لماضة مصرية جدا بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 السلام عليكم و رحمة الله و بركاته لأني بقيت كائن فيسبوكاوي انوي متوحد لقيت صفحة علي الفيس بوك بنفس عنوان التوبيك "مش معايا غير دبلتين تتجوزيني" في البداية افتكرتها واحد بيتقدم لواحدة و حب يعمل افتكاسة و عمل ليها صفحة علي الفيس بوك...(كانت هتبقي جامدة الصراحة) لكن لقيتها حملة ابتديت علي الفيس بوك من ساعة ما قامت الثورة فاكرين زمان لما كل واحد فينا قال ان الثورة علي مستواه الشخصي غيرت فيه حاجات خلته يكسر خوفه من حاجات خلته قادر يواجه و يبص في عين اللي قدامه بجرأة اكتر طالما بيدور علي حقه انا شخصيا من مؤيدي الحملة دي شكلا و مضمونا مش بس علشان انا معجبة بالشاب اللي يقدر يقف بشجاعة و يقول انا عايز حقي مش بس علشان ايماني ان التغيير بيبتدي بافكار صغيرة لكنها مشروعة جدا مش بس علشان ده صوت حقيقي وسط الصخب...و وسط حالة التوهة اللي في مصر مش بس ع المستوي السياسي لا في كل حاجة علشان كل اللي فوق دوت و فوقيهم علشان حقيقي ان عدد مؤيدي الحملة لغاية دلوقتي 72000 (يعني حاجة كده اد النملة وسط عددنا المهول) بس انا مصدقة انها محاولة تستحق الاحترام و التأييد طيب اسئلتي هتبقي كالتالي 1- لو انتي بنت....و اتحطيتي في الموقف ده...هتقبلي؟؟ 2- لو انت ولد...عندك الشجاعة انك تقدم علي الخطوة دي....و مش بس تقولها تكملها و تمشي فيها و تتحمل مسئوليتها 3- لو انت ولي امر(عندك بنوتة او اخت)....موقفك هيكون ايه 4- عندك قصة حقيقية حصلت قدامك....بنفس الروح الايجابية اللي ابتدي بيها "كريم مصطفي" اللي هو دشن الحملة ديت...يبقي كتر خيرك...شاركنا بيها...او روح ع الوول عندهم و حطها...صدقني راح تفرق كتير...يمكن حد يعدي عليها في يوم و تديله جلوكوز امل. ملحوظة في السريع انا حاطة التوبيك في موضوعات شخصية يعني يا ريت نقول بجد راينا الشخصي ومش هقدر استحمل ان حد يكلمني عن ازمة الزواج بين الواقع و المأمول و الانبعاج الثقافي الحادث عن ثقب الاوزون في هذه المرحلة الحرجة و دور المجلس العسكري في تصعيد الازمة:blink: رجائي....(و يا رب متكسفوني)...ان احنا نتكلم بصدق و صراحة...و نجيبها خبط لزق كده يمكن نحاول نغير حاجة مين عارف الله كريم طولت عليكم صباكم زغروطة فرح رابط هذا التعليق شارك المزيد من خيارات المشاركة
se_ Elsyed بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 الظروف الإقتصادية والإجتماعية يا ريهام فرضت أمر واقع على الجميع وخلت التخين يقبل بذلك .. بمعنى .. لما الدهب إن شاء الله الاقية وصل 350 ج للجرام ... يبقى لو أنا واد فركيكو ومعايا 20 الف جنيه مش الاقيهم يجيبوا دبلتين وأسوره مثلاً ... يبقى هناك اولويات وهناك شعرة بصراحة تفصل ما بين إن يكون عندي بنت وارميها لأول واحد يدق الباب بدون حتى التأكد من توفر الحد الأدنى لمعيشة كريمة وبين إني اكون اب محترم متفهم للظروف اللي حولي ولا أُرهق شاب محترم وفيه مواصفات الرجولة واحاول أساعدة بشتى الطرق .. ومن ضمن هذه الطُرق إني ما أحطش رجل على رجل وأقول له : إحنا ما نقبلش لبنتنا شبكة أقل من شبكة بنت خالتها أم الخلول اللي جالها شبكة بـ 150 الف جنيه .. طبعاً أنا لو شاب لسه في مقتبل حياتي مش هاقل أدبي عليه - على الأقل عشان أنا في بيتهم ولازم أبقى محترم - وأقول له : لييييييييييييييييييييييييييه انا أجاي أخطب أبو تريكه فمسألة الدهب والألماظات يمكن التغاضي عنها .. وممكن نمشيها دبلة دهب للعروسة - وبرضوا ممكن ابيعها بعد الجواز لو أتعذرت - ودبلة فضه من أم تلاته جنيه ل لكن على الاقل يكون في شقة - مش إشكال يا ستي إيجار جديد - .. ويكون في أثاث بيت لائق يفي بالغرض ومش شرط اوبيسون وسفرة 15 كرسي وتليفزيون بلازما 56 إنش وأيس ميكر .. والألفاظ الأعجمية دي ------ عندك قصة حقيقية حصلت قدامك والله يا ست الكل أنا واخواتي سواء صبييان أو بنات حصل معانا كده الحمد لله بالنسبة للبنات .. عُمرنا ما أشترطنا على حد حاجات مكلكعه ... حتى مع علمنا بتيسر حالهم .... وتجلت هذهالصورة مع أختي الوسطى ... فزوجها شاب مصري يعيش في أوروبا من زمان ومعاه الجنسية وما شاء الله حالته ميسورة وتزوجت في الرخص يعني من 12 سنة كده ... ومع ذلك كنا حريصين على السؤال عن أخلاقه وعن عائلتة .. بل ان نسأل عن حالتة المادية .. والوالد رحمة الله عليه وإحنا قاعدين لم يتكلم في ماديات مطلقاً ... وقولنا زي ما أي حد بيقول إن الشبكة بتبقى هدية من العريس واللي تقدر عليه .... فالراجل قال : طب أنا ما عنديش شقة عشان انا مش مستقر في مصر حالياً .. وطبعاً ما فيش عفش .... قولنا مش إشكال طالما أنت قادر تجيب شقة في اي وقت عند النية في الأستقرار .. وكان مستغرب من ردودنا بصراحة .. وفجائنا إنه رفض أي مساعدة مننا وفي حاجات أساساً خالتك أم سين سين كانت شارياها وماليه بقها شقتي أنا لأني ما كنتش لسه إتجوزت وعامله لي الشقة مخزن .. إيشي صيني على أركوبال على بوتاجاز 5 عيون على مش عارف إيه .. فقال أنا محتاج الحاجات دي كلها ودي هدية لاختها الصغيرة ... والحمد لله سنة او إتنين بالكتير بعد عندهم بدل الشقة 3 وسعداء حتى الان في حياتهم وربنا يهنيهم الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
جويرية بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 مبارك الله يلعنه فقر البلد ، الصفحة مكتوب فيها حملة للألغاء الشبكة ، طب ما هي الشبكة هيا المهر ، يعني الواحد يتجوز واحدة وميجبش حاجة خالص ، يعني لما يشتري معزة يبقي ارخص من لما يتجوز هيا ظروف البلد كدة و الناس تتعاون مع بعضها و خلاص فين ايام عنتر لما قطع الصحاري عشان يجيب لعبلة ال 100 ناقة حمرا الا بذكر الله تطمئن القلوب رابط هذا التعليق شارك المزيد من خيارات المشاركة
عبير يونس بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 جميل موضوعك جدا يا ريهام كالعادة طبعا بحب فيكي رفضك للقولبة بتفكريني بشبابي :closedeyes: شوفي يا بنتي طول عمري باقول المهم البني آدم يا واخدة القرد على ماله يروح المال و يفضل القرد على حاله المصيبة بقى لو وافقت من غير حاجة و طلع قرد برضه بس كان متخفي هههههههههههه بصي يا رهومة الجواز نصيب فعلا كنت دايما انا و بنت خالتي نتناقر ف الكلام ده هي اصغر مني بتلات سنين و انا اتجوزت قبلها بسنة و كنت طبعا عمالة اجيبلها في عرسان و هي في دماغها الشبكة و الفرح أهم من أي حاجة و انا طبعا مكنتش باحسبها كده ابدا جت مرة حصلت مشكلة كبيرة وكنت زعلانة اوي قالت لي اديكي مش مبسوطة اهو تعاسة بتعاسة يبقى افرح باللي انا عايزاه و بعدين يبقى ينكد عليا براحته انا طبعا كان تعبير وشي كدهوت :blink: بس تعرفي وجهة نظر برضه هههههههههه اللي عايزة اقوله انها اتجوزت و عملت اللي نفسها فيه و الحمد لله مبسوطة ربنا يسعدها يارب سؤال الحلقة بقى نفهم من كده ايه؟ اننا طلعنا نزلنا رحنا جينا المكتوب مكتوب و ممنوش مهروب كانت معكم من امام محل عصير القصب (اللي جنب اللي بتقف عنده ريهام) عبير الشرقاوي :Icecream: أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
ابراهيم عبد العزيز بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 أنا مع هذه الحملة لأن ديننا أمر بالتيسير على الراغبين فى الزواج , وحتى نقضي على السلوكيات السيئة الشائعة الأن والمتمثلة في المغالاه في تكاليف الزواج فشاع الفساد وإنتشرت العنوسة بين الشباب والبنات ( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير ) وخاصة أن الظروف الإقتصادية الحالية كما قالت الاخت جويرية تجبر على ذلك ولكن حتى نكون واقعين : هناك حد أدنى فى التيسير للزواج صعب جدا النزول عنه , وهذا الحد الأدنى يتمثل من وجهة نظري في توفر المسكن وفي حالة توفر المسكن لا يهم إن كان هذا المسكن إيجار قديم أو جديد أو بنظام التملك ولا يهم إن كان فسيحا أو ضيقا ولا يهم إن كان مكتمل فى تجهيزاته أما ناقص ,أما الامور الأخرى مثل الشبكة العالية القيمة أو وجوب إقامة حفلة عرس صاخبة ومكلفة كلها أمور يجب التغاضي عنها لتيسير الزواج كما أمرنا الإسلام وطالما أن هناك تراضي على ذلك بين الطرفين أصحاب العلاقة دون أي تدخل من الأهل في الطرفين رابط هذا التعليق شارك المزيد من خيارات المشاركة
عبير يونس بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 الظروف الإقتصادية والإجتماعية يا ريهم فرضت أمر واقع على الجميع وخلت التخين يقبل بذلك .. بمعنى .. لما الدهب إن شاء الله الاقية وصل 350 ج للجرام ... يبقى لو أنا واد فركيكو ومعايا 20 الف جنيه مش الاقيهم يجيبوا دبلتين وأسوره مثلاً ... يبقى هناك اولويات وهناك شعرة بصراحة تفصل ما بين إن يكون عندي بنت وارميها لأول واحد يدق الباب بدون حتى التأكد من توفر الحد الأدنى لمعيشة كريمة وبين إني اكون اب محترم متفهم للظروف اللي حولي ولا أُرهق شاب محترم وفيه مواصفات الرجولة واحاول أساعدة بشتى الطرق .. ومن ضمن هذه الطُرق إني ما أحطش رجل على رجل وأقول له : إحنا ما نقبلش لبنتنا شبكة أقل من شبكة بنت خالتها أم الخلول اللي جالها شبكة بـ 150 الف جنيه .. طبعاً أنا لو شاب لسه في مقتبل حياتي مش هاقل أدبي عليه - على الأقل عشان أنا في بيتهم ولازم أبقى محترم - وأقول له : لييييييييييييييييييييييييييه انا أجاي أخطب أبو تريكه فمسألة الدهب والألماظات يمكن التغاضي عنها .. وممكن نمشيها دبلة دهب للعروسة - وبرضوا ممكن ابيعها بعد الجواز لو أتعذرت - ودبلة فضه من أم تلاته جنيه ل لكن على الاقل يكون في شقة - مش إشكال يا ستي إيجار جديد - .. ويكون في أثاث بيت لائق يفي بالغرض ومش شرط اوبيسون وسفرة 15 كرسي وتليفزيون بلازما 56 إنش وأيس ميكر .. والألفاظ الأعجمية دي ------ عندك قصة حقيقية حصلت قدامك والله يا ست الكل أنا واخواتي سواء صبييان أو بنات حصل معانا كده الحمد لله بالنسبة للبنات .. عُمرنا ما أشترطنا على حد حاجات مكلكعه ... حتى مع علمنا بتيسر حالهم .... وتجلت هذهالصورة مع أختي الوسطى ... فزوجها شاب مصري يعيش في أوروبا من زمان ومعاه الجنسية وما شاء الله حالته ميسورة وتزوجت في الرخص يعني من 12 سنة كده ... ومع ذلك كنا حريصين على السؤال عن أخلاقه وعن عائلتة .. بل ان نسأل عن حالتة المادية .. والوالد رحمة الله عليه وإحنا قاعدين لم يتكلم في ماديات مطلقاً ... وقولنا زي ما أي حد بيقول إن الشبكة بتبقى هدية من العريس واللي تقدر عليه .... فالراجل قال : طب أنا ما عنديش شقة عشان انا مش مستقر في مصر حالياً .. وطبعاً ما فيش عفش .... قولنا مش إشكال طالما أنت قادر تجيب شقة في اي وقت عند النية في الأستقرار .. وكان مستغرب من ردودنا بصراحة .. وفجائنا إنه رفض أي مساعدة مننا وفي حاجات أساساً خالتك أم سين سين كانت شارياها وماليه بقها شقتي أنا لأني ما كنتش لسه إتجوزت وعامله لي الشقة مخزن .. إيشي صيني على أركوبال على بوتاجاز 5 عيون على مش عارف إيه .. فقال أنا محتاج الحاجات دي كلها ودي هدية لاختها الصغيرة ... والحمد لله سنة او إتنين بالكتير بعد عندهم بدل الشقة 3 وسعداء حتى الان في حياتهم وربنا يهنيهم كلامك صح يا باشا أكيد و زي ما انت قلت تمام المهم التنازلات تكون في محلها لأن البعض بيفهم تساهل الأهل غلط و قديما قالوا لا تفعل المعروف في غير أهله أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
مهندس حسام الخواص بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 تتجوزيني تتجوزيني مش عايز غيرك بالحياة اوعى تسبيني من غير متكلم انتي بتسمعيني عشانك اطول السما لو حبتيني انا حاسس ان الكون وياك بشوفو بشكل جديد الدنيا بتضحك وانت معايا تكشر وانت بعيد انا شايف فيك اولدنا ومستقبلنا ودنيا أمان مهما هنكبر ونعجز هفضل احبك زي زماااااااااان تتجوزيني تماما بهذه الكلمات خطبت يدها صارحتها اني احبها لم يكن يهم كم معنا من الاموال هي نفسها لم تكن جهزت شيئا من جهازها طب هنعمل ايه مفيش ستائر سجاد غرفة صالون غرفة طعام مفيش اطقم تيفال مفيش ميكروويف مفيش حتي تليفزيون صدقوني ده اللي حصل بس غرفة نوم شبكة رقيقة بسيطة سجادة صغرة او تقدر تقول مشاية في الصالة طقم حلل بسيط في المطبخ مع شوية كوباية وتلاجة صغيرة وكنا اسعد اتنين وكل ما حد يزورنا يبص كده ويقول هه اماااال دي الشقة فاضية وربنا رزقنا وعشنا وجبنا كل حاجة وصدق الرسول الكريم اقلهن مهورن اكثرهن بركه والسلام ختام ما عاش من عاش لنفسة فقط رابط هذا التعليق شارك المزيد من خيارات المشاركة
التونسى بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 (معدل) فى مصر وكتير من الدول الاسلاميه .. العادات والتقاليد هى المتحكمه فى امور وتفصيلات الزواج.. حتى لو تعارضت مع الدين انا عن نفسى اقبل بنتى او اختى يتجوزا واحد من غير ما يجيب حتى الدبلتين .. لكن شرط اساسى لا تنازل عنه .. هو انه يكون يقدر يعيشها عيشه كريمه .. يعنى يوفر لها سكن خاص بها ويكون بيشتغل شغل مضمون ومرتبه مناسب للصرف على اختى او بنتى غير كده بقى من التفاصيل بتاعة الزواج الممله مش مهمه عندى خالص على فكره كمان انا مقبلش اتجوز واحده وانا معنديش استطاعة للصرف عليها .. حتى لو هى وافقت على كده .. وحتى لو بموت فى دباديبها .. لان بعد حلاوة السكره . حتيجى مرارة الفكره تم تعديل 22 أكتوبر 2011 بواسطة محمود البصيلى اللهم أرنا الحق حقا و ارزقنا اتباعه و أرنا الباطل باطلا و ارزقنا اجتنابه آمين آمين آمين رابط هذا التعليق شارك المزيد من خيارات المشاركة
elzahraa بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 انا شايفة ان ممكن التنازل عن الشبكة و الفرح لان ما لهومش لزمة لكن لازم يكون في سكن و العروسة لو فرشت تأخد قايمة لان جابتها من فلوسها لان المفروض المسكن على العريس لكن اللي بيحصل ان الست اللي بتجيب العفش و طبعا غالبا بتصرف عليه اكتر من المهر ((بأكلم عن العفش الاساسي مفيش مجال لكماليات هنا ) و طبعا دا مع ابن الحلال اللي يستحق و موضوع مميز شكرا لك رابط هذا التعليق شارك المزيد من خيارات المشاركة
