70 الف سلفي يتظاهرون بسبب لجوء المفتي للقضاء

[احمد رضوان]

ما نشوف تونس 90% حجم اللى حضروا الإنتخابات ولا سمعنا عندهم لا اخوان وال سلفيين ولا سفارة ولا علم واهى الدنيا ماشية كويسة

فقط لتصحيح المعلومة

تونس يوجد بها تيار سلفي كبير ومنذ حوالى اسبوع قاموا بمظاهره كبيرة في تونس

وحزب حركة النهضة بقيادة الشيخ راشد الغنوشي

في طريقة لاكتساح الانتخابات التونسية

وللعلم الشيخ راشد الغنوشي هو مراقب الاخوان المسلمين في تونس

وكان موجود معنا في جمعة الهوية الاسلامية في مصر اللى القوى العلمانية بتسميها جمعة قندهار :)

باقى الكلام عن الصلح بين المسلمين كلام طيب وهذا المفروض كان يحدث اصلاً

http://www.youtube.com/watch?v=QQ56NAlM7lQ

كلامك صحيح بس انا هنا اشير إلى الممارسات من التيارات والفصائل الموجودة على الساحة المصرية ولم اعنى عدم وجود تيار دينى في تونس لأن التيار الإسلامي موجود في كل الدول الإسلامية ، وعنيت اكثر ان وصول التيار الإسلامي للحكم عادي وبيحصل ومفيش مشاكل بدون سفارة وعلم ومناورات وهات وخد.

تم تعديل 24 أكتوبر 2011 بواسطة Radws

[م تيمور المراغي]

تحيتي وشكري طارق المصري

طيب خلوني اسال سؤال جديد

ياترى الحشود دي حتستجيب لدعوة الشيخ حازم للنزول 28 اكتوبر !

يعني مستقبل البلد على جدول اهتماماتها ام فقط تتشدد لشيوخها و منظريها !

[Nileman]

التظاهر ضد القضاء يعني عدم احترام القضاء يعني عدم احترام اجهزة الدولة و سيادة القانون و هو سلوك ينذر بالخطر من قبل السلفيين و خاصة و نحن مقبلون على الانتخابات البرلمانية

تم تعديل 24 أكتوبر 2011 بواسطة Nileman

[abaomar]

ركز يا بو عمر مين جاب سيرة الانتخابات والشيشه دلوقتي

لو انت شايف ان جملة ( منْ ترىٰ لَهُ الأهليةَ منَ المشايخِ لسؤالِهِ فيْ علمِ الحديثِ بعدَ رحيلِكُمْ ) لا تساوي ( استخلاف ) فاكيد عندك مشكلة

عندنا 3 احتمالات

1 - ان الحويني ما عندوش فكره عن السي في بتاعته والجمله ماتقالتش

2 - ان السؤال اتسأل فعلا لكن الالباني جحده بعد ذلك

3 - ان الحويني شاف السي في بتاعته وقرأ الجمله وطنش !

فيه احتمال رابع بس احتراما لمحبيه مش ححطه هنا

ويارب ما ندور في دائرة مغلقة

السلام عليكم

اخى الفاضل ارش

المشكله مش عندى فى فهم الاختلاف ما بين ...الاستخلاف ....وجود الاهليه لشخص ما.. لانها واضحه زى الشمس

بناء على مفردات اللغه العربيه الفصحى المفهومه لاهلها و لترابط معنى الجمله نفسها و لوجود جزء مكمل لها

تتجاهله و الذى اشار فيه الالبانى الى اشخاص اخرين يمكن الرجوع اليهم فى طلب العلم و الذى هو هنا

السؤال بخصوص السنه النبويه الشريفه .

يتبقى هنا احتمال رابع اذكره لك

ان الكلام واضح زى الشمس و انه ظهر لك انه مُحْرِج لانه يظهر زيف الادعاء الذى تفضلت بذكره منقولا

من زميلنا اسلام المصرى و انك مداراه لاحراجك تحاول الزوغان باى طريقه تفاديا للحرج

ناسيا اننا اخوه نقيل عثره بعضنا البعض و يعذر احدنا اخاه مع الاعتراف بالخطأ و الرجوع عنه

فخير الخطائين التوابون ...فما تعملش كده تانى يا ارش .. :P .. حبيبك اباعمر

..

اما بخصوص موضوع الشيشه فكان استطرادا جانبيا فى الرد على سؤالى اعلاع بخصوص سبب الحمله الان على الحوينى و غيره

و لا يفوتنى هنا ان اذكر الخبر الاتى بخصوص دعوه رفعها مخبولون لتنقيه السنه النبويه

لجنة بحوث السنة والسيرة التابعة لمجمع البحوث الإسلامية فندت فى مذكرة، سلمتها للمحكمة، وحصلت «التحرير» على نسخة منها، ما جاء فى الدعوى

«لا نعرف أين الخلل والشوائب التى يزعمها بعض المخبولين، ويطلبون من الأزهر وشيخه ومجمع البحوث الإسلامية أن ينقى

صحيح البخارى منها؟»،

تم تعديل 24 أكتوبر 2011 بواسطة abaomar

[Abu Reem]

تحيتي وشكري طارق المصري

طيب خلوني اسال سؤال جديد

ياترى الحشود دي حتستجيب لدعوة الشيخ حازم للنزول 28 اكتوبر !

يعني مستقبل البلد على جدول اهتماماتها ام فقط تتشدد لشيوخها و منظريها !

الشكل العام يوحي بان الناس مش متشجعة للنزول

كما ان الاخوان علي حد علمي مش عاوزين ينزلوا

بس مش معنى كده انهم مش مهتمين بالاوضاع الحالية او انهم غير وطنيين

كل ما في الامر انهم يروا انه لا داعي او مبرر قوي للنزول الان حيث ان الانتخابات تم تحديد كلل شيء عنها وانه لا داعي لاعطاء اي فرصة لتعكير صفو الانتخابات

وان تؤجل اي جمعة لما بعد اجراء الانتخابات

تم تعديل 24 أكتوبر 2011 بواسطة Abu Reem

[abaomar]

التظاهر ضد القضاء يعني عدم احترام القضاء يعني عدم احترام اجهزة الدولة و سيادة القانون و هو سلوك ينذر بالخطر من قبل السلفيين و خاصة و نحن مقبلون على الانتخابات البرلمانية

الفاضل nileman

لا أدرى ان كنت تابعت الموضوع من بدايته و لكن وقفه الاخوان تضامنا مع الشيخ الحوينى لم تكن

ضد القضاء اساسا و بعيده عن قاعه او مكان المحكمه حوالى عشر كيلو و لم تكسر او تحرق

و يمكنك الرجوع الى مصدر موثوق فيه محايد لما حدث

اما لو اردت امثله قريبه و حديثه جدا على من يتظاهر و يندد و يشتم و يهاجم و يحرق و يكسر

و يطعن فى القضاء و فى هيبه الدوله و اكثر من ذلك فموجود و موثق لتعرف الفرق الحقيقى بين هؤلاء و أولئك .

و اين مكمن الخطر الحقيقى على الدوله و سيادتها .

[م تيمور المراغي]

..........

وان تؤجل اي جمعة لما بعد اجراء الانتخابات

.......... اللي حيفوز بيها الوطني

دي تكملة الجملة

[Abu Reem]

..........

وان تؤجل اي جمعة لما بعد اجراء الانتخابات

.......... اللي حيفوز بيها الوطني

دي تكملة الجملة

لو فاز بيها الوطني بنزاهة يبقى العيب فينا

علشان سايبين الانتخابات وعمالين نتخانق علشان مضيفة او كنيسه او شيخ سلفي او نتخانق علشان نحاول. نثبت ان كتاب البخاري مش صحيح

يبقى لما يفوز فلول الوطني يبقى محدش يزعل

[mekkawy]

ههههههههه .. انتوا لسة .. يعني العبد الفقير ذكركم بمصر و أخونا سي السيد بردو زغزغ قلوبكم حول نفس الموضوع و لسة صفحتين زيادة ولا كأن حد شاف حاجة و من مين .. صفوة مثقفى المنتدى و الحاج اللي داخل يقولك بقال .. الله يهديني لأن شكلي أنا اللي مجنون و انتوا اللي عاقلين .. اشتغلوا اشتغلوا .. بجد قلبي بيبكي دم

[MZohairy]

ههههههههه .. انتوا لسة .. يعني العبد الفقير ذكركم بمصر و أخونا سي السيد بردو زغزغ قلوبكم حول نفس الموضوع و لسة صفحتين زيادة ولا كأن حد شاف حاجة و من مين .. صفوة مثقفى المنتدى و الحاج اللي داخل يقولك بقال .. الله يهديني لأن شكلي أنا اللي مجنون و انتوا اللي عاقلين .. اشتغلوا اشتغلوا .. بجد قلبي بيبكي دم

و الله انت اللي اعقل العاقلين يا مكاوي

المشكله ان الشعب تحزب

و كل حزب بيكره الاخر

السلفيين و المسيحيين

الاخوان و المسيحيين

السلفيين و الليبراليين

السلفيين و العلمانيين

و اخيرا الاخوان و السلفيين بدأت عليهم ظهور اعراض الخلاف

الناس دي كلها بتكره بعض بدرجات متفاوته

و لما التورتايه ابتدت تظهر و تبان ريحتها نطت الخلافات على السطح

يعني اعتقد ان النداءات لن تصلح ما افسده الدهر

خصوصا ان معظمها خلافات عقائديه

و طبعا اعلاء راية الدين عند معظمهم اهم من البلد 100 مره

ربك يستر

تحياتي

[engmido]

و من المحاورات خاصة

تقصد ايه با حضرة الزميل..مكاوى...هههههه

[أبو يمنى]

بالمناسبة فضيلة الشيخ أبي اسحق الحويني له درس قديم مشهور في سيرة الشيخ الألباني بعنوان :

"بدر التمام في سيرة محدّث الشام" .

وأذكر أن الشيخ في ثنايا الدرس ذكر بالتفصيل واقعة سفره إلى سوريا ولقائه بفضيلةالشيخ الألباني .

إن شاء الله أحاول الوصول للدرس وأضع رابطه .

[eslam elmasre]

10 آلاف أزهري تضامنوا مع المفتي ضد ما وصوفوه بـ ''الاعتداءات السلفية''

10/27/2011 2:07:00 PM

في تظاهرة تعد الأولي من نوعها كونها غير فئوية في مصر بعد الثورة، تجمع أكثر من 10 آلاف من علماء وطلبة الأزهر في وقفة تضامنية بساحة الجامع الأزهر الشريف، لدعم ومساندة علماء مصر ضد ما وصفوه بالهجمة التي يواجهونها من بعض مشايخ السلفية، والتي تجلت مؤخراً في الهجوم على فضيلة الدكتور علي جمعة مفتي الجمهورية، وعددا من الرموز الإسلامية الأزهرية عبر القنوات الفضائية والمواقع والمنتديات التابعة لهم.

وبدأ المشهد بتوافد المجموعات من كبار العلماء وطلبة الأزهر الشريف والوافدين، برئاسة الدكتور حسن الشافعي كبير مستشاري شيخ الأزهر، ومشاركة الاتحاد العالمي للتصوف، وعدد من أبناء الطرق الصوفية منذ صلاة الفجر بالجامع الأزهر الشريف، تضامنا مع فضلية الدكتور علي جمعة مفتي الجمهورية، حيث امتلأت ساحات الصلاة عن آخرها بالمتظاهرين الذين تدفقوا من عدة قرى ومراكز ومحافظات الجمهورية، للتأكيد على رفضهم ما وصفوه بـ ''الاعتداءات اللفظية والاتهامات غير اللائقة من قبل بعض مدعي العلم من التيار السلفي''.

وأكد المجتمعون في الجامع الأزهر أن تعلمهم في الأزهر يجعلهم يقابلون الإساءة بالصفح لا عن عجز، ولكن تعظيما وتمسكا بالقيم الأخلاقية، وأننا في المرحلة الدقيقة الراهنة من تاريخ مصر وحفظا لاستقرار الوطن نمد يدنا إلى مصر كلها لعمارة الأرض وبناء الوطن واحترام علماء الأزهر ورموزه.