مونتريال من اللاندنج لبيبو فى كندا

[gogobeak]

صباح الخير لكل رفقاء رحله الهجره لكندا

بيبو وفيرال وروك وجو ............

يحدثكم جورج من ارض مصر قبل اسبوع من مغادرتها انشنالله

انا مسافر الجمعه الجايه على الكنديه

هنزل على مونتريال وهطلع تانى يوم على تورونتو علشان لى صاحبى هناك

اللى عاوز اقوله ليكم ان مونتريال ارخص جدااااااااا من تورونتو

تامين العربيه 350 فى الشهر

والعيشه فى مونتريال ارخص على حسب مابسمع

معلش احنا تعبنا كتير علشتن نسافر وربنا هيعوض التعب ده اكيد

ربنا معاكم يااصدقاءى

توصل بالسلامة يا جورج بس ليه كده مونتريال احسن

على اى خال ربنا يوفقك

allah ysalmk ya bebo

eli shofto fi montreal en el farancawy mohm awiiiiiiiiiiiiiiii

w ana msh ad keda fyh

w ma3ndysh wa2t at3lm francawy 3alashan waraia mozakrt saidla

f toronto ashal lia

bas isa hakhalas el mo3adla w agi quebec b izn ellah

c u soon ya basha

[ashaa]

ازيكم يااصحابى

انا وصلت كندت من اسبوع

شويه حاجات عاوز اقول عليهم يمكن حد يستفيد منها

فى المطار اول مانزلت من الطياره دخلت على لاين على ضابط خد الباسبور وورق الهجره وشطب على الفيزا

وقالى بالعربى الان وسلان

وبعدين رحت خدت الشنط ومشيت فى لاين دخلت على ظابط قالى هجره من هنا

جاتلى ظابطه مووووز موووووز قالتلى تعالى هنا طبعا وراها جرى

خدت الباسبوز وورق الفيدرال وقالتلى welcome to canada

قالتلى امضى هنا ومضيت وقالتلى ممكن تقعد وهناديلك علشان تمضى كمان مرتين

وقالتلى هاتلى العنوان بتاعك اللى هتقعد فبه

مفيش قعدت دقيقه ولقيتها جايالى

طبعا انبوا عارفين يعنى ايه ظابط يجى لحد فى مصر

انا قلت بس هروح مصر ترحيل

قالتلى هو الحرف ده n or r

قلتلها ار . لقيتها بتقولى شكراااا. قلت ده لو انتى فى مصر كانوا قرقشوكى

بس وبعدين نادت عليا وقالتى انت اتجوزت ولا لسا سنجل ( مرتين )

قلتلها لسا. بس افكر

وقالتلى معالك ايه غالى

قولوا كل حاجه )telephones laps dahab clothes every thing

today u became a permenant resident in canda

معاك فلوس اد ايه قلت كذا

كش اكتر ولا اقل قلت لا

ال pr هبوصلك كمان شهرين سلام سلام

فاصل ونواصل

ألف الحمدلة عالسلامة،الله يوفقك بكل خطوة ، إنت و السامعين

[بيبو كندا]

الف الف الف حمدلله على السلامه يا جورج

[gogobeak]

الف الف الف حمدلله على السلامه يا جورج

الله يسلمك ياصمويل

اشوفك قريب انشاءالله

[petro]

خلاص يا جماعة الواحد قرر و اتكلت على اللهو حجزت تذكرة و هوصل مونتريال يوم 22/5 و بجد الحاجة اللى لسة مش عارفها هي الحجات اللى اخدها معايا من هنا يعني اخد موبايل و لابتوب و اخد هدوم معايا كتير ولا ايييه انا مشتت وقرأت اكتر من موضوع هنا و منتديات تانية ولسة مقررتش اعمل ايه :unsure:

[Filomina]

خلاص يا جماعة الواحد قرر و اتكلت على اللهو حجزت تذكرة و هوصل مونتريال يوم 22/5 و بجد الحاجة اللى لسة مش عارفها هي الحجات اللى اخدها معايا من هنا يعني اخد موبايل و لابتوب و اخد هدوم معايا كتير ولا ايييه انا مشتت وقرأت اكتر من موضوع هنا و منتديات تانية ولسة مقررتش اعمل ايه :unsure:

ربنا معاك ... بس حجزت علي طيران ايه وبكام التذكره ؟؟

بالنسبة للهدوم انا كنت سالت واحده قريبتي قالتلي الصيفي هينفع هناك لكن في الشتا مش كل اللبس بينفع طبعا لكن بينفع لو فيه عربيه لأنها مكيفه طبعا واللاب توب طبعا خده معاك اما الموبايل حسب هو حديث ولا لا لأن هناك بيبقي فيه عروض علي الخط مع الموبايل ربنا يوفقك

[بيبو كندا]

بمناسبه اعتزالى الكتابه بالمنتدى التانى

لان الجو مش عاجبنى قررت الرجوع الى المحاورات

الى عنده سؤال عن مونتريال يتفضل

[اغابي]

بمناسبه اعتزالى الكتابه بالمنتدى التانى

لان الجو مش عاجبنى قررت الرجوع الى المحاورات

الى عنده سؤال عن مونتريال يتفضل

حمدالله السلامة . . . انت جيت

[AbuZeyad]

أستاذ بيبو

سؤال صغير بعد اذنك

اللى انا فهمته من موضوعك انك لما هاجرت كان معاك أطفال صغيرين

طيب دول وضعهم كان ايه بالنسبة للمدرسة واللغة؟ أقصد يعني انك مهما دخلت الطفل مدارس لغات عمره ما هايكون متمكن من اللغة في سن 6-7 سنوات

عمل ايه في المدرسة واتفاهم معاهم ازاي؟

عملت معاهم ايه في المرحلة دي؟

يا ريت تحكينا بالتفصيل لأن الموضوع دا يهمني قوي

[بيبو كندا]

أستاذ بيبو

سؤال صغير بعد اذنك

اللى انا فهمته من موضوعك انك لما هاجرت كان معاك أطفال صغيرين

طيب دول وضعهم كان ايه بالنسبة للمدرسة واللغة؟ أقصد يعني انك مهما دخلت الطفل مدارس لغات عمره ما هايكون متمكن من اللغة في سن 6-7 سنوات

عمل ايه في المدرسة واتفاهم معاهم ازاي؟

عملت معاهم ايه في المرحلة دي؟

يا ريت تحكينا بالتفصيل لأن الموضوع دا يهمني قوي

شرفت الموضوع يا ابو زيد باشا

هشرحلك الموضوع باختصار و لو عايز اة توضيح انا تحت امرك

الدراسه هنا بالسن يعنى اولى ابتدائى = ٦ سنوات

و و لادك هيدخلو المدرسه حسب سنهم اولى او تانيه بس تحضيرى اى بيدرسو فرنساوى و رياضيات فقط لمده سنه او سنتين حسب استعداد الطفل و بعد كده يدخل مدرسه عاديه

و الاولاد زى السفنجه بيمتصو اى صدمه لغويه بسهوله انا بقالى سنه و نصف و الولاد بيتكلموا فرنساوى الان جيد جدا

هم هنا فاهمين ازاى بيخلو العيال تنطق فى الانجاز

ارجو ان اكون افدت حضرتك

تم تعديل 20 أغسطس 2013 بواسطة بيبو كندا

[بيبو كندا]

فى سؤال كان محيرنى جدا و انا مسافر
اروح فين فى كندا ؟ طيب استقريت ليه فى مونتريال

https://maps.google.ca/maps?hl=en&tab=wl.

ليه مشLaval لافال اوlongueuil لونجيه الى هى بروسار
انا واضع الخريطه علشان تعرفو المواقع فين دور و اكتب montreal, quebec
او اى منطقه تانيه علشان تقدر تتصور
من غير زعل من الاخوة المسلمين علشان انا معرفش اي الجوامع بتقدم خدمات ولا لا
انزل على اى منطقة افضل لى الويست ايلاند و لا عند كنيسه مارمرقس و لا فى لونجيه ولا على لافال
طيب ايه الميزة و العيب فى كل منطقه
و اى كنيسة بتقدم خدمات افضل طبعا اى كنيسه بتقدم خدمات فى مصر و الخدمات كثيرة لكن هنا بيقدموا نفس الخدمات ولا افضل ولا اقل

اولا ليه مونتريال
عيوب مونتريال الفرنسى و كثرة العرب علشان تعرفو كثرة العرب اد ايه اللى عمللى ال SIN لبنانى و اللى اشتريت منه خط التليفون لبنانى و اللى تعاقدت معاه على النت تونسى و الى جه ركب النت جزائرى
و اللى عمل معيا مقابله التعريف بكيبك جزائرى (وكان بيقولى اتكلمو عربى انتم بتفكرونى بعادل امام)
مفيش محل هتدخله و لا شغل هتروحه الا لما تلاقى حد عربى معاك
بس المميزات رخص تكلفه السكن و تامين السيارات عندنا تامين السيارة بحوالى 40 دولار و اقل اما فى اى مقاطعه تانية مش اقل ن 300 شهريا من الاخر 2000 دولار يخلوك تعيش مش وحش لكن برة كيبك هنا الموضوع يكبر شويه شويتين الف دولار او اكتر
مونتريال فيها جامعات باللغة الانجليزيه تكلفه الجامعات هنا اقل من اى مقاطعه تانية
طيب رسيت على مونتريال كيبك
هتعيش فين بقى

عندنا اربع مناطق مونتريال او الويست ايلاند او لافال او لونجيه
هنعرف الميزات و العيوب على حسب معلوماتى
مونتريال نفسها شامله الويست ايلاند تكلفه الاشتراك الشهرى للانتقالات ٧٧ دولار
لونجيه ولافال بيزيد ل ١١٧شهريا
لونجيه اقرب لوسط البلد
الويست ايلاند المتكلمين باللغه الانجليزيه اكثر من اى منطقه
لافال
هى الجزيرة اللى فوق مونتريال يربطها بمونتريال اكثر من ٧ كبارى منهم هاى واى
منطقه حلوة منظمه حديثة عن مونتريال نوعا عيبها انها محتاجه عربيتين لكل اسره. خط المترو لايخدمها الا لمسافة قصيرة جدا. لعدم ازدحامها كمونتريال التتابع لوسائل النقل العام طويل نسبيا. اسعار الشقق فيها مرتفعه نسبيا لقربها لمونتريال
لونجيه
هادئه جميلة بس تعرف توصل لها هناك لان ٣ كبارى فقط ما يربطها بمونتريال و الكبارى دى زحمه موووووت
اسعارها ارخص من مونتريال بالنسبه للشقق.
الويست ايلاند رائعه من كل حاجة عيبها مواصلاتها لوسط البلد (محور لعمل و لدراسه) بالمواصلات ساعه و نصف تقريبا
اى مكان فيهم اقرب لاصدقائك هو ده افضل مكان

[بيبو كندا]

التعليم هنا فى كندا
انا معنديش معلومات كتير عن الموضوع ده لان ده تخصص المدام بس هقولكم اللى عندى
اولا لاطفالك سيب نفسك خالص السيستم هنا هيمشيك لوحده
بعد ما يكون معاك ال sin و عقد ايجار و رقم تليفون و تكون قدمت على الكارت الصحى
هتروح الكمسيون سكولير و هم هيعملو كل حاجه و هيجيلك جواب من المدرسة و بس خلاص
مواعيد الاتوبيس و بتدفع حوالى ٥٠ دولار شهريا على كل راس حاجه اسمها سيرفيس دو دونيه او حضرتك كل يوم تروح تستلم طفلك فى المدرسه و تغديه فى البيت و ترجعه تانى بعد ساعه بالظبط او تبعت مع ابنك غداه و هم باكلوة هناك ومع حد ياخد باله منه و دى تكلفتها ال٥٠ دولار الى قلنا عليهم

و لو انت و المدام شغالين و بتتاخرو فى حاجه اسمها (سيرفيس دو جارد)
و دى بتبقى ب٧ دولار يوميا شامله الدونيه (ملاحظه كورسات الفرنساوى بتدفع الفلوس دى )
الاولاد بقى بيروحو المدرسه مبسوطين جدا و بالنسبه للفرنساوى بيتعلموه قبل ما تقدم حضرتك على كورسات الفرنساوى انا بقالى سنه و الولاد بيتكلموا فرنساوى كويس مع العلم ان بنتى كانت فى مدرسه انجليزى
هو ده اللى انا فاكره

نكمل لبابا و ماما
اهم حاجة و انت فى مصر تبقى عارف انت عايز تعمل ايه و بيتعمل ازاى
مونتريال بلد رخيصة يعنى اللى تعرف تعمله هنا ب٢٠٠٠ دولار شهريا مستحيل تعمله فى مقاطعه انجليزى
الدراسه هنا تكلفتها قليله مقارنه بالمقاطعات الاخرى
يبقى اللى عايز تعمله خطط ليه من مصر انا اول كام شهر ما كنتش عارف ايه اللى لازم اعمله او هذاكر ايه
وده تضييع وقت على الفاضى لازم تركز علشان الوقت مش فى صالح اى حد
MICC او الميك دى اول ورقه لازم تكون معاك و الى معاه سى اس كيو من حقه انه يعملها
http://www.micc.gouv.qc.ca/fr/index.html
ده الموقع بتاعه و ده بتدفع فيه ١١٢ دولار مع شهادتك و بيان الدرجات و بيتم دراستها و بيبعتولك جواب انك معاك بما يعادل شهادتك و دى مهمه جدا جدا جدا اول ما تيجى تعملها و بعد كده تفكر هتدرس ايه
بس لو عامل الورقة دى من مصر (تبقى بتوفر ٤ شهور على الاقل)
و يا سلام لو مخطط تعمل ايه بقى

[بيبو كندا]

الانترنت و التليفون الارضى و المحمول
الفروق بين الشركات كبيرة جدا بس فى شركات نصابه مثلا و شركات غاليه و شركات (اللى انا بنصح بيها )على قد المهاجر الجديد
اولا الشركات الكبيرة هنا
http://www.bell.ca/
http://telus.com/
http://www.rogers.com/
الشركات دول تستحوز على اكثر من ٧٥ % من السوق
و شركات اخرى مثل
http://www.fido.ca/
www.virginmobile.ca/
http://www.videotron.com/
www.publicmobile.ca/

معظم الشركات التانيه مستحوذة من الشركات الكبيرة يعنى
Rogers هى الشركة الام ل Fido & chatr

نصيحتى بقى
احسن تليفون ارضى هو الماجيك جاك بلس و تكلفته اول مرة الثمن بحوالى ٨٠ دولار و اشتراك سنوى ٤٠ لرقم تليفون كندى www.magicjack.com/
الطبيعى التليفونات الارضيه بحوالى ٢٠ دولار شهريا و محدود الاستخدام داخل حيز معين لكن مع الماجيك جاك بيبقى كندا و امريكا بدون مصروفات
افضل شركه انترنت هى اكاناك و تدفع مقدما سنوى او نصف سنوى بحوالى ٥٠ دولار شهريا شامله الضرائب
http://www.acanac.ca
الشركات الاخرى مثل بيل Bell..فدول حراميه نمرة واحد كل شهر الفاتورة بتيجى بمبلغ لو انت سكت و دفعت يبقى خلاص لو اتكلمت يقولو لك ادفع المرة دى و الفاتورة القادمه هندخلها لك فى عرض خاص بتخفيض و هكذا
فيديو تورون محترمين بس غاليين شويتين يعنى الاشتراك المحدود بعدد من الداونلود بيبتدى ب ٦٥ دولار

افضل شركه للموبيل هى شاتر و من ٢٥ دولار شهريا مدفوع مقدما غير محدد بمده للمكالمات و به اظهار رقم الطالب ببلاش (بتدفع ١٠ دولار عليها فى اى شركه تانيه)
http://www.chatrwireless.com/
عيب الشركه دى مافيهاش تليفونات بعقد فنصيحه قبل ما تيجى هاتلك تليفون اندرويد من مصر او من هنا مفتوح بدون عقد او من شركه روجرز حتى لو مغلق على روجرز هيشتغل مع شاتر

هذا من وجهه نظرى ممكن حد تانى يقول معلومة تانيه تكون افضل

[بيبو كندا]

السكن

اعتقد ان معظمكم عارف الموضوع ده بس زياده لتاكيد المعلومة
٣ونصف يعنى غرفة مغلقه او غير مغلقة و ريسبشن بمطبخ و حمام
4ونصف يعنى 2غرفة مغلقه او غير مغلقة و ريسبشن بمطبخ و حمام
5ونصف يعنى 3غرفة مغلقه او غير مغلقة و ريسبشن بمطبخ و حمام
ممكن تكون الشقة بالبسمنت و دى حاجة مش ظريفه
او شقة بالمتكرر
مكن شقه بعمارة زى دى و انا افضلها

http://immo.lespac.com/immobilier-location/logements/montreal-hochelaga/d-4-1-2-a-louer-LPaZZ26978985WWcpZZ17WWgrZZ13
او شقه بعمارة زى دى و بالسعر الحلو ده
http://immo.lespac.com/immobilier-location/logements/montreal-plateau-mont-royal/d-meuble-luxueux-au-centre-ville-LPaZZ26954813WWcpZZ17WWgrZZ13

اولا الموقع ده حلو قوى و صورة حلوة
http://immo.lespac.com/logements/achat-vente-location/montreal-plateau-mont-royal/r-LPcpZZ17WWgrZZ13WWvilIdZZ1651WWordZZ1WWaffZZ0WWpag eZZ0

و الموقع الخطير و الشهير جدا
montreal.kijiji.ca/?lang=en

العمارات الكبيرة انا مش بحبها ليه مش عارف ؟ يمكن من الافلام الاجنبى لما بشوف الشباب واقف قدام البيوت دى ....و غالبا العمارات الكبيرة بيكون فيها غرفه لغسيل الملابس
الاسعار كتير جدا زى ما انتو شايفين
بس النظافه اهم من الشقه و سعرها ........غالبا الشقق بتبقى من غير شوفاج و مياه سخنه يبقى سيادتك تضيف من ١٠٠ الى ١٢٠ مصروفات لزوم الشقة
يعنى الشقه مثلا ب ٧٠٠ دولار يبقى مصروفك بالكهرباء يقفز ل٨٥٠ دولار
فيه سؤال شاغل بال الى انا عرفتهم اثناء التدوير على شقق
ايهما افضل بالتدفئه و لا من غير ؟
هحكيلكم عن اراء الناس انا مثلا الشقه حلوه و محكمه الغلق و متوسط فاتورة الكهرباء ١٣٠ دولار شهرى
احد اصدقائى شقته شامله بالتدفئه بيدفع ٤٠ دولار كهرباء فقط
هو بيدفع زياده عنى فى الايجار حوالى ١٠٠ تبقى من الناحيه الماديه واحد



و ثانيا و ده المهم ان ساعات المالك بيكون مش كويس فبيخلى درجة الحرارة قليله جدا يعنى ١٠ مثلا و ده علشان ميدفعش كتير فى الكهرباء
و بالتالى حضرتك بتبقى عايش جوة تلاجة و بتتعذب طبعا فى طرق علشان تاخد بيها حقك بس ليه التعب لما ممكن تريح دماغك ?
من وجهه نظرى يبقى افضل انك تعيش بعمارة صغيرة مع امكانيه ادخال غساله و مجفف.... الشوفاج عليك
لو انت تعرف حد من السكان يبقى ممتاز ان يكون صاحب البيت او الكونسييارج محترم لان بعض اصحاب البيوت عايزن ضرب ال ....
الشقه تكون نظيفة اهمهم الحمام و المطبخ علشان الحشرات و تكون الشبابيك مغلقة باحكام علشان فى الشتا لو الشقة فيها تسريب هتدفع دم قلبك شوفاج
بعض الشقق بيها بوتجاز و ثلاجة و البعض لا ..... مش هى دى المشكله المستعمل فى الحاجات دى متوفر

طبعا اسعار الشقق متغيرة حسب المنطقة يعنى منطقه سان لوران الاخوة العرب احتلوها خلاص و اسعارها غاليه عند كنيسه سان مارك المصريين هناك زى الرز و عمارات كامله ليهم من باب البيت و اسعارها غاليه بالنسبه لمستواها المتواضع
و ده بقى حلو ولا وحش...... مصريين كتير بيساعدوك كتير قوى وناس منهم كويسين جدا بس.......
مدرسه ولادك بيبقو بيتكلموا عربى احسن من لما كانو فى مصر..لان المدرسه كلها مصريين طبعا ..لكن المعامله مع المجتمع حاجة تانيه زى ما قلت قبل كده بنتى بتتكلم فرنساوى بعد سنه واحده من الهجرة
زى ما قلت هناانت بتقرب قوى من الناس و ده هيخليك تشوف مساوئ كتير (لان الانسان بطبعه مش بيعرف يشوف غيرها)
ده اذا انت و شريكتك هتبعدو عن الناس و ده صعب خصوصا فى الفترة الاولى
او تكون مقتنع ١٠٠ % ان الناس بمميزاتهم و عيوبهم انت هتتقبلها مهما كانت
متوسط الاسعار لشقه اربعه و نصف من ٦٠٠ الى ٧٥٠
شقه خمسه و نصف من ٨٠٠ الى ١٠٠٠

لو حد عنده سؤال انا تحت امركم

[بيبو كندا]

شغل اكل العيش هنا يعنى بياع فى سوبر ماركت كاشير ....الخ
ايه اخبار الشغل في كيبك ؟
متوفر بكثرة بس اللى يقدر يستحمل الشغل (اعرف ناس بتطحن فى الشغل و بتقول الحمدلله و ناس تانيه مش عاجبها شغل مريح نسبيا وعايزين يسيبوه كل واحد حسب قوه احتماله)
بس من وجهه نظرى ان اى شغل مرهق فى اول يوم اكثر من اول اسبوع اكثر من اول شهر (نظريه المنفعه الحديه للتجاريين)
ممكن نلاقي شغل مناسب يكفي المصاريف و بناء كريديت سكور جيد؟
ما هو متوسط الدخول و المصاريف ؟
اقل مرتب فى كيبك الان ٩.٩٠ دولار الساعه و عدد ساعات العمل الرسميه ٤٠ ساعه يعنى نقول فى الشهر (هنا القبض كل 15 يوم ) متوسط الدخل بعد الخصومات و الذى منه ١٣٠٠ الى ١٤٠٠ دولار شهريا + اعانه الاطفال حوالى ٦٥٠ دولار شهرى من كندا لوحدها يبقى مجموع دخلك الشهرى ٢٠٠٠ دولار
المصروفات الاساسيه هنا الشقه و الكهرباء و الانتقالات من ١٠٠٠ دولار ممكن تتعايش + الاكل و الشرب و كل واحد حسب قوة تحمله برضو + الاتصالات و الانترنت و خلافه من المصروفات الشهرية
هل يكفي عمل الزوج فقط ام لابد من عمل الزوجة ايضاً؟
طبعا ممكن يكفى بس كل واحد حسب احتماله و عاداته (مثلا اعرف اتنين دخلهم واحد ال٢٠٠٠ اللى قولنا عليهم واحد بيحوش منهم و التانى بيستلف عليهم )

[بيبو كندا]

السلبيات
طبعا الى انا ممكن اشوفه سلبيات و ناس تانيه بتقول عليها ايجابيات
اولما طلعت من المطار .... و كنت فى طريقى للمكان اللى هنام فيه لقيت الشوارع مكسرة .....ضلمه ..انا لاندج ٢٤ نوفمبر ..يعنى عز الشتا ........القاهرة برقابتها
ما فيش بيوت زى بتاعه مصر و الحياه .....والناس .... من الاخر تحس ان كندا دى نصبايه
الاحساس بالغربه و خصوصا للناس اللى اول مرة تسيب مصر هتحس بمرارة كبيرة و بتحس انك تايه فى بلد انت مش عارف عنها حاجة

الناس هنا بارده برود ملهوش حل ....الوقت ليس له حساب .....يمكن البرد ماثر فيهم ?
يعنى ممكن و انت واقف فى الصف بتحاسب تلاقى واحدة واقفه ٥ دقائق تعد فى السنتات الى معاهاعلشات تجمع ١٠ سنت (الحمد لله السنت تقاعد اليومين اللى فاتو )

اكتر حاجه انا شايفها سلبيه هنا هى العرب كتير قوى و خصوصا اللبنانيون و المغرب العربى
لان اللغه الاولى ليهم هى الفرنسيه (و منهم من يكره المصريين كده لله فى الله كدا من غير اى حاجه) من النادر ان تكون ساكن بمونتريال و مافيش حولك عرب
مونتريال نفسها زحمه قوى عدد سكانها لا يقل عن مليون نسمه و معظم الاشغال المحترمه بوسط البلد بتبقى زحمه جدا و الناس بتيجى لها من لافال و لونجيه لمونتريال فى ساعات العمل
وسط البلد هنا او التاون داون جميل جدا بيعملوا مهرجانات كل فترة فيه بس زحمه مووت

المنافسه هنا شديده جدا فى مونتريال و لازم انجليزى و فرنساوى رائع علشان تلاقى شغل محترم

السرقه هنا على عينك يا تاجر انا اتسرقت من على النت اول كام يوم لى هنا

الحاجة غاليه على الفاضى ...... انا اشتريت لابنى شنطه مدرسه (لا تساوى ٢٠ جنيه فى مصر ) من هنا ب ٢٥ دولار + الضرائب يعنى من مصر انا لو دفعت ١٥٠ جنيه فى شنطه مدرسه محترمه...

شوف هتجيب ايه



يمكن علشان سيبت مصر بعد الثورة و شفت اد ايه المصريين وحشين قوى مع بعض مش شايف سلبيات كتير

شوارع مونتريال سيئه الى اخر درجه قد تتصورها لكن مونتريال من انظف مدن كندا
ما فيش شارع هنا زى صلاح سالم مثلا بالقاهرة
انا كنت بحلم بشوارع زى الالماظ و الحلم تحطم على صخرة المطبات



دى خريطه مونتريال طبقا للمناطق
اولا انا نزلت على واحد صاحب جوز اختى يعنى العلاقه بيننا مش قويه قوى بس هو اللى صمم
و بالتالى لما كنت بدور على شقه كنت بدور فى محيط شقته و بالتلى سكنت جنبه و من هنا بقينا اصحاب جدا
انا ساكن فى اول منطقه مونتريال نورد و انا مش شايف فيها اى مشكله خالص غير كل ما تقول لحد اسم المنطقه يقولى ياااه دى فيها مخدرات و فيها مش عارف ايه ...... بس انا ما شفتش اى حاجه من دى خااااالص
انا سعيد بسعر الشقه و انها نظيفه جدا انا بقالى فيها سنه و نصف تقريبا و هجدد الاقامه كمان سنه
المهم اصحاب البيت محترمين جدا جدا و الشقه ما فيهاش حشرات و دى اهم حاجة انا جبت جنبى ٣ عائلات كنت عارفهم من مصر و هم سعداء ...بس المنطقه فيها عيب و مش عيب انها تبعد عن اقرب محطه مترو عشرون دقيقه بس الاتوبيسات متاحة افضل انك تكون جنب محطه مترو بس عيبها انها اغلى و مش نظيفة لانها مطلوبه جدا
اهم نقطه فى وجهه نظرى نظافه الشقه و احكامها من جهه الغلق و اصحاب البيت محترمين

[بيبو كندا]

العربيه

موضوعى الشائك لما تشترى عربيه هتعمل ايه
شائك لان اتنصب عليا فى العربيه ........... شويه نصائح انا وقعت فيها كلها
الناس الى هنا زوقها زى معظم سكان امريكا بيحبو اليابانى و الامريكانى ثم الكورى ....و الالمانى له زباينه طبعا
يعنى هنا ما شفتش اى عربيه بيجو او ستروين فى كندا و طبعا الفيات ال ٢٨ و ال٢٧ دول ليس لهم اثر
السيارات اليابانى بعد الاكورد و اليكسس و الكلام العالى يبقى بالترتيب كده تويوتا و هوندا رقم واحد و المازدا رقم اتنين ثم اى حاجة تانيه
الامريكانى الدودج و الشيفورليه و الفورد يميز السيارات الامريكانى بصالون داخلى واسع جدا و مساحات تخزين محترمه بس استهلاك البنزين عالى مع انهم ابتدوا يخدو بالهم من الموضوع ده بالسيارات الجديده

الالمانى هنا ليه زبائن بتحبه و طبعا عربيه محترمه جدا
طبعا هنا بيحبو الدفع الامامى لان الخلفى فى الثلج بيبقى غير عملى بالمرة
عن نفسى انا بحب 4*4 اول مرة اركبهافى كندا بس فى ايام الشتا باشا لا جروف و لا زحلقة ولا اى حاجة
بس البنزين استهلاكه كبير شويتين
و كان معايا دودج ركوبه ملوكى بس استهلاك البزين عالى يمكن العربيه الى معايا استهلاكها كان مش مظبوط بس دى خبرتى
اول ما تفكر فى الشراء شوف اى عربيه انت عايزها اولا
و خليك متابع فى KIJIJI & les pac
اشترى العربيه من صاحبها مش من موزع هتبقى ارخص كتير و صاحبها بيبقى عنده استعداد للتنازل عن السعر المطلوب
الموزعين هنا كلهم عرب يعنى قمه السرقه و قله الادب و كل حاجة وحشه مش كلهم وحشيين بس المعظم
عداد الكيلو متر هنا مهم اخر حاجه اى عربيه بتمشى لحد ٢٥٠ الف
اكتر من كده العربيه بتكون اسكراب .....
البارومه او الصدا شئ منتشر هنا بكثرة حاول انك تجيب واحده ن غير راست

لو حد فهم حاجة يقولى

[اغابي]

طب ممكن سؤال

هى المقاطعات الانجليزية وخصوصا تورنتو العرب فيها اقل يعنى ؟؟

[شعبان متولي]

شوارع مونتريال سيئه الى اخر درجه قد تتصورها لكن مونتريال من انظف مدن كندا

تقصد انها سيئة من ناحية المطبات لكن مفيش زباله في الشارع؟ :)

[شعبان متولي]

بيبو باشا .. انا مستغرب ازاي بتقول ان الشوارع في مونتريال سيئة و مع ذلك هي انضف مدن كندا .. ممكن توضح النقطة دي؟