الرجل الاول .. لم لا ينتظر؟

[فــيــروز]

فى كل مره يقرر الرئيس الذهاب الى منطقة وسط المدينه يثور فى ذهنى هذا السؤال : الرجل الاول لم لا ينتظر :)

حيث انه اليوم كما سمعت ذاهب الى مجلس الشعب .. و بلا مبالغه البلد مغلقه برجال الامن و العساكر على اختلاف رتبهم وهذا قبل ان يصل سيادته الى مقر المجلس .. والآن اسمع ان كافة الطرق مغلقه والبلد فى حالة شلل rs: .. لماذا لا ينتظر الرئيس الى المساء ربما يكون من الممكن للبعض عدم الذهاب الى اعمالهم بدلا من "لطعتهم" فوق الكبارى !! :P لماذا لا ينتظر الى يوم عطله فلا يكون هناك اذا تعطلت المواصلات او اغلقت الشوارع !! لماذا هذا التعذيب المستمر للمواطنين بقوات الامن التى تغلق طرقا وشوارعا باكملها ليمر الرجل الاول !! لماذا لا ينتظر الرجل الاول؟ :o

[homer]

ينتظر ازاى وهو الى جاى الاول :o

[فــيــروز]

ينتظر ازاى وهو الى جاى الاول  :D

لا بالعكس :o

هو لم يأت الاول :)

جاءنا الآن البيان التالى rs:

قام بعض المواطنين الاشاوس بخلع جزء من رصيف كوبرى 6 اكتوبر بعد حصارهم عليه و قاموا بعمل بطولى حيث لفوا ورجعوا تانى من حيث اتوا :P

تم تعديل 11 نوفمبر 2004 بواسطة فــيــروز

[bentmasria]

:o rs: :)

هو ده شكلى دلوقتى

انا لسه راجعة من على كوبرى 15 مايو

ياريتك يا فيروز قولتيلى انهم كسروا رصيف ستة اكتوبر

انا كنت حنط من ع الكوبرى

فيه ناس فقدت الوعى من الانتظار

انا غلطت غلطة عمرى ورحت المهندسين آل ايه اجيب بامبرز لمحمد لازم يستعمل :P بقى

وذهبت كانت بوادر الازمة واضحة واستغرقت 7 دقائق بالظبط لاخرج من السوبرماركت اماى طوابير السيارات المتراكمه يمينا ويسارا ومعدل الحركة 1 سم بالساعة والعساكر حاطين وشهم ف الحيط و.....ليا والسارينات توقظ الاموات

ومن 12.30 حتى 3.00 مساء وانا من المهندسين للتحرير ولكم ان تتخيلواااااااااااااااااااااااا fsh:: fsh:: انا ايه اللى كان نزلنى

[فــيــروز]

والله ما كنت اعرف انه جاى vmp:

انا اصلا جيت الشغل عادى جدا الصبح

وبعدين اضطريت انزل قرب الجامعه الامريكيه كده .. يعنى فى عز المعمعه :D

لقيت خير اللهم اجعله خير العساكر على جانبى الطريق .. قلت اخلص المشوار بسرعه و ارجع الشغل اوام

وانا راجعه باسال سواق التاكسى : هو فيه ايه يا عم؟ rs:

قال الريس باين نازل مجلس الشعب .. مش فاكره اما نزل السنه اللى فاتت فى رمضان ساعة اما وقع فى المجلس والناس دعت ..... له من قلبها؟ :o

بس جيت الحمد لله الشغل قبل ما هو يوصل المجلس بس احد زملائنا اتحبس هو كمان على كوبرى اكتوبر و جه يقول موضوع خلع الرصيف ده :)

وتخيلى رغم انى راجعه على المهندسين بس زملائى الآن ينصحونى آخدها من قصيرها و افطر هنا لان الطريق ممكن يكون لسه مقفول :P

[mohamed]

طيب ليه ميستخدمش طيارة هيليكوبتر فى تنقلاته ؟؟؟

!!!!! rs:

دى حاجة تخنقققق ..افففففففففففففف :o

[bentmasria]

اوعدك يا محمد انى ارفع اقتراحك لسعادته

واترحم على المرحوم السادات اللى عمره ما آذانى ولا عطلنى

وغالبا حزورك فى المكان اللى احنا عارفينه .....قريب جدااااااااااااااا

وكل بنات المحاورات حيجيبوا لك عيش وحلاوه ومعمول

بركااااااااااتك يا مباااااااااارك اقصد عيد مببببببببباااااااااااااااارك

[Lighthouse]

حاجة في منتهى السخافة :o

كل سنة يحصل نفس الموقف

وكل مناسبة نفس التعذيب

مش عارفة امتى يتفتق ذهن عباقرتنا عن حل يريح جميع الاطراف

fsh::

