Tafshan بتاريخ: 31 أكتوبر 2004 تقديم بلاغ مشاركة بتاريخ: 31 أكتوبر 2004 اخترت لكم هذه القصيدة لبيرم التونسي التي تعبر عن علاقة الشعب و الحكومة منذ حوالي 90 سنه .. يا تري هل تغير اي شئ ؟؟ المجلس البلدي قد أوقع القلب في الأشجان و الكمدهوى حبيب يسمى المجلس البلدي ما شرد النوم عن جفني القريح سوى طيف الخيال خيال المجلس البلدي إذا الرغيف أتى فالنصف آكله و النصف أتركه للمجلس البلدي و إن جلست فجيبي لست أتركه خوف اللصوص و خوف المجلس البلدي و ما كسوت عيالي في الشتاء و لا في الصيف إلا كسوت المجلس البلدي كأن أمي بلّ الله تربتها أوصت فقالت أخوك المجلس البلدي أخشى الزواج فإن يوم الزواج أتى يبقى عروسي صديقي المجلس البلدي و ربما وهب الرحمن لي ولداً في بطنها يدعيه المجلس البلدي يا بائع الفجل بالمليم واحدة كم للعيال و كم للمجلس البلدي الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
kfaya بتاريخ: 31 أكتوبر 2004 تقديم بلاغ مشاركة بتاريخ: 31 أكتوبر 2004 على ما يبدو أن الشكوى عادة مصرية متأصلة .. فى بردية من ثلاثة ألاف سنة كتبها الفلاح المصرى الفصيح يشتكى فيها من معاملة الوزراء أو حكام الأقاليم ... المصرى هيفضل هو المصرى .. النيل رواه و الشكوى جواه رابط هذا التعليق شارك المزيد من خيارات المشاركة
Lighthouse بتاريخ: 1 نوفمبر 2004 تقديم بلاغ مشاركة بتاريخ: 1 نوفمبر 2004 على ما يبدو أن الشكوى عادة مصرية متأصلة .. العيب ليس في المصري الفصيح لانه كثير الشكوى والتذمر :huh: الحكام المتعاقبين علينا هم من يكررون ظلمهم لان الناس لاتردعهم الا بعد فوات الاوان اذا ردعتهم اصلا :D مٌر الكلام زي الحسام يقطع مكان ما يمر اما المديح سهل ومريح يخدع صحيح ويغٌر والكلمة دين من غير إيدين بس الوفا ع الحر رابط هذا التعليق شارك المزيد من خيارات المشاركة
ابو يوسف بتاريخ: 1 نوفمبر 2004 تقديم بلاغ مشاركة بتاريخ: 1 نوفمبر 2004 السؤال هو ... هل تحولت الشكوى الى مكون من مكونات المصرى ؟ هل أصبحت عادة وسمة .. هل لو حدث - فرضا - أن تحسنت الاحوال و زالت الغمة ... هل سيبتسم أخيرا و يكف عن الشكوى ؟؟؟ أشك :huh: !!! أحاول إحراقَ كلِ النصوصِ التي أرتديها. فبعضُ القصائدِ قبْرٌ، وبعضُ اللغاتِ كَفَنْ. وواعدتُ آخِرَ أنْثى... ولكنني جئتُ بعد مرورِ الزمنْ... ... ! ! من قصيدة " متى يعلنون وفاة العرب؟؟" لنزار قبانى رابط هذا التعليق شارك المزيد من خيارات المشاركة
yasovinas بتاريخ: 1 نوفمبر 2004 تقديم بلاغ مشاركة بتاريخ: 1 نوفمبر 2004 لا والله لا تشك واليكم دليل بسيط على حالة مصغرة مثلا مدينة الاسكندريه تعاقب عليها عدد كبير جدا من المحافظين وكلهم ولله الحمد اجمل من بعض rs: وطبعا الشكوى كانت مستمرة والنقض طبعا بالاسكندرانيarg:: المهم اليوم وفي وجود ذلك الشخص المتميز جداً المحجوب اركب تاكسي او تحدث مع احد من عامة شعب الاسكندرية بائعين في الاسواق او موظفين وعمال وتكلم عن ذلك الرجل ستجد اجماع غريب على حبه سبحان الله رابط هذا التعليق شارك المزيد من خيارات المشاركة
Tafshan بتاريخ: 1 نوفمبر 2004 كاتب الموضوع تقديم بلاغ مشاركة بتاريخ: 1 نوفمبر 2004 حبيبي جاهين ... اعتقد انه بيوصف المصري ... بس صح قوي : إقلع غماك يا تور وارفض تلفإكسر تروس الساقية و اشتم وتف قال : بس خطوة كمان .. وخطوة كمان يا اوصل نهاية السكة يا البير تجف عجبي !!! الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
ابو يوسف بتاريخ: 1 نوفمبر 2004 تقديم بلاغ مشاركة بتاريخ: 1 نوفمبر 2004 لا والله لا تشك واليكم دليل بسيط على حالة مصغرة مثلا مدينة الاسكندريه تعاقب عليها عدد كبير جدا من المحافظين وكلهم ولله الحمد اجمل من بعض mc: وطبعا الشكوى كانت مستمرة والنقض طبعا بالاسكندرانيarg:: المهم اليوم وفي وجود ذلك الشخص المتميز جداً المحجوب اركب تاكسي او تحدث مع احد من عامة شعب الاسكندرية بائعين في الاسواق او موظفين وعمال وتكلم عن ذلك الرجل ستجد اجماع غريب على حبه سبحان الله أخى الفاضل .. هل لو تحسنت الشوارع وخلت من المطبات .. والمواصلات أصبحت سهلة و الشوارع نظيفة .. هل هذه هى كل احتياجات المواطن ليكف عن الشكوى ؟؟ أنا أقيسها على العمل مثلاً فى أى شركة أو مؤسسة .. تجد الموظفين يتذمرون من سوء المعاملة من الرؤساء .. ثم يتغير الرؤساء فتجدهم يتذمرون من الرواتب .. فتتعدل الرواتب .. تجدهم يتذمرون من مواعيد العمل .. وتتعدل مواعيد العمل .. تجدهم يتذمرون من عدم تعطاءهم مزايا عينية .. وهكذا .. أحاول إحراقَ كلِ النصوصِ التي أرتديها. فبعضُ القصائدِ قبْرٌ، وبعضُ اللغاتِ كَفَنْ. وواعدتُ آخِرَ أنْثى... ولكنني جئتُ بعد مرورِ الزمنْ... ... ! ! من قصيدة " متى يعلنون وفاة العرب؟؟" لنزار قبانى رابط هذا التعليق شارك المزيد من خيارات المشاركة
yasovinas بتاريخ: 2 نوفمبر 2004 تقديم بلاغ مشاركة بتاريخ: 2 نوفمبر 2004 اخونا ابو يوسف صباح الخير (الاول انت تقرب لابو يوسف اللي بعد العجمي ) ups: ty:) :blink: طبعا في مثل يقول لو اتحدت الاذواق لبارت الاسواق بمعنى ان مش ممكن الناس كلها تتفق على شيء واحد لكن هناك نسبة مرضيه من الاتفاق لا اظن اننا كلنا مثلا بنشتكي من المنتدى او من تحكم المراقبين مثلا الحكايه نسبيه بس المهم هل دايما الاغلبيه متذمرة يعني لو في حد كويس او وضع كويس هنشتكي لا اظن رابط هذا التعليق شارك المزيد من خيارات المشاركة
Tafshan بتاريخ: 2 نوفمبر 2004 كاتب الموضوع تقديم بلاغ مشاركة بتاريخ: 2 نوفمبر 2004 (معدل) هل لو تحسنت الشوارع وخلت من المطبات .. والمواصلات أصبحت سهلة و الشوارع نظيفة .. هل هذه هى كل احتياجات المواطن ليكف عن الشكوى ؟؟ اخي العزيز، في كل مجتمع هناك قوي مختلفة في الافكار تكون التنوع الطبيعي الذي هو اهم عوامل المجتمع الصحي ، تلك القوي يوجد فيها اغلبية و الاقلية (و التي تسمى بالمعارضة ..) لو ان في مصر فرصة للعمل السياسي لأنضم الشكاؤن الذين تتحدث عنهم اليه و استثمروا شكواهم في عمل مفيد لأن الشكوي هي عمل ايجابي فهي اولى الاصابع التي تشير الى العيوب و لكن العبره بالتعامل مع تلك الاصابع : اما يتم قطعها كي لا تشير الى الانحرافات مرة اخرى (زي اللي بالي بالك ) و اما يؤخذ برأي تلك الاصابع و يتم الاصلاح ... تم تعديل 2 نوفمبر 2004 بواسطة Tafshan الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
ابو يوسف بتاريخ: 2 نوفمبر 2004 تقديم بلاغ مشاركة بتاريخ: 2 نوفمبر 2004 اخونا ابو يوسف صباح الخير (الاول انت تقرب لابو يوسف اللي بعد العجمي ) fty:: fty:: fty:: طبعا في مثل يقول لو اتحدت الاذواق لبارت الاسواق بمعنى ان مش ممكن الناس كلها تتفق على شيء واحد لكن هناك نسبة مرضيه من الاتفاق لا اظن اننا كلنا مثلا بنشتكي من المنتدى او من تحكم المراقبين مثلا الحكايه نسبيه بس المهم هل دايما الاغلبيه متذمرة يعني لو في حد كويس او وضع كويس هنشتكي لا اظن أخى الفاضل .. البعض أدمن الشكوى و أصبحت متعته .. وأعتقد أن السبب هو حالة الكبت و القهر التى نعيشها .. فالقدر يغلى و يكاد أن ينفجر دون أى منفذ شرعى .. حتى ظهرنمط من البشر أصبح ساخط على كل شىء و أى شىء و يردد بهستريا ... "ما فيش فايدة .... ما فيش فايدة " .. ان هناك من يحب أن يظل يلعن الظلام و اللى جابوا الظلام .. لأنه فقد ثقته فى أن شمعته ستغير شيئاً !! أحاول إحراقَ كلِ النصوصِ التي أرتديها. فبعضُ القصائدِ قبْرٌ، وبعضُ اللغاتِ كَفَنْ. وواعدتُ آخِرَ أنْثى... ولكنني جئتُ بعد مرورِ الزمنْ... ... ! ! من قصيدة " متى يعلنون وفاة العرب؟؟" لنزار قبانى رابط هذا التعليق شارك المزيد من خيارات المشاركة
فــيــروز بتاريخ: 2 نوفمبر 2004 تقديم بلاغ مشاركة بتاريخ: 2 نوفمبر 2004 ان هناك من يحب أن يظل يلعن الظلام و اللى جابوا الظلام .. لأنه فقد ثقته فى أن شمعته ستغير شيئاً !! المطلوب اذن هو محاولة اعادة الثقه لمن فقدها وله كل الحق ان يفقدها !! وبناء الثقه فى العلاقات الشخصيه امر يحتاج وقت فما بالنا بالعلاقه بين الحاكم و المحكوم؟ "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
Tafshan بتاريخ: 3 نوفمبر 2004 كاتب الموضوع تقديم بلاغ مشاركة بتاريخ: 3 نوفمبر 2004 ان هناك من يحب أن يظل يلعن الظلام و اللى جابوا الظلام .. لأنه فقد ثقته فى أن شمعته ستغير شيئاً !! المطلوب اذن هو محاولة اعادة الثقه لمن فقدها وله كل الحق ان يفقدها !! وبناء الثقه فى العلاقات الشخصيه امر يحتاج وقت فما بالنا بالعلاقه بين الحاكم و المحكوم؟ اعادة ثقة ؟؟ بالسهوله دي ؟ لم يبقى لنا غير التزمر بعد ضياع الحقوق بسبب الفساد و المحسوبية ... و بمناسبة المحسوبية ، خذي عندك : فؤاد نجم بيحكي حكاية واحد غلبان ما لوش محاسيب و لا محسن بيه و لا معاه حتى قرشين يتعكز عليهم ... كان ماشي في الزمالك قدام فيلا ام كلثوم ، اللي كان ليها سلطة في مصر ايام جمال عبد الناصر ما لهاش حدود .. و يقال انها كانت بتكلمه على خط مباشر و كانت ما بتنداهلوش غير جيمي! المهم كان عند ام كلثوم كلب .. اسمعي الحكاية: فى الزمالك من سنين وف حما النيل القديم قصر من عصر اليمين ملك واحدة من الحريم صيتها اكتر م الادان يسمعوه المسلمين والتتر والتركمان والهنود والمنبوذين ست فاقت ع الرجال فى المقام والاحترام صيت وشهره وتل مال يعنى فى غايه التمام قصره يعني هى كلمة ليها كلمه فى الحكومه بس ربك لجل حكمه قام حرمها م الامومه والامومه طبع ثابت جوه حوا من الزمان تعمل ايه الست جابت فوكس رومي وله ودان فوكس دا عبقال املتك عندة دستة خدامين يعنى مش موجود فى عيلتك شخص زية يا اسماعين واسماعين دا يبقى واحد م الجماعة التعبانين اللي داخوا فى المعاهد والمدارس من سنين حب يعمل واد فكاكة يمشي حبة فى الزمالك والقيامة والفتاكة يرموا طبعا ع المهالك عم سمعة من قيامتة حب يعمل فيها فلة بعد ما الوظ بيجامتة اشترى حتة مجله قول مشي يقرا فى حكاية من حكايات الغرام واندماجة فى القرايه خلا مشيه مش تمام ع اليمين يحدف بعيد خطوتين ويروح شمال لمحه فوكس من الحديد قال دا صيد سهل حلال هب نط فى كرشه دوغري جاب بيجامته لحد ديلها اسماعين بدال ما يجري قال يا رجلي رجلى مالها ؟ بص شاف الدم سايح من عاليها ومن واطيها وياللى جاي وياللي رايح المجله مش لا قيها حبه واتلموا الظنايا اللى هما البوابين والحكايه والروايه قال لهم دا كلب مين كلب مين ما كلب مينشى سمعه لبخ حبتين قال واحد منهم امشى اللى جابك عنده مين؟ قال دا شارع يا مواشي والجميع بيمر منه اللى راكب اللى ماشى مستحيل نستغنى عنه كلمه من دا وكلمه من دا ظاطو واترسمت فضيحه قول نهايته القصد من دا اسماعين اكل الطريحه راحو قسم الشرطه طبعا والنيابه كفيله بيهم واترموا فى الحجز جمعا لما ييجي الدور عليهم حبة والشاويش امين قال : سعيد النقشيندي قام غريم عم اسماعين قال لة: محسوبك يا افندي قام سي سمعه يروح معاه الشاويش قال : غور بدمك راح تعوصنى وفوق قفاه كف طرقع داهيه ف امك تفتكر يفضل سي سمعه قد ايه فى القسم نايم ؟ استضافه الحجز جمعه يا بلاش ادي العزايم شاف بلاوي ما تتحكيش م الديابه المسجونين قال يا عالم يا شاويش يا نيابه يامسئولين خلصوه بعد المناهده جثه من جحر الديابه هى يمكن ساعه واحده كان فى مكتب النيابه قال له مالك يااسماعين قال لة زي البمب ... مالي ؟ قال له عضك فوكس فين قال له سيبنى اروح لحالي انت شوف سي فوكس يمكن خد تسمم غصب عني الوكيل قال برضة ممكن والشاويش قعد يغنى انت فين والكلب فين انت قدة يا اسماعين طب دا كلب الست يا ابني وانت تطلع ابن مين بشري لصحاب الديول واللى له اربع رجول بشرى لسيادنا البهايم من جمايس او عجول اللى صاحبه يا جماعه له غناوي فى الاذاعه راح يدوس فوق الغلابه والنيابه .. بالبتاعه الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
Cleo بتاريخ: 3 نوفمبر 2004 تقديم بلاغ مشاركة بتاريخ: 3 نوفمبر 2004 أحمد فؤاد نجم على قدر موهبته إلا إن عنده كممممممم من الحقد الطبقى غير عادى... ولا يكف عن مهاجمة الناجحين و الأثرياء... أم كلثوم ضحت من أجل مصر بمالها و كدها و عملها... فؤاد نجم دخل المعتقلات لطول لسانه.. ثانيا مش من الإبداع فى شىء إنه يعاير "الست" انها كانت عقيم.. عيب. وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Tafshan بتاريخ: 3 نوفمبر 2004 كاتب الموضوع تقديم بلاغ مشاركة بتاريخ: 3 نوفمبر 2004 أحمد فؤاد نجم على قدر موهبته إلا إن عنده كممممممم من الحقد الطبقى غير عادى... ولا يكف عن مهاجمة الناجحين و الأثرياء...أم كلثوم ضحت من أجل مصر بمالها و كدها و عملها... فؤاد نجم دخل المعتقلات لطول لسانه.. ثانيا مش من الإبداع فى شىء إنه يعاير "الست" انها كانت عقيم.. عيب. عندك حق يا كليو ، نجم فعلاً لسانه طويل و ام كلثوم اكيد لا يختلف عليها اثنين و انا ضد التجريح الشخصي لأي بني آدم اياً كان ، بس دي قصة حقيقية .. انا بأحاول اعبر عن مشاعر المصرين تجاه الحكومات المتتابعة بالسنة الشعراء لأنها اكثر تعبيراً .. و لا ننكر جميعاً مدى سطوة المحسوبية في عهد جمال عبد الناصر و لو بعدم علم اصحابها مثلاً في قصة نجم ، ربما ظلم الفتى الذي عضه كلب ام كلثوم لأن من عضه هو كلب ام كلثوم و هذا ليس معناه بالضرورة ان الست ام كلثوم كانت تعلم بوقوع هذا الظلم و انما كان هذا الظلم الطبقي اوتوماتيكياً و نمط طبيعي في التعامل ... نرجع لموضوعنا .. هل تغيرت المحسوبية في مصر ؟؟ الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
Cleo بتاريخ: 3 نوفمبر 2004 تقديم بلاغ مشاركة بتاريخ: 3 نوفمبر 2004 نرجع لموضوعنا .. هل تغيرت المحسوبية في مصر ؟؟ نظام المحسوبية فى مصر أصبح أكثر شراسة عن أوى وقت مضى (قال يعنى أنا كنت عايشة فى كل وقت مضى ده..) لا تكاد تخلو أى مؤسسة حكومية أو قطاع خاص أو حتى أجنبية طالما وقعت على أرض المحروسة لهذا النظام.. عندنا فى شركتنا و هى شركة متعددة الجنسيات.. بسالإدارة مصرية.... مساخر بجد.. تلاقى واحد صغير فى السن... معندوش خبرة... بس عنده واسطة جامدة ممكن يشتغل مدير أى حاجة و السلام... عندنا ممكن لو واحد أو واحدة راضيين عنهم أوى، يفتحولهم إدارة مخصوص عشان يبقوا مديرين أى حاجة و السلام.. مرة كان لى طلب عايزاه من الإدارة.. مديرى (وهو صديق فى نفس الوقت) قاللى: بصى أنا مش هاعرف أعملك حاجة عشان من المغضوب عليهم... روحى لرئيس الشركة قوليله إنت اللى هاتنصفنى و ماليش أمل غيرك و اتمنى من حضرتك و حاجات كدة... قلتله أنا معرفش أعمل كدة... حقى ماشحتوش..!!! قاللى خلاص.... خللى شطارتك تنفعك...!! وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Tafshan بتاريخ: 3 نوفمبر 2004 كاتب الموضوع تقديم بلاغ مشاركة بتاريخ: 3 نوفمبر 2004 مرة كان لى طلب عايزاه من الإدارة.. مديرى (وهو صديق فى نفس الوقت) قاللى: بصى أنا مش هاعرف أعملك حاجة عشان من المغضوب عليهم... روحى لرئيس الشركة قوليله إنت اللى هاتنصفنى و ماليش أمل غيرك و اتمنى من حضرتك و حاجات كدة...قلتله أنا معرفش أعمل كدة... حقى ماشحتوش..!!! قاللى خلاص.... خللى شطارتك تنفعك...!! عجبني تصنيفنا الي صنفين : مغضوب عليهم و غير مغضوب عليهم .. انا لا ارى ان كان لك حق غير ان تطالبي به : لا ضياع لحق وراءه مطالب ، و ليس كل طلب شحاته ، بل ان السلبية تصبح احياناً حق مكتسب و تضيع الحقوق بموجب هذا الحق المكتسب و ربما بسبب هذا الحق المكتسب اصبحنا صنفين : … من قصيدة الأحزان العادية لعبدالرحمن الابنودي : "يا عم الظابط إنت كداب واللي بعتك كداب. مش بالذل حشوفكم غير أو استرجى منكم خير إنتو كلاب الحاكم وإحنا الطير إنتو التوقيف وأحنا السير. إنتوا لصوص القوت واحنا بنبني بيوت إحنا الصوت ساعة متحبوا الدنيا سكوت إحنا شعبين شعبين شعبين شوف الاول فين والتاني فين وأدي الخط مابين الاتنين بيفوت إنتوا بعتوا الارض بفاسها بناسها ***** والريحه سبقت طلعت أنفاسها. واحنا ولاد ال***** الشعب احنا بتوع الاصعب وطريقه الصعب والضرب ببوز الجزمه وبسٍن الكعب والموت في الحرب لكن انتوا خلقكم سيد المُلك جاهزين للمُلك إيدكم نعمت من طول ما بتفتل وبتفتل ليالينا الحلك احنا الهلك وانتو الترك سوها بحمكته رب الملك أنا المسجون المطحون اللي تاريخي مركون. وانت قلاوون و"ابن طولون" ونابليون. الزنزانه دي مبنيه قبل الكون قبل الظلم ما يكسب جولات اللون … يا عم الظابط إحبسني رأينا خٍلف خلاف سففني الحنضل وإتعسني راينا خلف خلاف احبسني أو اطلقني وادهسني راينا خلف خلاف واذا كنت لوحدي دلوقت بكره مع الوقت حتزور الزنزانه دي اجيال واكيد فيه جيل أوصافه غير نفس الاوصاف: إن شاف يوعى وإن وعي ما يخاف إنتوا الخونه منك ضعفي وجبروتك مني خد مفتاح سجنك وياك واترك لي وطني وطني غير وطنك ومشي قلت لنفسي : " ماخدمك إلا من سجنك " . الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
Cleo بتاريخ: 4 نوفمبر 2004 تقديم بلاغ مشاركة بتاريخ: 4 نوفمبر 2004 انا لا ارى ان كان لك حق غير ان تطالبي به : لا ضياع لحق وراءه مطالب ، و ليس كل طلب شحاته ، بل ان السلبية تصبح احياناً حق مكتسب و تضيع الحقوق بموجب هذا الحق المكتسب يا طفشان أطالب بيه يعنى أقف و أقول أنا لى حق كذا وكذا وكذا عايزاه... ساعتها هابقى من المغضوب عليهم أنا كمان و أنا لأسباب معينة ماقدرش على ده دلوقتى.. إنما أسلوب إنت بابا و انت ماما و انت أنور وجدى ده اسمه شحاته... وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Tafshan بتاريخ: 4 نوفمبر 2004 كاتب الموضوع تقديم بلاغ مشاركة بتاريخ: 4 نوفمبر 2004 إنما أسلوب إنت بابا و انت ماما و انت أنور وجدى ده اسمه شحاته... لأ بلاش الاسلوب ده خالص :blink: ده اسلوب ناس معينه زي عباس العرسه بتاع احمد رجب .. انا ما كانش قصدي كده خالص .. و أنا لأسباب معينة ماقدرش على ده دلوقتى.. مش انت لوحدك .. كلنا كده .. احياناً بيبقى نفسنا نأخذ حقنا و تمنعنا نفس الاسباب ! الماتش متباع http://tafshan-gedan.blogspot.com رابط هذا التعليق شارك المزيد من خيارات المشاركة
ابو يوسف بتاريخ: 4 نوفمبر 2004 تقديم بلاغ مشاركة بتاريخ: 4 نوفمبر 2004 عفواً سأعود الى قصيدة نجم .. لا أرى أن معايرة الست أو عدم معايرتها هما القضية .. ولا أرى أن نجم - كشاعر مصرى - له مشاكله الخاصة يهمنا فى شىء .. انما مضمون القصيدة و غيرها يوصف حالة المواطن المصرى الذى قهره الظلم و الاستعباد حتى صار يشتكى الظلم لطوب الارض و يرى أنه لا فائدة الا الشكوى التى تفرغ ما فى قلبه من حقد و كراهية و غل على كل أشكال الاستبداد والفساد .. الكل يشتكى .. و من يسمع صوته - مثل شاعرنا و غيره - يكون مصيره السجن - ويظل يشتكى و هو فى السجن .. و يشتكى من هم خارج السجن .. وهكذا .. أحاول إحراقَ كلِ النصوصِ التي أرتديها. فبعضُ القصائدِ قبْرٌ، وبعضُ اللغاتِ كَفَنْ. وواعدتُ آخِرَ أنْثى... ولكنني جئتُ بعد مرورِ الزمنْ... ... ! ! من قصيدة " متى يعلنون وفاة العرب؟؟" لنزار قبانى رابط هذا التعليق شارك المزيد من خيارات المشاركة
فــيــروز بتاريخ: 4 نوفمبر 2004 تقديم بلاغ مشاركة بتاريخ: 4 نوفمبر 2004 ان هناك من يحب أن يظل يلعن الظلام و اللى جابوا الظلام .. لأنه فقد ثقته فى أن شمعته ستغير شيئاً !! المطلوب اذن هو محاولة اعادة الثقه لمن فقدها وله كل الحق ان يفقدها !! وبناء الثقه فى العلاقات الشخصيه امر يحتاج وقت فما بالنا بالعلاقه بين الحاكم و المحكوم؟ اعادة ثقة ؟؟ بالسهوله دي ؟ لم يبقى لنا غير التزمر بعد ضياع الحقوق بسبب الفساد و المحسوبية ... ومن تحدث عن سهولة الامر !! mfb: لقد تحدثت بالفعل عن ان بناء الثقه امر شاق !! خصوصا حين يكون هناك سوابق تدعو الى عدم الثقه !! cr((: لكن لا ادرى لم اشعر باستعذاب الاستسلام لطور الشكوى الذى نعيش فيه حاليا !! يعنى البعض لا يعجبهم حال المصريين الشكائين !! وحين نقول طيب محتاجين نعيد بناء الثقه بين الشعب و الحكومه نجد الاجابه : بالسهوله دى !! :blink: طيب عايزين ايه من الآخر يعنى B) اذا كانت الشكوى مريحه فهى كذلك بالفعل لكن بعد فتره تفقد معناها :blink: "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان