الله يا ست

[yasovinas]

النهارده وبدون اي مناسبة بتنقل على محطات التليفزيون فوجئت على المصرية الاولي بالست في اغنيه امل حياتي

طبعا الريموت واصابعي اتحدو مع بعض عليه ورفضوا تماما انهم يغيرو المحط

يا سلام على الروعة والجمال بصراحه ما فيش اروع من كده تنافس جميل ورائع بين الجيتار وعمر خورشيد الله يرحمه بيلعب عليه وبيخرج اروع ما يمكن من هذه الالة الجديده (في ذلك الوقت ) والتي كانت مرفوضه من ام كلثوم لولا الرائع عبد الوهاب وبعد فاصل رائع مع عمر خورشيد وكان لسه شكله ذي خلق الله شعر قصير وبدله وكده يعني فاهمين

طبعا بعد هذا الفاصل الرائع من العزف المنفرد ياتي الدور على الرائع او الاروع الحفناوي عازف الكمان ولا اروع من كده طيب يعني انا كده طاير في السما وهذا التناغم الغريب والتوافق الرائع بقياده الاستاذ عبد الوهاب وبعد هذا الفاصل الرائع من الموسيقى جيتار خورشيد وكمان الحفناوي وقانون عبده ياربي على الجمال والروعه

وتقوم الست من على كرسيها بجلال ووقار غريب انا بسمع ام كلثوم كتير جدا بل ممكن تقولو مدمن بس مش بتفرج على حفلاتها كتير وده يرجع لاني مش من هواة الجلوس للتليفزيون

الست دي كانت رائعه فعلا سبحان الله

الله يرحم الجميع

معلش طولت عليكم

[amir]

اسمع الموسيقى الراقيه و الكلمات الرائعه

http://www.6rbtop.com/download.php?song_id=1901&type=au&q=hi