بس حلوة قوي حكاية انهم خلعوا جزء من رصيف الكوبري هههههه

هو المفروض اجزاء من رصيف الكوبري تكون غير مكتملة ومغلقة باجزاء قابلة للتحريك في حالة حدوث اي طارئ يستلزم اللف في الاتجاه الآخر

ياللا بقى

بلدنا ومضطرين نستحمل البلاوي اللى فيها rs:

[mohamed]

وكل بنات المحاورات حيجيبوا لك عيش وحلاوه ومعمول

ربنا يخليكى يا ام محمد ويخلى لك محمد

اه والله انا نفسى فى حلاوة جدااااااا

مش مهم بقى اكلها فين المهم اكل حلاوة gsm::

وش واحد نفسه فى حلاوة ومكلهاش من زمااااااااااان

( اصلها بقت غالية اوى اليومين دول ) :D

[Cleo]

لماذا لا يتم تشييع المرحوم من مسجد أبوبكر الصديق مثلا فى منطقة شيراتون؟؟؟ أقرب للمطار و أقرب لفندق المشيعين ومن غير ما نوقف حال أهل القاهرة...!!

يعنى منطقة رابعة العدوية مزدحمة و تربط ضاحيتى مصر الجديدة و مدينة نصر بوسط العاصمة....

كذلك منطقة ميدان التحرير حيث جامعة الدول العربية.... !!!

هو اتكتب على أهل القاهرة يتعذبوا بالأحياء و الأموات كمان...!!!

[Lighthouse]

لماذا لا يتم تشييع المرحوم من مسجد أبوبكر الصديق مثلا فى منطقة شيراتون؟؟؟ أقرب للمطار و أقرب لفندق المشيعين ومن غير ما نوقف حال أهل القاهرة...!!

يعنى منطقة رابعة العدوية مزدحمة و تربط ضاحيتى مصر الجديدة و مدينة نصر بوسط العاصمة....

كذلك منطقة ميدان التحرير حيث جامعة الدول العربية.... !!!

هو اتكتب على أهل القاهرة يتعذبوا بالأحياء و الأموات كمان...!!!

ماحدث اليوم من اختناقات مرورية ليس بسبب تشيع الجنازة

ولكن بسبب افتتاح الدورة البرلمانية الجديدة

[mnman]

في جميع دول العالم لقوا حل للمشكلة!! ونروح للعالم الاول لية تعالوا نشوف البرازيل مثلا!! عندهم العاصمة برازليا وهي عاصمة حكومية يعني انشأت خصيصا لتكون مقر لجميع الوزارات ورئاسة الجمهورية !! يعني كل الوزراء والرئيس ساكنين هناك!! برازليا ولاية للحكومة فقط!! يقطنها من يعمل بالوزارات!! و علي الرغم من كدة كل وزير بيسكن في نفس مبني الوزارة !!! والرئيس يسكن في مبني رئاسة الجمهورية!!!

في باقي الولايات بيكون فية المحافظ ويسكن في مبني المحافظة!!! وممثلي الوزارات ودول ملهمش حراسة خاصة او حتي بيقفلوا الشوارع علشانهم...

لنا الله في مصر!!

[Cleo]

صديقتى الأنتيم عندها بنت تبلغ من العمر 7 شهور... مصابة بدور نزلة معوية حادة... صاحبتى أرادت أن تذهب لاستشارة الطبيب بالأمس لأن اليوم الجمعة و الأطباء أجازة وبعد كدة أجازة العيد... و البنت تعبانة قوى...!!

صاحبتى دى ساكنة فى صلاح الدين... كلمتنى بتقوللى انها فى الشارع من الساعة 7:30 لغاية 9:00 مش عارفة تخرج بره منطقة صلاح الدين و ميدان الإسماعيلية لأن كل منافذ الشوارع على صلاح سالم مقفولة بسيارات الشرطة... فتكدست السيارات كلها فى شارع عثمان بن عفان .... المهم لحقت الدكتور بالعافية قبل ما يقفل ب 20 دقيقة بس...!!!

حسبنا الله و نعم الوكيل..

[فــيــروز]

فعلا يا جماعه

حسبنا الله ونعم الوكيل

اتعجب من هؤلاء الذين يعذبون مواطنيهم و اخبار الموتى من اقرانهم تهل عليهم بكثره هذه الايام فلا يفكرون فى رفع هذا العناء عن المواطنين ولا يفكرون فى اقتناص دعوه مخلصه يدعوها لهم من القلب مواطن غلبان .. الناس دى بتفكر ازاى :)