شارك برأيك . إستفتاء مع أو ضد فض الإعتصام بميدان التحرير ؟

[عماد حمدي]

إستفتــــــــــاء ..

مع أو ضد فض الإعتصام الموجود في ميدان التحرير حالياً

أحداث ما بعد جمعة 18 نوفمبر 2011 ( جمعة المطلب الواحد )

قبل ما تجاوب أو تقول رايك و تشارك في الإستفتاء دا ..

محتاج منك تسمعني بس أرجوك ، و بعد كدا قول رأيك

هحترمه و أقدره جداً ..

رؤيتي الشخصية كمتابع للأحداث من بعيد من خارج مصر ..

لازم الناس دي تنسحب من الميدان فوراً ..

و لازم كل القوى السياسية تطلع دلوقتي تقولهم يرجعوا بيوتهم حالاً ..

الإنتخابات خلاص قدامها أسبوع ، مش عايزين المجلس يطلع لنا بحجج فارغة علشان يأجل

إزاي الإنتخابات هتم في الوضع دا ؟؟!!!

دي هتبقي مجزره بمعني الكلمة يوم 28 نوفمبر صدقوني مجزرة مجزرة

كل دقيقة بتعدي مصر هيا اللي بتخسر

و كلنا هنخسر ليبرالي اسلامي علماني حتى ، الكل بلا استثناء هيخسر

نصبر لحد ما يكون فيه نواب لينا في مجلس الشعب يتكلموا بإسمنا

و يجيبوا لنا حقنا و يدافعوا عننا ..

مصر بتضيييييع مش لازم نشجع الناس دي و الشباب انهم ينزلوا

هنستفاد إية ؟؟

دماء بتروح و بنعيد اللي فات

نستني نكسب حاجة واحدة بس من الثورة و نعلم إنتخابات

بعد ما الإنتخابات تخلص و المجلس رفض تسليم السلطة

ساعتها يبقي لينا كل الحق اننا ننزل و نفقد شرعيته زي ما حصل مع المخلوع

مش هيكون مجرد تظاهر أو إحتجاج عن أفعالة الإجرامية ضد المتظاهرين

هيبقي إعتصام مفتوح و ثوره تانية ضد هذا الظلم و الإستبداد

بس دلوقتي لا

المستفيد من اللي بيحصل هوه المجلس العسكري بس و قاعد و بيتفرج علينا

و شايفنا إحنا اللي عملنا الثورة و إحنا بردة اللي هنضيع الثورة

مش عايزين حد يشمت فينا

الصبر الصبر كلها أسبوووع وبالكتير لحد شهر يناير تكون كل الإنتخابات خلصت

هنعمل اية دلوقتي لو الحكومة إستقالت ؟؟؟

لسة هنعين حكومة جديدة و نختار دا و نعترض علي دا و نقول أصل دا فلول و اصل دا كان مش عارف اية

و الوقت يعدي يعدي و المجلس دخلنا في دوامة و خلانا إحنا مننا فينا نخلق مشاكل و ننشغل بيها

طيب ليه كل دا و البورصة تنهار و خسائر كل يوم بسبب الإحتجاجات و الأحداث دي

انا عارف ان صعب و غصب عنكم اللي بيحصل

انا دلوقتي بكتب المشاركة دي و الله العظيم ببكي بحرقة

مصر أمانه في إيدينا

تعالوا نحافظ عليها و نعديها لبر الأمان

تعالوا نريحها

مصر تعبت كتير أوي أوي علشنا

لية نكرث كل جهودنا لحث الناس علي النزول للميدان

ليه نكرث كل جهودنا لحث الناس علي الإعتصام

هنستفاد إية

الجاي أصعب و أخطر

و دي محاولة فاشلة من المجلس العسكري

قدر فعلاً يضحك علي الشباب و يدلخنا في معارك هوه المستفيد الوحيد منها

قدر يستغل حماسه الشعب المصري و يلعب علي هذا الوتر

طيب لية منقولش كله يروح بيته ، لية منعملش دعاوي علي الفيس و تويتر

ان كل واحد ليه حد في الميدان يخليه ينسحب

دا مش ضعف لكنه زكاء و حكمة من وجهة نظري طبعاً

مش وقته ، هاخد حقي بس مش دلوقتي

مصلحه مصر كلها بلا إستثناء متوقفة علي الفترة الجاية دي

الجاي أهم الجاي أهم صدقوني و الله

و إيه اللي خلى الناس دي أصلاً تعتصم !!!

مين اللي قالهم إعتصموا و أقعدوا

لعبة و الله العظيم

المجلس مكنش مصدق انه مش هيكون فيه إعتصام

فحبب يجرجر رجل الكل من خلال إعتدائة علي الـ 200 واحد من المصابين و أهالي الشهداء

و قدر و نجح فعلاً بكل أسف أن يسحب الشاب من خلال حماسة للدفاع عن إخوانه

و جرجر رجليهم للميدان واحد و را التاني

و إديلة بقا كل اللي هينزل هيحصل فيه كدا

حفاظاً علي الدماء كلوا لازم ينسحب

أنصر أخويا إزاي ؟؟ عايز إجابة محددة ودا غرضي من فتح الموضوع

لو أخوك و أخويا فعلاً في الميدان

1- أنزل اقف جانبة و أهاجم العسكر بالطوب و أتقابل بهجوم منهم هما كمان

و أعرض حياتي و حياته للخطر

2- و لا أقولة يا أخي إرجع بيتك و أفهمه بالعقل

أخده من إيده و أقوله

هننزل سوا تاني بس مش دلوقت

كل وقت و ليه أدان

و دا مش وقته

ها أيهما أفضل يا أخوه يا مصرييييييييين ..؟؟

لو إقتنعت بكلامي بأمنك أمانه تنشر الكلام دا في كل مكان تقدر عليه

لو ليك قريب صديق جار أي حد تعرفة في الميدان تقولةيرجع

إرجع مصر تعبت بجد ، كلنا هنخسر و الله العظيم

و لو مقتنعتش قولي رأيك و وجهة نظرك و أنا هسمعك و تعالي نفكر سوا

يارب إحفظ مصر ، و حسبي الله و نعم الوكيل في كل اللي يضرك يا بلدي

عماد - الحرية و العدالة

[الباشمهندس ياسر]

خسارة ارد عليييييييييك

[عماد حمدي]

خسارة ارد عليييييييييك

جزاك الله خيراً . و كنت أتمني أني أسمع و جهة نظرك و أستفاد منها

جزاك الله خيراً مرة تانية ..

[ام سلمي]

- و لا أقولة يا أخي إرجع بيتك و أفهمه بالعقل

أخده من إيده و أقوله

هننزل سوا تاني بس مش دلوقت

كل وقت و ليه أدان

و دا مش وقته

انا مع الحل ده ، بس زي ما انت بتقول اهه لازم حد يروح يهديهم ويرجعهم ، ومش حايهدوا الللا لما الداخلية تبطل ضرب ، يبقي لازم الاحزاب والرموز المعروفة ينزلوا يقفوا معاهم ساعتها الداخلية حتوقف الضرب ،بعد شوية الامور حتهدي فيقنعوهم يرجعوا

انا عارفة ان البلتاجي نزل و الشيخ حازم نزل امبارح ، بس لازم الكل ينزل يقف معاهم ويهديهم ، انما نسيبهم كدة مش حيرجعوا لوحدهم، والداخلية حتفضل تضربهم لما تصفيهم.

تم تعديل 21 نوفمبر 2011 بواسطة ام سلمي

[الدكتور ياسر]

أنا مع فض الإعتصام لعدة أسباب :

العدد المتواجد حاليا في الميدان لا يكفي ليحرك قرارا أو يحدث نتيجة ملموسة بل سيكونون فريسة للبلطجية و الشرطة و ليس من العقل

أن أطالب إخوانى العزل أن يواجهوا قنابل المولوتوف و الرصاص المطاطي بصدور عارية .

فض الاعتصام ليس عيبا أو عارا . فالميدان موجود . و الأهم حاليا هو توحيد الصف و نسيان الخلاف الكائن بيننا .

نريد أن تتوحد الصفوف و أن نوجه تحذيرا جماعيا موحدا شديد اللهجة إلى المجلس بالمضي قدما في تسليم السلطة بلا أساليب ملتوية و إلا فميادين

مصر كلها مستعدة لاستقبال ثورة جديدة تضم جميع طوائف الشعب هذه المرة كيناير الماضي .

السلطة دائما تستغل قلة عدد المعتصمين فتسلط عليهم البلطجية للفتك بهم و تفريقهم ..وتذكروا معى يوم الجمل .

ويصعب حاليا أن تقنع جموع الشعب بالإنضمام لمؤازرة من في الميدان لأن الأحداث متشابكة و الحق مختلط بالباطل .

إذا فلنتريث و لنعيد توحيد صفنا و ما الميدان منا ببعيد .

[عماد حمدي]

لاتنسوا المشاركة في الإستفتاء أعلي الصفحة ..

[AbkaReno]

مع اني بعيد كل البعد عن الوطن وبتحصر عليه كل ما اشوف الاخبار ولكن انا مع فض الاعتصام باسرع وقت ممكن

لان الخساير في تزايد مستمر

العدد قليل انه يعمل حاجه او ينظر لطلباته

كل المتواجدون بالميدان شباب من عمر 15 وفوق يعني من السهل التلاعب لقلة خبراتهم

وده راي الشخصي

[الغريب]

أنا مع فض الإعتصام لعدة أسباب :

العدد المتواجد حاليا في الميدان لا يكفي ليحرك قرارا أو يحدث نتيجة ملموسة بل سيكونون فريسة للبلطجية و الشرطة و ليس من العقل

أن أطالب إخوانى العزل أن يواجهوا قنابل المولوتوف و الرصاص المطاطي بصدور عارية .

فض الاعتصام ليس عيبا أو عارا . فالميدان موجود . و الأهم حاليا هو توحيد الصف و نسيان الخلاف الكائن بيننا .

نريد أن تتوحد الصفوف و أن نوجه تحذيرا جماعيا موحدا شديد اللهجة إلى المجلس بالمضي قدما في تسليم السلطة بلا أساليب ملتوية و إلا فميادين

مصر كلها مستعدة لاستقبال ثورة جديدة تضم جميع طوائف الشعب هذه المرة كيناير الماضي .

السلطة دائما تستغل قلة عدد المعتصمين فتسلط عليهم البلطجية للفتك بهم و تفريقهم ..وتذكروا معى يوم الجمل .

ويصعب حاليا أن تقنع جموع الشعب بالإنضمام لمؤازرة من في الميدان لأن الأحداث متشابكة و الحق مختلط بالباطل .

إذا فلنتريث و لنعيد توحيد صفنا و ما الميدان منا ببعيد .

يؤسفني أقولك أن الميدان لو تم فضه الآن ، يبقى أنفض مولد الثورة وكل عام وأنت بخير

نشوفك في ثورة جديدة

[ام سلمي]

لاتنسوا المشاركة في الإستفتاء أعلي الصفحة ..

مش قادرة اشارك في الاستفتاء لأن كنت افضل تحط احد الاختيارات النزول للميدان لتهدئة الطرفين وفض الاعتصام

حتي الخناقات العادية في الشارع الناس بيتدخلوا علشان يفضوها ،وغير كدة مش حتتفض من نفسها

[nihal]

الخيارين أحلاهما علقم .

إن كنت أحبذ فض الاعتصام و لكن لا يطاوعني قلبي للتصويت له .. لِما تم سفكه من دماء .

و إن صوت لنزول فهذا يعني دماء جديدة .

يا رب ألطف بنا يا رب .

[احمد رضوان]

هل من العقل عمل استفتاء على حق للشعب اكتسبه بدماء شهدائه .... حق الاعتصام السلمي

أليس فيكم رجل رشيد

[عماد حمدي]

هل من العقل عمل استفتاء على حق للشعب اكتسبه بدماء شهدائه .... حق الاعتصام السلمي

أليس فيكم رجل رشيد

طبعاً مش أقصد كدا نهائي ..

أنا خايف زي زيك بالظبط علي بلدي و ولاد بلدي إخواتي

علشان كدة من خوفي عليهم عايز أخليهم يسيبوا الميدان و ينسحبوا

و دا مش ضعف و لا قله حيلة

لازم نبص لمصلحتنا كلنا دلوقتي

و المصلحة العامة بتقول نفض الإعتصام

لحد ما الإنتخابات تخلص

لو المجلس مسلمش السلطة

من حقي و حقك ننزل الميدان و نعتصم و نعمل ثورة تانيه علي العسكر

و محدش ساعتها يقدر يلومنا

أنا عملت الإستفتاء دا بناءً علي الوضع الراهن و المرحلة اللي بتمر بيها البلد نحو أول خطوه للديمقراطيه

و مش أقصد نهائياً اصوت علي دماء إخواني في الميدان و لا الشعب بأكمله

[aimen]

وما زال البعض يطالب بالحرية والبعض الأخر يطالب بتحسين شروط العبودية ...مش حقولك غير كلمة احمد حرارة

“‎@FatmaAbed‏: اعيش اعمى ولا اني اعيش بعين مكسورة ...هذا ما قاله احمد حرارة الذي فقد عينيه فداء لمصر”

[raouf]

شوف يا عمده انا شخصيا كنت مع فض الاعتصام سلميا اول يوم

لكن بعد الاستهابال والاستعباط اللى حصل

نسى اهى انسحاب من الميدان يبقى هزيمة للثورة

بقى فيه دم خلاص

هاقولك نفض الاعتصام لو تم تقديم قتلة الثوار فى محاكمات عسكرية علنية سريعة قبل ما دمهم يبرد يبقى اقولك الناس اعترفت بغلطها

لكن بالاستهبال ودعم الداخلية يبقى انسى وتوقع قريبا اعضاء المجلس العسكرى بجوار مبارك فى نفس التهمةوهى قتل الثوار

[عماد حمدي]

وما زال البعض يطالب بالحرية والبعض الأخر يطالب بتحسين شروط العبودية ...مش حقولك غير كلمة احمد حرارة

“‎@FatmaAbed‏: اعيش اعمى ولا اني اعيش بعين مكسورة ...هذا ما قاله احمد حرارة الذي فقد عينيه فداء لمصر”

تحسين شروط العبودية !!

يا أستاذ أيمن أنته متأكد أنك قرأت كلامي و لا كتبت المشاركة بتاعتك دي علي طول ..

و أقسم بربي هكون أول واحد ينزل الميدان لو أنا في مصر ، بعد الإنتخابات لو المجلس رفش تسليم السلطة .

أنا مش ضد الإعتصامات السلمية

و لا ضد الحرية

أنا بفكر بعقلي كل وقت و ليه أدان

دي حرب بينا و بين العسكر

الهجوم و الدفاع مش حل أبداً

هيروح شهداء جداد للثوره و مصابين أكتر من الأول

طيب ليه أعمل هدنه و أخطط و أتكتك و أنا اللي اقول للعسكر

مش هتقدر تضحك عليا ..

إنزل الميدان بس لو نزلت قول لأخوك اللي هناك تعالي نروّح و نركز في الخطوه الأهم

مش معني كلامي أننا مننزلش ابداً أنا بقول ننزل نسحبهم من إيديهم و نقولهم مش وقته خالص

كلنا كدة هنخسر و الله العظيم

[عماد حمدي]

عايز بس اقول حاجة مهمة و الكل يشهد عليها

لو طلع قرار إن الإنتخابات هتتأجل

هكون مع الإعتصام

لان ساعتها هيبقي الخطوه اللي بسعي ليها راحت من إيدي

يبقي الحل الوحيد إني أنزل و أعتصم في الميدان و أعمل ثوره تانيه علي العسكر

بس دلوقتي طالما هما نفسهم بيقولوا مفيش تأجيل للإنتخابات

ياعني لسه في أمل و و لو 1 %

بكرر تاني لو الإنتخابات إتأجلت يوم واحد عن معادها

هكون من الداعيين للنزول لميدان التحرير و إعطاء العسكر درس لن ينسوه

تم تعديل 21 نوفمبر 2011 بواسطة omda2006

[mfarag]

وما زال البعض يطالب بالحرية والبعض الأخر يطالب بتحسين شروط العبودية ...مش حقولك غير كلمة احمد حرارة

“‎@FatmaAbed‏: اعيش اعمى ولا اني اعيش بعين مكسورة ...هذا ما قاله احمد حرارة الذي فقد عينيه فداء لمصر”

أنا بفكر بعقلي كل وقت و ليه أدان

حضرتك غلطان

مش مطلوب تفكر بعقلك - المفروض تجرى مع القطيع

و تحرق البلد

و لو توقفت دقيقة و سالت انتوا بتجروا رايحين فين

و لية تجروا من سكة الندامة مدام فية سكة السلامة

تبقى فلول او حزب كنبة او ذليل

[مغتربة]

طيب خلينى اسالك استاذ عمده نفس السؤال لكن بشكل تانى

بفرض ان احنا اقتنعنا بفض الاعتصام

و اقنعنا الناس الى هناك برضه انها تروح بيوتها

ايه تصورك للى هيحصل بعد كدا؟

[عصام أبوالفتح]

لا أرى لكلمة بقوة محل من الاعراب فى الخيار الأول .. لذا امتنع عن التصويت رغم انى من المطالبين بفض الاعتصام من المعتصمين انفسهم .. سمها هدنة ان شئت .. واعتبرها الخيار الوسطى

مشاهد فض اعتصام وول ستريت أوضحت تماما الفرق بين الوعى الديمقراطى للشعب المصرى ونظيره الامريكى

هناك ستكون جريمة ان يرفع أحد المعتصمين قبضته فى وجه افراد البوليس الفيدرالى

و من شروط الاعتصام السلمى هناك وكما بدأه غاندى منذ عقود أن تبقى الايدى والاجسام موجهة للارض لمحاولة البقاء واثبات موقف

وقد رأيت المعتصمين هناك يدفعون باجسادهم الى الارض ليبقوا فى اماكنهم بينما يحاول البوليس حملهم من المكان لاخلاءه وقد يثيرهذا السلوك تعاطفاً اكثر من المقاومة المسلحة التى شهدها ميدان التحرير

لازلت اذكر حمل البوليس لمحمد عبدالقدوس الصحفى من ايديه وقدماه وكيف اثارت صورته مشاعر الملايين من ابناء مصر ودفعتهم للجلوس على ارض الميدان سلمياً طوال ايام الثورة بدون مقاومة عنيفة او وجود نية لذلك .. وكيف نام الشباب وقتها فوق جنازير الدبابات المتوقفة لمنعها من الحركة وبالمناسبة هى لم تكن لتتحرك !!!

وما شهدته موقعة الجمل والليلة التى قبلها كان استثناءا طول عمر الثورة حتى انتصارها فى 11 فبراير وكانت حرب حقيقية

اللى عايز اقوله ان السلوك تغير والاستثناء اصبح قاعدة ... مع العلم انه لافرق يذكر بين مقاومة البوليس باليد او الحجارة او المدافع الرشاشة

بل انى اعتقد ان استخدام الحجارة كان اشد خطرا من الرصاص فى المواجهات ذات العدد الكبير .. فى جمع يشبه الفرح يوجد مثل شعبى يقول اذا رشيت الملح مينزلش ... فما بالك بمئات الالوف من الحجارة بمختلف احجامها فى كل الأيدى وعلى كل الرؤوس .. النتيجة مئات المصابين رغم انف الجميع

بعد انتصار الثورة وبناء فريق امنى بحت اصواتنا لبنائه من جديد فان رفع الحجارة فى وجوهمم يجب ان يكون جريمة .. ويجب التعامل مع المجرمين والا فالبلد الى زوال

المدهش حقاً .. ان سلوك الشرطة تقدم ببطء من تحت الصفر الى خمسة على الاقل فى حين ان السلوك الثورى بدأ من العشرة وانحدر بتخطيط محكم ومدبر وباستغلال عدم وعى العديد من جماهير معركة الجلابية وماسبيرو العباسية والبالون والتراس الاهلى والزمالك ..... الى الصفر

تم تعديل 21 نوفمبر 2011 بواسطة عصام أبوالفتح

[عماد حمدي]

طيب خلينى اسالك استاذ عمده نفس السؤال لكن بشكل تانى

بفرض ان احنا اقتنعنا بفض الاعتصام

و اقنعنا الناس الى هناك برضه انها تروح بيوتها

ايه تصورك للى هيحصل بعد كدا؟

إتفضلي .. لسه قايل حالاً وجهة نظري في النقطة دي بس كان السؤال مُختلف شوية من زهره الجبل

مطلوب دلوقتي التجهيز من قبل الشباب دي للجان شعبية أمام المقار الإنتخابية

و بدل ما يضيعوا مجهودهم و حماسهم و طاقتهم مع العسكر في الميدان دلوقتي

نوفر الطاقة دي كلها ليوم الإنتخابات

و يكون لينا هدف واحد و هو حماية أصواتنا و حماية المقار الإنتخابية

حماية أول طوبة علي في مبني الديمقراطية

ساعتها هنحارب فعلاً علشان هدف محدد و هو بلدنا

بلاش نضيع الحماس و القوه دي كلها مع العسكر دلوقتي

نأجل الكلام دا لأول يوم إنتخابات

نفكر نخطط نقسم نفسنا انته مسئول و المجموعة بتاعتك عن المقر الإنتخابي دا

و أنته مسئول عن المقر دا و هكذا

و حمايته من البلطجية الحقيقيين

حماية صناديق الإقتراع

المواجهة و بعنف و هكون مؤيد لكدة لأي محاولة لإجهاض اليوم الإنتخابي و أول يوم مصر هنشم فيها الحرية

دا رأي الشخصي ..