Damo بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 (معدل) 1- لو انتي بنت....و اتحطيتي في الموقف ده...هتقبلي؟؟ آه! لو هو فعلا كل حاجة فيه كويسة ومشجعة والمشكلة الوحيدة الفلوس مش هتبقى مشكلة اساسا بالنسبالي. كتير قوي في حياتنا يبقى فيه مخططات و أحلام و امنيات تكلفتها تبقى العائق الوحيد وملهاش مخرج. امر واقع. حرام نزود عليهم ده كمان. 2- لو انت ولد...عندك الشجاعة انك تقدم علي الخطوة دي....و مش بس تقولها تكملها و تمشي فيها و تتحمل مسئوليتها بصراحة ......لأ وده سبب آخر لاجابتي في السؤال اللي فات 4- عندك قصة حقيقية حصلت قدامك....بنفس الروح الايجابية اللي ابتدي بيها "كريم مصطفي" اللي هو دشن الحملة ديت آه بس مش قدامي قوي يعني....تقدري تقولي كنت حاضره غائبة مامتي وبابايا كان في فارق مادي شاسع بين الاسرتين. (بيقولوا زمان كان في "فوارق مادية" بين الناس عادي كده !!! ) بابايا لما بيحكيلي بحس كانو كان داخل حرب. بعد تفكير كتير ونقاشات مع أسرته اتخذ القرار و اتقدم بقلب جامد ومش مستعد لتقبل غير رد واحد ويا قاتل يا مقتول. المضحك إن مامتي واسرتها علطول وافقوا جدااااااا و اسرة بابايا كانو في الاول مش مشجعين للفكره عشان شايفين قدراتهم المادية متسمحش أنا عارفه إزاي يوافقوا على حاجة زي دي !!! لو حد كان قالي الجوازه دي كان لا يمكن تتم ابدا تم تعديل 22 أكتوبر 2011 بواسطة Damo " Feed Your Faith and your fears will starve to death " Unkown~ رابط هذا التعليق شارك المزيد من خيارات المشاركة
ذهبية بتاريخ: 22 أكتوبر 2011 تقديم بلاغ مشاركة بتاريخ: 22 أكتوبر 2011 والله انا هافاجئك يا ريهام بردى انا مقتنعة جدااا ان الراجل لازم يتعب علشان يتجوز اللى عايزها و الست لازم تحس بتعبة و غلاوتها عندة لانى مؤمنة جدا بالمثل اللى بيقول اللى يجى سهل بيروح سهل و اللى بتتعب فية هتفكر الف مرة قبل ما تفكر انك تستغنى عنة مش شرط بقى مادياااا زى الشكبة و غيرة بس على الاقل انة يوفر ليا حياة كريمة و بمشاركتنا احنا الاتنين لكن انى اريحة قوى فى طلباتى و الطريق يبقى سهل للدرجة دى بانى اذلل لة كل الصعاب وميتعبش نفسة فى انة يكون بيت الزوجية بصراحة انا مش هاحس انى متجوزة راجل انا ممكن استغنى عن كل طلباتى لو حسيت منة انة بجد شارينى وفعلا المووضع اكبر من طاقتة لكن انى انا الللى اريحة تطوعاااا منى بدة هو اللى بعد كدة هيستخسر فيا اى حاجة و هياخد على كدة صدقينى الراجل ما بيصدق الست تريحة من اى مسئولية [على اسم مصر التاريخ يقدر يقول ما شاء أنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر رابط هذا التعليق شارك المزيد من خيارات المشاركة
لونا بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 (معدل) حبيت ارد عليكي من غير ما أقرأ الردود عشان أقولك قناعتي من غير ما أغش من حد لو سالتيني السؤال ده و أنا بنت .. في الغالب ما كنتش حاوافق .. (مش باحب أكذب أصلي ) زي أي بنت صغنونة كان نفسي في شقة حلوة .. و عفش شيك .. و شبكة زي قرايبي و أصحابي و أحلى كمان (مع العلم إن جرام الذهب وقتها كان بحاجة و أربعين جنيه ) و كمان أنا ما اتحطيتش في الموقف ده .. يعني ما إرتبطتش بحد علشان أتنازل عن حاجة علشان خاطره و نصيبي اللي جالي -زوجي يعني- الحمد لله كان قادر يجيب شقة وشبكة و الذي منه كمان والدي - رحمه الله - كان بيسهل على العريس على قد ما يقدر لو واحدة طلبت نصيحتي دلوقتي - و بتفكيري الحالي - توافق على الدبلتين بس و لا لأ ؟.. حاقول لها .. لو إنت مقتنعة بالشخص ده أوي .. حاولي تقنعي أهلك الأول بشخصيته .. و بعد كدة عرفيهم ظروفه المادية و لو ما وافقوش .. إسمعي كلام أهلك و إوعي تقفي قدام أهلك أو تعملي حاجة من وراهم لو واحدة من بناتي جالها عريس على قده .. إذا كنا نرضى دينه و خلقه .. و سألنا عليه كويس أوي .. حاطول فترة الخطوبة شوية لغاية لما نخبزه و نعجنه أنا و بنتي و أبوها .. ونختبره كويس .. و لو عدى من تحت إيدينا بسلام.. حاساعده .. بس بحدود يعني مش لازم يبدأوا بكل حاجة كاملة .. ممكن أساعدهم بالأساسيات .. و أزود شوية عشان خاطر بنتي .. طبعًا بناتي لسه بدري عليهم .. بس أنا باقول تفكيري دلوقت إزاي تم تعديل 23 أكتوبر 2011 بواسطة لونا ربنا آتنا في الدنيا حسنة .. و في الآخرة حسنة .. و قنا عذاب النار .. يا رب .. احفظ مصر و المصريين رابط هذا التعليق شارك المزيد من خيارات المشاركة
جويرية بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 مفروض الناس تتفق علي ان الشبكة دي ممكن ألغاءها و تبقي دبلة بس للغير المستطيع ، بس مش عارفة الناس المسائل الاجتماعية دي مش بتوليها اهمية و مش بيهتموا ان هما يغيروا العرف مع تغير ظروف الدنيا اتمني زي ما فيه مؤتمرات سياسية يبقي فيه مؤتمرات علي مستوي كل مدينة او عائلة و يناقشوا ايه اللي المشاكل اللي عندهم و يغيروا العرف عشان يتناسب مع الظروف الجديدة و ممكن المهر يبقي مؤجل يعني مؤخر الصداق ، بس فيه ناس تفتكر ان المؤخر ده مش بيدفع غير عند الطلاق ، لا ممكن العريس مش يجيب شبكة و يكتب مؤخر و يجيب شبكة للزوجة بعد كام سنة من الزواج وممكن زي ما الناس بتعمل برضو بيكتبوا العفش في القايمة بتاعة الزوجة يبقي هنا المهر مفيش منه مقدم غير دبلة بس و الباقي مؤخر بالاضافة للعفش الا بذكر الله تطمئن القلوب رابط هذا التعليق شارك المزيد من خيارات المشاركة
الســـاري بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 (معدل) احمدوا ربكم .. انتم بنعمة كبيرة اوي ما شاء الله .. امال لو تشوفوا الوضع عندنا يعمل ايه مطالب بالكوم والهبل ... الشبكة ما تقلش عن خمسة عشر الف ريال .. والمهر ما يقلش عن 40 الف .. ولازم فرح بصالون كبير .. دا غير الخرفان والمعيز اللي هتتدبح يوم الفرح والبوفيه الحريمي الكبير و لازم شهر العسل ولازم شقة ما يقلش ايجارها عن 35 الف ريال وتأثيث البيت كله من مجاميعه وعييييييب تبقى فيه اوضة فاضيه ولازم الديكور يكون معرفشي ايه والاجهزة كله جديد بجديد دا غير شوية هدايا ما تقلش عن مبلغ وقدره عشرة الاف ريال للاب والام .. وغير المهور الخرافية وغير كل دخلة عشان تزور خطيبتك بهدية وعزايم هنا وهناك قبل الفرح وكله على ظهر الراجل .. طبعا لازم اول هدية تكون موبايل ... يعني يا تجيب معاك بلاك بيري او ايفون .. يا تبقى رخم محدش هيكلمك بالماديات ... بس تعمل ايه لو بقت دي الاعراف والكل يتصور انك لازم تعمل كدا او تتجوز ليه وانت مش قد الليلة دي كلها يرحم ايامك يا عنترة على قولة جويرية ... كان كل المطلوب 100 ناقة حمرا وانتهينا .. انا اعرف ناس والله قالوا لخطيب بنتهم ازاي هتروحوا ماليزيا شهر عسل .. ؟؟ اخواتها كلهم راحوا اوروبا .. وانتم بتروحوا ماليزيا ...؟؟ تم تعديل 23 أكتوبر 2011 بواسطة الســـاري ،، مع اجمــل تحيـــاتي الســــاري رابط هذا التعليق شارك المزيد من خيارات المشاركة
se_ Elsyed بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 الشبكة ما تقلش عن خمسة عشر الف ريال إنت متأكد من الرقم ده يا ساري ؟ والله شكلك ما تدري ويش السلفه يا حبيبي 15 باكو هنا يجيبوا يا دوب غويشتين ودبله ... ولا قصدك 150 الف ريال ؟؟؟؟ يرحم ايامك يا عنترة على قولة جويرية ... كان كل المطلوب 100 ناقة حمرا وانتهينا الله لا يعودها أيام يا عم إذا كان الخروف الصومالي العدمان .. ثمنه بيوصل 1500 ريال ما بالك بالناقة اللي بيتهيألي لو نزلت الحراج دلوقت ولقيت واحده مستعمله يمكن يسوموها بـ 30 الف ريال يعني عشان اجيبب شبكة لخطيبتي 100 ناقة ... يبقى 100 * 30000 = 3 مليون ... لأ يا عم يفتح الله ... لا عاوز أكون عنتر ولا شيبوب حتى وبعدين خلي بالك .. ما هو عشان كده عنتر حفي على رجلية وما أتجوزهاش في النهاية برضوا ... مع إنه هرانا شعر جاهلي ومشعلقات لكن شكله كان فكهاني بوء .. كل اللي حيتله كلام ... والبت زهقت منه وجابت جاز في الأخر ... يا عم الوليه دخلت على الاربعين وهي عماله تقول اللهم طولك يا روح أما نشوف اخرة الشعر ده إيه .. وصاحبك متنح ومش عاوز يتحرك ومقضيها زجل وشعر عامودي .. بيقول لك أبوها - عم أبو عبله - طلب منه خيمة بتبص على النيل ... أو على الأقل سقيفة 3 أوض وصالة في المهندسين وكمان طلب منه إنه لازم يكون مستوظف حكومي عند كفار قريش .... على الاقل درجة رابعة ودي مين اللي كان يحصلها دي ؟ يعني أكابر القوم يا معلم ... أبو جهل كده وإنت طالع .. والوليد بن المغيرة وصناديد الكفر عقبال املتك وكمان طلب حصان على الزيرو فور باي فور 120 حصان ....( مش عارف ده صفيحة البرسيم بتعمل معاه كام في الكيلو ) وأمها ... امها يا سيدي .... طلبت إن يتعمل لها فرح 4 ليالي زي فرح خوميشه بنت الأشوح ... بنت خالة عبله ما أنت عارفها .. البت القمر دي أم عين واحده دي ولها 3 مناخير ... اللي كانت من أكابر الكفار واندبح في ليلتها حوالي 30 خروف و 6 معيز وجملين ... وكان الفرح معمول في قاعة أبو لهب للإحتفالات .... واحياه المطرب المعروف " جوهيمه إبن أبي فلسعه ) ياااااااااه دي كانت ليلة - سودا - فضلنا نشرب نشرب نشرب وناكل في لحمه لما أتدهولنا .. وبعد ده كله عنتره سامع وساكت وحاطط إيده على مقبض سيفه عشان كان قرب يرتكب حماقه .. طلبوا منه يا سيدي إن شهر العسل يكون في منتجع الرمضاء خارج مكه .... هناك يابني شويه شمس على كيفك ... يعني الواحد ينسدح على الرملة في عز الصيف ويضمن اللون البرونزي يا معلم لأ يا عم ... الجوازة اليومين دول بتتكلفت بمية الف ودمتم ... عنتره لأ يابا دي كانت ناس فاقده وعايشين في بحبوحه من العيش الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
عبير يونس بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 الشبكة ما تقلش عن خمسة عشر الف ريال إنت متأكد من الرقم ده يا ساري ؟ والله شكلك ما تدري ويش السلفه يا حبيبي 15 باكو هنا يجيبوا يا دوب غويشتين ودبله ... ولا قصدك 150 الف ريال ؟؟؟؟ يرحم ايامك يا عنترة على قولة جويرية ... كان كل المطلوب 100 ناقة حمرا وانتهينا الله لا يعودها أيام يا عم إذا كان الخروف الصومالي العدمان .. ثمنه بيوصل 1500 ريال ما بالك بالناقة اللي بيتهيألي لو نزلت الحراج دلوقت ولقيت واحده مستعمله يمكن يسوموها بـ 30 الف ريال يعني عشان اجيبب شبكة لخطيبتي 100 ناقة ... يبقى 100 * 30000 = 3 مليون ... لأ يا عم يفتح الله ... لا عاوز أكون عنتر ولا شيبوب حتى وبعدين خلي بالك .. ما هو عشان كده عنتر حفي على رجلية وما أتجوزهاش في النهاية برضوا ... مع إنه هرانا شعر جاهلي ومشعلقات لكن شكله كان فكهاني بوء .. كل اللي حيتله كلام ... والبت زهقت منه وجابت جاز في الأخر ... يا عم الوليه دخلت على الاربعين وهي عماله تقول اللهم طولك يا روح أما نشوف اخرة الشعر ده إيه .. وصاحبك متنح ومش عاوز يتحرك ومقضيها زجل وشعر عامودي .. بيقول لك أبوها - عم أبو عبله - طلب منه خيمة بتبص على النيل ... أو على الأقل سقيفة 3 أوض وصالة في المهندسين وكمان طلب منه إنه لازم يكون مستوظف حكومي عند كفار قريش .... على الاقل درجة رابعة ودي مين اللي كان يحصلها دي ؟ يعني أكابر القوم يا معلم ... أبو جهل كده وإنت طالع .. والوليد بن المغيرة وصناديد الكفر عقبال املتك وكمان طلب حصان على الزيرو فور باي فور 120 حصان ....( مش عارف ده صفيحة البرسيم بتعمل معاه كام في الكيلو ) وأمها ... امها يا سيدي .... طلبت إن يتعمل لها فرح 4 ليالي زي فرح خوميشه بنت الأشوح ... بنت خالة عبله ما أنت عارفها .. البت القمر دي أم عين واحده دي ولها 3 مناخير ... اللي كانت من أكابر الكفار واندبح في ليلتها حوالي 30 خروف و 6 معيز وجملين ... وكان الفرح معمول في قاعة أبو لهب للإحتفالات .... واحياه المطرب المعروف " جوهيمه إبن أبي فلسعه ) ياااااااااه دي كانت ليلة - سودا - فضلنا نشرب نشرب نشرب وناكل في لحمه لما أتدهولنا .. وبعد ده كله عنتره سامع وساكت وحاطط إيده على مقبض سيفه عشان كان قرب يرتكب حماقه .. طلبوا منه يا سيدي إن شهر العسل يكون في منتجع الرمضاء خارج مكه .... هناك يابني شويه شمس على كيفك ... يعني الواحد ينسدح على الرملة في عز الصيف ويضمن اللون البرونزي يا معلم لأ يا عم ... الجوازة اليومين دول بتتكلفت بمية الف ودمتم ... عنتره لأ يابا دي كانت ناس فاقده وعايشين في بحبوحه من العيش هههههههههه ههههههههههه مش ممكن يا سين سين فطست على روحي من الضحك روح يا شيخ ربنا يسعدك يارب أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
se_ Elsyed بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 هههههههههه هههههههههههمش ممكن يا سين سين فطست على روحي من الضحك روح يا شيخ ربنا يسعدك يارب ميرسي يا أم سلافه اومال لما تعرفي إني بأشطب حالياً في قصة قوصيرة وسمتها " زماة ورق وطبله .. في حفل زفاف عنتر وعبلة " .... وكل المحاوراتيين والمحاوارتيات مدعويين للحفل الساهر ده والدخول بالملابس الرسمية ( اليونيفورم الرسمي بتاع أل عبس يعني ) أنتظرونا وأوعى تغير المحطة الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
عبير يونس بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 بجد hypr: منتظراها على نااااااار أما أنا حأحضر بحتة درع ايف سان لوران انما ايه توحفة و الوشاح من بيير كاردان اما الاكسيسوريز فمن كارتييه jmb-) أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
عبير يونس بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 كنت عايزة اسأل الدي جي ايه ؟ اما انا محضرة كوكتيل ما حصلش بوب على روك على كونتري ميوزك على ديسكو انما جنان معلش سامحني يا سين سين مضطرة اعرض فيديو ليك و انت بتتدرب على الرقصة بتاعة الفرح مع ابو لهب و الوليد ابن المغيرة http://www.youtube.com/watch?v=IedYwb6jTmQ&feature=related أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
الســـاري بتاريخ: 23 أكتوبر 2011 تقديم بلاغ مشاركة بتاريخ: 23 أكتوبر 2011 سين سين .. تباً لشيطانك سائر اليوم .. :D لقد اضحكتني حتى كدت استلقي على قفاي lo:: lo:: lo:: جويرية مالهاش حل بصراحة ... دي ملهمة مواضيع وقصص ما حصلتش ... ( فاكر قصة توزيع القماش ؟؟ ) الله يحفظها يا رب الشبكة انا اتكلم عن حدودها الدنيا ... يعني زي ما قلت يا دوب الدبلتين من غير غويشة كمان اللي تقضيها بخمستاشر باكو اما النياق ... لو كانت بعصر عنترة بالثمن دا اللي دلوقتي ... كان قال لعبلة : الحقي باهلك .. العبد للحلب والدر .. وليس للجواز بعد الشر بس يا بختهم ... على ايامهم كان بيتين شعر يقضوا الغرض و يوصلوك السما ... كان زمان محمود البصيلي ملياردير المحاورات ومحدش عارف يكلمه ويتجوز كل اسبوع لو عايز شكرا لك يا سيدي ... اضحكتنا من الاعماق ،، مع اجمــل تحيـــاتي الســــاري رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان