23 سبتمبر ,, الثورة في خدمة الشعب !

[م تيمور المراغي]

http://www.youtube.com/watch?v=mIJTCeMp0Nc

يوم 23 سبتمبر هننزل عدد من مناطق القاهرة الكبرى

( الجيزة و القاهرة و القليوبية )

علشان نوصل للناس .. تأثير ملموس فى حياتهم فى الثورة

هنجمل الشوارع , و ننظف أكوام القمامة , هنعمل قوافل طبية , و ننظم المرور ,

و نشوف معاهم ازاي يكونوا لجان شعبية و انذار مبكر يحموا بيوتهم فى حالة انفلات أمني , و نزور أهالي الشهداء و نديلهم هدايا , نجدد فرش المساجد , و نساعد فى توصيل العيش للمخابز و نعمل حملات توعية سياسية توعيهم ازاي ينتخبوا حكومة و برلمان تخلي حياتهم كويسة

.. زي ما هنخليها فى اليوم ده بإذن الله

و طبعا علشان الامكانيات محدودة .. فإحنا مش هتنزل كل مجموعات الحركة بالقاهرة في كل المناطق .. انما هننزل فى مناطق محددة بالتنسيق مع شباب الثورة فى القوى السياسية و الاحزاب الأخرى .. و على حجم الدعم و المساندة لليوم منكم .. على حجم نجاحه

لأن دي ثورتنا .. و ده شعبنا .. و نجاح الثورة فى خدمة شعبنا .. اكيد مسئولية كل واحد فينا مش فرد واحد او تيار واحد او حركة واحدة مهما كانت قدراتها

( طيب ليه " الثورة فى خدمة الشعب " ؟ )

شرح الفكرة :

- السبب انه تأكد لنا تماما ان المجلس العسكري و الحكومة بعد 7 أشهر من الثورة تسببت بسياساتها و ادارتها للمرحلة الانتقالية في عدم حدوث تغيير جذري فى النظام

- و هو ما تسبب فى عدم وصول تأثير الثورة الى حياة الناس العادية

سواء فى أمنه او لقمة عيشه أو شكل الشارع او صحته و اسرته او أمانه

- و هنا ييجي دورنا كشباب الثورة و كقوى سياسية

هننزل متكاتفين - فى يوم واحد - مبتدئين حسب قدراتنا البسيطة فى انقاذ ما يمكن انقاذه , في تخفيف الام و اوجاع الناس و اللي كل يوم بتزيد , بينما المجلس و الحكومة لا يستمعان و لا يفعلان ما يحل و يخفف

يعني تعرفوا ان فيه 12 مليون مصري بدون مأوى ؟

و ان فيه 8 مليون مصري مريض ؟

و ان نصف اطفال مصري مصابين بالأنيميا ؟

و ان نسبة البطالة 22 % ؟

طيب هل تغيرت السياسات المباركية ( اقتصاديا و سياسيا و اجتماعيا )

التى تسببت فى كل ده ؟

للأسف لأ

طيب و بعدين ؟ يبقى قدامنا مصاب ( اسمه الشعب المصري ) بينزف و بيموت

و المستشفى ( الحكومة و المجلس ) رافضة تستقبله او ما بتعالجوش صح ؟

يبقى لازم نعمله حاجة سريعة .. اسعافات اولية تخفف شوية من الامه

لحد ما المستشفي( الحكومة و المجلس ) تتحرك لانقاذه بجد

علينا نعمل اللي علينا

عشان نوعي شعبنا

و ننقذ شعبنا

و نخدم شعبنا

لهذا قلنا شعار اليوم :

الثورة .. فى خدمة الشعب !

[Simba]

والحكومة في خدمة مين

[م تيمور المراغي]

والحكومة في خدمة مين

المجلس

عموما خلينا مطنشين اليوم ده ونتكاتف ونقدم طاقه ايجابيه للبلد وللمواطن الغلبان هو في اشد الحاجة اليها

لانه بصراحه طبقا لكل الابحاث واستطلاعات الرأى الشعب المصرىمش فارقه معاه دلوقتي الديمقراطيه ولا مين يحكم ولا الدستور ولا القانون

نفسه فقط في حياه محترمة و كريمه

اكل وشرب ومواصلات وظروف معيشيه

صحيح اننا عايزين نغير ده

لكن لازم نتعامل على ارض الواقع

احنا بنطلب الناس انها تعمل قفزه فى مستوى الوعى

ودا محتاج خطوات كتير

وخطابنا مع الناس لازم يكون مبنى على اساسيات مهمه

خطابنا فى الشارع او النت او فى الاعلام

اولا ما ينفعش نحسس الناس بجهلهم حتى لو هما جهله

لازم نحسسهم بقيمتهم لو عايزينهم معانا ويحبونا ويضغطوا معانا

الرساله تركز على ايجابيات الناس

مانقولش انتوا مش فاهمين

او انتوا جهله

لازم ندى للناس فى الشارع وضعهم ونتكلم عن ايجابياتهم

عن اللى بيعرفوا يعملوه وانهم يقدروا يعملوا اكتر

اللى هايوصل مصر للتغيير نحو دوله متقدمه ان الناس فى الشارع هما اللى يبقوا عايزين ده !

[م تيمور المراغي]

ماينفعش اللى عايزه تقوله للناس يبقى بصوره مباشره

يعنى لو انت عايز تخلى اولادك يدخلوا يناموا. ولو قولتلهم ادخلوا ناموا.. يبقى مش هيناموا

لازم تخليهم يناموا وهما عايزين ده ومبسوطين

[se_ Elsyed]

فكرة ممتازة وياريت تتكرر وتنزل للناس بدون هدف سياسي أو ثمن .. وتبقى فقط لخدمتهم وعشان يحسوا إن الثورة ساهمت ولو في القليل في بدايتها في تغيير صورة الحياة الكئيبة

[م تيمور المراغي]

بدون هدف سياسي أو ثمن ..

فيه فرق ما بين الانشطة الخيرية و الاجتماعية للاحزاب السياسية وللحركات السياسية

الحزب بيكون ليه هدف وهو الوصول الى البرلمان وتشكيل الحكومة او وصول احد اعضائة الى رئاسة الجمهورية

اما الحركات السياسية فليس لها اي هدف او مطمع سياسي في سلطه او منصب او مردود مادي بل بالعكس ,,

فهي تتحمل مخاطر و اعباء ذهنيه وجسديه و ماديه غير طبيعيه ,,

و كل تعبهم لوجه الله ولتحقيق مبادئ الحريه و المساواه والكرامه الانسانيه ,,

[محمد كيبيك]

ممكن اعرف موقع انتخابات مجلس الشعب اللى بعرف منة اسمى موجود فى الدائرة دى ولا لا باستخدام الرقم القومى

[م تيمور المراغي]

ممكن اعرف موقع انتخابات مجلس الشعب اللى بعرف منة اسمى موجود فى الدائرة دى ولا لا باستخدام الرقم القومى

http://www.egyptiantalks.org/invb/index.php?showtopic=126239

[م تيمور المراغي]

نقاط التجمع اليوم في " الثورة فى خدمة الشعب " 23 سبتمبر

امبابة :

الساعة 10 صباحا

موقف اتوبيس بولاق الدكرور - نفق المنيرة - مزلقان أرض اللواء ،

الدقي

التجمع بعد صلاة الجمعة

أمام جامع الحصري- ش عبد المنعم رياض أمام مدرسة البنات، بجوار بنك فيصل بالعجوزة

الهرم :

الساعة 2 بعد صلاة الجمعة

أمام مسجد خاتم المرسلين أول شارع خاتم المرسلين العمرانية

حلمية الزيتون , حدائق القبة , الاميرية :

بعد صلاة الجمعة

من امام جامع الظواهري - قرب محطة حلمية الزيتون مترو -

عند شارع ترعة الجبل ( من ناحية حلمية الزيتون ) , تنطلق عند عزبة المبيض

و منها الى عين شمس و المطرية

الخانكة :

مسجد المرج الجديد , بعد صلاة الجمعة

القناطر الخيرية :

ميدان القناطر , المسجد الجديد بعد صلاة الجمعة

مصر الجديدة :

الساعة 4 عصرا أمام سينما روكسي

عين شمس :

التجمع الساعة 6 فى محطة مترو عين شمس

المعادي :

التجمع بعد صلاة الجمعة عند م فايدة كامل

رابط الايفنت للتواصل مع باقي المناطق :

http://www.facebook.com/event.php?eid=221068377951611