انا قلقان جدا وخايف

[raouf]

اولا اللى يعرفنى يعرف انى كنت شعال فى مصر بوظيفة اكثر من رائعة يحلم بيها اى مصرى وقبلت الغربة والسفر للسعودية ليس بسبب المادة ولكن لكرهى الشديد ومعاداتى لنظام مبارك

لكرهى للرشوة والسلبية المنتشرة للاسف فى مصر .

وكنت اتخذت قرار فى اخر 2010 بالهجرة وتم مبدأيا تجهيز الورق وارسالها لمحامى اللذى اخبرنى انى اتعدى الشروط بمراحل وقبول ملف الهجرة مسالة 3-4 شهور فقط

طبعا بعد الثورة كلمته وقلت له يلغى الطلب لانى هارجع بلدى وطبعا من بعد الثورة ولا حتى شفت مصر بسبب العمل وكل ما احاول انزل يرسل لى الله ما يعطلنى عن النزول

حتى وقت الاجازة الاسبوع لم اجد حجز طيران لمصر فحولت وجهتى لاحدى الدول السياحية

المهم اسف للمقدمة دى اللى مش عارف سبب ذكرها وعلاقتها بالموضوع بس كتبتها ومحتاج نصيحتكم بعد قراءة الموضوع الاساسى

وندخل فى الموضوع

الموضوع انى فى هذه الايام ازداد قلقى جدا على مستقبل البلد وخاصة بعد انتهاء الانتخابات

اليوم قرات عدة اخبار صغيرة لكنها للاسف لا تبدو مبشرة ابدا وزادت من قلقى الشديد على مصر

هذه الخبار تؤكد شكوكى السابقة وهى ان المجلس العسكرى يجاول الالتفاف على مطالب الثورة بمعنى وقوفه حائل اما تغير النظام

هو فقط يحاول تحديث وتغيير بعض اوجه النظام

وما اكد لى هذا الموضوع وثيته اعلان المجلس تفويض الجنزورى بصلاحيات رئيس الجمهورية وعدم اعطاء اى صلاحيات لشرف

كل يوم عن يوم قرارات تساعد على تثبثه بالسلطة وام كل اللى بيحصل ده لارضاء والهاء الشعب

المهم ده مش مكان سرد الاسباب اللى محسسانى بكده

اللى قالقنى اكثر ازاى الشعب يسترد حقه

اولا امامنا طريق الثورة

وده اللى بيتبناه بعض الجهات زى شباب 6 ابريل والشيخ حازم ودول لا يمكن ان اشك بوطنيتهم ولكن هل تتوقعون ان عن طريق الاعتصانمات والثورة سيترك المجلس العسكرى الحكم وخاصة بعد التشويه الظالم اللى طال الثوار من الاعلام وبعض الابواق ولا انكر بعض القرارات

الخاطئة منهم وقلة خبرتهم السياسية ؟

طبعا لا اتوقع واللى بيراهن على عدم تنفيذ الظباط لاوامر المجلس العسكرى فهو واهم

فاذا اخترنا هذا الطريق اتوقع مذابح وحرب اهلية وعادة هاتنقلب مقاومة مسلحة كمان

وطبعا ال القوى الخارجية ستساند المجلس العسكرى اللى اعلن برنامج وحمى الانتخابات واشرف عليها وصورته واسهمه الان داخليا وخارجا فى اعلى نقاطها

ام الحل الاخر

فهو الحل الشرعى وهو الانتخابات وده طريقه انهاء الانتخابات ومحاولة عمل دستور ومتاكد بنسبة مليون% ان الاصطدام مع المجلس العسكرى قادم من اول جلسة ببيربمان وقد يؤدى ذلك الى دخولنا النموذج الجزائرى بحذافيره

ولكن قد يكون الفرق بيننا وبين النموذح الجزائرى ان هناك لنا فرصة ان نلتف جميعا حول من انتخبهم الشعب لتمثيله وان يقف الشعب ايد واحدة وهدفه فقط اقصاء المجلس العسكرى وتسليم السلطة الى رئيس مدنى منتخب مباشرة من الشعب

توحد الشعب ليس بالصعب ولا بالهين فقط الالتفاف حول اعضاء مجلس الشعب المنتخبون ( لانهم الحماية الشرعية الوحيدة الموجودة الان على الاقل امام العالم الخارجى وامام عامة الشعب المصرى ) ودفعهم وتثبيت همتهم حتى يتم اخذ القرارات بجرأة وبارضية صلبة لان

الشعب سيكون الداعم الاكبر لهم

نجح اعداء الثورة فى زرع شجرة الخلافات بين الشعب تارة خلافات دينية

وتارة خلافات مذهبية

واخرى خلافات انتخابية وهذكذا

الشعب كله بيخانق بعضه

وعلى راى اخونا عصام اللاعب الخفى بيلعب وبيضحك علينا كلنا

زاد قلقى بعد ان بلع من يطلقون على انفسهم النخبة

من يطلقون على انفسهم الثوار ببلع الطعم والا اخره

فنجدهم تركوا واجبهم فى توعية الناس

فى البحث عن مصلحة مصر

فى التفكير وحاولة مقاومة اللاعب الخفى ومجهضى الثورة وتفرغوا لمهاجمة نتافسيهم او ممن يخالفهم الراى

فما بالنا بالناس اللى فى الشارع والناس العادية ؟ هل تتوقعون عدم ابتلاعهم الطعم ايضا ؟

علشان كده شاهدنا مظاهرات العباسية

علشان كده خلى كل واحد يسال اهلنا الكبار فى مصر عن رايهم هتلاقى كلهم للاسف اصبحو مع المجلس فى اى قرار حتى لو كان خطأ

للاسف بسبب التنافس واختلاف الراى بنضيع الثورة

ارجو من الكل التوحد حول هدف واحد

حول طريقة واحدة

التوقف عن التخوين

فقط عدم التمسك براينا وسماع دوى الخبرة من الطرف الاخر

ارجو ان نضع مصلحة مصر فقوق مصالحنا

عرفتو انا قلقان ليه

يا ترى حد فيكم يقدر يخرجنى من قلقى

فى الاخير ايه نصيحتكم فى موضوع الهجرة والجواز الاجنبى رغم حبى الشديد وعشقى لمصر وكل ما هو مصرى

هل فعلا جاوبنى الصواب فى الغاء الطلب ام اعيد فتح الملف واكمل المشوار لان بلدنا مش هاتتغير بالعكس هاندخل فى فوضى اخرتها تعود ريما كما كانت ؟

تم تعديل 7 ديسمبر 2011 بواسطة raouf

[ريمون]

استاذ رؤوف

اتمنى لحضرتك التوفيق ان شاء الله

واضح ان حضرتك كجتهد و ربنا هيوفقك فى اى مكان

بالنسبه لوضع مصر فهو مازال غير واضح المعالم

انا ما زلت متفائل

واضح ان الاخوان هيكونوا القوه الاكبر فى البرلمان

لو المجلس العسكرى بلطج و الاخوان وقفوا له فشباب التحرير هيتحد معاهم رغم ان تمثيلهم مش كبير فى البرلمان

لو الاخوان عقدوا صفقه مع العسكر (خلى بالك ان من كام شهر الاخوان كانوا لسه الجماعه المحظوره و الجيش عمل معاهم واجب و سابهم يعملوا حزب و مضيقش عليهم) فهتكون فيه مشكله كبيره لأن شباب التحرير هيتقلبوا ضد المجلس و الاخوان و دى معركه صعب يكسبوها

اتمنى ان الرئيس القادم يبقى من التحرير و يا ريت يكون البرادعى و هو علاقته كويسه مع الاخوان فأنا سمعته بودنى قبل الثوره بكذا شهر بيقول ان الاخوان من حقهم تكوين حزب سياسى ما داموا بيعترفوا بالديموقراطيه و تداول السلطه و الكلام ده كان فى امريكا نفسها

الملخص: الله اعلم!

بالنسبه لموضوع الهجره فهو قرار صعب و محتاج تأنى

نصيحتى انك تحط لنفسك جدول زمنى (سنه مثلا) لو الوضع فى مصر لسه مش باين له معالم اتكل على الله و ابدأ اجراءات هجره مستيمه

بالتوفيق انشاء الله

[طبيبة بالخارج]

طبعا يا استاذ رؤوف موضوع الهجرة ده قرار شخصي لحضرتك و بيعتمد في الأساس على السبب للهجرة

لكن لو حضرتك بتسأل عن الرأي في الهجرة كمفهوم أيا كان السبب فلا أنصح به

منذ سنوات قليلة فكرنا في الهجرة لأستراليا رغبة في اكتساب خبرات افضل في مهنتنا الطبية لي و لزوجي و لكن يشاء الله موضوع اللغة يوقف الموضوع

و لقد حمدت الله على تعطل الموضوع حتى من قبل ثورة 25 يناير لأني اكتشفت أني بهجرتي أحكم على ليس أبنائي القصر بالبعد عن بلدهم الأم و لكني أحكم على أحفادي كذلك و أنا كمسلمة لا أريد أن أضع ذريتي في فتنة البعد عن ديننا

ده أولا ، ثانيا وجدت أني سأهاجر للهروب من أجواء معينة بالبلد مع اليأس في اصلاحها و بعد الثورة قد تكون هناك فرصة للتغيير و الله أعلم و لكني قلت لنفسي هل أقدر أضمن بعد هجرتي لبلد معين ألا تحدث فيه تغييرات مفاجاة فأجد نفسي خرجت من حفرة فوقعت في دحضيرة

حاليا أنا بالسعودية كخطوة لعمل قرشين قبل العودة بإذن الله لبلدي فالغربة علمتني ان من خرج من داره اتقل مقداره و كفاية احساسي و أنا راجعة مصر في الاجازة السنوية (و ده من قبل حتى الثورة) فأحس اني خلاص بقيت في بلدي أخبط فيها تخبط فيه اسمها بلدي

[التونسى]

نحن المغتربين أخى العزيز رؤوف .. قد يندرج معظمنا تحت بند (( المستضعفين فى الارض)) .. فهجرتك عن مصر كما اسلفت .. كانت لاسباب معنويه .. لا لاسباب ماديه .. وكثيرون مثلك .. وانا واحد منهم .. تعددت الاسباب والغربة واحده .. انا مش حضحك عليك .. انا سبحان الله اخدت قرار العوده النهائيه الى مصر يوم 9 ديسمبر 2010 يعنى من سنه الا يومين .. وبصراحه لما قامت الثوره بعد عودتى بحوالى شهر ونص .. استبشرت خير .. وشاركت فيها على قدر استطاعتى .. وقلت انا اخدت القرار الصح .. لكنى وبعد 6 شهور من معايشة الاحوال فى مصر .. قررت ارجع تانى .. بل انى افكر حاليا بجديه فى الاستقرار بانجلترا .. وكل يوم عن يوم بتزيد فيا المشاعر السلبيه ..

بعيدا عن العواطف ... انصحك تمشى فى موضوع الهجره .. مدام فى استطاعتك .. ومدام معندكش روابط قويه بمصر ..ومحدش عارف الخير فين.. وأهى كلها ارض الله

تم تعديل 7 ديسمبر 2011 بواسطة محمود البصيلى

[الغريب]

أنا هتكلم من الناحية الإجتماعية والإنسانية دون الخوض في الجانب السياسي

من وجهة نظري مصر أجمل بكتير بعد الثورة

لم تراودني نفسي عن النزول النهائي لمصر إلا بعد زيارتها بعد الثورة

أنت محتاج لزيارة لمصر علشان تحكم من أرض الواقع

هناك سلبيات ولا يمكن إنكاراها ، ولكن الجميل أن الكل متعطش لبلد أجمل وبلد أفضل

ما ينقص مصر حاليا هو قيادة جديدة تعطي إحساس للناس أن هناك تغيير على مستوى القرار والسياسات التنفيذية

أما قرار الهجرة فقرار مصيري وخطير للغاية

تحياتي...

[Abu Reem]

اخي الحبيب / مهندس رؤوف

ظروفك واسبابك للسفر تتشابه مع ظروف غالبية من سافروا للعمل بدول الخليج او هاجروا لاوروبا او امريكا

- لكن اولا اريد ان اعرف لماذا لم تطرح خيار بقائك في السعودية ..فانت وضعت حل اما العودة او الهجرة للغرب...ولكن ماذا عن خيار بقائك لمدة سنة مثلا في السعودية قبل الاقدام على خطوة الهجرة

- بالنسبة لمسألة عودتك لمصر وتحليلك لوضع مصر...فأطمئنك ان وضع مصر يسير على ما يرام...ورغم ان وضع المجلس العسكري الذي تراه ونراه جميعا مريب..فلابد ان اوضح لك ان المجلس امامه ضغوط كثيرة وتحديات...وهو بالفعل يحاول ان يعمل توازن بقدر الامكان بين العديد من القوى المتصارعة من جهة وبين الضغوط الخارجية وضعها تحت مائة خط من جهة اخرى.

- لكن في رؤيتي انا ان الوضع يسير جيدا حتى الان ولو اكتملت الانتخابات بجميع مراحلها على خير سيكون هذا تطور رائع وكما قلت انت ان التصرف السليم عندها هو التفاف الشعب بجميع تياراته حول هذا المجلس وحول خيار الاغلبية العظمى من الشعب...لانه لا تستطيع اي دولة ان تقف امام رغبة كتلة شعبية كبيرة في دولة مثل مصر بقدرتها العسكرية الكبيرة...

- ما يهمني الان ان اقول لك ان في جميع الاحوال استقرار مصر سيحتاج وقت او بضع سنوات وبالتالي استمرارك في عملك الحالي امر مطلوب...وهي الخيار الامثل...ولا مانع من الهجرة لاحقا اذا فشلت الثورة في تحقيق مرادها...

ونصيحة لك وللجميع ..في اوقات الازمات الكبيرة والخطيرة....دائما الوقوف مع الاغلبية هو الخيار الصحيح حتى لو لم يكن الخيار الامثل....ده حتى امريكا بتعمل كده !!!

[اثار]

ليس عندي اضافة اتمني لحضرتك التوفيق ايا كان قرارك

بس حزينه جدا علي مصر اللي اتكتب عليها ان خيرة ابنائها يسيبوها

وتستفيد من خبراتهم دول اخري بعضها دول معاديه

[نوران]

مقتنعة تماما إن مش أي حد يقدر يعيش ويتعايش مع مجتمع غربي

قرار الهجرة صعب

وأنا عن نفسي لا أنصح به ولكن

أدعو الله لك بالتوفيق أيا كان قرارك

[rewsha]

سؤال صغير يا استاذ رؤوف

هوه لو حضرتك هاجرت وبعدين بعد كام سنه حبيت ترجع تاني لمصر وتستقر فيها مش ممكن؟؟؟؟

لو ممكن يبقى توكل على الله وماتفوتش فرصتك

وعصفور في اليد خير من 1000 على الشجره

لان مصر لسه قدامها شويه على ماينصلح حالها

انا مش متشائمه لكن لسه شويه على ما مصر تبقى زي مااحنا عاوزين

هاجر .....ولما الوقت يبقى مناسب للرجوع

ابقى ارجع تاني لمصر

بالمناسبه (انا سافرت السعوديه قعدت فيها 6 شهور وكنت سايبه مصر مش لاسباب ماديه برضو

كان لنفس الاسباب بتاعت حضرتك )

بس مااستحملتش ورجعت مصر تاني

لكن لما رجعت بقيت اقول لنفسي ....علشان مايبقاش نفسي اسافر تاني اديني جربت واخترت

لكن لو كنت رفضت السفر ...كان زماني كل ما يحصل مشكله اقول ياريتني سافرت

انا مافوتش فرصة السفر وجربت واختارت اني ارجع مصر واستحمل بمزاجي كل اللي هاشوفه فيها

في حل تاني

لو فرصة الهجره متاحه لحضرتك في اي وقت ..

في الحاله دي ممكن تاْجل الهجرة شويه

لكن لو فرصه وهاتضيع منك بعد كده يبقى الحل في الكلام اللي انا كتبته فوق

وفي الاخر القرار قرارك ....واستخير ربنا هو العالم بالاصلح لينا

تحياتي

[raouf]

شكرا لردودكم كلكم

بس انتم كلكم باستثناء ابو ريم مافهمتوش قصدى

قصدى الرئيسى هو برايك هل ستنصلح الاحوال فى مصر عن قريب ؟

ام ستسوء ؟

السبب الخفى لموضوعى هو الدعوة لاتحادنا نحن المصريين الوطنيين ثوار مع اسلاميين مع 6 ابريل من اجل هدفنا جميعا وهو تحرير مصر

وضعت نفسى كمثال لفرد مصرى استطيع ان افيد بلدى

وضعت نفسى محل شخص مسنثمر يهرب باستثماراته لخارج مصر

مصر على حافة هاوية كبيرة تحتاج من الكل الاتجاد والتنازل عن العصبية الشخصية والمصلحة الخاصة من اجل المصلحة العامة

الان لا يمر شهر الا نشهد معارك تضيع المحبة التى بين المصريين

فتارة معركة بين المسيحيين والمسلمين

والشهر اللى بعده معارك السلفيين والاخوان

واللى بعده الثوار والاسلاميين

وقريبا البرلمان مع الثورة ومع المجلس العسكرى

وللاسف اللى هايضيع فى النص هو الشعب اللى انا منه وهيبقى حلم الخروج من مصر هو ما يراود كل مصرى وليس العودة اليها والعيشة فيها كما كنا نتمنى بعد الثورة

انا فقط وضعت نفسى كمثال لشريحة كبيرة من المصريين

حلمنا حلم جميل باقامة دولة عادلة قوية ونحكم نفسنا وللاسف الحلم بيضيع بسبب الصراعات بين اطراف يظن كل منها انه العالم بالامور

[ViralMind]

افتح الطلب فى اقرب وقت يا باشا و اتوكل على الله..

و بعدين هتفرق السعودية من كندا؟!

مصر رايحة للمجهول بسرعة الصاروخ.

مقدرش اقول انى متفائل او متشائم, و لكن انا زى كل الناس.. مفيش معلومة مؤكدة.

[raouf]

افتح الطلب فى اقرب وقت يا باشا و اتوكل على الله..

و بعدين هتفرق السعودية من كندا؟!

مصر رايحة للمجهول بسرعة الصاروخ.

مقدرش اقول انى متفائل او متشائم, و لكن انا زى كل الناس.. مفيش معلومة مؤكدة.

ده اللى اقصده تماما

الناس فقدت الامل ان ينصلح حال مصر بسبب التناحر

للاسف بنكرر التجربة الافغانية هما تناحروا بالسلاح واحنا بنتناحر بالكلام والتخوين فى وسائل الاعلام

[عصام أبوالفتح]

عزيزى رؤوف قلقك ملهوش اى مبرر .. لما قابلتك واتكلمنا قلتلى فحوى هذا الكلام وكنا قبل الانتخابات بيومين .. كنت انا اللى منفعل جدا من احداث التحرير وشايفها محاولة لتعطيل الانتخابات.. فاكر ؟

مش فاهم ليه انت لسه قلقان لحد دلوقتى بعد ما ربنا خيب ظن لاعب العرائس الخفى وكل عرائسه وعدت المرحلة الاولى على خير ونتيجة رائعة وتم تمثيل الجميع فى المجلس وصدق الاخوان فى توقعهم لنسبة ال 40 % بدون زيادة او نقص

الستورمينج STORMING بيحصل بينك وبين اى زميل جديد واى جار جديد واى أخ جديد حتى ... ما بالك بفرق واطياف كلها طالعة من تحت الارض وأول مرة تكلم بعضها ويتنافسوا على الحكم ... اكيد المرحلة دى هاتطول شوية .. بعدها هايجى النورمينج NORMING وهو الوصول لصيغة تفاهم مشتركة وهى الدستور ثم البيرفورمينج PERFORMING ومرحلة الانتاج والفعالية ودى هاتبدأ مع وجود رئيس قوى حكيم يعرف هدفه .. وساعتها مصر هاتكون محتاجة كل واحد فيها وكل واحد سابها .

مش فاهم انت ليه قلقان بجد ؟ ... انا كنت كفرت بالمصريين ووصلت لليأس فعلا لما لقيت الكل هنا بيشتم المجلس قبل الانتخابات وعلى رأسهم س س واتضايقت فى الفترة دى ضيق مش طبيعى

لكن الان نفسيتى اتحسنت بعد ما ربنا سترها فى المرحلة الاولى ولما رحت صوت حسيت براحة نفسية هائلة ازالت كل الغم الذى سببه لى ثوار محمد محمود واصرارهم على فض الانتخابات والانقلاب على المجلس فى وقت حرج جدا ومزايدة ابواسماعيل واخرون فى الموضوع بدون اى داع فى الوقت ده

الحمد لله خيب الله ظنهم جميعا ومرت المرحلة الاولى والاعادة بخير وستمر الثانية والثالثة بخير ان شاء الله

وعائدون كلنا لمصر ان شاء الله عندما تطلبنا .. وتأكد انه الوقت ده هايجى خلال سنتين او ثلاثة بإذن الله

الهجرة عدى وقتها خلاااااااااااص ..

آن الاوان لنستعد للعودة حينما يحين الأوان

[عادل أبو عمر]

أخي العزيز المهندس رؤوف

ربنا يوفقك لكل خير

مش عارف رأيي هينفعك و لا لأ لأني م الآخر لسة متأثر بقرار الغربة اللي خدته على كبر مضطرا

لكني لا أستطيع المرور على موضوعك و أرفض طلبا لك .. فأنت أخ عزيز أحبه في الله رغم أننا لم نلتق يوما .. لكن الحب في الله .. هكذا به تأتلف القلوب

أنت تعمل حاليا في السعودية و يمكنك إذا أردت الانتقال لأي دولة أخرى من دول الخليج و فيها ما يمكن أن يكون أفضل لك في المجال المهني وكنوع من التغيير لو كان التغيير هو الهدف .

لكن بالنسبة للهجرة .. لا أراني لك ناصحا إلا بما أحبه لك و هو أيضا ما أحبه لنفسي .. أن كفى أخي العزيز ..

فأنت تعلم أن ليس هناك بلدا أحن علينا من مصر فهي الأم مهما قست علينا .. قسوة أم في غير كره لأبنائها

وحتى إذا كنت تظن أنك أخذت منها ما يشبعك من ذكريات تكفيك في الغربة أو حتى في الهجرة ... فلا تحجر على رأي " نور " بانك تعرف الصالح له .. فمن حقه أن يعيش في مصر التي يحمل جنسيتها فلا تنزعها منه بقرار ربما يسألك هو عليه لاحقا ..

أكيد في ناس خدت قرار الهجرة و أعرف ناس نفسها في الهجرة .. و أكيد في ناس ناجحة الحمد لله بعد الهجرة

لكني لا أميل لقرار الهجرة .. ليس عن ضعف في اتخاذ القرار و لا الطموح و لا الأحلام ...

ولكنها جذور ترتبط بالأرض و بالناس و بالجماد و ذكريات و خفة دم شعب بيقول نكت حتى في ثورته .. طيبة قلوب ينخدع فيها البعض فيظنها جهلا ..

مش هقولك أنا بحب مصر

أنا هقولك أنا عرفت متأخر

إن مصر كانت دايما بتحبني

رأي واحد متغرب

[raouf]

أخي العزيز المهندس رؤوف

ربنا يوفقك لكل خير

مش عارف رأيي هينفعك و لا لأ لأني م الآخر لسة متأثر بقرار الغربة اللي خدته على كبر مضطرا

لكني لا أستطيع المرور على موضوعك و أرفض طلبا لك .. فأنت أخ عزيز أحبه في الله رغم أننا لم نلتق يوما .. لكن الحب في الله .. هكذا به تأتلف القلوب

أنت تعمل حاليا في السعودية و يمكنك إذا أردت الانتقال لأي دولة أخرى من دول الخليج و فيها ما يمكن أن يكون أفضل لك في المجال المهني وكنوع من التغيير لو كان التغيير هو الهدف .

لكن بالنسبة للهجرة .. لا أراني لك ناصحا إلا بما أحبه لك و هو أيضا ما أحبه لنفسي .. أن كفى أخي العزيز ..

فأنت تعلم أن ليس هناك بلدا أحن علينا من مصر فهي الأم مهما قست علينا .. قسوة أم في غير كره لأبنائها

وحتى إذا كنت تظن أنك أخذت منها ما يشبعك من ذكريات تكفيك في الغربة أو حتى في الهجرة ... فلا تحجر على رأي " نور " بانك تعرف الصالح له .. فمن حقه أن يعيش في مصر التي يحمل جنسيتها فلا تنزعها منه بقرار ربما يسألك هو عليه لاحقا ..

أكيد في ناس خدت قرار الهجرة و أعرف ناس نفسها في الهجرة .. و أكيد في ناس ناجحة الحمد لله بعد الهجرة

لكني لا أميل لقرار الهجرة .. ليس عن ضعف في اتخاذ القرار و لا الطموح و لا الأحلام ...

ولكنها جذور ترتبط بالأرض و بالناس و بالجماد و ذكريات و خفة دم شعب بيقول نكت حتى في ثورته .. طيبة قلوب ينخدع فيها البعض فيظنها جهلا ..

مش هقولك أنا بحب مصر

أنا هقولك أنا عرفت متأخر

إن مصر كانت دايما بتحبني

رأي واحد متغرب

اهلا بحضرتك وتشرفت بمرورك يا استاذ عادل

الوضع الان وضع رهان

والرهان هو هل فعلا ستتجسن مصر بعد الثورة وسيستمر انتقال سلمى للسلطة يرضى معظم الاطراف وتتقبل به كل

الاطراف ؟

ام سن\خل فى نظام الحرب الاهلية والتخوين ومقاومة عسكرية كما هدد البعض ؟

هو ده سبب قلقى من اهتياراتى فى هذا الوقت

[pocy]

أخى الفاضل ..............

لماذا تسابق الاحداث انتظر قليلا حتى تتم باقي الانتخابات ولا تشاهد الاعلام المضلل وكن على يقين ان ما فى مصر الان افضل بكثير من عهدها فى نظامها البائد وان الكل يحاول ان يصلح الحال ............ لولا ان هناك بعض المنغصات وتأتى من فلول النظام البائد ولكنى اريد ان اجعلك متفائلا مصر رايحه للخير ان شاء الله ................وبعد سنه من الان مصر هتفرق كتير ............ وساعتها ابقي افتكرنى بدعوه انى بشرتك .................بس لازم نصبر ..............لان ده اللى فى ايدينا الان ..........

يا مصر قومي وشدي الحيل

كل اللي تتمنيه عندي

لا القهر يطويني ولا الليل

آمان آمان بيرم أفندي

رافعين جباه حرة شريفة

باسطين أيادي تأدي الفرض

ناقصين مؤذن وخليفة

ونور ما بين السما والأرض

يا مصر عودي زي زمان

ندهة من الجامعة وحلوان

يا مصر عودي زي زمان

تعصي العدو وتعاندي

آمان آمان بيرم أفندي

الدم يجري في ماء النيل

والنيل بيفتح على سجني

والسجن يطرح غلة وتيل

نجوع ونتعرى ونبني

يا مصر لسه عددنا كتير

لا تجزعي من بأس الغير

يا مصر ملو قلوبنا الخير

وحلمنا ورد مندي

آمان آمان بيرم أفندي

يسعد صباحك يا جنينة

يسعد صباح اللي رواكي

يا خضرا من زرع إيدينا

شربت من بحر هواكي

شربت من كاس محبوبي

وعشقت نيل أسمر نوبي

وغسلت فيه بدني وتوبي

وكتبت إسمه على جلدي

آمان آمان بيرم أفندي

[عادل أبو عمر]

الوضع الان وضع رهان

والرهان هو هل فعلا ستتجسن مصر بعد الثورة وسيستمر انتقال سلمى للسلطة يرضى معظم الاطراف وتتقبل به كل

الاطراف ؟

ام سن\خل فى نظام الحرب الاهلية والتخوين ومقاومة عسكرية كما هدد البعض ؟

هو ده سبب قلقى من اهتياراتى فى هذا الوقت

أقولك على حاجة يا رؤوف

لو إنت كنت مراهن يوم 24 يناير إن فيه ثورة هتحصل في مصر .... أنصحك بالهجرة فورا

في رأيي مستحيل حد يتنبأ أو يضع رهانا على ماذا سيحدث

و لكن على العكس من ذلك أن أضع كل ثقتي في الله لأني شفت بعينيا إزاي أن ربنا كرمنا بشباب رفعوا راسنا و شرفونا ...

وأكيد برده ربنا مش هيسيب البلد دي .. سبحانه عز من قائل ... إدخلوا مصر إن شاء الله آمنين

عارف انا كنت في مصر أيام الثورة و نزلت التحرير ووقفت وسط مليون مصري بيقولوا الشعب يريد اسقاط النظام .. الصوت ده .. و المودة اللي كانت بين الناس في الميدان رغم كل الاختلافات .. خلت عندي جرعة اطمئنان .. على شعبنا .. أكتر من كل الأصوات العالية اللي صدعت دماغنا

ما تقلقش يا غالي

و قول يارب

[Ahmed Anwer]

هاجر يا باشا

الثورة دي بنحارب فيها عشان أولادنا مش عشانا إحنا

يعني حتي في حالة نجاح الثورة مش هتلحق تحس بالتغيير

[Om Zayd]

صحيح بنحارب عشان اولادنا

بس محتسبين اللي بنمر به عند ربنا سبحانه و تعالى

ربنا يتقبله منا و يجعله في ميزان حسناتنا

ما اقصده ان ما تمر به مصر الآن يعز عليّ ان يحرم احد اولادها من المشاركة الايجابية فيه

بالنسبة لهل هنتوحد ام سنظل فرقاء.. فلعل تصريحات الملا توضح للناس اهمية التركيييييييييييييييييييز و التوحد

[ابو محمود]

كنت وانا صغير اريد ان اخرج بعيدآ عن مصر

لم يحدث لسبب ما

النتيجة هى عمل ممتاز ومكسب كبير واسرة وخلافة

انهيار هذا العمل بسبب سرقة او باالاحرى نصب وبدات من الاول رغم الصعوبة ورغم الفساد لمم اغير من اسلوبى رفضت الفساد وصبرت واشرفت على غلق العمل وقامت الثورة وكنت كل يوم ادعو الله وابكى بينى وبين ربى واطلب اصلاح الحال

وبارك الله لنا فى ثورتنا

وستتغير مصر ان شاء الله لكن نتخيل ان يبنيها غيرنا لن نقبل وسنصبر وسأعلم الكثير من ابناءها ولن اطمع الا فى ان يسترنى الله بسترة ويصلح لى حالى وصحتى واتركها وانا غير خائف على ابنائى من فاسد او جاهل او خارج عن قانون اننا الان نستعد لبناء مصر جديدة لن يخيفنا بعد اليوم عسكر يا صديقى انت تعلم ما انا امتهنة وتعلم كم اترقب تعويض خسارتى ولو بالامل فما بالك ان أتى الامل الكبير ,,الثورة التى من الممكن ان نعيش فى كنفها احرار لا نخاف من امن دولة يساعد فى ضياع الحقوق واخفاء النصب انى يملأنى الامل وأظن انك فطن ومن نسل طيب وعلى دين وخلق فلا تخف مصر لن تموت ابدآ ان شاء الله