئيس يدعمه من خلف ستار المجلس العسكري الذي يتضح لنا كل يوم انه يكره ثورتنا بكل حقد ودهاء

وما حادثة عمر سليمان وافتكاسة استطلاع الرأي على صفحتهم ثم فضيحة تزويرها والتلاعب فيها بشوية عيال مستأجرة منا ببعيد

أذكركم واذكر نفسي

نحن في معركة إرادات

قوتنا في اتحادنا

دعونا نتحد على اسم رئيس مننا ونقف وراءه ونصر عليه بعد ما ندرس ملفه كويس أوي

وبلاش نفرح فرحتنا بعصام أفندي لتكون خيبتنا مش بس السبت والاحد .. لا كل ايام الاسبوع وعرض مستمر

نفسي ناخد المبادرة من الجميع ونفرض رأينا في من نثق به

اللهم ولي أمورنا خيارنا

[وطني حر]

لما اشوف التدخل الامريكي في كل شؤن مصــر حتي في ثورتها . يجب ان لا نغفل بعض المواقف الايجابيه للامريكان حتي لو المواقف دي ما لهاش قيمــه لكنها كانت اداه ضغط علي الرئيس السابق مثل قطع الاتصالات او قمع المتضاهرين اومنع الفضائيات او ..... كانت الخارجيـه الامريكيه طول الخط , تتابع اخبار مصر وتطوراتها .

مصر في قلب العالم العربــي لا تملك النفط . ولا تملك القدره النوويه اوكدوله صناعيه او نوويه .... يبقي الامريكان اهتمامهم بي مصرعشان ايــه اكيد ليهم مصالح اخــري

ما يخيف الغرب من مصــر ويعملو له الف حساب هو الجيش المصــري وهو الجيش العربي الوحيـد القادر علي القيام باي حرب قد تقلب موازين القوي في اي لحظــه .

الامريكان ينادون دائما بالحريـه والديمقراطيــه للشعوب كافه ودا طبعا لمصلحتهم . . الامريكان ليسو اعداء للمصريـن بصفه عامــه

وقياسا علي كامب ديفد فانا تصوري للمعادله الامريكــه كالتالي .

اولا اتاحه الفرصه للمصرين لممارسه الديمقراطيـه .

ثانيا تحييد الجيش المصري ليكون خارج اللعبه السياسيه والديمقراطيه في مصر .

ثالثا استقلال الجيش عن الدوله المدنيه في مصر ليكون هو السلطه الرابعه . يكون له قائد جيش مستقل .

رابعا سهوله اذابه الجيش المصري مع الوقت خلال عشر او عشرين سنه قادمه او اضعاف قوتــه الضاربــه . او دخوله في تحالفات عسكريه ....الخ

وقد يكون هناك سيناريوهات اخــري الله اعلم بها .

[عصام أبوالفتح]

لأن شرف قيادة مصر لا يعلوه أى شرف آخر

ولأن الدور التاريخى الذى قام به المجلس العسكرى لا يدانيه اى منصب بعد انتخاب الرئيس

ولأن أغلبهم بالفعل قد تعدى سن التقاعد العسكرى.

فأتوقع أن يتقاعد أعضاء المجلس العسكرى بعد حلف اليمين الرئاسية و أتوقع وأتمنى أن يكون ذلك فى 23 يوليو 2012 وبعد 60 عاماً تماماً من ثورة يوليو

لتحال ثورة يوليو معهم إلى المعاش مشكورة مكرمة مقدرة من التاريخ ومنا نحن أبناء 25 يناير

كان هذا الأساس الذى وضعت عليه جدول تسليم السلطة وارسلته لقيادات حزب الوسط لينتهى النقاش حوله وحول جداول اخرى من جهات اخرى الى تحديد 30 يونيو لحلف اليمين الرئاسية

واتوقع ان يبدأ التسليم للصف الثانى وتغيير وزير الدفاع فيما بن 1 يوليو و23 يوليو 2012

واتوقع ان يكفى عائد مذكراتهم حول المرحلة الانتقالية التى ستترجم الى كل اللغات الحية وعائد المحاضرات التى سيلقونها فى كل مكان ان يحيوا حياة طيبة ما بقى من اعمارهم .

ولا اتوقع ان يتم اتهامهم فى جرائم تضخم الثروة حيث ان لاعب العرائس الخفى لم يكن ليترك اى مظهر من مظاهر الثراء لدى احد منهم بدون تسليط كل ميكروسكوبات الأرض عليه لتشويه سمعتهم.

سيحملون على صدروهم قلادة النيل العظمى فيما بقى من حياتهم ونوط الواجب لقيادات الجيش الاصغر ويستحقونها بكل تأكيد

وإليهم جميعا خالص تقديرى