مونتريال من اللاندنج لبيبو فى كندا

[بيبو كندا]

اه فكرتنى

يوم 26/12 من كل عام فى حاجة هنا اسمها البوكسنج داى

ففى حد فى مدرجات الدرجة الثالثة يمين يقولى يا كابتن لطيف يعنى ايه البوكسينج داى اقوله ده يوم التخفيضات الكبيرة يعنى ( او المفروض ) هتشترى الحاجة بأقل من نصف الثمن

و رحت اليوم ده علشان ارجع لى تليفون و اجيب واحد تانى فى وووول مارت و كنت هناك الساعة 11 صباح لاقيت طابوووووووووووور كبير فذهبت ارجع التليفون لقيتهم بيفتحو الساعة 1 ظهرا ايه الناس دى واقفة بتعمل ايه .......؟

فسألت احد الاشخاص ذو الخبرة فقالى بعض الاصناف اللى الناس عايزاها بيكون تصفية اخر كميه و بالتالى اللى هيدخل الاول يبقى ضامن ان الحاجة لسه بخيرها و موجوده

و درجة الحرارة ايه يا سيدى اقل من 10 تحت الصفر طبعا مع رياح يعنى الاحساس بيتضاعف بدرجة الحرارة

المهم يا باشا روحت و رجعت على الساعة 1.30 كده كان وولمارت ولا العتبه ليلة وقفة عيد الفطر مثلا الناس على بعض يا سيدى و الناس بتقطع فى بعض بس بنظافة كل حاجة بطابور التليفزيونات بطابور و الالعاب التكنولوجيه بطابور

و بالطبع حتى دخول الحمام بطابور

و من ضمن الميزات الكندية هنا بقى انك تقدر ترجع الحاجة اللى انت اشتريتها خلال سنه فى حالة وجود الفاتورة و الكرتونة و الاكياس و تعرف ترص الحاجة زى ما اخدتها المهم روحت ارجع التليفون كان المحل كله زحمة و محدش عايز يرجع حاجة غيرى انا و رجعته لهم

و قلت اشترى واح تانى بس من مكان اخر و روحت المكان ده لقيت طابور ليس له مثيل ايه بقى فى ايه دى محلات عادية مش جمعية فيها لحمة قلت اقف بدل ما الاقيش اى حاجة المهم اشتريت التليفون و فى اخر النهار بعض الاصدقاء هناااااااااااااااااااا اشترو تليفزيون من اللى كانو بيقطعو بعض عليه صباحا

لكن مساء كان الموضوع فاضى جدا سألنا و قال لنا موجود بس هجيبة و تأخذة و مافيش انك ترجع فى كلامك اوك قلنا اوك

هو ده البوكسينج داى بتاع كندا ( بس ملاحظتى ان البوكسينج داى ده اونطة ) اعتقد انها نفس الاسعار الاسبوعية اللى بتترك من مكان لاخر

تحياتى

[خائف]

صموئل باشا

مشاركاتك حلوه و يارب تتوفق في المكان الجديد الي ناوي تسكن فيه لانك واضح انك مش مبسوط في النورد

بس ياتري انت بعد البحث و التفحيص و التمحيص ناوي تسكن فين؟؟؟

[matyos]

bonne annee

[Filomina]

كل سنة وانتم طيبين

ربنا معاك يا صمويل ويوفقك .... كنت عايزه اعرف انطباع اطفالك ايه علي البلد ومبسوطين ولا ايه ؟؟؟؟

[بيبو كندا]

كل سنة وانتم طيبين

ربنا معاك يا صمويل ويوفقك .... كنت عايزه اعرف انطباع اطفالك ايه علي البلد ومبسوطين ولا ايه ؟؟؟؟

الولاد مبسوطين جدا جدا

المدرسة عبارة عن رحلة بنتى بتحب تروح المدرسة علشان هناك معظم اليوم لعب و تنطيط

المشكلة فى الكبار المسئوليه لتوفير المال اللازم للمعيشة و الشراء و كل ما يتعلق بالحياة مش مسئوليه حد غير الاب و الام

و التأقلم مع المجتمع و اللغة

على فكرة بمناسبة اللغة فاللغة الانجليزية اهم كتير جدا من اللغة الفرنسية هنا ؟؟؟ واحد هيقولى ااى

لما تروح شغل هنا و انت بتعرف فرنساوى 100 % و ما فيش انجليزى يبقى ما فيش شغل لما تيجى تعمل معادلة باللغة الانجليزية مثلا لازم ايلتس اللى يعرف يأخذه من مصر يبقى افضل

اللى عايز يكمل دراسته دى خطوة مهمه جدا لازم انجليزى بس مش هتلاقى شغل بدون الفرنساوى فى كيبك يبقى ساعتها ممكن تسيب كيبك و تذهب لأى مقاطعه اخرى

لو فى حد عايز اى حاجة من هنا يؤمر و انا تحت امر الجميع

ربنا يوفق الناس كلها تحياتى لكم جميعا

[joo]

مساء الخير عليكو يا محاوراتية وحشتونى كتير معلش انا طولت عليكو فى الغيبة لكن صامول باشا قايم بالواجب وزيادة وانا معنديش جديد

علشان صامول كاتب كل حاجة وانا كنت معاة خطوة بخطوة حتى كنت واقف معاة فى نفس الطابور بتاع البوكسنج داى والحمد للة ربنا كرمنا بالتليفونين وبالليل جبت التليفزيون

بس نصيحة اخوية من اخوكم الصغير

يا ريت كل واحد بيفكر ييجى كندا ميجيش فى الشتاء علشان احنا شايفين المرار من البرد هناوالثلج

ولنا لقاء أخر سلام

[دون كاملو]

صموئيل و جو : كل سنة و انتم طيبين و اتمنى ليكم الخير من قلبى

معلش الفترة الاولى بتكون صعبة ربنا معاكم و تقدروا تعدوها بسلام

انا محتاج معلومات عن اقليم

Monteregie

انا شايف انة مكان مناسب بس محتاج معلومات اكتر من ناس على ارض الواقع .. ياريت تقدروا تفيدوني

سلام

[ViralMind]

كل سنة و انتم طيبين

ليك وحشة يا جو.. قلقتنا عليك.

[بيبو كندا]

صموئيل و جو : كل سنة و انتم طيبين و اتمنى ليكم الخير من قلبى

معلش الفترة الاولى بتكون صعبة ربنا معاكم و تقدروا تعدوها بسلام

انا محتاج معلومات عن اقليم

Monteregie

انا شايف انة مكان مناسب بس محتاج معلومات اكتر من ناس على ارض الواقع .. ياريت تقدروا تفيدوني

سلام

لسه هروح كمان كام يوم بس الناس اللى هناك مبسوطين

مش هقولك على اسماؤهم بس انت تعرف معظمهم انا اعرف ناس كتير قوى هنا مبسوطين هناك بس فى مكان انا روحته و جميل جدا جدا الويست ايلاند

رائع بس لما اروح لونجيه هعرف اقيم صح

تحياتى للباشا الصغنن

سلام

[دون كاملو]

صموئيل و جو : كل سنة و انتم طيبين و اتمنى ليكم الخير من قلبى

معلش الفترة الاولى بتكون صعبة ربنا معاكم و تقدروا تعدوها بسلام

انا محتاج معلومات عن اقليم

Monteregie

انا شايف انة مكان مناسب بس محتاج معلومات اكتر من ناس على ارض الواقع .. ياريت تقدروا تفيدوني

سلام

لسه هروح كمان كام يوم بس الناس اللى هناك مبسوطين

مش هقولك على اسماؤهم بس انت تعرف معظمهم انا اعرف ناس كتير قوى هنا مبسوطين هناك بس فى مكان انا روحته و جميل جدا جدا الويست ايلاند

رائع بس لما اروح لونجيه هعرف اقيم صح

تحياتى للباشا الصغنن

سلام

الله يطمنك يا بيبو و مستنى تفاصيل اكتر عن مونتيريجي

وبالنسبة للويست ايلاند .. دي مكانها فين بالظبط ؟

ربنا معاكم

[Rock]

مساء الخير عليكو يا محاوراتية وحشتونى كتير معلش انا طولت عليكو فى الغيبة لكن صامول باشا قايم بالواجب وزيادة وانا معنديش جديد

علشان صامول كاتب كل حاجة وانا كنت معاة خطوة بخطوة حتى كنت واقف معاة فى نفس الطابور بتاع البوكسنج داى والحمد للة ربنا كرمنا بالتليفونين وبالليل جبت التليفزيون

بس نصيحة اخوية من اخوكم الصغير

يا ريت كل واحد بيفكر ييجى كندا ميجيش فى الشتاء علشان احنا شايفين المرار من البرد هناوالثلج

ولنا لقاء أخر سلام

اييييييييييييه يا عم جووووووو

ليك وحشة يا عمونا.....انت ايه اخبارك و اخبار دنيتك؟؟

ربنا يقويكم و يساعدكم في التاقلم

يا ريت لو سمحت برضه يعني تقولنا علي انطباعاتك و عن الخطوات و كده يعني

يا ريت نسمع منكم علي طول انت و صامويل

ربنا معاكم

[joo]

حبايبى فيرمايند وروك ودونكاملو وحشتونى كتير

انا تمام الحمد للة بس بحاول لسة اتوعب اللى انا حطيط نفسى فية

وكل اللى انا عملتة خلصت اوراقى وقدمت للاولاد فى المدرسة بحاول اذاكر انجليزى علشان اسهل فى التعامل

وبحاول على اد ما اقدر اعرف البلد اكتر والاماكن بس انا لسة مجبتش عربية علشان الف براحتى علشان كدة الخروج فى الجو دة صعب علينا شوية

وربنا يسهل واجيب عربية دعواتكم

وانا المكان اللى انا فية مش اد كدة بس فى الاول انا مضطر انتظر فية السنة الاولى وبعد كدة هقرر اعيش فين

الفلوس هنا بتتسحب منك زى الرز بتطير فى الهوا والضرايب زادت من اول يناير اصبحت تقريبا 15 فى المية كل حاجة بتشتريها

بتدفع ضرايبها يعنى السعر اللى مكتوب على كل حاجة دة مش سعر نهائى . لما بتروح تحاسب بيحسبلك الضريبة عليها

سلام مؤقت

[خائف]

حبايبى فيرمايند وروك ودونكاملو وحشتونى كتير

انا تمام الحمد للة بس بحاول لسة اتوعب اللى انا حطيط نفسى فية

وكل اللى انا عملتة خلصت اوراقى وقدمت للاولاد فى المدرسة بحاول اذاكر انجليزى علشان اسهل فى التعامل

وبحاول على اد ما اقدر اعرف البلد اكتر والاماكن بس انا لسة مجبتش عربية علشان الف براحتى علشان كدة الخروج فى الجو دة صعب علينا شوية

وربنا يسهل واجيب عربية دعواتكم

وانا المكان اللى انا فية مش اد كدة بس فى الاول انا مضطر انتظر فية السنة الاولى وبعد كدة هقرر اعيش فين

الفلوس هنا بتتسحب منك زى الرز بتطير فى الهوا والضرايب زادت من اول يناير اصبحت تقريبا 15 فى المية كل حاجة بتشتريها

بتدفع ضرايبها يعنى السعر اللى مكتوب على كل حاجة دة مش سعر نهائى . لما بتروح تحاسب بيحسبلك الضريبة عليها

سلام مؤقت

ربنا معاك يا جو انت و صموئل

و بالتوفيق انشاء الله و يارب تكون فتره صغيرة صعبه و انشاء الله تعدي

و انشاء الله تتوفق في عربية كويسة في اقرب وقت ممكن

اخبار فرص الدراسة عندك ايه يا جو؟ ولا لازم ايلتس لو هتدرس بالانجليزية؟؟

[بيبو كندا]

حبيبى يا هندسة

أخبارك ايه ما فيش جديد ولا ايه

بص يا سيدى الموضوع بتاع المعادلة ده معقد شويه

لمعادلة المحاسبين .... تروح النقابه يقولو لك اوك ذاكر 11 مادة فى كونكورديا تروح كونكورديا ... . يقولو لك ابقى استنى شوية نرد عليك او ذاكر لوحدك

و تعالى امتحن ..... او تعالى لينا احنا و معاك الايلتس بسكور مش عارف كام و نعملك احنا تقييم و نقولك تذاكر ايه ..... يبقى الايلتس نمرة واحد اوك

و لو روحت النقابه بعد ما تذاكر ال 11 مادة تدرس بالنقابه مش عارف كام مادة كمان و تمتحن امتحان لغة فرنساوى :unsure: علشان تأخد كانية النقابة بتاعتنا و تعرف تشتغل

لو انت فهمت ايه المفروض االلى عمله ......... قولى علشان انا مش عارف اى حاجة بس قلت ابتدى بالايلتس و خلاص لحد ما ترد عليا انت و قولى اعمل ايه

تحياتى

[بيبو كندا]

كل عام و انتم بخير

و كل عام و الاخوة المسيحين بألف سلامه

[Rock]

كل سنة و انت طيب يا عم صامويل و ربنا يفرحك علي طول

[دون كاملو]

merry christmas ya bebo and i wish u all the best in 2012

[Rock]

Happy birthday,Samuel.

[matyos]

merry christmas

amgad

تم تعديل 9 يناير 2012 بواسطة matyos

[بيبو كندا]

Happy birthday,Samuel.

انت عرفت منين يا سوسة

انا يا جماعة اكملت عالمى ال ...... و ثلاثين هنا بكنده و بكده يبقى اول عيد ميلاد