كل ما يخص إنتخابات برلمان ما بعد الثورة ...

[se_ Elsyed]

على الهامش بقى

اللي حصل في البورصة النهاردة إعجاز في حد ذاته ... ومعليش هاتكلم إقتصاد شويه لكن ببساطة

- البورصة ربحت النهاردة حوالي 13 مليار جنيه .. لأول مره من شهور عديدة يمكن من قبل الثورة كمان في يناير .... إيه الجديد بقى ؟

- الجديد إن البنك المركزي المصري رفع الفائدة على الودائع البنكية ووصلت 9.25 % وده لأول مره من 3 سنوات من تثبيت سعر الفائدة ... يعني بالبلدي انا واحد معاه فلوس اوجع دماغي ليه وأحط فلوسي في البورصة وممكن يروحوا في داهية في حين في فايدة معتبرة في البنك وبدون مخاطر ووأنا قاعد في بيتنا ... ومع ذلك البورصة تجاهلت ذلك وطلعت ولسه مستمرة ..

- النهاردة الحكومة طرحت النهاردة أذون خزانة .. حاجه كده تستلف بيها فلوس من الناس .. بحوالي 2 مليار دولار بفائدة عالية جداً ومضمونة .. وبالتالي برضوا الناس كانت المفروض ما تروحش البورصة ولا تخاطر وتشتري أذون خزانة .. ومع ذلك البورصة أرتفعت وأذون الخزانة كمان حصل عليها إقبال كبير من المصريين والاجانب معاً للشعور بالإستقرار وإن الدنيا ماشية كويس في مصر .

- النهاردة سعر صرف الجنية المصري أتمرمرط قدام الدولار منذ 7 سنوات .. ومع ذلك البورصة ماسكه نفسها والتفاؤل بيزيد بإذن الله .

- توقعاتي بقى إن على يوم الخميس بعد بكره لو أستطاع الجنزوري غنه يشكل حكومة تعبر عن طموحات الثورة وتعطي امل للمصريين .. فالأمور ستتحسن اكثر وأكثر والناس هاتحس بكده على مختلف المجالات

اللهم أبرم لهذه الأُمة امراً رشداً ... وأهدنا إلى سبيل الرشاد

[الغريب]

الكتلة المصرية بتوزع كنتاكي

الظاهر كنتاكي هيبقى راعي الفساد السياسي في مصر

http://www.youtube.com/watch?v=VrkvKxqPEiY&feature=player_embedded

[Alshiekh]

حزب النور بالاسكندرية

دائرة المنتزة

http://www.youtube.com/watch?v=Gp3wqNz6rhQ&feature=youtu.be

[متعب]

http://www.youtube.com/watch?v=Nk__sxpw4VQ&feature=related

[ViralMind]

السلام عليكم..

رحت انتخبت النهاردة.. اخترت ائتلاف الثورة مستمرة..

اكتر حاجة مزعجة فى ورقة القايمة ان اسماء الاحزاب متشابهة بحد كبير.. و ده عمل لى لغبطة.

اما ورقة الفردى.. دى مش ورقة فردى خالص.. دى ورقة امتحان هههههههههه ايه البشر دول كلهم.

بالمناسبة مكانش فيه حد فى اللجنة.. خلصت فى الانجاز.. و كمان ملغوصتش ايدى فى البتاع دهوت :blink:

حاجة غريبة حصلت.. و انا رايح شفت اسم واحدة - كريمة الغريب باين.. المهم انى قررت انى اختارها و خلاص..

تصادف بقى وجودها فى اللجنة و انا داخل.. شكلها معجبنيش (كانت لابسة من غير هدوم هههههه) قمت اخترت اتنين ستات تانيين و خلاص.. عملا بمقولة خالد الذكر اللى قال: اختار ستات او شباب.. ينوبك ثواب.

[ViralMind]

فيه معلومة سمعتها امبارح بس اتاكدت منها النهاردة..

70% من الناس اللى رايحة تنتخب, رايحين بس علشان الغرامة ال500 جنيه..

حاجة تزعل.. بس المهم انهم راحوا و خلاص.. ان شاء الله المرة الجاية يروحوا علشان البلد تتقدم.

[اثار]

انا رحت النهاردة واخترت قائمة الحرية والعدالة والفردي واحد اخوان وواحد سلفي

المهم ان كل اللي كانوا موجودين باللجنة بلا استثناء كانوا بيتكلموا انهم اختاروا

الميزان ( الا هو ايه الميزان دا ) :)

[Om Zayd]

فيه معلومة سمعتها امبارح بس اتاكدت منها النهاردة..

70% من الناس اللى رايحة تنتخب, رايحين بس علشان الغرامة ال500 جنيه..

حاجة تزعل.. بس المهم انهم راحوا و خلاص.. ان شاء الله المرة الجاية يروحوا علشان البلد تتقدم.

كنت بقول كده برده .. بالذات لما شفت ناس رايحة و مش عارفة هتنتخب مين

بس لما لقيت العجائز و من لديهم إعاقة رايحين ينتخبوا رغم انهم معفون من الغرامة

عرفت انهم مصرين يوصلوا صوتهم

و حسيت بالتفاؤل

[رضوي]

فيه معلومة سمعتها امبارح بس اتاكدت منها النهاردة..

70% من الناس اللى رايحة تنتخب, رايحين بس علشان الغرامة ال500 جنيه..

حاجة تزعل.. بس المهم انهم راحوا و خلاص.. ان شاء الله المرة الجاية يروحوا علشان البلد تتقدم.

اهه ال 70 % اللي خايفين من الغرامة المرة دي ....... جربوا تجربة جديدة خلتهم يحسوا انهم مواطنين وممكن يعملوا حاجة بجد

والمرة الجاية عمرهم ماهيسيبوا حقهم ابداً ...... وهيكونوا عارفين كويس اوي انهم هما صناع القرار

مننساش ياجماعة بقالنا 30 سنة صوتنا بيتحط واحنا في بيوتنا ........ وعمرنا ابداً ماكنا مؤمنين بأهمية الصوت دة

النهاردة بجد بقى ليه قيمة وأهمية

[se_ Elsyed]

إيه العك ده يا جماعة مش ممكن كده .. إحنا ما بنعرفش نفرح

إتفاق ضمني بين الموظفين المدنيين المساعدين في العملية الإنتخابية على إحتجاز القاضة والصناديق ومش راضيين يخرجوها في كثير من الدوائر على مستوى الجمهورية ... ليه ؟

لان اللجنا العليا للإنتخابات كانت مقررة لهم 150 ج .... لمدة يوم واحد وهما عارفين

وبعدين الموضوع امتد يومين

جالهم الشيك النهاردة على أساس يوم واحد ... ووعدوهم إن الشيك التاني في الطريق

بالرغم إحقاقاً للحق كانت المكافأة في إنتخابات 2010 هي 370 ج

انا مش فاهم ... ليه كده ؟

الدنيا متكهربة والشرطة العسكرية بتتحرك دلوقت عشان تحتوي الموقف ... والمجلس العسكري هايتدخل الان لحل تلك المهزلة ...

[se_ Elsyed]

بصراحة بقى ..

المبلغ قليل قوي امام ما يهبره كل قاضي ... وسمعت والعهدة على الراوي بتوصل اكثر من 20 الف جنيه

يعني العدل يا جماعة ... يكون في عدل شوية دي ناس بيطلع عينها برضوا وممكن بيسافروا بلاد .. وكل ده عشان 150 ملطوش وتعب اعصاب وزحام وجو مكهرب

[se_ Elsyed]

ياااااااااااااااه

منظر مُفرح كنت أتمنى أشوفه من زمان

الان بدء فرز الأصوات في بعض المحافظات .. أنا شايف دلوقت محاظفة الفيوم ... والفرز بيتم في احدى الصالات الرياضية المغلقة ... والكاميرات بتصور وعادي يعني مش في الخباثة زي شغل الزبال الكبير احمد عز ....

وشهد شاهد من أهلها ... هههههههههههههه اخويا بيقول لي الأنتخابات اللي فاتت القذر كان مجهز صناديق باك أب ... والمرشح اللي تخسع الأصوات معاه يروح باعت دعم لوجيستي له ...

الاغرب ومش عاوز أقلب المواجع .. إن يقبل القضاة ذلك ويغضوا الطرف عن هذا العهر السياسي

على العموم ..هي لحظة صعبة وفارقه للمرشحين .. أنا باتكلم هنا عن الفردي لان القوائم مش هاتعلن الا كمان شهرين وعليكم خير في يناير

لكن برضوا الفردي بيدي مؤشر وأمل للجميع

أعتقد إن مافيش واحد فيهم هاينام الا اما يسمع صيحة

الدكتور سين سين إكتساحححححححححححححححححححححححححح

سين سين هووووووو هووووووو

( هوووو هووو إيه ؟ إيه نظام البوبيهات ده ؟ )

[se_ Elsyed]

واووووووووووووووووووووووو

تخيلوا المؤشرات الاولية بتؤكد إن نسبة المشاركة في المرحلة الاولى وصلت حوالي 70 %

70 % من إيه ؟

من 17 مليون لهم حق الإنتخاب في هذه المرحلة فقط

يعني بنتكلم على 12 مليون إنسان نزلوا في المرحلة الاولى فقط ...

يا الله

ده أحنا نزلنا 18 مليون في إستفتاء مارس وعلمنا هليلة

ما بالنا بقى وإحنا داخلين على حوالي 40 مليون بإذن الله

ربنا يبارك لكم يا شعب يا طيب يا محترم

[Simba]

عصام سلطان من الشخصيات اللي بحبها وبثق فيها

http://www.youtube.com/watch?v=nKqA5QdG_u8&feature=share

[عماد حمدي]

عصام سلطان من الشخصيات اللي بحبها وبثق فيها

http://www.youtube.com/watch?v=nKqA5QdG_u8&feature=share

طالما إتقدم بلاغ رسمي يبقي نسيب القانون ياخد مجراه و من هنا لحد

1- عصام سلطان يرد علي نفســه ..

http://www.youtube.com/watch?v=nF3fml7k0HQ

2- شهادة أبناء دمياط علي كذب و تضليل عصام سلطان

www.youtube.com/watch?v=kSm1AaGkHwk

3- صورة القائمة اللي كانت مع الشباب ..

[عادل أبو عمر]

عصام سلطان من الشخصيات اللي بحبها وبثق فيها

http://www.youtube.com/watch?v=nKqA5QdG_u8&feature=share

رأيي عصام سلطان نموذج للشخصية السياسية المحترمة و المحترفة التي يقدرها المصريون و له كثير من المواقف والتصريحات التي زادت من رصيده لدى الشعب المصري و بسببه زادت أسهم حزب الوسط في الشارع المصري .

ملاحظة على الفيديو

عصام سلطان له كل الحق في الغضب لأن دمياط دي دايرته و الحق أني لا أتصور المجلس بدون عصام سلطان .. بل أكثر منذ ذلك فأنا يتمنى أن يرأس المجلس أو أحد الوزارات .

أحمد بركة أضعف من مواجهة عصام سلطان في هذا الموقف

و رغم ذلك الاتنين احترموا بعض ونقاشهم محترم حتى مع علو الصوت ...

في الأخر اسمه حوار .. و ليس طرقعة كما هو مكتوب على الفيديو

ماسبق مش هو الموضوع اللي داخل اتكلم فيه

الموضوع يا سادة

في الاتنين المطبلاتية عمرو و اللي جنبه خسارة الكراسي اللي قاعدين عليها

فعلا إعلام المصايب و العاهات .. عاوزين يولعوها .. ومش مشكلة .. المهم شو .. زي الرايجة أو زي الناس

[عادل أبو عمر]

أعتقد ان ده ممكن يكون أطول طابور منظم

قوللي يا استاذ عادل .. انت بتحط الصور كده ازاي ؟؟؟

الصورة دي مش ممكن فيه بشر كدة .. بجد ايه الجمال ده .. بسم الله ماشاء الله ربنا يتم فرحتنا و تكمل الانتخابات على خير و ندعو الله ان يولي علينا من يرضاه لرعاية مصالح هذا الشعب الجميل .. بس انا شاكك إن الصورة دي من الاستفتاء اللي فات بس النتيجة واحدة شعب عظيييييييييم

أستاذ مين يا عم اينفيستور كفاية عليك الصورة دي دا انت الأستاااااااااااااااذ

معلش شرحي على قدي أو مش باعرف أشرح أصلا

بس ماقدرش أرد لك طلب

بص يا غالي لازم من البداية تختار صورة كبيرة مش صغيرة أوي عشان تظهر بشكل كبير وواضح هنا

و بعدبن كرر إضافة صورة بدون وجود مسافات او سطور بين كل صورة وفي الآخر اختار الكل و اعمله توسيط في الصفحة

فهمت حاجة

تم تعديل 29 نوفمبر 2011 بواسطة عادل أبو عمر

[عماد حمدي]

نسبة التصويت بانتخابات الإسكندرية : أكثر من 62.5 % :)

[se_ Elsyed]

ستات عين شمس والمطرية والحلمية فتوات بالادب ... وأنا من مقري السري هذا بأقول لهم إن الرجولة أدب مش بلطجية إنتخابات

ناخبات في عين شمس يجبرن رئيس لجنة النعام على مد التصويت

تصوير طارق وجيه ..... ....نجحت العشرات من النساء فى إجبار رئيس لجنة النعام بعين شمس على فتحها بعد إغلاقها عقب مشادات وهجوم من النساء على قوات الأمن امام اللجنة، فقرر رئيس اللجنة فتحها مرة أخرى، واستقبلت النساء القرار بالزغاريد ودخلن إلى اللجان للإدلاء بأصواتهن.

ورفض الناخبون فى دائرة عين شمس وحلمية الزيتون الامتثال لقرار القضاة فى بعض اللجان الانتخابية بغلق الصناديق قبل الساعة السابعة ، واقتحمت الناخبات مقار المدارس عقب حدوث مشادات بين الناخبيين والقائمين على عملية الإشراف وحاول أحدهم كسر الأبواب للدخول، فيما تسلق بعضهن الأسوار، ومنعتهم قوات الأمن من الدخول.

ورددت الناخبات هتافات، منها: «مش هنمشى»، والمدارس التي شهدت اعتراضات هي مدارس حلمية الزيتون الثانوية والحلمية التجربية وأبطال العبور بالمطرية بالدائرة الثانية.

[Mr MAGED]

تجاوزات | الكتلة المصرية ..

الكتلة المصرية ترفع شعار كنتاكي هو الحل في اول يوم انتخابات

www.youtube.com/watch?feature=player_embedded&v=VrkvKxqPEiY#!

مش عارف بصراحة التجاوزات دي إية بالظبط ياعني ، طيب غيروا طيب مش كل مرة كنتاكي يتظلم معانا

مرة في التحرير و مرة في الإنتخابات . بصراحة مهزلة مهزلة مهزلة

الفيديو برايفت ومش بيفتح يا سيدنا .. هو فيه حاجة كده وكده ولا ايه :)