انا فركشت الخطوبه ولكن ....!

[م تيمور المراغي]

واحد صاحبى عزيز عليا قوى كان خاطب واحده وبعدين فركش الخطوبه لاسباب ما لا داعى لذكرها

المهم بساله بقوله انت لما فركشت اخدت حاجتك قالى لا مخدتش حاجه هو انا المفروض اخاد حاجه قولت له اكيد طبعا ( على فكره هو جايب شبكه وهدايا بمبلغ كبير علشان كده انا سألته ) وحتى أسأل دار الافتاء قالى والله كويس بعت سؤال لدار الافتاء وكانت الاجابه انه يحق له ياخد كل حاجه الشبكه والهدايا كمان لانه لم يعقد قرانه عليها ولم يدخل بها

المشكله دلوقتى انه لما راح لاهل خطيبته سابقاً انه سأل دار الافتاء وقالوا له انه الشبكه والهدايا من حقه وانه بس عاوز الدهب انما الهدايا مش مهم قالوا له نعم قعده عرفى واليى تحكم به القعده تاخده طبعا القعده العرفى ملهاش قوى بالشرع هى ليها بنظام هما عملوا كذا واحنا عملنا كذا

وفى الاخر تحكم هو الراجل اساسا مكنش فى دماغه الليله دى كلها ومكنش عاوز ياخد حاجه الا لما عرف انها شرعا من حقه

دلوقتى هو يقدر يقعد القعده العرفى دى ويكسبها وياخد كل حاجته بس هيضطر يقول حاجات مينفعش تتقال اساسا لا فى قعده عرفى ولا فى اى قعده خالص وشايف ان الفلوس ارخص بكتير قوى انه يقعد يتكلم فى الحاجات دى لان مهما كان فى يوم من الايام كان فيه بينهم عيش وملح

دلوقتى هو قرر انه يقول ليهم لو عاوزين تدونى حقى بما يرضى الله يبقى تمام لو مش عاوزين يبقى ربنا يعوض عليا

انتوا ايه رأيكم ياترى هو كده صح وياترى لو مكانه هتحكوا وتتكلموا فى كل حاجه ولا هتقولوا ربنا يعوض علينا ؟

تحيتى

[أثر الطائر]

من خبرتي بالقعدات العرفي فأنا أكاد أجزم لك من دلوقتي أنها ستحكم لكل منهما بالنصف

وعلى ذمة أحد عتاة المحكمين في القعدات العرفي فالرجل يعتقد أن أي قعدة عرفي لابد أن تبدأ بقراءة الفاتحة على الباطل..أي أن معظم ما يقال في هذه القعدات باطل هدفه الوحيد هو المكسب المادي

أنصح صديقك ألا يتكلم في أي أمور مخجلة يمكن أن تمس سمعة خطيبته أو أهلها

سيشينه هو كلامه في نظر المحكمين - قبل أي أحد آخر - إذ أن هؤلاء المحكمين يعتقدون أن أي كلام يقال في هذه القعدات الغرض الوحيد منه هو الحصول على مكسب مادي بصرف النظر عن صدق أو كذب الكلام

كما أنه لو أقحم نفسه في هذه التجربة النفسية العنيفة فقد تكون أثارها عليه هو أشنع من أثارها على خطيبته أو أهلها الذين سيفبركون له بالتأكيد ما يبطل مفاعيل ما سيقوله

لا أظن أن إنسانا يود أن يبقى على احترامه لذاته يمكن أن يفعل أمرا كهذا

إذا كان بإمكانه أن يتخلى عن هداياه فالبتأكيد عليه أن يتخلى عنها، هذا هو الأصل في المسألة، لأن الإنسان عندما يهدي فإنه يهدي بلا مقابل ودون انتظار - بكل تأكيد - لعودة هداياه

أما لو كانت قيمة هذه الهدايا ستعجزه عن الزواج مرة أخرى فسيكون مضطرا طبعا للمطالبة باسترجاعها

قلبي معاه

[مصطفى يونس]

والله اللى ماشى فى معظم الاماكن لو العريس اللى سايب مش بياخد حاجه زى ما حصل معايا

[الســـاري]

بص يا عم .. انا مش عارف معناها ايه اصلا القعدة العرفي ولا القعدة العربي .. بس اللي اعرفه ان الموضوع بصراحة اقل من انه يخش فيه اطراف تانية غير صاحبك و والد خطيبته او اخوها

يعني لما تكثر الحكاية عن كدا تبقى فضايح ملهاش داعي .. من وجهة نظري .. وامور شخصية بحتة تبقى مشاع

لان الكلام هيكون فيه اخد ورد .. ويضطر صاحبك اما يتكلم عن امور شخصية او يسمع كلام يبقى سيرة بقى وتسلية عند خلق الله

انا رأيي من رأي صاحبك اللي قرره بالآخر .. يقول لهم عاوزين تدوني حقي بما يرضى الله كان بها .. مش عاوزين ربنا يعوضني

وربنا يعوضه بقى .. ويعوضنا فيك .. بقى دي سيرة تفتحها بوش واحد لسه خاطب من يومين .. ؟؟ ربنا يسامحك

[م تيمور المراغي]

هههههههههه

خليك مدقدق يا ساري كده والمثل بيقول حرص ولا تخونش

طول ما مطوتك في جيبك وسجايرك في الجيب التاني اللي يقول لك غششني قطعه :happy:

http://www.youtube.com/watch?v=IRa83KGiUvE

[الباشمهندس ياسر]

من خبرتي بالقعدات العرفي فأنا أكاد أجزم لك من دلوقتي أنها ستحكم لكل منهما بالنصف

وعلى ذمة أحد عتاة المحكمين في القعدات العرفي فالرجل يعتقد أن أي قعدة عرفي لابد أن تبدأ بقراءة الفاتحة على الباطل..أي أن معظم ما يقال في هذه القعدات باطل هدفه الوحيد هو المكسب المادي

أنصح صديقك ألا يتكلم في أي أمور مخجلة يمكن أن تمس سمعة خطيبته أو أهلها

سيشينه هو كلامه في نظر المحكمين - قبل أي أحد آخر - إذ أن هؤلاء المحكمين يعتقدون أن أي كلام يقال في هذه القعدات الغرض الوحيد منه هو الحصول على مكسب مادي بصرف النظر عن صدق أو كذب الكلام

كما أنه لو أقحم نفسه في هذه التجربة النفسية العنيفة فقد تكون أثارها عليه هو أشنع من أثارها على خطيبته أو أهلها الذين سيفبركون له بالتأكيد ما يبطل مفاعيل ما سيقوله

لا أظن أن إنسانا يود أن يبقى على احترامه لذاته يمكن أن يفعل أمرا كهذا

إذا كان بإمكانه أن يتخلى عن هداياه فالبتأكيد عليه أن يتخلى عنها، هذا هو الأصل في المسألة، لأن الإنسان عندما يهدي فإنه يهدي بلا مقابل ودون انتظار - بكل تأكيد - لعودة هداياه

أما لو كانت قيمة هذه الهدايا ستعجزه عن الزواج مرة أخرى فسيكون مضطرا طبعا للمطالبة باسترجاعها

قلبي معاه

كلام محنرم و مترتب

[Alshiekh]

السلام عليكم

نتكلم بصراحة

أولا نحن نعيش عصر المدن الكبيرة والمدارس والجامعات والعمل ، أعني أن البنت تخرج من منزلها بأعذار شرعية ، ولما تكون البنت مخطوبة فبتخرج مع خطيبها بعلم العائلتين والجيران والمعارف والأهل والأصدقاء ،

يعني في رأيي انه على الرغم من أن أسمها خطوبة لكنها في الحقيقة تشبه العقد مع عدم الدخول ، والدخول يستلزم خلوة ، ومن كام سنة حكمت إحدى المحاكم بأن تعريف الخلوة لم يصبح ألاربعة جدارن وباب ، بل أن الخلوة أصبحت في الشارع والحدائق والمتنزهات أيضا ، مسك الأيادي ووضع الأيادي على الأكتاف بل والأحضان أيضا نعرف أنها تحدث ويحدث أكثر منها أحيانا. يحدث كل هذا لأن الظروف تغيرت والمدن إتسعت وأصبح الناس لايعرفون بعضهم البعض فلا حياء ولا خشى.

نرجع للموضوع الأصلي ، لو صاحبك فعل مع خطيبته أكثر مما هو مسموح للخطيب ، فلا أعتقد أنه سيكون من الحكمة أن يكذب على نفسه ويعتبر نفسه أنه كان مجرد خطيب ، إما أنه كان زوج عرفي أو عاصي ، وأعتقد أنه من الأفضل له أن يعتبر أنه كان زوجا أفضل ألف مرة من أن يكون عاصي.

لو كان الأمر كما توقعت ، فليعتبر أن ماقدمه لها من شبكة وهدايا هي حقها الشرعي وليستغفر الله عما فعله لو كانت نيته الغدر بها.

مثل هذه الأشياء يكون أبطالها طرفين وكلاهما عليه نصف المسئولية وربما يكون الرجل هو المسئول ذو النصيب الأكبر في المسئولية.

أما إذا كانت أسبابه التي يخجل من ذكرها لم يكن هو طرفا فيها فليتمسك بحقه.

وربنا يهديهم جميعا

[احمد رضوان]

السلام عليكم

نتكلم بصراحة

أولا نحن نعيش عصر المدن الكبيرة والمدارس والجامعات والعمل ، أعني أن البنت تخرج من منزلها بأعذار شرعية ، ولما تكون البنت مخطوبة فبتخرج مع خطيبها بعلم العائلتين والجيران والمعارف والأهل والأصدقاء ،

يعني في رأيي انه على الرغم من أن أسمها خطوبة لكنها في الحقيقة تشبه العقد مع عدم الدخول ، والدخول يستلزم خلوة ، ومن كام سنة حكمت إحدى المحاكم بأن تعريف الخلوة لم يصبح ألاربعة جدارن وباب ، بل أن الخلوة أصبحت في الشارع والحدائق والمتنزهات أيضا ، مسك الأيادي ووضع الأيادي على الأكتاف بل والأحضان أيضا نعرف أنها تحدث ويحدث أكثر منها أحيانا. يحدث كل هذا لأن الظروف تغيرت والمدن إتسعت وأصبح الناس لايعرفون بعضهم البعض فلا حياء ولا خشى.

نرجع للموضوع الأصلي ، لو صاحبك فعل مع خطيبته أكثر مما هو مسموح للخطيب ، فلا أعتقد أنه سيكون من الحكمة أن يكذب على نفسه ويعتبر نفسه أنه كان مجرد خطيب ، إما أنه كان زوج عرفي أو عاصي ، وأعتقد أنه من الأفضل له أن يعتبر أنه كان زوجا أفضل ألف مرة من أن يكون عاصي.

لو كان الأمر كما توقعت ، فليعتبر أن ماقدمه لها من شبكة وهدايا هي حقها الشرعي وليستغفر الله عما فعله لو كانت نيته الغدر بها.

مثل هذه الأشياء يكون أبطالها طرفين وكلاهما عليه نصف المسئولية وربما يكون الرجل هو المسئول ذو النصيب الأكبر في المسئولية.

أما إذا كانت أسبابه التي يخجل من ذكرها لم يكن هو طرفا فيها فليتمسك بحقه.

وربنا يهديهم جميعا

أستاذي العزيز إسمح لي بالإختلاف معك

هل يعنى في حالة تجاوز الخاطب والمخطوبة وخطفهم لبعض اللحظات المحرمة وإستمتاعهما بها هما الإثنين أن هناك مقابل مادي يجب أن يدفع ، لو فتحنا الباب لهذا التعريف على أنه جواز عرفي غير معلن لأصبح لكل إثنين مخطوبين الحق بإنتهاك محرمات كثيرة بإسم الخطوبة، والمقابل المادي من هدايا وخلافه سيكون هو الثمن لتلك الفترة التي قضياها معاً.

المعصية معصية وحتى الزواج العرفي معصية لما يترتب عليه من مفاسد ناهيك عن مخالفته لشروط الزواج الشرعي، فلا يمكن بأي حال من الأحوال أن نستند اليه أثناء حل نزاع مثل ذلك ، وإلا أصبح لكل خاطب الحق في أن يأخذ مقابل هداياه وكلما ارتفعت قيمة الهدية ارتفع سقف المطالب ، حتى يأخذ منها كل ما أراد وبذلك ينهار المعنى الأساسي للزواج.

ثانيا في حال إقدام الإثنين على سرقة تلك اللحظات المحرمة ألم يستمتع الإثنين بها أم أن الهدايا تكون على الخاطب فقط وكأنه يأتي فتاة شارع يدفع لها مقابل متعته، وقذ نجد من تمتهن مهنة المخطوبة بعد ذلك مقابل الأجر لإمتاع الخاطب

الهدايا في فترة الخطوبة وبعد ذلك الهدف منها التقرب للآخر والتودد له وإشعاره بمدى أهميته عنده وذلك تمهيدا لعلاقة تدوم لمدة طويلة وفي رأيي الشخصى لو أختفى المشروع من الوجود لإي سبب للزم لكل فرد مشارك فيه أن يسترد ما أنفق لعدم وجود منفعة.

الشريعة حددت ذلك بشكل قوي

زواج بمعنى دخول ... لا يسترد شيئاً

زواج بدون دخول .... له نصف ما أنفق

لا يوجد زواج وإنما غير ذلك ....... له كل ما أنفق

رأيي الشخصي أن يجلس صاحب المشكلة مع البنت نفسها في عدم وجود خلوة يقول لها يا فلانة إن لن افضحك في مجلس أتحدث فيه عن امور كانت بيننا فإن أردتى إرجاع ما اشتريته لك فلك ذلك ,غن أرضتى غير ذلك فإعلمى إنى لن أطلبه في مجلس لا عربي ولا غيره حفاظا عليك والله يرزقني لأن من ستر مسلماً ستره الله في الدنيا والآخرة وليحتسب الأجر من الله.

[se_ Elsyed]

العُرف أو العادات الإجتماعية التي لا تخالف الشرع .. هي جزء لا يتجزأ من نسيج المجتمع بل من الشرع نفسه

وربنا قال ذلك في القرآن الكريم " خذ العفو وأمر بالعرف وأعرض عن الجاهلين "

لإن في أمور بتختلف من مجتمع إلى مجتمع لا يتدخل فيها الدين بل يتركها للمجتمع وعاداته ...

على سبيل المثال :

- الشقة على العريس ولا العروسة

- اهل البنات يشاركوا في الجهاز ولا لأ ...

- تكاليف حفلة الخطوبة مين يتحملها .. والزفاف أيضاً كذلك

إلخ

بل إن في المجتمع الواحد نفسخ هاناخد المجتمع المصري مثلاً .. الأمور دي نفسها بتختلف من بلد إلى بلد ومن قبيلة إلى قبيلة وهكذا

وفي حالة صاحبك يا تيمور .. وكما هو شائع في مجتمعنا ... لو الولد اللي ترك برغبته .. فبتبقى الشبكة من حق العروسة وهايتحكم بكده .. أما لو كانوا هما اللي تركوا فبترجع له الشبكة ... ولو كان الخلاف بين الاتنين في نفس الوقت فأعتقد هنا دور المُحكمين من الناس الخبرة الثقات اللي بيرتضيهم الطرفين وينزلوا على حكمهم ولا يعقبوا عليه .

ده بالنسبة للشبكة الذهب او من أي معدن أخر

لكن عفواً .. سمعت عن حالات .. أعتبرتها عفانه أو نقول نتانه .. فبتلاقي أهل البنت ما أرتاحوش للجوزاة .. فبلغوا الطرف الأخر إن كل شيء نصيب ...

يقوم لا مؤخذه المعفن عامل لسته بمكافأة نهاية الخدمة أو مستحقاتة عندهم كالتالي :

- شبكة دهب .... 10 الاف جنيه .. مثلاً يعني

- في يوم 15 أيلول الأسود جبت دستة جاتوه من عند حلواني المناسبات السعيدة بـ 40 ج - مخصوم منهم 8 ج حق الحتتين اللي ضربتهم وانا قاعد عند نسايبي

- عدد واحد دبدوب . قرمزي اللون .... 45 ج .. بمناسبة عيد النفتالين الماضي

- عدد واحد بدلة لزوق القيافة بـ 320 ج

إلخ إلخ

ويطالب أهل خطيبته بكل تلك المصروفات اللي تكبدها يا عيني ... يا إما يعمل لهم فضيحة بجلاجل في المنطقة لإنهم كلفوه كتير وخسروه ... وللأسف شوفت حاله زي دي عند ناس جيراننا وكان العريس إبن عمة العروسة ..... ده طبعاً قمة العفانة

[احمد رضوان]

العُرف أو العادات الإجتماعية التي لا تخالف الشرع .. هي جزء لا يتجزأ من نسيج المجتمع بل من الشرع نفسه

وربنا قال ذلك في القرآن الكريم " خذ العفو وأمر بالعرف وأعرض عن الجاهلين "

لإن في أمور بتختلف من مجتمع إلى مجتمع لا يتدخل فيها الدين بل يتركها للمجتمع وعاداته ...

على سبيل المثال :

- الشقة على العريس ولا العروسة

- اهل البنات يشاركوا في الجهاز ولا لأ ...

- تكاليف حفلة الخطوبة مين يتحملها .. والزفاف أيضاً كذلك

إلخ

بل إن في المجتمع الواحد نفسخ هاناخد المجتمع المصري مثلاً .. الأمور دي نفسها بتختلف من بلد إلى بلد ومن قبيلة إلى قبيلة وهكذا

وفي حالة صاحبك يا تيمور .. وكما هو شائع في مجتمعنا ... لو الولد اللي ترك برغبته .. فبتبقى الشبكة من حق العروسة وهايتحكم بكده .. أما لو كانوا هما اللي تركوا فبترجع له الشبكة ... ولو كان الخلاف بين الاتنين في نفس الوقت فأعتقد هنا دور المُحكمين من الناس الخبرة الثقات اللي بيرتضيهم الطرفين وينزلوا على حكمهم ولا يعقبوا عليه .

ده بالنسبة للشبكة الذهب او من أي معدن أخر

لكن عفواً .. سمعت عن حالات .. أعتبرتها عفانه أو نقول نتانه .. فبتلاقي أهل البنت ما أرتاحوش للجوزاة .. فبلغوا الطرف الأخر إن كل شيء نصيب ...

يقوم لا مؤخذه المعفن عامل لسته بمكافأة نهاية الخدمة أو مستحقاتة عندهم كالتالي :

- شبكة دهب .... 10 الاف جنيه .. مثلاً يعني

- في يوم 15 أيلول الأسود جبت دستة جاتوه من عند حلواني المناسبات السعيدة بـ 40 ج - مخصوم منهم 8 ج حق الحتتين اللي ضربتهم وانا قاعد عند نسايبي

- عدد واحد دبدوب . قرمزي اللون .... 45 ج .. بمناسبة عيد النفتالين الماضي

- عدد واحد بدلة لزوق القيافة بـ 320 ج

إلخ إلخ

ويطالب أهل خطيبته بكل تلك المصروفات اللي تكبدها يا عيني ... يا إما يعمل لهم فضيحة بجلاجل في المنطقة لإنهم كلفوه كتير وخسروه ... وللأسف شوفت حاله زي دي عند ناس جيراننا وكان العريس إبن عمة العروسة ..... ده طبعاً قمة العفانة

العرف في الآية المقصود بها صلة الرحم وفي تفسير آخر ما عرف من الشريعة وليست ما تعارف عليه الناس كمثل ما يحدث في مصر ، ولكن آيات النكاح واضحة زواج بودن دخول له الحق في النصف ، زواج بدخول ليس له حق فى أسترجاع أي شئ إلا في حالة الخلع عدم زواج له الحق في إسترجاع ما أنفق

[hOuSsAm]

للاسف العرف اللى موجودده ظالم جدا

هو كان ايه الهدف اساسا من فترة الخطوبة (انهم يتعرفوا على بعض اكتر وياخدوا قرار نهائى انهم يكملوا حياتهم مع بعض او انهم مينفعوش لبعض مش عشان حد فيهم مش كويس لاء عشان هما مش مناسبين لبعض)

نقوم انك يبنى متنفعش تخطب الا لما تجيب شبكة وتجيب باد كدة (ماشى يا سيدى جبنا الشبكة وخطبنا)

مش عايز اكمل عشان مظلمش بنتكوا وعشان احنا مش مناسبين لبعض

عشان هى مختلفة عن توقعاتى

عشان انا مش مناسب ليها

الخ الخ من اسباب

(لاء ياحلو هى دخلتك وخرجتك البيت كدة ببلاش لاء يا حبيبى ملكش حق فى الشبكة)

(معلهش سؤال هما ليه اهل العروسة بيجبروا العريس انه يجيب شبكة فى اول الخطوبة ومش بيكتفوا بدبلة وخاتم لحين حفل الزفاف)

أقولكوا ليه........ عشان سوء النية

--------------------

طبعا كلام ظالم جدا وبيعقد الزواج اكتر مهو معقد - وكل واحد وهو بيقدم عالزواج او الخطوبة هيبقى حاطط سكينة ورا ضهره تحسبا للغدر من الطرف الاخر

--------------------

رايي يا تيمور من راى صاحبك انه لاما ياخد الحاجة بالمعروف وبما يرضى الله او يقفل الموضوع ده خالص

وملهاش لازمة قعدة العرب عشان هو مش بيشحت وعشان ميتكلمش فى الحجات اللى مينفعش يتكلم فيها دى عشان ميخسرش نفسه

وربنا ياذن الله هيعوضه عن الخساير دى طالما انه مظلوم (فقد باء احد الطرفين بالظلم)

[ابراهيم عبد العزيز]

دلوقتى هو قرر انه يقول ليهم لو عاوزين تدونى حقى بما يرضى الله يبقى تمام لو مش عاوزين يبقى ربنا يعوض عليا

أنا أتفق معه في قراره هذا وهو يدل على نبل اخلاقه

وأدعوه للإبتعاد عن المجالس العرفية او ما شابه

لأنه بصراحة غير مستحب ان يلجأ الانسان لمجلس لكي يحل مشكلته وما يستوجب ذلك من إفشاء لأسرار شخصية أما العوام

خصوصا أن الموقف لا يحتاج لكل هذا

وصديقك اختار القرار الاصوب فى رأي , وعليه أن يخاطبهم بالحسنى اما أعطوه من تلقاء انفسهم وإما رفضوا وسيخلف الله عليه إن شاء لانه اختار الستر والله ستير يحب الستيرين

[عماد حمدي]

متفق تماماً مع صاحبك أنه يقولهم أنا ليا حق عندك و فق الشرع ..

عايزين تدهوني أهلاً و سهلاً و جزاكم الله خيراً مش عايزين يبقي عوضي ع الله ..

و ثق تماماً أن ربنا سبحانه و تعالي هيعوضة افضل و أحسن من اللي راح منه ..

إنما لو عمل قاعده عرفي بقا رأي من رأي ساري ( هتبقي فضايح ) ..

و صديقك هيضطر انه يقول كلام ميصحش انه يتقال حفاظاً علي سمعة البنت ..

و ممكن الأمر يتطور و تحصل مشاكل لقدر الله ..

فليه أنا أحط نفسي في موقف زي دا ، حلال عليهم ياعم بس الأول أقولهم أن شرع ربنا بيقول كذا و كذا ..

[شرف الدين]

أول مرة أعرف حكاية المجالس العرفي دي

هي حصلت معايا قبل كده .. وكانت بنت خالتي وحصل خلاف بينا تم على إثره إنهاء الخطوبة من ناحيتي .. ومكنش لسه فيه شبكة .. كانت مجرد هدية خطوبة ( ميني شبكة يعني ) .. وهما اللي رجعوها من نفسهم من غير حتى ما احنا نطلب منهم.. وقالوا " كل شيء نصيب ". فكان الموضوع بالتراضي.. وعشان كده المودة والحمد لله رجعت بسرعة لدرجة إن إخواتي حضروا فرحها بعد كده.

في عادات وتقاليد في المجتمع بيكون صعب تجاوزها.. يعني انا اعرف ان في ميت غمر ( دقهلية ) مثلا .. العريس هناك هو اللي بيتحمل كل حاجة من الألف للياء ..

إخوانا بتوع بنجلاديش على فكرة .. العروسة هي اللي بتتحمل كل حاجة..

المهم في قضيتنا دي ... العرف بيسري.. ولما يكون الولد هو اللي سايب .. ده مع كامل احترامنا إلا إنه بيأذي البنت أكتر وخصوصا لو في مدينة من المدن الصغيرة اللي الناس فيها عارفة بعضها.. خصوصا أكتر لو الموضوع كان تجاوز مجرد الزيارات المنزلية إلى الخروجات والفسح وإلخ إلخ.

وعشان كده العرف بيقول إن لو الولد هو اللي سايب هو اللي بيتحمل قيمة الشبكة .. لإن لو الولد هيخسر خسارة مادية بتقابلها خسارة معنوية جامدة للبنت وأهلها..

وأي واحد فينا كده يسأل نفسه .. لو كانت البنت مخطوبة قبل كده وخطوبتها اتفشكلت .. ده مش إلى حد ما بيأثر عليها في أي خطوبة تانية ولا لأ.

لو مشينا شرعا يبقى نمشي شرعا في كل حاجة .. يعني صاحبك لو خد برأي الشرع وصمم إنه يسترجع كل حاجة .. وده من حقه شرعا .. يبقى مع كامل احترامي ليه .. في خطوبته الجاية بقى .. عليه إنه يمشي كمان تبع الشرع .. عليه إنه يجهز كل حاجة من الألف للياء .. وعليه كمان إنه يدفع مهر للعروسة مقدما .. ( مش مؤخرا زي ما احنا بنعمل - هو صحيح تأجيل الصداق لا غبار عليه شرعا لكن الأصح إنه يدفع مقدما - وللعلم الصداق دين في رقبة الزوج ).

يا إما صاحبك يرضى بالعرف وتبعاته .. يا إما يتحمل تطبيق الشرع ومستلزماته .. مش ياخد من ده اللي يعجبه وده اللي يعجبه.

تم تعديل 18 سبتمبر 2011 بواسطة شرف الدين

[عبير يونس]

من وجهة نظر البنت

هدايا ايه اللي ابقى عايزاها من واحد مش عايزاه

الله يسهل عليه بهداياه

و لو عايز فلوس كمان ياخد و يحرمني من طلعته البهية

هو في كده ؟

هو بعد ما البنت متبقاش عايزة واحد

بتبقى عايزة اي حاجة تفكرها بيه اساسا؟؟؟؟:blink:

انتوا بتتكلموا في ايه اصلا

ايه فايدة شبكة و هدايا بعد ما الارتباط اتفك

ده مجرد تفكير البنت في كده

يبقى معناه انها كانت موافقة تبقى بضاعة و لها تمن !!!

يعني الشبكة و الهدايا مقابل ما مسك ايدها و حط ايده على كتفها ؟؟؟!!!

يا نهار ابيض !!!

انا لو من البنت

سواء هو اللي سابني

او انا اللي سبته

ارجع له كل حاجة

و حابقى في منتهى الحرص ما تفضلش قشاية تفكرني انه كان موجود في حياتي

قعدة عرفي ايه ؟؟

فين كرامة البنت ؟؟

:protest:

[عماد حمدي]

من وجهة نظر البنت

هدايا ايه اللي ابقى عايزاها من واحد مش عايزاه

الله يسهل عليه بهداياه

و لو عايز فلوس كمان ياخد و يحرمني من طلعته البهية

هو في كده ؟

هو بعد ما البنت متبقاش عايزة واحد

بتبقى عايزة اي حاجة تفكرها بيه اساسا؟؟؟؟:blink:

انتوا بتتكلموا في ايه اصلا

ايه فايدة شبكة و هدايا بعد ما الارتباط اتفك

ده مجرد تفكير البنت في كده

يبقى معناه انها كانت موافقة تبقى بضاعة و لها تمن !!!

يعني الشبكة و الهدايا مقابل ما مسك ايدها و حط ايده على كتفها ؟؟؟!!!

يا نهار ابيض !!!

انا لو من البنت

سواء هو اللي سابني

او انا اللي سبته

ارجع له كل حاجة

و حابقى في منتهى الحرص ما تفضلش قشاية تفكرني انه كان موجود في حياتي

قعدة عرفي ايه ؟؟

فين كرامة البنت ؟؟

:protest:

مهو مش كل البنات كدة يا أستاذه عبير ..

فيه منهم تقولك أهي سبوبة و طلعت منه ، و اللي يجي منه يبقي أحسن منه ..

و غالباً بيكون القرار دا قرار الأهل مش قرار البنت نفسها ..

و بيقنعوا يا عيني البنت و البنت بتقبل ..

الناس المُحترمة بتعمل إية ؟؟

أن لو انا أو البنت اللي فشكلنا كل واحد بترجعله حاجته و مفيش نصيب و صلي الله و بارك .

انما زي ما قولتلك فيه عائلات طمــــــــاعة جداً و يقولك مياخدش قشاية و يخلقوا مبررات لفعلتهم دي ..