rewsha بتاريخ: 3 يناير 2012 تقديم بلاغ مشاركة بتاريخ: 3 يناير 2012 صحيت بدري اخذت والدتي ورحنا ننتخب كان في ايجابيات وسلبيات فرحت جدا لتعاون افراد الجيش المصري الموجودين بيطولوا بالهم على الناس (خصوصا انها لجنه نسائيه) الستات الكبيره بيدخلوها تقعد علشان ماتتعبش (والدتي كانت واحده منهم) السلبي بقى (ان 80% من الستات الموجوده بقت كبيره في السن وفجاْه كده خير اللهم اجعله خير ماحدش فيهم بقى قادر يمشي ) كل ده علشان يدخلوا في الاول رغم اني طلبت ان ماما تدخل علشان رجلها بتوجعها ووقفت انا في الدور عادي جدا فرد الشرطه العسكريه تعب جدامع الناس كان بيوجم ويرد على اسئلتهم ومااتنرفزش عليهم خالص كان بياخد الاوراق اللي معاهم اللي فيها بياناتهم اللي المرشحين عاملينها كخدمه للناس برقم اللجنه الفرعيه والرقم بتاع الكشف وكان بيعيد كتابتها على ورقه بيضاء علشان ماحدش يدخل بيها اللجنه وتبقى دعايه ________________________________________ في واحد مستشار جه يتنطط شويه وهوه داخل (بيتنطط على بتاع الشرطه العسكريه)وبيقول له بصوت فيه حده اندهلي حد من زمايلك هنا بسرعه رد عليه العسكري ليه يا فندم ؟ قال له باقول لك انده لحد من زميلك (بحده برضو) قاله حاضر بس ليه ؟ قال له علشان يجي ياخد الورق من العربيه بصراحه العسكري صدر له الطرشه وقال له انت مش معاك سواق؟ قال له لاء العسكري قال لهاحنا مش ملزمين بكده انا هانده لك حد من اللجنه بتاعك بس بصراحه عجبني قوي العسكري ده المهم كانوا بيحاولوا ينظموا الناس (وربنا يكون في عونهم) واللي مش قادر يمشي بيسندوه لحد اللجنه بتاعته والله شوفت عسكري ماسك ايد واحده كبيره ساندها وشايل لها الشنطه بتاعتها بايده التانيه _____________________________________________________ في المقابل بقى كان في قاض تاني وجهه بشوش بعد ما الناس بتنتخب امامه كان بيشكرها على حضورها والستات الكبيره بالذات كان بيقول لها تسلم ايديكي ورجليكي (كتشجيع منه لحضورهم رغم تعبهم) ______________________________________ اللي ضايقني ______________ حزب النور واقفين قدام اللجنه بره بيحاولوا يوجهو الناس اللي مش مقرره حد معين تنتخبه ويقولوا لهم علموا على الفانوس كمان واقفين عند محل بقاله امام اللجنه يوجهو الناس برضو وواحد شيخ معدي بعربيته من امام اللجنه راح قايل للناس بصوت عالى ماتنسوش حزب النور يا جماعه _____________________________________ والمشكله ان قابلني ستات كتيره رايحه علشان تعلم على الورقه وبس اي علامه بس المهم ما تدفعش الغرامه اتنين واقفين جنبي قبل ما ندخل اللجنه بيقولوا لي بابنتي قولي لنا نعمل ايه فشرحت لهم لقيتهم بيتحايلوا عليه علشان اقول لهم يعلموا على مين بالظبط زي ما يكون امتحان وانا هااغششهم الاجابه بصراحه شرحت لهم وقلت علموا عل اي حد تختاروه انتم اللي يضحك بقى اني بعد ماخرجت .لقيت واحده فيهم بتقول لي انا علمت على اول اسمين ...هوه كده يبقى صح؟ فقلت في سري ...سبحان الله اصحاب اول اسمين ليهم نصيب في صوت الست دي رغم انها ماتعرفش حاجه عنهم خالص اللي يضحك اكتر اني لقيت والدتي دخلت علمت على اي اسمين وخلاص وقالت همه دول اصحاب النصيب بقى (ليه بقى؟لان ناس كتيره جدا مرشحين نفسهم واحنا مانعرفهمش) _________________________________________ المهم عدى يوم الانتخابات بالنسبه لي بسلام ورحت انتخبت حزب الوسط وفي الفردي انتخب الاتنين من حزب الحريه والعداله رابط هذا التعليق شارك المزيد من خيارات المشاركة
عصام أبوالفتح بتاريخ: 3 يناير 2012 تقديم بلاغ مشاركة بتاريخ: 3 يناير 2012 هههههههههههههه ماشاء الله .. حتى والدتك لم توجهيها ؟!!!!!!!!!!!!!!!!!!!!!!!!!!!!!!!!!!!!!!!!! انتى كنتى خايفة يقبضوا عليكى ولا ايه ؟ ولو هو كده ليه مفطمطيهاش على اختيارك ووعيتيها لتختار قبل فترة الصمت الانتخابى وعلى العموم شكرا لكما على الايجابية bv:- ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
rewsha بتاريخ: 3 يناير 2012 كاتب الموضوع تقديم بلاغ مشاركة بتاريخ: 3 يناير 2012 ولو هو كده ليه مفطمطيهاش على اختيارك ووعيتيها لتختار قبل فترة الصمت الانتخابى مين قال اني ما فطمطهاش والدتي ست متعلمه على فكره وليها اختيارها اللي هيه كانت حره فيه بس اللي حصل ان ماكانش عاجبها اختياري فاختارت انها تختار اي حد تاني وهو ونصيبه بمعنى قدامك من 1 الى 10 انا في اعتقادي ان 2 و5 كويسين (خلاص هاختارهم) غيري بقى في اعتقاده ان 2 و5 دول مش كويسين وباقي الارقام مش عارفاها كويس (نظرا لاتساع الدوائر) هيه اختارت اللي ماتعرفهوش املا منها ان ربنا يكون وفقها للصح لان من وجهة نظرها ان اللي انا اخترته كان غلط اما بالنسبه للاحزاب فده كان امر مفروغ منه انا اخترت حزب .وهيه اختارت حزب تاني خالص وكانت مقرره اختيارها ده من زمان لكن مشكلة المرشحين الفردي ان ماكانش في دعايه كويسه وكلهم تقريبا مش معروفين لحد خالص انا نفسي كنت محتاره فيهم وقررت اني اختار الاتنين من حزب الحريه والعداله بس داخلين مستقلين رابط هذا التعليق شارك المزيد من خيارات المشاركة
Dreamwithme بتاريخ: 3 يناير 2012 تقديم بلاغ مشاركة بتاريخ: 3 يناير 2012 مبروك يا روشة علي انتهاء الانتخابات وربنا يجعله في ميزان حسناتك أنا كنت مرحلة أولي وكنت عاملة غرفة عمليات في بيتنا كل قرايبي وأصحابي كان بيسألوني وأنا أطلع لهم الرقم بتاعهم والمرشحين في دائرتهم كنت بأنصحهم ينتخبوا مين وكنت بأوضح لهم البدائل المتاحة ... فكرتيني والله كانت أيام لكن الحمد لله مامتي وأخويا وخالي في نفس دائرتي كانوا مقتنعيين برأيي تماما وانتخبنا نفس الناس لكن فعلا لفت نظري محاولة التأثير علي الناس اللي مكنوش مقررين ينتخبوا مين وكمان استغربت إن في ناس نازلة تنتخب وهي مش مقررة .... <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
rewsha بتاريخ: 3 يناير 2012 كاتب الموضوع تقديم بلاغ مشاركة بتاريخ: 3 يناير 2012 والله يادريم يا اوختشي انا اخر ما زهقت بقيت اللي يساْلني اقول له لكم دينكم ولي دين اختي كل يوم تتصل بيه تقول لي انتخبي الوفد وامي تقول لي مصر القومي وانا عاوزه الوسط النهارده لقيت اختي بتتصل بيه تقول لي ...ها؟ اخترتي مين ؟ مارضيتش ازعلها وادخل معاها في حوارات زي كل مره قلت لها عيييييييييييب احنا مش اتفقنا اهو انا عملت كده هيه بقى افتكرت اني اخترت الوفد ولقيتها بتقول لي (اهو ده الكلام) بيني وبين نفسي قلت ( والله احنا عائله ديمقراطيه فعلا) يعني يا اختار زيهم يا اما ماينفعش واقعد اسمع كلام قد كده وكل ده علشان انا اصغر اخواتي فقلت اريح الجميع ...واريح نفسي قبلهم مهو كل واحد عاجباه دماغه وبرضو ...اخترت الوسط اضحكي كمان ماما كل مره تقول لي هاتختاري ايه اقول لها الوسط تاني يوم تقول هاتختاري ايه ...برضو الحريه والعداله ؟ اقول لها والله قلت لك الوسط تقوم تسكت اليوم اللي بعده يابنتي مابلاش النور اللي هاتختاريه ده اقول لها والله الوسط ..الوسط لدرجة اني قلت يا انا عندي زهاير يا هيه جالها زهايمر ولازم نشوف لنا حل _________________________________________________________ وفي الاخر طلعت بتنكشني كل مره علشان بتحب تشوفني وانا متنرفزه -------- بابا بقى مريح ومستريح لا بيساْل حد ولا بيقول لحد هوه اختار ايه راح انتخب ورجع من سكات _____________________________________________ شكل الستات همه اللي متعبين (مش كده برضو؟) :P رابط هذا التعليق شارك المزيد من خيارات المشاركة
عصام أبوالفتح بتاريخ: 3 يناير 2012 تقديم بلاغ مشاركة بتاريخ: 3 يناير 2012 شكل الستات همه اللي متعبين (مش كده برضو؟) :P هما متعبين بعقل ؟!!!.. الهاااااانم عشرة السنين ورفيقة الدرب وشريكه الحياة بعد ما قفلنا الاظرف واخذت بعضى ورايح السفارة أحط الأصوات بسألها صوتى لمين قالتلى الكتلة المصرية ... يانهار مالوش لون .. خياااااااانه ... ليه كده يا بنتى ؟ ... قالتلى زياد العليمى على رأس القائمة وعايزاه يفوز .. كنت والله اول مرة آخد بالى من الاسم ده ... بتقولوا مين يا ولاد .. زياد العليمى .. مين ؟ ... زياد العليمى ... زياد قاعد هنا والعليمى قاعد هنا ...ههههههههههههههه.. طلع من شباب الثورة وانا مش واخد بالى وكنت باشوفه بس ملزقش فى بالى زى مصطفى النجار مثلاً ... والله كان بودى أتاوى الظرف فى الطريق لكن آثرت حرية الرأى والتعبير لانى ديمقراطى وحطيت صوتها فى الصندوق مع الألم مع الأسف ...هههههههههههه .... وطبعاً لحد دلوقتى بابستف فيها كل ما تيجى سيرة الكتلة أو زياد العليمى ودخل الافندى ده المجلس .. بصوت المدام وغيرها ...حسبى الله ونعم الوكيل الناس اللى دماغهم حزب الوسط دايما مبيحاولوش يفرضوا رأيهم على الآخرين ودى مشكلة بجد فى حزب الوسط وبتخلى شعبيته تنتشر فقط فى اللذين يقرأون البرنامج ويقتنعون به .. وما أقل القارئين فى مصر !!! أنكت حاجة فى الانتخابات كانت اغنية حزب الوفد اللى فلقنا بيها فى المرحلة الاولى ومحدش انتخبه .. هههههه بعد ما شالها نتيجته اتحسنت فى المرحلة التانية ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
لماضة مصرية جدا بتاريخ: 3 يناير 2012 تقديم بلاغ مشاركة بتاريخ: 3 يناير 2012 (معدل) وكمان استغربت إن في ناس نازلة تنتخب وهي مش مقررة .... يا نعممممممممممممممممممممز بتنادي يا كابتشن دريمي ثانيا....انا اقرر اصلا و انا معظم حياتي بره مصر و لما اتبسطت اني هبقي ايجابية و وطنية و طبق مهلبية و كدهوت ببص في الاسماء معرفشي اي حد منهم و الجميل .بقي....ان حتي اخويا اللي عمره ما غادر تراب هذا الوطن و متشبث بيه حتي اخر فتفوتة ...برضه بقوله مين دول....قالي ده حرامي....و التاني نشال ...اما التالت دوت منعرفوش....يبقي هو ده طب سبت اخويا خالص روحت لصاحبتي امل و دي بقي سوسة انتخابات و قوايم و الذي منه...يا بنتي مين دولم....قالتلي بقي احنا نلعب بطريقة اربعة اتنين اربعة...(وش كابتن شحاته و هو بيزعق في اللعيبة) الخطة ان احنا نفلتر من الفلول و الحزب الوطني....حيييييييييييلو ...قولي حييييييييييلو ز هزي راسك سمعيني و بعدين الاسماء اللي هتفضل نبتدي نفاضلبينهم طبعن توكتيك ميخرش المية عملنا كده فعلننننن صفصفت الفردي علي اسمين...قالتلي...ياهوي يا لموض ده حرية و عدالة...قولتلها...بس يا امل...بلاها سوسن...خدي سوسو....و اخترنا التاني و الحمد لله الحمد لله الحمد لله طلع سلفي طيب مع كل احترامي و تقديري و اعتزازي و حاجات كتير فوق بعضيها لكل الاحزاب و النبي احنا فرحانين بايه ان احنا ننزل ننتخب....يا حلولي ان الجيش بقي يمسك الست العجوزة و يعديها الشارع...يا فرحتي ان الناس واقفة في طوابير غير طوابير العيش و الالانبوبة.....الله اكبر بس كله بيخش اللجنة...عنده نفس الحالة..و بيسال نفس السؤال مين دول هي دي الانتخابات.....هي دي الديمقراطية طب النتيجة هتطلع ايه سعيدة بالتجربة ان اول مرة امرمغ صوباعي في حاجة غي المونيكير :P بس كهوليلة...و تطبيل...للتجربة الديمقرطية الفزة....لا لسه قدامنا كتير اوي لما يبقي عندنا وعي احنابنختار مين لما بيبقي عندنا نظام انتخابي واضح....(والنيعمة انا ما فاهمة نظام القوايم حتي هذه اللحظة) لما يبقي عندنا ارادة شعب حقيقي نازل يدي بصوته مش خايف من الغرامة...و بالمناسبة بقي هي الغرامة هتتتلم ازاي...(مافيش الية لاي حاجة.....كله سلق بيض) ساعتها هعترف ان فيه انتخابات بجد و ان البلد قامت فيها ثورة...مش شاي بلبن و بمناسبة القراقيش المحاوراتية ديت انا اخترت قايمة الثورة مستمرة ماما الحرية و العدالة بابا الحرية و العدالة....(عشان ماما و كده يعني...بيحبوا يلعبوا فريق الصراحة :wub: اخويا....الوسط اختي مراحتشي....و عايزة ابلغ عنها....عشان تتدبس في الغرامة تستلفها مني...اخدها منها بالفايص...(وش كوهين) بس برضه مبسوطة اني نزلت و ان شاء الله هننزل و الثورة مستمرة...لغاية ما تبقي بجد...مش فيلم كارتون مدبلج...باصوات العساكر اللي شبه غسان مطر:) علي هامش المليونية اللي انا عمالة اهتف فيها فوق هو مين عماد حمدي....بتاع اذكريني يا زبيدة...و انتي قاعدة سعيدة؟؟؟؟ خلاص دلوقتي ممكن ترجعوا تشيلوني علي الاعناق سعد سعد...يحيا سعد :blink: تم تعديل 3 يناير 2012 بواسطة لماضة مصرية جدا رابط هذا التعليق شارك المزيد من خيارات المشاركة
Om Zayd بتاريخ: 3 يناير 2012 تقديم بلاغ مشاركة بتاريخ: 3 يناير 2012 هو مين عماد حمدي....بتاع اذكريني يا زبيدة...و انتي قاعدة سعيدة؟؟؟؟ خلاص دلوقتي ممكن ترجعوا تشيلوني علي الاعناق سعد سعد...يحيا سعد :blink: من أجل الأجيال القادمة التي قد تسأل نفس ذات السؤال و قد تذهب بها الظنون كل مذهب ;) http://www.egyptiantalks.org/invb/index.php?showtopic=131135&pid=818502&st=0entry818502 و بعدين ايه حكاية يحيا سعد دي و انتي منتخبتيش الوفد؟ :protest: السؤال الاهم مين هيا زبيدة؟؟؟ :unsure: رابط هذا التعليق شارك المزيد من خيارات المشاركة
rewsha بتاريخ: 3 يناير 2012 كاتب الموضوع تقديم بلاغ مشاركة بتاريخ: 3 يناير 2012 ههههههههههههههماشاء الله .. حتى والدتك لم توجهيها ؟!!!!!!!!!!!!!!!!!!!!!!!!!!!!!!!!!!!!!!!!! . الهاااااانم عشرة السنين ورفيقة الدرب وشريكه الحياة بعد ما قفلنا الاظرف واخذت بعضى ورايح السفارة أحط الأصوات بسألها صوتى لمين قالتلى الكتلة المصرية ... يانهار مالوش لون .. خياااااااانه . هههههههههههههههههههههههههههه اسمحلي يا استاذ؟عصام ,اضحك انا بقى المره دي ضحكه اعلى من ضحكتك بقى يا راجل رفيقة دربك وشريكة حياتك ...ماعرفتش توجهها وتاْثر عليها :P يبقى عاوزني انا اْاْثر على والدتي اللي انا اصغر ابنائها وهيه دايما شايفه ان هيه الصح وانا الصغيره اللي مش فاهمه حاجه ;) رابط هذا التعليق شارك المزيد من خيارات المشاركة
Om Zayd بتاريخ: 3 يناير 2012 تقديم بلاغ مشاركة بتاريخ: 3 يناير 2012 رصيدي خلص كالعادة خدي دول على ما تفرج فين الجاتوه يا بنتي؟؟ رابط هذا التعليق شارك المزيد من خيارات المشاركة
عصام أبوالفتح بتاريخ: 4 يناير 2012 تقديم بلاغ مشاركة بتاريخ: 4 يناير 2012 ههههههههههههههماشاء الله .. حتى والدتك لم توجهيها ؟!!!!!!!!!!!!!!!!!!!!!!!!!!!!!!!!!!!!!!!!! . الهاااااانم عشرة السنين ورفيقة الدرب وشريكه الحياة بعد ما قفلنا الاظرف واخذت بعضى ورايح السفارة أحط الأصوات بسألها صوتى لمين قالتلى الكتلة المصرية ... يانهار مالوش لون .. خياااااااانه . هههههههههههههههههههههههههههه اسمحلي يا استاذ؟عصام ,اضحك انا بقى المره دي ضحكه اعلى من ضحكتك بقى يا راجل رفيقة دربك وشريكة حياتك ...ماعرفتش توجهها وتاْثر عليها :P يبقى عاوزني انا اْاْثر على والدتي اللي انا اصغر ابنائها وهيه دايما شايفه ان هيه الصح وانا الصغيره اللي مش فاهمه حاجه ;) حقك تضحكى براحتك . . هههه . . انا كان قلبى حاسس لانى كل ما ادخل البيت الاقى Otv شغالة والكلمة السحرية شغالة التوافق الوطنى . . والتوازن . . التوازن . . التوازن . . زن . . زن . . وده نفس المبرر اللى قعدت تمهد بيه اختيارها . . توازن البرلمان . . قلتلها تخيلى لو كل المصريين عملوا زيك كده مش هايبقى حد فى المجلس من غير الكتلة . . ده غير انها مقرتش لا برنامجهم ولا عرفت ان الكتلة بتضم الحزب الشيوعى! والصوفى!! والتجمع!!! واعوذ بالله من التجمع . . ههههههههه وبعدين اللى بيحصل ده طبيعى جدا . . ماهو احنا فى مرحلة نمو حاجة صغيرة كده اسمها الرأى . . كل واحد وكل واحدة طلعلهم حاجة كده فسفوسة صغيرة اسمها رأى وصوت وبالتالى لازم يميز نفسه عن غيره بأى طريقه . . فتلاقى افراد الاسرة الواحدة متفنطين احزاب مختلفة ويمكن ولا واحد فيهم عارف برنامج حزبه بيقول ايه . . ههههههه بناتى الاثنين فى ابتدائى كانت اغنية الوفد بتاعة صوتك مع مين . . .يييييييييه كل ماافتكرها اقعد اضحك . . كانت مخليهاهم مش عارفين غير الوفد والوسط وكانوا بيقولوا احنا هانرشح الوفد . . الحمد لله مالهمش صوت . . هههههههه ألذ حاجة كانوا بينطقوا الوسط زى وسط البلد كده . . هههههه . . ودول بقى لأنهم الأمل قعدت فهمتهم ببساطة معنى الكلمة وغيروا رأيهم من الوفد للوسط زى ما بننطقها. يمكن انا علقت على موقفك مع والدتك علشان اعرف هو انا بس اللى حصل معاه كده ولا الموضوع منتشر . . طلع مستشرى :) وده عيب الديمقراطية . . اذا عملت كده فى الاسرة . . ياترى هاتعمل ايه في البلد? ( كفى بالمرء إثماً أن يحدث بكل ماسمع ) رابط هذا التعليق شارك المزيد من خيارات المشاركة
لونا بتاريخ: 5 يناير 2012 تقديم بلاغ مشاركة بتاريخ: 5 يناير 2012 حقك تضحكى براحتك . . هههه . . انا كان قلبى حاسس لانى كل ما ادخل البيت الاقى Otv شغالة والكلمة السحرية شغالة التوافق الوطنى . . والتوازن . . التوازن . . التوازن . . زن . . زن . . وده نفس المبرر اللى قعدت تمهد بيه اختيارها . . توازن البرلمان . . قلتلها تخيلى لو كل المصريين عملوا زيك كده مش هايبقى حد فى المجلس من غير الكتلة . . ده غير انها مقرتش لا برنامجهم ولا عرفت ان الكتلة بتضم الحزب الشيوعى! والصوفى!! والتجمع!!! واعوذ بالله من التجمع . . ههههههههه أهو أنا عشان التوازن .. والزن ده بعد ما كنت ناوية أرشح الإخوان في القايمة رشحت قايمة حزب الوسط .. عشان أ/ عصام يتبسط و بينك كمان ( إنت فين يا بينك روز ؟؟؟) و في الفردي إخترت مرشح الثورة مستمرة .. و إن كنت ماأعرفوش لكن قرأت عن سيرته على النت و عجبني إن له نشاط سياسي من فترة طويلة و التاني كان مرشح عن حزب ..احم احم .. التجمع .. لكن راجل معروف في مدينتنا و له دور في كشف بعض قضايا الفساد بس الفرق بيني و بين رفيقة كفاح أ / عصام .. إني رحت بنفسي السفارة و لم أكتفي بإني أدي الظرف لرفيق كفاحي رجلي على رجله .. دي أول مرة أنتخب يا ناس بس كان إحساس رائع و كل الناس عمالة تتصور جنب الصندوق .. و خلينا موظف السفارة المحترم يصورنا تحت العلم و جنب الصندوق كان يوم جميل ربنا آتنا في الدنيا حسنة .. و في الآخرة حسنة .. و قنا عذاب النار .. يا رب .. احفظ مصر و المصريين رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان