لا .... ملكوش حدانا نعم

[أشرف محمد شلقامي]

( لا ... ملكوش حدانا نعم ) !!!

***

يا كل أهل البلد

يا كل بنت وولد

أوعوا تسيبوا السوس

يسرح ف قلب الجسد !!!

***

إللي سرقنا و نهب

وللحقوق إغتصب

لابد ف عب القصب

مستني عده وعدد !!!

***

مهما ها يحلف زور

ولاَّ يلف يدور

خلاص معدلوش دور

بنيانه أصبح هَدد !!!

***

تاني ملهش مكان

زمانه عدَّي وكان

الشلة والخلان !!!

الشعب فيهم زهد

***

يا ناس يا خلق ياهووو

اوعوا ف لحظة نتوه

ع إللي ف يوم سرقوه

عن إللي باعنا وقبض

***

تاني معدش سكوت

ع القرش أو ع الحوت !!!

ولا حتي ع القرموط !!!

ولا إللي كان يوم زبد !!!!!!!!!!!!!!!

***

واضح كلامي أظن ؟؟؟!!

للإنس أو للجن

وإللي هواه بيحِّن

طمعان ف كرسي سند !!!!!!

***

يا عم صح النوم

دا أنت ف يوم معلوم

كنت وغراب الشوم

روحين ولا بسين جسد !!!!!!!!!

***

إن شا الله بكره هانلقي

الوحدة بعد الفرقة

بناس قلوبهم صادقة

حابين حقيقي البلد

***

يا كل أهل البلد

يا كل بنت وولد

أوعوا تسيبوا السوس

يسرح ف قلب الجسد !!!

[نورالعين]

الله

رائعة فعلا فعلا

سلمت الايادي

حسيت فيها بروح الصعيد

وكأنها للأبنودي