كل ما يخص إنتخابات برلمان ما بعد الثورة ...

[ابو محمود]

من أمام مدرسة الفريق عزيز المصرى دائرة عين شمس

هنا المحاورات

تم تعديل 28 نوفمبر 2011 بواسطة محمودمصطفى

[ابو محمود]

الاسكندرية |لجنة الامام مالك بالاسكندرية وتواجد مكثف للجيش

هنا المحاورات

تم تعديل 28 نوفمبر 2011 بواسطة محمودمصطفى

[ابو محمود]

بدأ التصويت فى جميع لجان القاهرة منذ خمس دقائق

هنا المحاورات

[الغريب]

صباح الطوابير والمصريين اللي بيحبوا بلدهم

مدينة نصر ..

[الغريب]

طوابير كمان وكمان

[الغريب]

وكمان

[الغريب]

[Ahmed Anwer]

عملت فيها أذكي أخواتي

و كنت الساعة 8 قدام اللجنة

مدرسة سيزا نباوي بالتجمع الخامس

لقيت طابووووووووووووور طووووووووووووويل

لافف زي التعبان

روحت و قررت أنتخب بكره

و أكتفي النهاردة بالمراقبة

[الغريب]

يا طوابيرك يا مصر

[الغريب]

حتى في عز المطر

[XXusamaXX]

الف مبروك لكل المصريين

ده يوم عيد لكل المصريين

ادعو الله ان تمر الانتخابات بكل نزاهة وبدون ايه عصبيات أو ايه حوادث من شأنها الاضرار بالعملية الانتخابية أو بأي مصري

دقت ساعة الزحف :P

والسلام عليكم

تم تعديل 28 نوفمبر 2011 بواسطة XXusamaXX

[الغريب]

مصر النهاردة صباحها حرية ,, لا تقولي فول ولا طعمية

[pink rose]

انا فرحاااااااااانة

بجد النهاردة عيد لمصر

اتصلت بماما و بابا من بدري اصحيهم عشان ينزلوا لاقيتهم صاحيين

و هايفطروا و ينزلوا

و قولتهم صور بقى زي ما تحبوا عشان اتفرج علي الناس

صباااااااااح الحرية يا مصر

ربنا يتم اليوم دا على خير

[Abu Reem]

يعني انتم بتغيظوني بالطوابير

طيب شوفوا بقى في الدوحة هنا الطوابير شكلها عامل ازاي

بصراحة انا زهقت وكنت همشي

مش ممكن يعني..علشان ايه ده كله

شيء لا يسدكه عكل

لا الحياة صعبة بجد

ثلاثة واقفين امام الشباك

اوف

[Abu Reem]

الغريب ان في الدوحة من يومين لما ذهبنا للتصويت كانت امطار ايضا

وعلى فكرة ، قناة الجزيرة عملت معايا حوار واذيع يومها في المساء

كان نفسي تشوفوه

واخذت صورة لمراسلي قناة الجزيرة من امام السفارة بعد ما انهيت معهم الحوار

وكان هناك سيدة اخرى تجري معهم حوار ايضا عن الانتخابات

بس لا حظوا الزحام الشديد والثلوج التي تنزل..بصراحة حاجة صعبة

تم تعديل 28 نوفمبر 2011 بواسطة Abu Reem

[الغريب]

يعني انتم بتغيظوني بالطوابير

طيب شوفوا بقى في الدوحة هنا الطوابير شكلها عامل ازاي

بصراحة انا زهقت وكنت همشي

مش ممكن يعني..علشان ايه ده كله

شيء لا يسدكه عكل

لا الحياة صعبة بجد

ثلاثة واقفين امام الشباك

اوف

صباح الفل

أنا روحت السفارة المصرية بالكويت لاقيت أستف الموظفين كله واقف مستنيني

بعد ما حطيت المظروف في الصندوق قولتلهم بعد إذنكم أصور الصندوق بالمناسبة السعيدة دي

لاقيت الموظفين كلهم أترصصوا جنب الصندوق علشان الصورة تطلع حلوة

مرضتش أحرجهم وقولت مش مشكلة ندخلهم في اللقطة

[ابو محمود]

الحمد لله انا انهيت عملى وأديت امانتى ومستنى اشوف النتيجة ولونت اصبعى بحبر حب مصر مصر اليوم فى عيد اللجان فى صورة مبهجة ستدهش العالم طوابير طويلة يجي كدة كتير

انا انتخبت حزب ********** ههههههههههههههههههههههه مش هقول ليكو انا لما تطلع النتيجة هقول هههههههههههه هنا القاهرة

[ابو محمود]

للاسف ظهرت بعض السلبيات من كثرة الضغوط وهناك لجان لم يصل قضاها الى الان

هنا المحاورات

سنوافيكم بالاخبار اول بأول

[ابو محمود]

هنا المحاورات

لجان القاهرة ثان : مدرسة هدى شعراوي و مصطفى مشرفة و مركز الشباب بالتجمع الأول رغم التجمع الكبير إلا ان عملية التصويت لم تبدأ لعدم وجود معاونين

سنوافيكم بالجديد

هنا المحاورات

[ابو محمود]

اقبال شديد من الناخبين على اللجان الإنتخابيه بالأقصر قبل فتح اللجان

سنوافيكم بالأخبار تباعآ

هنا المحاورات

تم تعديل 28 نوفمبر 2011 بواسطة محمودمصطفى