عبد الله غريب بتاريخ: 5 ديسمبر 2011 تقديم بلاغ مشاركة بتاريخ: 5 ديسمبر 2011 سلفيين دولْ زينةِ الناسْ و إيديهُمْ و اللهَ تِنْباسْ بس الظلمْ طايلهُم دايماً و حكومة كاتمة الأنفاسْ و الإخوانْ عاقلينْ فاهمينْ و ولادهُمْ ماليا الميادينْ داه ف الطبْ و داه ف الدينْ افرجها يا الله يا معينْ و الباقينْ بَرضكْ حلوينْ بس ناقصهمْ حبة لِـينْ زي الملحْ يخُشْ الطبخة تِعجبْ كلْ البني آدمينْ http://www.youtube.com/watch?v=zenFkWcy4Os http://www.youtube.com/watch?v=PUhHj8it2Pk&feature=player_embedded رابط هذا التعليق شارك المزيد من خيارات المشاركة
التونسى بتاريخ: 5 ديسمبر 2011 كاتب الموضوع تقديم بلاغ مشاركة بتاريخ: 5 ديسمبر 2011 يا خوفي يا بدران( مع اني ما اعرفش مين بدران دا بس هما بيقولوا كده) ان دا هو اللي يحصل ربنا يستر طبعا الابداع دا وش عندي على الفيس بدران الغدار .. اللى مشعللها نار .. هو الفنكوش الجبار .. سر الاسرار .. اللى عمال يخطط ويلعب ...من ورا الستار ... وعرايسه الماريونيت .. فيهم المضلل .. واللى قابض بالدولار .. والرحمه يا رحمن .. والستر يا ستار .. من كيد الفنكوش .. بدران الغدار متشكر يا بنت يومى يا مصيتانى على الفيس بوك اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
ام سلمي بتاريخ: 7 ديسمبر 2011 تقديم بلاغ مشاركة بتاريخ: 7 ديسمبر 2011 (معدل) اخيرا جهزت رد للثائر المعترض علي البرلمان ، هو الحقيقة جزئين كل جزء له قافية مختلفة ، لكن بيشتركوا في نفس المعاني تقريبا ، مش عارفة ايهم افضل يا ثورجي يا ثورجي علي مين حتثور ؟ علي شعب سنين عاش مقهور ع الاخوان علي حزب النور علي مجلس شعب اختارناه علي لجنة تأسيس دستور لو حتثور ع العسكر اصبر نقل السلطة فاضل له شهور اما ان خلفوا معانا وعودهم يبقي حييجي عليهم الدور زي مبارك زي سرور لو تتحدوا انتوا ونوابنا عمر ما في مخلوق يغلبنا ابنوا ومدوا ما بينكوا جسور علشان مصر تشوف النور يا ثوار حتثوروا علي مين ؟ هل حتثوروا ع المصريين ؟ علي شعب بلدنا المسكين ع الاخوان ع السلفيين اللي اتظلموا معاكوا سنين علي شرعية ضحي عشانها الف شهيد وآلاف مصابين لو حتثوروا علي حكم العسكر ما إحنا كمان زيكوا ثايرين بس العقل يقول نستني حبة نشد وحبة نلين دول وعدونا يسيبوا الكرسي بعد شهور للمدنيين بس ان كانوا حيغدروا بينا يبقي تحطوا اديكوا في إدينا وننزل تاني ع الميادين حننزل تاني ع الميادين تم تعديل 7 ديسمبر 2011 بواسطة ام سلمي رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ رابط هذا التعليق شارك المزيد من خيارات المشاركة
م تيمور المراغي بتاريخ: 7 ديسمبر 2011 تقديم بلاغ مشاركة بتاريخ: 7 ديسمبر 2011 ....... بس ان كانوا حيغدروا بينا يبقي تحطوا اديكوا في إدينا وننزل تاني ع الميادين حننزل تاني ع الميادين متفقين :happy: المجد لولادك المخلصين ... رابط هذا التعليق شارك المزيد من خيارات المشاركة
ام سلمي بتاريخ: 7 ديسمبر 2011 تقديم بلاغ مشاركة بتاريخ: 7 ديسمبر 2011 ....... بس ان كانوا حيغدروا بينا يبقي تحطوا اديكوا في إدينا وننزل تاني ع الميادين حننزل تاني ع الميادين متفقين :happy: والله انا ما اقصد حضرتك او حركة 6 ابريل خالص ، انا بس باقصد الشخصية اللي كاتب عنها الاستاذ محمود البصيلي اللي مش عايزة تعترف بالشرعية انما حركة 6 ابريل ليها كل الاحترام. رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ رابط هذا التعليق شارك المزيد من خيارات المشاركة
التونسى بتاريخ: 7 ديسمبر 2011 كاتب الموضوع تقديم بلاغ مشاركة بتاريخ: 7 ديسمبر 2011 (معدل) في انتظار جرعة تفاؤل .. في انتظار رد ... من الفاضلة أم سلمى .. الموضوع السابق لكما كان من أفضل ما قرأت عايزة ابارك للاخوان وحزب النور حبايبنا كمان ياللي صبرتوا وياللي عافرتوا ياللي شربتوا المر زمان اهه جه يوم تترد حقوقكم ربنا لا بينسي ولا ينام ياللي الشعب اداكم صوته ثقة الشعب دي اغلي وسام ونصر كبير قوي للاسلام مصر بلدنا امانة في ايدكم وصلوا مصر لبر امان وكلناكوا تجيبوا حقوقنا شيلوا الحمل وكونوا جدعان اوعوا تخافوا كمان م المجلس من طنطاوي وحتي عنان ربنا اكبر من سلطانهم ربنا مابيعجزه انسان اوفوا الوعد وصونوا العهد حتبقوا بجد جوة قلوبنا في اغلي مكان حِمل تقيـــــــل .. شِدوا الحيــــــل ورونـــا الهِــــمه... يا إخــــــوان قالوا زمــــــان .. الصبر جمــــيل وانتو صبرتـوا ونولتوا ...كمـــان بس الجاى .. أصعب .. بكتــــــير يعنى .. تحـــــدى.. بجد...خطـــير بصراحه..مش عايـــزين.. غيــــر عـــــــــدل .. وحــــريه..وأمــــان ورونــــا .. الهِـــمه ... يا إخــوان حُــــكــم بـلدنا .. أكـــبـــر ورطــــه يعــنــى بـــلاش ..تسرقكوا السُلطه أعـــداءكـــوم .. واقــفيــن عالغلطه وطـــريقــكُم .. بِالشـــوك .. مليـــان ورونــــا .. الهِــــمه ... يا إخــــوان تم تعديل 7 ديسمبر 2011 بواسطة محمود البصيلى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 7 ديسمبر 2011 كاتب الموضوع تقديم بلاغ مشاركة بتاريخ: 7 ديسمبر 2011 (معدل) ما شاء الله جميل جدا جدا جدا يا استاذ محمود اجمل ما فيه انه بيصور الواقع اللي احنا عايشينه كلمات حضرتك بتفكرني بكلام الشيخ الشعراوي رحمه الله عندما تكلم عن الثأئر الحق ؟؟؟؟ ربنا يسلم مصر من كل سوء... رحم الله الشيخ الجليل واسكنه فسيح جناته .. انا من مريدين ومحبين الشيخ الشعراوى .. وأرى فيه النموذج الوسطى لفهم وتطبيق الدين الاسلامى .. شكرا اختى الفاضله على اطراءك .. واستحسانك لما نظمت ها هنا .. واتمنى ان يخيب ظنى فيما توقعت من ردة فعل حول نتيجة البرلمان .. وان يكون الواقع اكثر تفاؤلا .. مما جنح اليه خيالى الشعرى تم تعديل 7 ديسمبر 2011 بواسطة محمود البصيلى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 7 ديسمبر 2011 كاتب الموضوع تقديم بلاغ مشاركة بتاريخ: 7 ديسمبر 2011 و نقول كمان شباب الثورة حالف عمره ما ينسى الميدان عاوزين دكر مخلص موزون بالف مان عاوزين بالاحرى نايب يغيثنا م النوايب ! و يرجع الكرامة لهيبة البرلمان لو جالنا حد طيشه يعمل في الجد عيشه ! و ديني لم يهوب اعتاب البرلمان اما لو معجباني اسد طالع وباني يجيب حق اللي راحوا وانصابوا في الميدان حيلاقي في الشدايد ارواحنا شمع قايد ملايين تفرح وتدبح حتى وان كان عنان ! حـلــوه يا مــان .. حـلـــوه يا مـــان مــــرحــــب .. بسيــــادة الثـــــائــر دانـــت طـــلعــت ..كمـــان.. فنـــان فيـــنــــك ..من بـــدرى..يا شـاعــر أنــا عـــارف ... إنـــك عشـــمـــان يـــِنعِـــدل .. الحــــال .. المـــايـِــل ولا عـــلمــانـــى ... ولا إخــــوان إنـــت.... مــع الحُــكــم العــــــادل ونـــا زيـــــك .. بحــــلــم بالخــير والإنـــصـــاف ..... والحــــريـــه ودا مــش راح يتحقـــق..غـــيـــر بالصــنــــدوق .... والشـــرعـــيه اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
elzahraa بتاريخ: 7 ديسمبر 2011 تقديم بلاغ مشاركة بتاريخ: 7 ديسمبر 2011 شعر رائع . . . . . . . . . . . . . . . . . . . . وواقعي للأسف ! رابط هذا التعليق شارك المزيد من خيارات المشاركة
التونسى بتاريخ: 8 ديسمبر 2011 كاتب الموضوع تقديم بلاغ مشاركة بتاريخ: 8 ديسمبر 2011 سلفيين دولْ زينةِ الناسْ و إيديهُمْ و اللهَ تِنْباسْ بس الظلمْ طايلهُم دايماً و حكومة كاتمة الأنفاسْ و الإخوانْ عاقلينْ فاهمينْ و ولادهُمْ ماليا الميادينْ داه ف الطبْ و داه ف الدينْ افرجها يا الله يا معينْ و الباقينْ بَرضكْ حلوينْ بس ناقصهمْ حبة لِـينْ زي الملحْ يخُشْ الطبخة تِعجبْ كلْ البني آدمينْ نـــورتنا ..... وكلامــــك زين محــــنـــاش ضـــد السلفــيين بس بكل صراحه ...خايــفيــن م اللى اتقلبوا ف غمضة عين وبعد ما كان ...هَمُهُم ..الــدين صبحــوم ...فجـأه... سياسيين ********* أما الإخـــوان دول... واعرين على قــولك .. عاقلين فاهمين صبروا وجاهدوا..سنين وسنين إستحمــلــوا ...كـــل التخـــوين وعـــشـــان هُــمــا ...متحــدين إيدهــم واحـــده .. ومتـفـــقـين حازوا على ثــقــة المـــلاييـــن ******* أما البـــاقى .. ف مُـجتهـــدين حاولوا وحاولوا .. ولا ساكتين بس لا بد ...يكــونوا راضــيين بالشــــرعيه ..... ومـُـقـتـنعين إدعى معايا .. يــارب .. أميــن يصــلــح حـــال المصــريــيــن اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
التونسى بتاريخ: 8 ديسمبر 2011 كاتب الموضوع تقديم بلاغ مشاركة بتاريخ: 8 ديسمبر 2011 ....... بس ان كانوا حيغدروا بينا يبقي تحطوا اديكوا في إدينا وننزل تاني ع الميادين حننزل تاني ع الميادين متفقين :happy: والله انا ما اقصد حضرتك او حركة 6 ابريل خالص ، انا بس باقصد الشخصية اللي كاتب عنها الاستاذ محمود البصيلي اللي مش عايزة تعترف بالشرعية انما حركة 6 ابريل ليها كل الاحترام. وانا والله برده .. يا تيمور بك .. لم أقصدك تماما .. ولم تكن انت الملهم للقصيده دى بتاتا .. انا اساسا شايف وملاحظ .. من خلال مداخلاتك الحاليه .. تطور نوعى فى اتجاهاتك الثوريه .. بما قد يزيد مساحة الاتفاق بينى وبينك ..وبين أعضاء كثيرون اختلفوا معك بشده من قبل.. انت عارف .. انا لو بقصدك بقول على طول هههههههه هناك عضو اخر فاضل ..أعتز به وأحترمه .. هو من أوحى لى بهذه القصيده .. وأعتذر عن ذكر اسمه منعا للاحراج :blush2: اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
Om Zayd بتاريخ: 8 ديسمبر 2011 تقديم بلاغ مشاركة بتاريخ: 8 ديسمبر 2011 للاسف... المجلس العسكري هوا اللي مش راضي عايزين كلنا نصحصح منتخانقش على الفاضي و نوحد الاهداف و العزم يكون ماضي رابط هذا التعليق شارك المزيد من خيارات المشاركة
ابو محمود بتاريخ: 9 ديسمبر 2011 تقديم بلاغ مشاركة بتاريخ: 9 ديسمبر 2011 أستاذ محمود ده موضوع في باب الأدب وليس للتحاور تحياتي يا مدام انتى موش شايفة الا تعليقاتى على العموم ملعوبة ومش هزعل ههههههههههههههههههههههههههههه لا تقلق من تدابير البشر، فأقصى ما يستطيعون فعله معك هو تنفيذ إرادة الله . رابط هذا التعليق شارك المزيد من خيارات المشاركة
الغريب بتاريخ: 12 ديسمبر 2011 تقديم بلاغ مشاركة بتاريخ: 12 ديسمبر 2011 ممكن أطلب من الإدارة نثبت الموضوع وتحذف أي رد ميكونش له وزن مسمـوع .. ويكون حاجة جميلة تخف الشحن السياسي نـدخل نتـكلم فيـه بـلـهـجة الكراسي رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان