عاش الأسوود ... رفعوا العلم .. فوق الجزيرة

[احمد رضوان]

والله عملوها الأسوووووود

اليوم رفع علم مصر على أعلى ساري في العالم بجوار برج الجزيرة برعاية القوات المسلحة وتسجيله في موسوعة جينيس وفي نفس الوقت تقام الإحتفالات في جميع المحافظات ويرفع علم مصر بها والصورة المعبرة بأسفل للإحتفالات بمركز شباب الجزيرة

وسمعنى سلام خلى السلاح صاحي صاحي صاحي ..... ورجالة وطول عمر ولادك يا بلدنا رجاله

على فكرة النهاردة عيد ميلاد المشيررررررررررررررر على ما علمت

bnd5::

[mustafagamiel]

مشفاهم حاجة

ممكن حضرتك توضح الموضوع

[احمد رضوان]

الخبر المبكي المضحك موجود هنا بأسفل .... وده التغيير يجماعة من أول ضربة جوية ، لأكبر خازوق في الدنيا

--------------

تحت رعاية القوات المسلحة، وفى اطار احتفالات انتصارات أكتوبر المجيدة رفع علم مصر علي سارية تعد الأطول في العالم بمركز شباب

الجزيرة الاثنين في تمام الساعة الثانية عشرة ظهرا حتي يمكن رؤيته من كافة انحاء محافظة القاهرة.

ويبلغ ارتفاع العلم الذي سيوازي برج القاهرة، 176 مترا، وأبعاده 12 مترا *15 مترا وستدخل به مصر موسوعة جنيس للأرقام القياسية .

ونظمت الاحتفالية مجموعة شركات فالكون والتي ترعى خلال الفترة الحالية عددا من الفعاليات التي تهدف الى جذب انظار العالم لتؤكد أن مصر بعد 25 يناير قادرة على أن تحتل موقعها الريادي في منطقة الشرق الأوسط والعالم وانها تتمتع وبرغم ما تمر به من أحداث عرضية بالأمن والقدرة على التميز .

رفع العلم نيابة عن رئيس المجلس الأعلى للقوات المسلحة المشير حسين طنطاوى اللواء محسن الفنجرى، وتزامن ذلك مع قيام المحافظين بكافة انحاء محافظات جمهورية مصر العربية برفع العلم المصرى في محافظاتهم فى نفس التوقيت ، حيث تقام مهرجانات واحتفالات شعبية .

حضر الاحتفالية لفيف من الوزراء وقيادات القوات المسلحة والشرطة والشخصيات العامة والجمهور .

المصدر

http://www.masrawy.com/News/Egypt/Politics/2011/october/31/4552660.aspx

[Alshiekh]

برج طوكيو

634 متر

برج كنتون بالصين

600 متر

بالاضافة طبعا لأبراج الكويت ودبي والخليج عموما

انا خايف يكون الفنجري عايش في عصر البندقية الجبس واحنا مش عارفين

وخايف يكون تصريح طنطاوي بالأمس عن ان مصر قادرة على حماية حدودها والإمساك بالسلطة هو من تصريحات الماضي

[doctor ayman]

ياجماعه بلاش ناخد كل حاجه بسخريه

المشروع ده تبرع من البنك التجاري الدولي

والمجلس الاعلي شجعه وارسل مندوب عنه

وبعدين هما قالوا ان ده اطول ساريه علم في العالم وليس اطول برج

في النهايه انا شايف انه حاجه رمزيه ولها اثر ايجابي

انا متفق معاكم ان المجلس العسكري والحكومه فاشلين

لكن لو حصل شيئ ايجابي وخصوصا يتعلق برمز البلد وهو العلم لايجب ان يكون محل سخريه

يعني لو انته في مكان المجلس العسكري وجالك البنك ده وقالك انا هاعمل علي حسابي اطول ساريه علم وهادخل بيها موسوعه جنيس هترفض ؟؟؟؟؟

[احمد رضوان]

د أيمن شايف حضرتك أن حاجه زي دي ليها لزمة ,ان ده مشروع بالتبرع من البنك الدولي ... أحترم رأيك

بس هل يا ترى البنك الدولى أشترط عليهم يكون رفع العلم على الساري يوم عيد ميلاد المشير ، وكمان هل إشترط ان يتم رفع الأعلام وسط أجواء بهجة ورقص وزمر زي ما الصورة وضحت وفي كل المحافظات في الوقت اللى فيه خيرة شباب مصر لسه دمهم ما بردش واكثر من 12000 الف مستقبلهم ضاع وبلد في مهب الريح ، اعتقد انك لة في مكان صانع القرار كنت طلبت إستبدال الهبة الجامة دي بأطراف صناعية لمصابى الثورة أو منح تعليمية لأبنائهم وأهلهم.

ويا ترى الخطوة الجاية أيه اكبر قرص طعمية في العالم وبعده اطول شيشة وبعده اكبر رغيف عيش ... يا اهلا بالإنجازات

تم تعديل 31 أكتوبر 2011 بواسطة Radws

[aimen]

يعنى البنك التجارى الدولى بيمسى على المجلس العسكرى ....

طيب خدو المقالة دى ...فى الجون بالضبط

تصوير المصري اليوم ارشيفي قالت صحيفة «إندبندنت» البريطانية إن بنك «HSBC» والبنك التجاري الدولي«CIB» متهمان بمساعدة المجلس العسكرى على خنق المعارضة فى مصر، وأوضحت أن جماعات حقوق الإنسان والمنظمات غير الحكومية المصرية تتهمهما بالتواطؤ مع المجلس فى حملة ترهيب تستهدفها حالياً.

وأضافت الصحيفة، فى تقرير الاثنين، إن «HSBC» اتصل بجماعات حقوق الإنسان التى تملك حسابات فيه، قبل نحو شهرين، وطلب منها وثائق ومعلومات متعلقة بأوضاعها المالية فى مصر. وقال باسم سمير، المدير التنفيذى للأكاديمية الديمقراطية، وهى منظمة غير حكومية تسعى لنشر الديمقراطية فى مصر، إن مدير أحد فروع البنك المذكور اتصل به الشهر الماضى واستفسر عن سبب تلقى المنظمة أموالاً من السفارة الأمريكية بالقاهرة. وتابعت أن «البنك اتصل هذا الشهر بمجموعة أخرى معنية بالحقوق المدنية وهى (مؤسسة المرأة الجديدة) وطلب من موظفيها تقديم قائمة بأسماء مشروعاتها المستقبلية، وذكر أنه سيخبر الحكومة المصرية بحساباتها لو طلبت منه ذلك». وأشارت الصحيفة إلى أن «الكشف عن هذه التقارير يأتى فى وقت تتزايد فيه حدة التوتر بين المجلس العسكرى الحاكم والمنظمات غير الحكومية».ووجهت المنظمات اتهامات بالترهيب إلى البنك التجارى الدولى، ونقلت الصحيفة عن المحامى نجاد البرعى، أحد الشركاء البارزين بـ«المجموعة المتحدة»، وهى شركة محاماة للدفاع عن حقوق الإنسان، قوله إن «البنك اتصل به مؤخراً للسؤال عن سبب تلقى الشركة أموالاً من الوكالة الدولية الأمريكية للتنمية». وأضاف البرعى «طلبوا منا أن نرسل لهم نسخة من العقد الذى وقعناه مع الوكالة الأمريكية، لكننى أكدت لهم أننا مكتب محاماة، وأن هيئة المعونة الأمريكية واحدة من عملائنا، وأنه لا يمكننا تقديم أى معلومات لطرف ثالث دون موافقة من عملائنا، وبعد ذلك أغلق البنك حساب الشركة وحسابى الشخصى وحساب أختى، وقالوا لى إنهم كانوا يتصرفون بناء على طلب من المسؤولين فى قسم غسل الأموال بالبنك المركزى».

http://www.almasryalyoum.com/node/510767

[أبو محمد]

من الواجب على أمثالى - من حيث العمر - التنبيه إلى الفخاخ الإعلامية

أرى أن إعلامنا ما زال لم يتخرج بعد من مدرسة محمد حسنين هيكل ناظر مدرسة الإعلام الموجه .. وقد كان من دروس تلك المدرسة فى تكوين رأى عام زائف ألا تنشر أكاذيب لتكوين ذلك الرأى العام الزائف .. بل على خريجيها أن يتعلموا نشر ما هو أخطر من الأكاذيب .. وهو نصف الحقيقة .. النصف الذى تريده المدرسة أن يكوِّن الرأى العام ويجهزه لما هو آت

الخبر المنشور فى المصرى اليوم حقيقى .. أقصد نصف حقيقى .. ويسعى إلى حشد الرأى العام فى اتجاه معين .. متعاطف مع جهة ، ومعاد للجهة الأخرى

فقد بدأت الحكومة منذ اتهام المجلس العسكرى لحركة 6 أبريل "فى بيانه المشهور" الإجراءات القانونية للكشف على حسابات بعض جمعيات المجتمع المدنى فى البنوك .. وقد أيدت محكمة استئناف القاهرة تلك الإجراءات يوم الخميس الماضى ..

مليار جنيه يا سادة ذهبت - بغير الطرق الرسمية - إلى هيئات خاصة وأشخاص طبيعيين .. وإليكم النصف الآخر من الحقيقة .. والرأى لكم .. فى إمكانكم التفكير فيه على مهل .. بدلا من العجلة "التى هى من الشيطان"

أقول قولى هذا واستغفر الله لى ولكم .. على ذنب تحويل أى فرح إلى مناحة

[احمد رضوان]

جماعة انصار السنة المحمدية تلقت من المليار جنيه حوالى 900 الف جنيه

بس من وجهة نظر حضرتك إيه هو الرأي العام في حالة العلم وفي حالة الاموال

[أسد]

د أيمن شايف حضرتك أن حاجه زي دي ليها لزمة ,ان ده مشروع بالتبرع من البنك الدولي ... أحترم رأيك

بس هل يا ترى البنك الدولى أشترط عليهم يكون رفع العلم على الساري يوم عيد ميلاد المشير ، وكمان هل إشترط ان يتم رفع الأعلام وسط أجواء بهجة ورقص وزمر زي ما الصورة وضحت وفي كل المحافظات في الوقت اللى فيه خيرة شباب مصر لسه دمهم ما بردش واكثر من 12000 الف مستقبلهم ضاع وبلد في مهب الريح ، اعتقد انك لة في مكان صانع القرار كنت طلبت إستبدال الهبة الجامة دي بأطراف صناعية لمصابى الثورة أو منح تعليمية لأبنائهم وأهلهم.

ويا ترى الخطوة الجاية أيه اكبر قرص طعمية في العالم وبعده اطول شيشة وبعده اكبر رغيف عيش ... يا اهلا بالإنجازات

ماكنتش عارف انه عيد ميلاد المشير ...

أنا كنت فاكر ان التوقيت متزامن مع تاريخ العددوان الثلاثي على مصر في 1956 ... ده اللي كنت قرأت عنه

أو متوافق مع تاريخ افتتاح برج القاهرة .. أو وضع حجر أساسه .. مش متأكد بالضبط

لكن على كل حال في تلك المناسبة أحب أشكرك انك عرفتنا تاريخ عيد ميلاد المشير ...

وعلى كل الأحوال ....

الموضوع لا يثير أي نوع من الغضب ... ومفيش فيه حاجة مثيرة للرأي العام ... ولا أي حاجة مستفزة ...

عادي ..

حاجة كده شكل العروض الجوية اللي عملوها يوم 6 أكتوبر ...

بيتهيألي ان دي مش الحاجة اللي لازم نقف عندها ... ونشهر سيوفنا

خلينا نوفر طاقتنا للحاجات المهمة

وأنا رأيي مش مهم اننا نركز على المشير أككتر من اللازم ... أنا مش شايف انه حيرشح نفسه

ممكن ييجي واحد تاني من طرف المجلس العسكري ...

لكن مش حيكون المشير ....

ياسلام لو نفكر شوية ... ونركز مجهودنا اللي عمالين نطيره في حاجات ملهاش أي فايده ... ونفكر في الاتجاه الصحيح ...

علشان نعرف نعدي من الحرب الشعواء ضد الثورة المضادة .. اللي كل يوم بتكسب أرض .. بسببنا وبسبب أفعالنا .. وبسبب انهم عندهم أدوات حققت الغرض منها باستخدامها

أما أدواتنا .... فلازالت فشنك

[Simba]

صح عاش الاسود

بس مش اسود مصر لوحدهم

اسود العرب كلهم

سوريا تدخل موسوعة غينيس باكبر طبق بقلاوة في العالم

صباح الانجازات

[أسد]

صح عاش الاسود

بس مش اسود مصر لوحدهم

اسود العرب كلهم

سوريا تدخل موسوعة غينيس باكبر طبق بقلاوة في العالم

صباح الانجازات

دي حاجة ودي حاجة ... مفيش مقارنة

لكن انجازات العرب ليست هي الوحيدة في تلك الموسوعة

فيه الكبسة

بسكويت بالشيكولاته في ملعب ويمبلي

مش عايز أتوسع في الموضوع

موسوعة جينيس اختراع أمريكي

العرب دورهم محدود جداً فيه

الهبل اللي بيحصل في العالم ... أمور لا يصدقها عقل

الكتاب يباع .. ويمكنكم الدخول على الانترنت لرؤية العجائب

موسوعة الهبل والعبط .. جينيس

حتلاقوا ان العرب أقل ناس مشاركة

رفقاً بينا شويتين ....

[احمد رضوان]

عادي ..

حاجة كده شكل العروض الجوية اللي عملوها يوم 6 أكتوبر ...

أما أدواتنا .... فلازالت فشنك

أخي العزيز أسد كل سنة وأنت طيب الأول ، ثانيا المشكلة إن الإنجازات الوهمية دي للمجلس العسكري جزء من خطة تفريغ طاقة الثورة عند رجل الشارع بدء من يوم عيد الفلاح والعروض الجوية وتوزيع الهدايا والحلويات في ميدان التحرير على الناس وفيديو المشير في وسط البلد واهو العلم والإحتفالات في كل المحافظات وفي النص إتفاقية شاليط (بس دي كانت حركة معلم) وعروض عسكرية لعبور القناة وإتفاقية الجاسوس وإشادة إسرائيل بتنامي دور مصر الإقليمي واللحمة اللى ب 28 جنيه والمحاكمات الوهمية ..... وغيره كتير

المجلس بيدغدغ مشاعر البسطاء علشان يكسبهم ، وفي النص بيشهر بالنشطاء وبيقبض عليهم واحد واحد وبيحاكمهم وبيبعد الإعلاميين النشطاء واللى لهم كريزما وانت شوفت بنفسك هم اختاروا إبراهيم عيسى بالإسم علشان يقابلوه وفين في دريم مع منى المستأنسه وده كان حركة في الجون أظهرت المعارضة بشكل ضعيف جداً وعلشان إكمال الهدف منعوا حلقة فودة مع د علاء الأسواني للتعليق للحفاظ على الصورة السلبية للمعارضة (لأ ده نجيب ساويرس صرح بأنه حان الوقت للتدخل في سياسة أون تي في لأنها أضرت بعلاقته بأصدقاءه) .... كده يوم ليلة المولد الكبير يكون الشارع في صفهم وعلى أقل تقدير تم تحييده والإعلام سلاحهم ورجالتهم والنشطاء تم تخوينهم واللى قاوم اتقبض عليه واتحاكم ... هو ده اللى مفروض نخاف منه وللأسف مش عارف هم ناويين على إيه وخايف من الإنتخابات الجايه

تم تعديل 1 نوفمبر 2011 بواسطة Radws

[ابراهيم عبد العزيز]

عادي ..

حاجة كده شكل العروض الجوية اللي عملوها يوم 6 أكتوبر ...

أما أدواتنا .... فلازالت فشنك

أخي العزيز أسد كل سنة وأنت طيب الأول ، ثانيا المشكلة إن الإنجازات الوهمية دي للمجلس العسكري جزء من خطة تفريغ طاقة الثورة عند رجل الشارع بدء من يوم عيد الفلاح والعروض الجوية وتوزيع الهدايا والحلويات في ميدان التحرير على الناس وفيديو المشير في وسط البلد واهو العلم والإحتفالات في كل المحافظات وفي النص إتفاقية شاليط (بس دي كانت حركة معلم) وعروض عسكرية لعبور القناة وإتفاقية الجاسوس وإشادة إسرائيل بتنامي دور مصر الإقليمي واللحمة اللى ب 28 جنيه والمحاكمات الوهمية ..... وغيره كتير

المجلس بيدغدغ مشاعر البسطاء علشان يكسبهم ، وفي النص بيشهر بالنشطاء وبيقبض عليهم واحد واحد وبيحاكمهم وبيبعد الإعلاميين النشطاء واللى لهم كريزما وانت شوفت بنفسك هم اختاروا إبراهيم عيسى بالإسم علشان يقابلوه وفين في دريم مع منى المستأنسه وده كان حركة في الجون أظهرت المعارضة بشكل ضعيف جداً وعلشان إكمال الهدف منعوا حلقة فودة مع د علاء الأسواني للتعليق للحفاظ على الصورة السلبية للمعارضة (لأ ده نجيب ساويرس صرح بأنه حان الوقت للتدخل في سياسة أون تي في لأنها أضرت بعلاقته بأصدقاءه) .... كده يوم ليلة المولد الكبير يكون الشارع في صفهم وعلى أقل تقدير تم تحييده والإعلام سلاحهم ورجالتهم والنشطاء تم تخوينهم واللى قاوم اتقبض عليه واتحاكم ... هو ده اللى مفروض نخاف منه وللأسف مش عارف هم ناويين على إيه وخايف من الإنتخابات الجايه

تحليل سليم جدا أخي رادوس

وللأسف نفذ رصيد نقاطي الخضراء

تحية لك

bv:-

[احمد رضوان]

وللأسف نفذ رصيد نقاطي الخضراء

تحية لك]

النقط بتروح وبتيجى المهم إنك شرفت الموضوع والف تحية لك.

---

خدوا بقى دي من نفس العينة بتاعة حلة الإنجازات المحشية

يقوم اليوم اللواء ممدوح شاهين عضو المجلس العسكري و معه محافظ القاهرة بافتتاح مركز شباب الساحل

[أبو محمد]

جماعة انصار السنة المحمدية تلقت من المليار جنيه حوالى 900 الف جنيه

بس من وجهة نظر حضرتك إيه هو الرأي العام في حالة العلم وفي حالة الاموال

العـَلم هو عـَلم "مصر" .. والأموال حنعرف جاية من "مين" ورايحة "لمين" عن قريب إن شاء الله .. ووقتها حنعرف إجابة سؤال حضرتك بصورة أكثر دقة .. إن الله مع الصابرين

[أسد]

عادي ..

حاجة كده شكل العروض الجوية اللي عملوها يوم 6 أكتوبر ...

أما أدواتنا .... فلازالت فشنك

أخي العزيز أسد كل سنة وأنت طيب الأول ، ثانيا المشكلة إن الإنجازات الوهمية دي للمجلس العسكري جزء من خطة تفريغ طاقة الثورة عند رجل الشارع بدء من يوم عيد الفلاح والعروض الجوية وتوزيع الهدايا والحلويات في ميدان التحرير على الناس وفيديو المشير في وسط البلد واهو العلم والإحتفالات في كل المحافظات وفي النص إتفاقية شاليط (بس دي كانت حركة معلم) وعروض عسكرية لعبور القناة وإتفاقية الجاسوس وإشادة إسرائيل بتنامي دور مصر الإقليمي واللحمة اللى ب 28 جنيه والمحاكمات الوهمية ..... وغيره كتير

المجلس بيدغدغ مشاعر البسطاء علشان يكسبهم ، وفي النص بيشهر بالنشطاء وبيقبض عليهم واحد واحد وبيحاكمهم وبيبعد الإعلاميين النشطاء واللى لهم كريزما وانت شوفت بنفسك هم اختاروا إبراهيم عيسى بالإسم علشان يقابلوه وفين في دريم مع منى المستأنسه وده كان حركة في الجون أظهرت المعارضة بشكل ضعيف جداً وعلشان إكمال الهدف منعوا حلقة فودة مع د علاء الأسواني للتعليق للحفاظ على الصورة السلبية للمعارضة (لأ ده نجيب ساويرس صرح بأنه حان الوقت للتدخل في سياسة أون تي في لأنها أضرت بعلاقته بأصدقاءه) .... كده يوم ليلة المولد الكبير يكون الشارع في صفهم وعلى أقل تقدير تم تحييده والإعلام سلاحهم ورجالتهم والنشطاء تم تخوينهم واللى قاوم اتقبض عليه واتحاكم ... هو ده اللى مفروض نخاف منه وللأسف مش عارف هم ناويين على إيه وخايف من الإنتخابات الجايه

حبيبي رادوس ...

وانت بألف خير وصحة وهنا وعافية إن شاء الله ..

إنت عارف أنا باحبك قد إيه ... وربنا العالم ...

إللي عايز أقوله إن التركيز على النقاط الهامشية مثل رفع العلم .. والعروض الجوية ... واعتبارها أحد إنجازات المجلس العسكري .. هذا خروج عن السياق وخروج عن الموضوع

ونبقى بنعمل زي ناس كتير مابتعمل ..

وهي إننا نمسك في حاجة صغيرة ونتكلم فيها .. ويبان اننا بنركز على الحاجات البسيطة .. وسايبين الكبيرة بتحصل وبتعدي من تحت إيدينا من غير مانشوفها

أنا كتبت موضوع هنا عن بوادر نجاح الثورة المضادة ..

والثورة المضادة بتنجح فعلاً في مصر ...

وما هي الأحداث اللي بنتكلم فيها إلا أحداث عادية علشان تبين للعامة ان الحياة تسير بشكل طبيعي ..

كل ما اتكلم مع حد كان في مصر .. يقوللي مصر دي معجزة .. ماشية عادي ولا كأن فيه حاجة ... والحياة حلوة وكله تمام ...

مش هي دي .. ولا هو ده اللي احنا المفروض نتكلم فيه

أنا لا أدافع عن المجلس العسكري .. ولا أعتقد أن المشير سيحكم .. أو يرغب في الحكم

أنا عندي رأي متطرف شويتين لكنه فيه جزء من المنطقية (من وجهة نظري)

الغرب قرر إعادة هيكلة المنطقة مرة أخرى ..

سايكس بيكو جديدة .. بشكل جديد

الإسلاميين سيحكمون بعض البلاد .. وسيقبل الغرب بذلك سويتعاون معهم .. بل وسيساعدهم

أدرك الغرب أن الإسلاميين وهم تحت الضغط وتقييد حركتهم وحريتهم أصبحوا خطر كبير عليهم .. وأصبحوا قنابل متفجرة تجاههم

فقرروا أن يسمحوا لهم باعتدال بالسيطرة على حكم بعض لابلاد .. وتمكينهم منها حتى الآن بعض الأمثلة (تونس .. ليبيا .. مصر .. سوريا إذا نجحوا .. )

مصر طبعاً في القائمة .. ولكن يجب إعادة هيكلة الوضع الدستوري والسياسي فيها قبل أن يظهر نموذج الحاكم المصري الجديد ..

وما يحدث اليوم هي المرحلة التي يعاد فيها صياغة لابلد مرة أخرى .. وفي إعتقادي أن الإسلاميين (الإخوان مثلاً) هم الأقرب لحكم مصر في المرحلة القادمة

لكنهم لن يأتوا إلا بعد تستيف دستوري .. وإعادة هيكلة تسمح بإمكانية السيطرة على من يحكم مصر .. وتقويضه متى خرج عن السياق

وليكن المجلس العسكري هو الذي يقوم بتلك المهمة .. أو من يرسخ لنفسه لأن يكون هو القائم بتلك المهمة ..

المجلس العسكري في إعتقادي لا يريد الحكم .. ولكنه يريد أن يكون أقوى من الحكم نفسه ,.,, وأن يكون هو الأقوى والاكبر من النظام الحاكم في مصر (مستقبلاً)

هل سمعنا مصطلح المجلس العسكري من قبل ...

إنه مصطلح جديد للبدء في الترسيخ لمنهج جديد .. سيتم إتباعه في مصر

فما أقوله وما أنادي من أجله ..

أن نترك الفروع .. ونتشبث بالأصول ... ونتتبع الجذور .. لنرى الأمور على حقيقتها

لا أن نرى مايريدوننا هم أن نراه ...

هذا رأيي واجتهادي ... قد أكون مصيب .. وقد أكون مخطئ ... ولكني أرى منطقية هذا الأمر ...

لك خالص تقديري ومحبتي .. ولكم جميعاً مثله ..