كل ما يخص جُمعة 18-11

[زهرة الجبل]

أنا عاوز أفهم

على حسب غدعاء وزارة الملابس الداخلية ... لما هما 200 شخص وفي قلب صينية الميدان ومنهم مصابي الثورة اللي ضاع حقهم .... منزل لهم الاف الجحافل يسحلوهم ليه . وخايف من إيه ؟

وليه الوحشية دي على متظاهرين سلميين ظاهرين قدامك ... في حين إن إنت عامل ارنب قدام البلطجية اللي ماليين البلد

وحشية إيه يا أبو عمر ؟

الراجل بيقول كنا بنطبطب عليهم .. آه و الله العظيم بيقول مده زمنيه طويله كنا بنطبطب عليهم و مارضوش يمشوا

فإضطرينا نقبض عليهم

لأن دول ناس جايين الميدان مخصوص علشان يعملوا مشاكل مع الشرطه

الناس المحترمه و أهالي الشهداء اللي بجد جم بإحترامهم إمبارح و مشوا بإحترامهم .. لكن اللي قعدوا دول مش أسر شهداء دول أسر بلطجيه

قام المحرضين ضربوا الشرطه و إتصاب منهم 7 أو 8

و ضبطنا النفس لأقصى حد لكن دول شوية بلطجيه و مأجورين

يبقى فين الوحشيه بقى ؟

المذيع بيسأله بيقول له طب إيه تعليق حضرتك و إنت بتقول كانوا 200 شخص و لكن الواضح حالياً إنهم وصلوا لأربعة آلاف ؟

قال له لا مش كل دول متظاهرين ده أكترهم ناس جايين متجمهرين علشان يتفرجوا لا هم مع الثوار و لا مع الشرطه و لا مع البلطجيه

حسبنا الله و نعم الوكيل

[Ahmed Anwer]

طالما قناة "النيل" بتنقل اللي ف الميدان ، يبقى المجلس عاوز اللي بيحصل عشان يوظفه، لأنه مش بينقل الحاجات اللي بتوجعه ..

منقووول من تويتر

[زهرة الجبل]

مساعد وزير الداخليه بيقول للمذيع لو عاوزين تقولوا إن الشرطه ماكانتش موجوده إمبارح فمحصلش مشاكل و إنهرضه لما الشرطه نزلت المشاكل حصلت يبقى الحل بسيط إحنا نرفع الشرطه من الشوارع خالص و نريح الكل

و بعدين المذيع بيقول له طيب في انفلات أمني و لسه ماكملش السؤال .. قطع كلامه و قال له الكلمه دي مبحبهاش و كلمه مش في محلها و معناها اننا ناس بقى قاعدين في بيوتنا و مبنشوفش شغلنا

بدل ما تقول انفلات امني قول لي كتر خير الضباط تعبانين و شايلين هم البلد .. الإنفلات الأمني مش من الشرطه ده من البلطجيه و من المشاغبين مش مننا إحنا

[se_ Elsyed]

بأقول لك يا أم كريم دول كلاب

ما احنا شوفنا الهجوم من الاول ... ضرب بطريقة بشعة في الناس بالتعاون مع الشرطة العسكرية

[se_ Elsyed]

وبعدين ليه تكرار نفس الأفعال الإجرامية اللي ما بيعملهاش غير شبيحة بشارر الكلب ... يعني شرطة في زي مدني فجاة تنزل دب في الناس إيه في إيه بالظبط ؟

[Howayda Ismail]

احد المصابين فى قرينة العين نتيجة الرصاص المطاطى

تم تعديل 19 نوفمبر 2011 بواسطة Hend Ali

[se_ Elsyed]

بالله عليكم وحكموا عقلكم

الجمعة أمبارح كانت في منتهى النظام والجمال بغض النظر عن أهدافها ... يبقى ليه التليفزيون كان بينقل برنامج عالم الحيوان ؟

في حين النهاردة ودلوقت كادر واحد وتركيز واحد على عربية الشرطة يا عيني اللي إتحرقت ... في حين دم الناس اللي أندعكوا دول ولا يهم حد ؟

[زهرة الجبل]

حسبنا الله و نعم الوكيل

حسبنا الله و نعم الوكيل

حسبنا الله و نعم الوكيل

بعدد كل نقطة دم أريقت بدون حق

و بعدد كل آهة وجع

و بعدد كل دمعة حسره

و بعدد أمهات الشهدا

و بعدد أمهات المساجين ظلم

حسبنا الله و نعم الوكيل

حسبنا الله و نعم الوكيل

حسبنا الله و نعم الوكيل

[Alattar]

بالله عليكم وحكموا عقلكم

الجمعة أمبارح كانت في منتهى النظام والجمال بغض النظر عن أهدافها ... يبقى ليه التليفزيون كان بينقل برنامج عالم الحيوان ؟

في حين النهاردة ودلوقت كادر واحد وتركيز واحد على عربية الشرطة يا عيني اللي إتحرقت ... في حين دم الناس اللي أندعكوا دول ولا يهم حد ؟

عشان يبان ان التحرير أصبح مأوي للبلطجية و أصحاب الأجندات و النتايج بس..

[aimen]

بالله عليكم وحكموا عقلكم

الجمعة أمبارح كانت في منتهى النظام والجمال بغض النظر عن أهدافها ... يبقى ليه التليفزيون كان بينقل برنامج عالم الحيوان ؟

في حين النهاردة ودلوقت كادر واحد وتركيز واحد على عربية الشرطة يا عيني اللي إتحرقت ... في حين دم الناس اللي أندعكوا دول ولا يهم حد ؟

عشان يبان ان التحرير أصبح مأوي للبلطجية و أصحاب الأجندات و النتايج بس..

ولسه كمان بعد ما تتضبط الإنتخابات ...يبقى مش من حق حد يتكلم

اهى ثورتكم اهى وجابت لكم الناس دول

اشربوا بقى الثورة دى

[Howayda Ismail]

ادى احد البلطجية الماجورين

حسبنا الله ونعم الوكيل

لامتى الاستخفاف بعقولنا

[الغريب]

والله العظيم أنا منذ أحداث ماسبيرو توصلت لحاجة جميلة خالص

أنك تفهم عكس ما ينقل التلفزيون تماما لتعلم الحقيقة

يعني بالإمس عمالين يقولوا إن الجمعة للإسلاميين لرفض وثيقة السلمي

ولا أفندي في التلفزيون جاب سيرة رفض حكم العسكر

تخيلوا إمبارح وصلت لدرجة أنهم يستضيفوا محلل يقول إن التيار الإسلامي عامل الجمعة دي للترويج لبرنامجه الانتخابي من على المنصات

في كل ما سمعت أمس من التلفزيون المصري لم أستمع لمطلب رفض حكم العسكر والمطالبة بتعجيل تسليم السلطة لمدنيين !!!

النهاردة نفس الكلام

على الغداء لاقيت جايبين صورة التحرير وتصريحات وزارة الداخلية بمحاولة فض إعتصام مكون من 200 شخص فقط ، وتعرض قوات الشرطة للإحتكاك من قبل المتظاهرين

جريت على الانترنت وجدت العكس هو الصحيح

تويته عجبتني : محاصرة قصور الرئاسة حسمت الثورة الأولى ، ومحاصرة ماسبيرو ستحسم الثورة الثانية

تحياتي...

[Ahmed Anwer]

أنا قاعد علي قهوة في مدينة نصر

و الناس بتتفرج ردود فعلها سلبية تماما مش زي وقت الثورة أبداااا

اللي الدم كان بيطق في نفوخهم من مشاهد شبه دي

بالعكس شايفين إن المفروض يجيبوا وزير داخلية أشد من العيسوي

عشان يخلص علي التهريج ده من وجهة نظرهم

[aimen]

التلفزيون قدم تغطية أقل حيادية مما يقدمه التلفزيون الإسرائيلي عن اعتداء جنوده على الفلسطينيين

اعتداء الأمن على المتظاهرين بعدما لعب دورا كبيرا باعتراف الجميع في إشعال فتنة "ماسبيرو" والتحريض على الاعتداء على الأقباط المتظاهرين بدعوى أنهم يعتدون على رجال الداخلية والشرطة العسكرية العزل، عاد التلفزيون المصري بوجهه القبيح، ليقدم لنا تغطية أكثر تواطؤا وإثارة، لأحداث "اعتداء" قوات الأمن المركزي على المعتصمين بميدان التحرير صباح اليوم السبت، لفض اعتصامهم بالقوة، واستخدامها لـ"القوة المفرطة" لتفريق مصابي الثورة.

فقد تجاهل تلفزيون وزير الإعلام أسامه هيكل، - ممثلا في القناة الأولى وقناة النيل للأخبار وموقع أخبار مصر- الوحشية التي تعاملت بها قوات الأمن في فض الاعتصام، وعدم مراعاته لمصابي الثورة – الذي يدعي المجلس العسكري وحكومته رعاية مصالحهم وتقديم الدعم لهم – وقيامهم بإحداث إصابات عديدة بهم، وركز طوال تغطيته "المحرضة" على رجال الشرطة وعدد الإصابات بها، وأطلق على المتظاهرين من مصابي الثورة مسمى: "مثيري الشغب" وعلى قوات الأمن المعتدية "رجال الشرطة المصابين"، وركز طوال الوقت على سيارة الشرطة التي أتلفها المتظاهرون ردا منهم على فض اعتصامهم باستخدام القوة المفرطة، وعجزت كاميرا التلفزيون "المشلولة" – التي ثبتت ليلة موقعة الجمل على مياه النيل - عن التحرك في كافة أرجاء الميدان، ولم تظهر جنود الأمن المركزي وهم يعتدون على مصابي الثورة – وكأنها تأخذ منهم تار بايت – ولم تظهرهم وهم يمطرون الميدان بقنابل الغاز المسيل للدموع والرصاص المطاطي الذي خلف عشرات المصابين من المتظاهرين التي لم تراهم شاشة التلفزيون المصري العمياء.

فبكل وفاء يعود تلفزيون "الفقي" – عفوا تلفزيون "هيكل" – للتمسك بأسلوبه التحريضي في عرض الأحداث، ليقدم لنا تغطية خاصة لأحداث الميدان أبسط ما يقال عنها، أن تغطية التلفزيون الإسرائيلي لاعتداء جنوده على الفلسطينيين أكثر حيادية منها، ليثبت أن التلفزيون سيظل "بوقا" للسلطة الحاكمة، ولو عاد مبارك للحكم لعاد ليذيع أغاني من عينة "اختارناك" و"أول طلعة جوية

[Alattar]

حسبنا الله و نعم الوكيل

والله نفس المناظر بتاعة أيام يناير بالظبط

ناس لابسين مدني دلوقتي حالاعلي الجزيرة مباشر داخلين وسط المتظاهرين..ومرة واحدة يمسكوا واحد و يجروه لحد عربية الشرطة..نفس السيناريوهات القديمة بالظبط

نفس طريقة التعامل الغبية..

[Alattar]

صور من الرصاص اللي بتضربه الداخلية دلوقتي

صورة لميدان التحرير الآن

[ام سلمي]

طب ليه رصاص مطاطي حسبنا الله ونعم الوكيل

مش كفاية المصابين اللي لسة ما اتعالجوش بدل ما يعالجوهم يزودوهم

حسبنا الله ونعم الوكيل

[Howayda Ismail]

http://www.youtube.com/watch?v=SUp_4TftKLY

تفتكروا بعد اللى بيحصل دلوقت وتكرار نفس الاحداث

ان دم الشهيد مرحش هدر

[عبد الله غريب]

طالما قناة "النيل" بتنقل اللي ف الميدان ، يبقى المجلس عاوز اللي بيحصل عشان يوظفه، لأنه مش بينقل الحاجات اللي بتوجعه ..

منقووول من تويتر

خد دي علشان التقييم خلص ..

ما تزودولنا التقييم الإيجابي شوية طالما لغيتوا التقييم السلبي .. و عموماً كويس برضو علشان نتكلم مع بعض بدل التقييم في صمت ..

[EsoWay]

الشيخ حازم يدعوا الجميع للنزول للميدان

\