اشكركم جميعااااااااا على دعائكم

[ذهبية]

بجد اشكركم جميعا من كل قلبى فرد فرد و الله العظيم انا دموعى ما اتوقفت لحظة و انا باقرا مشاعركم و دعائكم ليا

انا من ساعة اخرمرة بعت فيها مووضعى و قرات ردودكم عليا وبعد بكائ يومين

لاقيت نفسى هديت و قررت انى اروح لقريب ليا و اخد راية فى المووضع خاصة ان الاحداث كلها حدثت فى يوم واحد و الدكتورة

اللى باتابع معاها من سنين هى اللى قررت انة بدياة لورم خبيث و انة لابد من ازالتة فورا بالذات علشان الوراثة

حتى انى طلبت منها الانتظار لمدة اسبوع لاجد من يظل مع اولادى لان معنديش اى حد يقعد معاهم رفضت و قالت و لا يوم و الانتظار

ملوش مبرر و تظلى فى حرقة الدم و التردد لية انا باعمل الاشعة 30 سنة وانتى مش هتناقشينى انتى علشان زبونتى من زمان مش

هاسيبك لحظة و لاقيتها حجزت بنفسها عند الدكتور و قالت روحى لة الان هو منتظرك فورا تروحى

فعلا روحت و بمجرد ما شافنى و كشف و شاف الاشعة قال عملية فورا قولت لة طيب انتظر قالى لا يوجد مبرر ياريت اى حد يلحق يكتشف المرض دة من بدرى قولت لة طيب العملية وقتها اية قالى دة هيتحدد وقت العملية نفسها معرفش هافتح الاقى اية

الاشعة بتاعتى فيها ما يثبت ان مفيش اى ورم و اشعة اخرى تثبت ان فية ورم حجمة واحد و نص سم

قولت لة طيب مش فية تحايل قالى هتروحى المستشفى تضعى 5000 و العملية هتكلف من خمس الاف الى عشر الاف فى المستشفى هما

هيعملوا لكى كل حاجة لا تقلقى قولت لة طيب مش هتعمل تحليل للعينة قالى وقت العملية معايا دكتور باثولوجى هيحلل و من خلال التحليل هاعرف هاسيب قد اية و هاخد امان قد اية و هاستئصال قد اية انا انهرت و تم الاتفاق بالفعل

بعد ماهديت و بعد دعائكم ليا ربنا يكرمكم يارب و يديكم الصحة

يارب

ذهبت الى قريبى ووريت لة الاشعة و حكيت لة كل شىءءءءء قالى يعنى اية هو يحلل داخل العملية يعنى اية عملية يدون عينة لالا انا مش مرتاح اية اللى يثبت ان كلامة صح يعنى هو الحكم و الحصم فى نفس الوقت ازاى لالا انا مش موافق و بعتنى الى دكتور متخصص ايضا فية مجال الجراحة و هو يثق فية جدااا

وكانت المفاجاة ليا اللى شلتنى تمامااااو جلعتنى اسجد لله و انهار و ابكى و مشاعر مختلطة لا اعرف اوصفها

هذا الطبيب لما كشف وشاف الاشعة قالى

انتى لا تحتاجى الى عملية الامر لا يعدو الا مجرد ورم و الاشعة الاخرى تثبت ان مفيش خبيث على اساس اية يحدد الاستئصال و مفيش اساسا عينة

انتى مش محتاجة الا متابعة و هذة الطبيبة الاشعة اللى بتابعى معاها عايزة تعمل بيزنس و تروحى لها كل شهرين تلاتة

المووضع دة ملوش اى دور من دكتور اشعة هذا دور الطبيب الجراح وانا اللى باحدد لك تعملى اية وانا اللى احدد لك نوع العلاج المطلوب

وجدت نفسى اكتر من ساعة مش قادرة اتكلم اقولة و هذا الطبيب اللى كان هيستاصل السبت القادم والايام اللى شوفتها فى انهيار تام و كنت ممكن اموت فيها

لكن كلمة واحدة يعنى انا م شهاعمل عملية قالى لا مش مطلوب الان بحالتك دى عملية مطلوب متابعة فقط

انا من امبارح فى حالة تمتزج بين الفرح و الشكر الله والشكر و الحمد الله

وشكرا لكم جميعا

وحزينة من قلبى على كلمة طبيب و طبيبة اللى يلقب بيهم اللى روحت لهم

والله انا و زوجى فى حالة صدمةةةة والله انا حسيت انى مريت باسوء ايام حياتى لو فيلم والله ما كنت هاصدقة

وحسبى الله و نعم الوكيل فى الناس اللى بتاجر فى الام الناس حسبى الله و نعم الوكيل

[ذهبية]

اشكركم جميعاااا على مشاركتم ليا افراحى و احزانى

لكم منى جزيل الشكر و الحب و الاحترام

و ادعولى ربنا يكمل شفائى و يتم عليا بالشفاء يارب و يبعد عنا جميعا شبح هذا المرض

عافاكم الله و شفاكم من مكروة

ذهبية

[الدكتور ياسر]

الحمد لله رب العالمين .. يا اختى الكريمة ...أسأل أن يتم نعمته عليك و يشفيك شفاءا تاما ..

فهو سبحانه أرحم بالعبد من الأم على وليدها..

تحياتى لك

[abobakr]

كويس انك طمنتينا عليكي يا اخت ذهبية

انا كنت ناوي اول ما ادخل اقترح عليكي تروحي لدكتور تاني

انا شايف انك من المنصورة فيه دكتور اسمه جنال الوهيدي اسمع انه اكبر دكتور اورام في المنصورة

فيه دكتور تاني في القاهرة وافضل من دكتور جمال الوهيدي ممكن اسالك عنه بالتفصيل لو مهتمة

[عبير يونس]

ألف مبروك يا حبيبتي

و ربنا يتم شفائك على خير يارب

بجد أسعدتيني جدا

ربنا يرزقك الخير كله عاجله و آجله

و يصرف عنك السوء كله عاجله و آجله

حضن كبييييييييييييير ليكي يا قمر

ربنا ما يورينا فيكي حاجة وحشة ابدا ياااااااااااارب

[احمد رضوان]

الحمد والشكر لله وحده ... متعك الله بصحتك واسرتك

[Alshiekh]

الحمد لله أنك زرت طبيبا آخر

الحقيقة ـنني ظننت أن قرار إجراء العملية كان قرار كونسلتو وليس مجرد رأي طبيب واحد.

عموما في موضوع العمليات الجراحية لاتستسلمي لرأي واحد ، بل يجب أن يكون هناك إجماع من أكثر من متخصص وبعدها تختارين من هو الأفضل فيهم لإجراء الجراحة.

الحمد لله أنك اطمأنيت وياريت الا تهملي المتابعة مع دكتورك الجديد ومع دكتور أخصائي آخر.

وربنا يكرمك وتكون الحالة لاتحتاج عملية أو قلق من أي نوع

[Om Zayd]

الحمد لله رب العالمين

تصدّقي كثييييييييييييرا

و ربنا يعافيكِ و كل مبتلى

ما تهمليش برده و تابعي كويس

[Howayda Ismail]

الف حمد لله على سلامتك ياحبيبة قلبى

والحمد لله انك اكتشفت طمعهم واستغلالهم قبل فوات الاوان

بس المفروض اللى تعمليه دلوقت تقدمى بلاغ فى نقابة الاطباء فى الدكتورة دى وكل من شارك معاها

لان كده من الواضح انك مش اول ضحية لجشعهم وطمعهم ولن تكونى الاخيرة

لكن رحمة ربنا وكرمه ولطفه معاك انقذك فى آخر لحظة

مين عارف ممكن يتكرر مع مين الكلام ده

قلقك وخوفك عجزك عن التفكير فى استشارة دكتور واتنين وتلاتة واخد راى الاغلبية بالايجاب او السلب

المهم الحمد لله فرحتنا كبيرة اوى اوى بعودتك سالمة من رهاب التفكير والرعب اللى عيشته

الايام اللى فاتت والحمد لله انك بخير معافة وسليمة

[نورالعين]

غاليتي ذهبية

لا تتخيلي سعادتي بتواجد معرفك

واتمنى لك السعادة دوما

ولكن اعذريني اريدك ان تعاودي الذهاب لطبيب اخرولا تيأسي من رحمة الله

هذا المرض في عائلتي انا ايضا ابعده الله عن الجميع

وبحكم ايضا دراستي اعرف عنه المزيد

العينة تؤخذ وقت العملية لان اي تلاعب مع الورم الخبيث ابعده الله عنك وعن السامعين

يؤدي لانتشاره

لذلك طلب منك الاطباء الذهاب سريعا ودخول العملية حتى وان لم يتأكدوا من انه خبيث

اريدك ان تتأكدى ان سرعة استئصاله هي علاجه القاتل

وقريبتي قامت بالعملية منذ اكثر من عشر سنوات وهي بصحة جيدة والحمد لله

ولم تعاني منه مجددا ادام الله عليها وعلى الجميع

ارجوك يا ذهبية عاودي الذهاب لطبيب اخصائي في الاورام

كل الود لكى

وخالص امانيا بالشفاء والصحة

[عبد الله غريب]

الحمد لله .. و شكراً لحضرتك إنك طمنتينا .. لكن المتابعة ضروري زي ما قال أخونا أستاذ محمد

و ربنا يتمم لك الشفاء و يحفظك من كل شر.. آمين.

تم تعديل 22 سبتمبر 2011 بواسطة عبد الله غريب

[الســـاري]

اللهم لك الحمد كما ينبغي لجلال وجهك وعظيم سلطانك ..

الف مبروووك اختي ذهبية .. والله يتمم لك بالشفاء يا رب ويحفظك من كل سوء ويعافيك في بدنك وصحتك وعافيتك

الله ييسر لك يا رب وتستاهلي كل خير

كما قالت الفاضلة ام زيد اوصيك بالصدقة و الحمدلله على عافيتك

[أبو محمد]

الفاضلة "ذهبية" .. شفاك وعافاك الله

أدعو الله لك بالصحة والعفو والعافية .. وأن يطمئن قلبك ويطمئن معك من حولك

الكلام ده من الأستاذ "محمد" مهم جدا ..

الحمد لله أنك اطمأنيت وياريت الا تهملي المتابعة مع دكتورك الجديد ومع دكتور أخصائي آخر.

وربنا يكرمك وتكون الحالة لاتحتاج عملية أو قلق من أي نوع

أرجو أن تأخذى به ، من باب الأخذ بالأسباب ، أكثرى من الدعاء والشكر والحمد

[شرف الدين]

غاليتي ذهبية

لا تتخيلي سعادتي بتواجد معرفك

واتمنى لك السعادة دوما

ولكن اعذريني اريدك ان تعاودي الذهاب لطبيب اخرولا تيأسي من رحمة الله

هذا المرض في عائلتي انا ايضا ابعده الله عن الجميع

وبحكم ايضا دراستي اعرف عنه المزيد

العينة تؤخذ وقت العملية لان اي تلاعب مع الورم الخبيث ابعده الله عنك وعن السامعين

يؤدي لانتشاره

لذلك طلب منك الاطباء الذهاب سريعا ودخول العملية حتى وان لم يتأكدوا من انه خبيث

اريدك ان تتأكدى ان سرعة استئصاله هي علاجه القاتل

وقريبتي قامت بالعملية منذ اكثر من عشر سنوات وهي بصحة جيدة والحمد لله

ولم تعاني منه مجددا ادام الله عليها وعلى الجميع

ارجوك يا ذهبية عاودي الذهاب لطبيب اخصائي في الاورام

كل الود لكى

وخالص امانيا بالشفاء والصحة

حمد لله على عودتك إلينا يا ذهبية

اعتقد إن كلام الدكتورة / نور ... كلام صائب وسليم

يا ريت تروحي لدكتور استشاري أورام .. وتاخدي رأيه .. لإن الإهمال أو التراخي في الحاجات اللي زي كده ممكن يؤدي لنتائج غير محمودة..

عاودي الذهاب إلى دكتور ... ودايما عليك بالدكاترة الكبار .. الاستشاريين ( مع كامل الاحترام للجميع ) .. لكن التجربة علمتنا أن الخبرة لها دور كبير جدا في مهنة الطب.

وإن شاء الله الأمور تعدي على خير

[عماد حمدي]

ألف مبروووووووووووووووووك الحمد لله رب العالمين ، ربنا يتم شفاكي علي خير ان شاء الله

و الله فرحتلك من كل قلبي ..

ألف مبروك

و حسبي الله و نعم الوكيل في كل شخص لا يراعي الأمانه في عمله ..

[rewsha]

الف مبروك يا ذهبيه

بس راْيي من راْي نور العين .

وباْكد على انك تروحي لدكتور ثالث

انا شوفت حالتين في عائلتي لهذا المرض ,علشان كده باْكد عليكي

ماتهمليش نفسك وتابعي ورورحي لدكتور تالت الله يخليكي

وياريت تطمنينا

علىقد معرفتي ان انت بتعملي سونار الاول وده اللي بيحدد اذاكان الورم حميد وله لاْ

طمنينا عليكي دايما .واحنا متابعين معاكي

[عطر الجنة]

نسجد لله شكرا

ده اولا انك بخير

ثانيا : لابد من استشارة طبيب و اتنين و عموما فى اورام فى بعض اجزاء الجسم لازم تزال لان قد تتحول من ورم حميد الى خبيث

عافانا الله و عافاك

تحياتى

[Damo]

ألف حمد لله على سلامتك

وحتى لو الدكتور كان قال فعلا محتاج عملية مكنش يستاهل الخضة دي كلها بالعكس كنتي ترتاحي إن الظروف ساعدت في اكتشافه والتصرف بسرعة.

بس نور العين عندها حق يا ريت تسألي كذا دكتور متخصص عشان المجال ده فيه تغيرات مستمرة وصعب دكاتره في مجال تاني يكونو متابعينه أو يفهمو فيه كويس أو عندهم أي خبرة فيه. ومش هتخسري حاجة لو اتأكدتي.

تم تعديل 23 سبتمبر 2011 بواسطة Damo

[أبو يمنى]

أسعدتنا هذه التطورات الطيّبة .

الحمد لله ... ونسال الله أن يديم عليكي لباس الصحة والعافية .

[arkan]

الحمد لله على سلامتك ومتأكدة من حرصك على المتابعة

ربنا يبعد عنا جميعا المرض