العسكر .... و المعتصمين .....ايد واحدة

[ام سلمي]

يا مصر حالك ليه كدة ما بيتعدلشي

نفسي اما نطلع خطوة فوق ما ننزلشي

ثرنا وشيلنا اللي سنين قاعد ما يرحلشي

مسكنا عسكر وقالوا جنودنا دي ما تقتلشي

سحلوا في ولادنا وكهربوهم وقالولنا معلشي

رموا قنابل وطوب والغاز ملا وشي

و مجلس العسكر يقولوا ملتزمين اننا نمشي

مين اللي حدف عليهم طوب ونار ما تسألشي

ما الخطة بيكرروها وليه كل يوم ما تحصلشي

ما دام المعتصمين يقولوا ليه ما نفضلشي

ومهما قلنا دي خطة علينا ما بتخلشي

يا اما ننزل كلنا يا اما ما ننزلشي

يقولوا ده الاعتصام حقنا،مش حنسمع فما تقولشي

ادوهم الفرصة اكتر وسهلوا لهم كمان غشي

عشان بلدنا للامن والحرية ما توصلشي

يا شعب قلبي عليك اصبر ما تزعلشي

حيجي يوم ينعدل حالنا ولا يميلشي

حيجي يوم ينعدل حالنا ولا يميلشي

تم تعديل 17 ديسمبر 2011 بواسطة ام سلمي

[نوران]

حيجي يوم ينعدل حالنا ولا يميلشي

حيجي يوم ينعدل حالنا ولا يميلشي

يا رب

آمين

جميلة يا أم سلمي

[الدكتور ياسر]

يا مصر حالك ليه كدة ما بيتعدلشي

نفسي اما نطلع خطوة فوق ما ننزلشي

ثرنا وشيلنا اللي سنين قاعد ما يرحلشي

مسكنا عسكر وقالوا جنودنا دي ما تقتلشي

سحلوا في ولادنا وكهربوهم وقالولنا معلشي

رموا قنابل وطوب والغاز ملا وشي

و مجلس العسكر يقولوا ملتزمين اننا نمشي

مين اللي حدف عليهم طوب ونار ما تسألشي

ما الخطة بيكرروها وليه كل يوم ما تحصلشي

ما دام المعتصمين يقولوا ليه ما نفضلشي

ومهما قلنا دي خطة علينا ما بتخلشي

يا اما ننزل كلنا يا اما ما ننزلشي

يقولوا ده الاعتصام حقنا،مش حنسمع فما تقولشي

ادوهم الفرصة اكتر وسهلوا لهم كمان غشي

عشان بلدنا للامن والحرية ما توصلشي

يا شعب قلبي عليك اصبر ما تزعلشي

حيجي يوم ينعدل حالنا ولا يميلشي

حيجي يوم ينعدل حالنا ولا يميلشي

يا مصر ليه هنتى على ولادك

والدم بقى انهار وسال على ترابك

المصري يقتل مصري جوة محرابك

فرح العدو فينا وباركوا أحزانك

ولو حاربونا ما يلاقوا جندى على بابك

الجندى يضرب مصري و المصري يضرب جندى ويهز أركانك

والفتنة تاكل فينا و تهد وجدانك

يامصري اصحى وفوق وانسى أهوائك

بلدك بيغرق و لا انت على بالك

كل اللى همك نفسك ونصر احزابك

فتح عنيك واسمع ده الحق قدامك

[ام سلمي]

شكرا يا نوران ، ويا رب يصلح حال البلد

شكرا للاستاذ الفاضل الدكتور ياسر علي مشاركتك الرائعة ، ليك عندي نقطة خضرا اما اشحن

مين اللي كان غلطان... الكل اهه محتار

اللي يقول عسكر ..... واللي يقول ثوار

مش وقته نتفرق ......مابين خناق ونقار

وبلدنا اهه بتغرق....بين الرصاص والنار

تعبت اقول تاني .......تعبت م التكرار

ادي الامور واضحة ......لازم بقي نختار

بين لخبطة وفوضي... وبين امن واستقرار

في ناس بيندسوا ......بين اللي معتصمين

ويشعللوا الموقف.......ويزودوا التسخين

يضرب بقي العسكر...كل اللي في الميادين

والضرب يتصور ........فينزلوا الباقيين

يا ناس كفاية كدة.....خليكوا يوم عاقلين

حنتوه كدة لامتي .... ما بين شمال ويمين

نزود الشهدا ...........ونزود المصابين

لا نحصل انتخابات..... ويضيع تعب ملايين

لا المجلس اتنحي ......ولا الجنود ماشيين

تارنا حيتأجل .....م الجيش وم الشرطة

لحد ما الاول.......... يسلموا السلطة

وبعدها نحاسب .......اللي ارتكب غلطة

لكن حنستعجل ...........ونزود الورطة

نديهم الفرصة ..........ينفذوا الخطة

لا حاخد انا حقي ......ولا حتاخده انت

وبلدنا تتعسكر ......ويقسموا التورتة

تم تعديل 18 ديسمبر 2011 بواسطة ام سلمي

[الدكتور ياسر]

يا شبابنا يا حبابنا ثوارنا وولادنا

كفايا بقى ياللا نبنى أمجادنا

في بينكوا مندسين بيخشوا في اللمة

ويشعللوا الدنيا وتتقلب غمة

وصور يافنان خليهالهم ضلمة

شعللها ولعها وطز في بلادنا

فينكم يا عاقلين فينكم يافهمين

ليه بس ساكتين والقتلى بالجملة