كل ما يخص جُمعة 18-11

[عماد حمدي]

صورة من الاجتماع الافتتاحي للمجلس التأسيسي التونسي المنتخب

ويظهر في الصورة كتاب القرآن الكريم أمام كل مقعد من المقاعد

[se_ Elsyed]

لن أتنازل عن حقي في إعدامكم يا سفاحين يا مجلس الكلاب

الان أيها السادة على الهواء مباشرة إذاعة لاول جلسة لعقد المجلس التأسيسي التونسي ... واول امس كان في إنتخاب لرئيس الجمهورية ورئيس الوزراء

[مغتربة]

طبيب من التحرير لـ"الفنجرى":أنت تصنع الشهداء فى الميدان

الثلاثاء، 22 نوفمبر 2011 - 14:04

اللواء محسن الفنجرى

كتبت بسمة المهدى

على مدار اليوم الثالث لأحداث ميدان التحرير، قام "اليوم السابع" بجولة مع أطباء المستشفى الميدانى المتواجد فى مدخل باب اللوق وآخر فى مدخل شارع محمد محمود، وذكر عدد من الأطباء الإصابات الشائعة خلال الأيام الماضية وتأثير القنابل على المصابين حيث أوضحوا أن المصابين كان بينهم حالات إغماء كثيرة ولم يقتصر الأمر فقط على الاختناق.

وسرد الأطباء أحداث ليلة الاعتداء على المستشفى الميدانى فى صباح الاثنين، واستشهاد 4 من المصابين جراء هذا الاعتداء ، كما خاطب طبيب من المستشفى الميدانى اللواء محسن الفنجرى صاحب تحية الشهداء فى ثورة 25 يناير ، قائلا له " أنت تصنع الشهداء على أربعة أيام ".

[se_ Elsyed]

وحياة امك يا سفاح يا كلب ؟

المشير طنطاوي يُلقي بيان على الامة بعد قليل !!!!!!!!!!!!!!

زي سيده بالظبط

[مغتربة]

صورة من الاجتماع الافتتاحي للمجلس التأسيسي التونسي المنتخب

ويظهر في الصورة كتاب القرآن الكريم أمام كل مقعد من المقاعد

شوفت بقى

عقبالنا ياااااااااااااااااااااارب

امين

[ابراهيم عبد العزيز]

يا استاذ ابراهيم

كيف يمكن لنا ان نجزم ان البرلمان سيستخدم لتبرير اي قرار او قانون..

يعني على الاقل اليس البرلمان سيحتوي على نسبة كبيرة من الاعضاء الذين انتخبناهم سواء من حزب الوفد او التجمع او النور او الحرية والعدالة..أو الوسط..أو أو

كل هؤلاء سيشكلوا نسبة على الاقل فوق ال 70 % باعتبار ان الباقين الناجحين من الفلول او ممن يؤيديون المجلس العسكري وقراراته

سبعين بالمائة او حتى اقل من نوابنا سيجدوا الدعم والمساندة من الشعب هل يستطيع برأيك عندها ان يمرر المجلس ما لا نرضاه

- ولذلك اقول لمن كان يعترض على جمعة 18 نوفمبر وعلى رأسهم الفاضل عصام ابو الفتح..ان هذه المليونية كانت للطعن والاعتراض على تنفيذ وثيقة السلمي...التي لن تنفذ بإذن الله...والتي كانت ستعطي صلاحيات للمجلس..ايضا تتعلق بتشكيل اللجنة التأسيسية للدستور....

- فلماذا نتراجع عن الانتخابات مخافة الظنون التي نستطيع ان نمنعها

- ولماذا نضع البلد في متاهة لا نعرف كيف نخرج منها...وقد لا نخرج منها لسنوات خشية امر..يمكن مواجهته وعلاجه..بطرق اخرى كثيرة افضل من الدخول في متاهة...لا نعرف اين مخرجها تحديدا...

وحولنا مثال حي هو سوريا....

أنا لا أجزم يا أخي الفاضل أبو ريم

هو توقع بناء على المقدمات والمعطيات الحالية , وسأكون أسعد الناس لو أتي المستقبل خلاف توقعي

تحياتي لك

تم تعديل 22 نوفمبر 2011 بواسطة ابراهيم عبد العزيز

[wsadani]

التحرير يقترح حكومة إنقاذ تضم البرادعي وصباحي وأبو الفتوح وأبو إسماعيل

تعليقات: 7 شارك بتعليقك

آخر تحديث يوم الثلاثاء 22 نوفمبر 2011 - 11:25 ص ا بتوقيت القاهرة

محمد البرادعي

القاهرة - أ ش أ

طرح ناشطون ينتمون لتيارات سياسية مختلفة بميدان التحرير، صباح اليوم الثلاثاء، مقترحا جديدا بتشكيل حكومة إنقاذ وطني. ويتضمن المقترح تشكيل حكومة إنقاذ وطني تضم أربعة مرشحين للرئاسة تم تسميتهم هم: "محمد البرادعي، وحمدين صباحي، وعبد المنعم أبو الفتوح، وحازم أبو إسماعيل" الذين يمثلون تيارات مختلفة داخل القوى الوطنية المصرية، وذلك من أجل عدم تواجد أي انقسامات بين القوى الوطنية فضلا عن وضع رؤية سياسية موحدة في اتخاذ قرار إدارة شؤون البلاد خلال المرحلة القادمة.

كما يضم مقترح حكومة الإنقاذ أيضا اختيار أحد القضاة المشهود لهم بالنزاهة، وذلك من بين أربعة قضاة بينهم "المستشار زكريا عبد العزيز، رئيس نادي القضاة السابق، والمستشار محمود الخضيري النائب السابق لرئيس محكمة النقض، والمستشار أحمد مكي".

وقد أثار مقترح حكومة الإنقاذ الذي انتشر مع صباح مليونية "حكومة الإنقاذ الوطني"، اليوم الثلاثاء، التي دعت إليها عدد من القوى السياسية، حالة من الجدل بين المتواجدين بالميدان وداخل الحلقات النقاشية التي نظمها ممثلو التيارات الإسلامية والليبرالية في أماكن متفرقة بالميدان.

في سياق متصل، رفض عدد كبير من المتظاهرين فكرة وجود منصات في مليونية اليوم، معتبرين أن الشعب هو سيد قراره، فيما أبدى آخرون استياءهم من عدم مشاركة شخصيات سياسية في مليونية اليوم.

[se_ Elsyed]

البيان معروف ومحفوظ

حفظ الله مصر والمصريين ... واللي يحب النبي يسقف ... وعاوزين نبقى كويسين مع بعضينا ... وعن إذنكم أروح أتغدا وأخد الدوا

لكن حق الناس والدم .. خلاص كده ؟

ويمكن يشيل مدير مكتبة أو الفراش اللي بيعمل له القهوة عشان يرضي الشعب

وخلوا بالكم ... كل ده هايبقى الساعة إتنين بالليل كالمعتاد

[مغتربة]

الجيش يفصل بين المتظاهرين ورجال الشرطة بأسلاك شائكة

كتب - أحمد الشريف:

بدأت قوات من المنطقة المركزية العسكرية صباح الثلاثاء في اقامة حواجز من الاسلاك الشائكة في الشوارع المؤدية الي وزارة الداخلية، والشوارع العرضية التي تربط بين شارع محمد محمود وشارع الشيخ ريحان.

وقال مصدر عسكري لمصراوي ان هذا الاجراء يهدف الى الفصل بين المتظاهرين ورجال الشرطة لتهدئة الموقف.

وناشدت قيادات المنطقة العسكرية المتظاهرين التوجه الي ميدان التحرير وترك رجال الشرطة في الشوارع حول وزارة الداخلية بغرض تأمينها ومساعدة عناصر المنطقة المركزية العسكرية في الحفاظ علي الأمن.

يا سلام عليهم هما فاكرين نفسهم هيضحكوا على مين

قال يعنى هما على الحياد و مش انفولفد مع اى طرف من الطرفين

كان مثلا الشرطه دى بتشتغل من دماغها و متاخدش اوامر من حد

[ابراهيم عبد العزيز]

وحياة امك يا سفاح يا كلب ؟

المشير طنطاوي يُلقي بيان على الامة بعد قليل !!!!!!!!!!!!!!

زي سيده بالظبط

لن يأتي جديد في البيان

وسيكون بيان من نوعية ( وجود قوى تعادي على الثورة , والمجلس حمى الثورة ووووو إلخ )

[مغتربة]

صوره الجنازه التى شيعت من الميدان منذ قليل

[عماد حمدي]

المتطوعون بالمستشفى الميدانى بهم كثير جدا من جماعة الاخوان د.خالد حنفى وزوجته،

د.أميمة كامل مرشحي حزب الحرية والعدالة متواجدين فى المستشفى الميدانى طوال الليل ...

عايزين شهادة حق من الناس الموجوده في الميدان تنفي او تأكد

يا جماعة الشباب الإخوان معظمهم موجود في الميدان للتهدئة فقط ،

و المساعدات و ليس للهجوم و الدخول في معارك مع الشرطة أو العسكر

لو نزل الإخوان و بكرة افكركم عليه العوض و منه العوض في اللي هيحصل في البلد

عايز شهادة حق من كل اللي بختلف معاهم ينقلي الصورة دلوقتي حالاً من الميدان ..

و المستشفيات الميدانية بالذات ..

[wsadani]

انا مسمعتوش بيتكلم قبل كده أعتقد هيطلع يقول تشكيل وزارة جديدة ده أخر تفكيره

[ابراهيم عبد العزيز]

في موقف جيد للبرادعي

"البرادعى" يعتذر عن لقاء العسكرى ويستمر حلقة وصل بين المجلس والثوار

[wsadani]

الموضع قافل جدا عمال أجيبها يمين شمال مش لاقى حلول ربنا يستر على البلد

المشير هيطلع يقول كلمتين يسستفز بيهم الناس زيادة والدنيا تولع أكتر

[Salwa]

إلـــــــى شبــــــــاب الإخـــــــــوان..

رسالة بتوقيـع:

(1) أحمد المغير، ناش...ط من شباب الإخوان

(2) عمرو فراج، مدير شبكة رصد - من شباب الإخوان

(3) أحمد حسن، أدمن صفحة إنت عيل إخونجي -من شباب الإخوان

نص الرسالة :

إلى شباب الإخوان

السلام عليكم ورحمة الله وبركاته

إخوانا الكرام ، بسبب حساسية الموقف وخطورته اسمحوا لينا نكتب بالعامية ...احنا كمجموعة من شباب الإخوان من ساعة ما بدأت الأحداث المؤسفة في التحرير مرورا بالمجزرة البشعة اللي استشهد فيها 33 شاب من أطهر شباب مصر في محاولة مستمرة لجمع معلومات وتحليل الموقف ورفع الواقع من على الأرض ، لأننا فعلا مكناش عارفين نعمل إيه او إيه هوا الصح من الغلط ، احنا كشباب كان النزول امر مفروغ منه سواء في القاهرة او إسكندرية او غيرهم من المحافظات وحبينا ننقل لكم الواقع زي ما شفناه وتحليلنا للأحداث :

أولا : إدارة الحدث من جانب الحكومة او الداخلية او المجلس العسكري إدارة غير مسبوقة وتتسم بوحشية لم يسبق

لها مثيل حتى ايام السفاح مبارك نفسه

ثانيا : الميدان فيه شباب من كل التيارات وان كان الأغلبية غير مسيسين وكتير منهم اول مرة يشاركوا في مظاهرة او اعتصام لكنهم ابطال بجد ، ملمحناش اي قيادة من القيادات الثورية المعروفة سواء شباب او غير شباب

ثالثا : ممارسات الداخلية والجيش من ترك الأمور تتصاعد دون تهدئة لدرجة انهم يسيطروا فعلا على الميدان اكتر من مرة ويسيبوه

ده بخلاف إن اللي قتل أكتر من 33 شاب من خيرة شباب مصر مكنش عنده أي مشكلة إن الفضائيات تنقل الجرائم دي على الهواء من قتل ورمي في الزبالة وإحراق ممتلكات الشباب زي ميكون بيستفز الناس مخصوص عشان ينزلوا ( فجأة القاتل اللي منع قناة الجزيرة مباشر مصر من التغطية بقة مؤمن بحرية الإعلام!!!) حتى ترك المواجهات مستمرة لأكتر من 3 أيام بشكل مستمر بدون تدخل لإنهائها ( القصة مش محتاجة غير مدرعتين يقفوا بين الثوار وبين قتلة الداخلية ) , الكلام ده أكد من قناعتنا إن المجلس بينفذ الجزأ التاني من تهديد المخلوع اللي خير الشعب بين الإستقرار والفوضى وشايفين فعلا مخطط كامل من المجلس لتحويل مصر إلى صومال أخرى لإن تفجير الوضع في مصر مرة تانية محدش هيقدر يسيطر عليه ولا حتى الجيش نفسه

رابعا : حتى مساء أول أمس ( الأحد ) كنا نتمنى من جماعتنا جماعة الإخوان إعلان نزولها بشكل رسمي لكن أمس وبعد رؤيتنا للمشهد بالشكل ده بقينا مقتنعين إن نزول الإخوان وغيرهم هدف من الإستفزاز اللي بيحصل عشان تحقيق مخطط الفوضى الشاملة اللي إذا حصل الكلام مش هيكون عن إنتخابات أو غيره الكلام هيكون عن إنهيار شامل للبلد مش الإنتخابات بس

خامسا : فكرنا كتير في اللي إتقال عن إننا مش عايزين غير الإنتخابات عشان مصلحتنا الخاصة بس بأمانة : إزاي حد يكون مبيفكرش غير في الإنتخابات ياخد قرار يأثر تأثير ضخم على شعبيته وعلى إحتمالات فوزه بأغلبية ؟ وأظن الكل لاحظ (وأحيانا شارك ) في الهجوم الرهيب على الإخوان وموجة التخوين وكم الناس اللي قررت عدم إنتخابهم , ده يؤكد إن الإخوان مضطرين لأخد الموقف ده مش عشان مصالحهم الخاصة زي ما بعض الناس بتقول خاصة إنهم عارفين التمن اللي هيدفعوه في الإنتخابات نتيجة الموقف ده فالبديل هوا مواجهة شاملة مش هتهدد الإنتخابات بس بل هتهدد مصر كلها من مجموعة موتورة مش فارقة معاها مصر كلها تولع عشان ميجيش اليوم اللي يتحاسبوا فيه عن جرائمهم

سادسا : في النهاية دي رؤيتنا وتحليلنا اللي بنتفق فيه بشكل كبير مع موقف الجماعة الرسمي اللي قررنا إننا نلتزم بيه واللي لا نستطيع أبدا الجزم بإنه الموقف الصح بنسبة 100 % لإننا في فتنة لا يعلم مداها إلا الله , وبالنسبة للشباب اللي مصمم ينزل فبنوصيه إنه يروح بروح تهدئة الأمور مش بروح المواجهة وربنا يستر ويحفظ مصر من العصابة اللي بتحكمها

الموقعون على الرسالة :

(1) أحمد المغير

ناشط من شباب الإخوان

(2) عمرو فراج

مدير شبكة رصد - من شباب الإخوان

(3) أحمد حسن

أدمن صفحة إنت عيل إخونجي -من شباب الإخوان

أرد على الكلام ده بأن نزول الأخوان هيزود العدد من ناحية بالاضافة لمشاركتهم فى تأمين المكان ولا يستطيع أحد ان يقول فى هذه الوقت ان الموجود فى الميدان اخوان بس او يلبسوها ليهم

لما تبقى مليونية مين هيقدر عليهم محدش

السلام عليكم.

رغم ان موقف الاخوان مش عاجبنى ورغم انه يشوبه كثير من الريبة ( ظاهريا ) خصوصا بعد ماقالوا انهم مستعدين يشتركوا ف اى مفاوضات ......لكن؟؟

نزولهم رسميا كارثة بكل المقاييس .

فيه طبخة بتتطبخ بطريقة قذرة .......ف مطبخ السياسة الحقيرة اللى وصلت البلد لكل ده.

ونزول الاخوان حايكون سبب لاصدار الاحكام العرفية وحجة ( مقبولة امام العالم ) انهم بيحموا البلد من الارهاب ..( ارهاب الاسلاميين ).

انا اللى حايقتلنى فعلا ومش لاقيا له اى تفسير ليه المصريين ( سواء كانوا شرطة او امن مركزى او مجموعة من الجيش لابسين مدنى او حتى بلطجية ) ..بيقتلوا ف الناس بالوحشية دى وبيتصرفوا تصرفات الهمج مع مصريين عزل ..ومصريين زيهم؟؟

ليه؟؟

ليه؟؟

واتربوا فين دول ؟؟؟.....مش قصدى اتعلموا فين ؟لالالالالالالالالالا

انا قصدى اتربوا فين ...بجدددددددددد

هل دول فعلا اتربوا على ارض مصر؟؟؟

عاشوا جنبا الى جنب مع ناس طبيعيين ؟؟

هو فيه كدة ؟؟

يعنى لادين ولا مبدأ ولا اخلاق ولا حتى انسانية .

ده مفيش انسانية ولا مراعاة لحرمة الموتى .ربنا ينتقم منهم دول بيرموا القتلى اللى قتلوهم ف الزبالة ......دى تصرفات لم يتصرفها حتى اليهود.

ايه الافترى ده؟؟

ربنا ينتقم منهم كلهم على بعضهم .

انا مش مصدقة نفسى بجد ولا مصدقة تمنياتى للبلد دلوقت بس نفسى يقوم زلزال ويخسف بالناس دى الأرض .

نفسى يختفوا من الدنيا بحالها .

وكل ده علشان يه؟؟؟ علشان شوية حرامية ؟؟

سرقوا البلد ولسا بيسرقوها ولسا عايزين كمان يسرقوها؟؟

يارب انت القوى على كل قوى .

يارب عفوك ورضاك .

يارب ارحمنا برحمتك وحلها بمعرفتك ياارحم الراحمين.

[ViralMind]

موقف متوقع من البرادعى..

لإما انا الريس.. لاما مش لاعب.

[طبيبة بالخارج]

يا رب انصر الحق و ارحمنا برحمتك

طبعا متابعة و كلي مشاعر و افكار متباينة و مختلطة

استفذاذ الشرطة و البلطجية للمتظاهرين و المعتصمين طبعا شيء واضح لكن مش عايزين نقع في ظن خاطيء بإن 19 نوفمبر ممكن يكون 25 يناير من جديد لأن 25 يناير لم تعد لها الحكومة يعني مش استفذت الناس عشان تتجمع في التحرير لكن 19 نوفمبر مختلف لأنه مدبر و واضح جدا المقصود منه إثارة ثورة الناس مش عشان الوثيقة و لا ضرب المعتصمين لأ عشان هم بقالهم 10 شهور بيجهزوا و يهيئوا الناس لده زي القشة التي قسمت الظهر

فالسؤال الآن (و ليس قصدي الاستهتار بأرواح و لا بوطنية الموجودين بالميدان الآن) ايه الصح بالعقل و ليس بالعواطف

نمشي في السكة المرسومة كمؤامرة لنا و أبعادها غير واضحة بالكامل أم نفكر قبل أن نرمي بأنفسنا للتهلكة؟

المجلس العسكري طبعا آخر عك و مش بعيد تكون خطة معمولة مع النظام السابق (بصراحة لم استبشر خير عندما سمعت خروج عمر سليمان للحج من قاعة كبار الزوار بالمطار و مقابلته لمسئولين بالسعودية)

و بعدين كم التخوين على الأخوان غريب جدا لأنه أصبح في نظري جزء من الخطة

لو الأخوان كل خوفهم الانتخابات عشان الكراسي طب ليه شاركوا في مليونية الجمعة للاعتراض على الوثيقة ما كانوا سكتوا و رضوا بها؟

اللي بيحصل ده مؤامرة سياسية و بالتالي عايزة عقلية سياسية عشان تفضحها و تقاومها

و بصراحة مفيش حد ممكن اثق فيه كقوة سياسية على الساحة الآن سوى الأخوان (من ناحية مش ممكن يكونوا فلول و من ناحية عندهم الخبرة و القدرة السياسية )و دي بقت حرب و الحرب خديعة

[wsadani]

الجزيرة مباشر

ألاف المتظاهرين يتوجهون لمقر مجلس الوزراء

[wsadani]

بى بى سى

اندلاع حريق كبير في فرع بنك القاهرة بشارع صلاح سالم.