أوتجراف لـلزميل الفاضل سى السيد بمناسبة حصوله على 1000 نقطة خضرا

[hOuSsAm]

ماشاء الله مجهود زميلنا سى السيد لا يختلف عليه اثنين من اعضاء المنتدى

وليه معجبين بيدخلوا يقرأوا كلامه مخصوص ....... (مليون خط تحت كلمة معجبين دى) احم احم :closedeyes: انا مش عايز مشاكل للراجل

--------------------

وعشان الكلام الحلو ده والمجهود الرائع وتحليلاته المنطقية فى مختلف الاحداث المحيطة

ووطنيته وحبه لبلاده وكلمة الحق مش صعبة عليه فى اى وقت وكل المواقف (من 2004 وانا بقرا مداخلاته)

ولو فيه كلمة شكر مش بيتاخر عشان يقولها ويعرف الناس هو ليه يستحق الشكر

وسعيه الدائم لمساعدة الاخرين

وتلاقيه كدة مش بيبخل بالمعلومة ومش بيتاخر على حد

وموجود معانا فى كل الاوقات

--------------------

وعشان مجهوده ده فكرت اعمله اوتجراف هنا عالمنتدى كل حد عايز يقوله كلمة يدخل يقوله وميخليش فى نفسه حاجة

ومفيش مانع لو كل واحد يطبق حتة بعشرين جنيه يحطها فى الصندوق اللى جنب الاوتجراف (محدش يسال الفلوس دى رايحة فين هنشترى بيها طبق فضة لاخونا سين سين ونكتبله عليه كلمة شكر)

ونجاملكوا باذن الله فى الافراح

حسام عبد الفتاح

[م تيمور المراغي]

مبروك يا س تخطيك الرقم 1000 لاكبر نسبة معجبين في المحاورات بلا منازع

وفعلا تاريخ طويل ومشرف لانسان مثقف و خدوم ومحترم ولا نزكيكم على الله

[Alattar]

والله كنت لسه داخل أكتب عن الموضوع ده في موضوعي الحزين..مأساتي مع نقاطي

و أقول ان فيه عضو كده مش ناوي يجيبها لبر..و البانر اللي علي يمين الشاشة ده خلاص مفيهوش مساحة لأربع أرقام...هنجيبله بانر مخصوص يعني؟

مبروك يا أبو الأسيان..و عقبال ما نباركلك علي الماجيستير و الدكتوراه ان شاء الله..

[capitshino]

اهو انا كنت عاوز اديله النقطة الخضراء رقم 1000 تقديرا لمجهوده فى المنتدى بس مالحقتش .

ربنا يبارك فيك يا استاذ احمد ويكثر من امثالك .

[م تيمور المراغي]

اهو انا كنت عاوز اديله النقطة الخضراء رقم 1000 تقديرا لمجهوده فى المنتدى بس مالحقتش .

ربنا يبارك فيك يا استاذ احمد ويكثر من امثالك .

مادام فتحت الموضوع

انا حطيت آخر نقطتين خضر عشان يوصل 1000

[عماد حمدي]

مبروك يا ريس ، و ربنا يحبب فيك الناس دايماً ..

أنته شخص محترم و خدوم و الناس كلها بتحبك ..

ألف مبروووووووووووك و عقبال لما نشوف إسمك كده في موسوعه جينيس

أرق تحيـــاتي ،،

[joo]

[الدكتور ياسر]

مبروك يا أستاذ س س .. عقبال مليون نقطة.. الى الامام... الى الامام :waving: :waving:

[mustafagamiel]

مبروك ياباشا

طبعا الاستاذ احمد غني عن التعريف فهو من شوامخ المنتدى

طالما وصلت بقى لل 1000 عليك ببرنامج قطاف

[ابراهيم عبد العزيز]

مبروك للاخ سي السيد وهو فى الحقيقة يستحق أكثر من ذلك

[Dreamwithme]

مبروووووووووووووووووك يا أستاذ سي السيد وربنا يكرمك يارب

وعقبال كل حاجة حلوة نفسك فيها يارب

[نوران]

مبرووووووك ال 1000 نقطه خضرا يا أستاذ أحمد

حضرتك تستاهل كل خير

دائما لا تبخل بأي معلومه أو نصيحه طالما كانت في استطاعتك

تحياتي لحضرتك

[عبير يونس]

مبروك يا أحمد باشا

يا معلم يا كبير اوي

تستاهل أكتر والله

ياخد من " نقطي الخضراء" و يديلك

( وش شادية في أغنية سيد الحبايب يا ضنايا انت)

ربنا يبارك لنا فيك و في قلمك يافندم

و بالمناسبة دي لازم تعمل لنا حفلة تليق بالحدث

في الاشراف طبعا

:P

ما تزعلوش يا اخواني و اخواتي

حنبقى نفرج حضراتكم ع الصور

:)

[لونا]

مبرووك

بعد سنة أو أكثر من متابعة المنتدى

كانت من أهم أسباب تسجيلي ..

كانت مواضيع س س و سكوربيون .. مع حفظ الألقاب

[rewsha]

يا بختك يا س س

هاتقفل ال 10000 امتى؟؟؟

على فكره (دي غبطه مش حسد)

bnd5::

اااه ....نسيت اقول لك

م

ب

ر

و

ك

[se_ Elsyed]

متشكر لكم جميعاً ... والله يا جماعة أنا بأتكسف من الكلام ده ... وبامانة ربنا لما بأكتب أي حاجه أعبر بها عن قناعاتي أو أفكاري فإنني لا أتوقع لا تقييم ولا إشادة .. لإن الواحد أقل من ذلك .. وهناك من الزملاء معنا بالمنتدى من يكتبون ويعبرون بيكونوا أفضل مني ...

[عماد حمدي]

متشكر لكم جميعاً ... والله يا جماعة أنا بأتكسف من الكلام ده ... وبامانة ربنا لما بأكتب أي حاجه أعبر بها عن قناعاتي أو أفكاري فإنني لا أتوقع لا تقييم ولا إشادة .. لإن الواحد أقل من ذلك .. وهناك من الزملاء معنا بالمنتدى من يكتبون ويعبرون بيكونوا أفضل مني ...

زادكم الله تواضعاً وعلما وعملاً ، ورزقنا وإياكم الإخلاص في القول والعمل ..

[ozoozo]

بصراحه وبدون مواربه

انا بحقد عليك وبحسدك

وانشاء الله لما اكبر وادخل المدرسه هاطلع مشرف زيك ويبقي عندي دشليون نقطه بس هيه:P

[عماد حمدي]

بصراحه وبدون مواربه

انا بحقد عليك وبحسدك

وانشاء الله لما اكبر وادخل المدرسه هاطلع مشرف زيك ويبقي عندي دشليون نقطه بس هيه:P

بس هيه ههههههههههه عسل يا أزووزو :D

تم تعديل 15 سبتمبر 2011 بواسطة omda2006

[se_ Elsyed]

بصراحه وبدون مواربه

انا بحقد عليك وبحسدك

وانشاء الله لما اكبر وادخل المدرسه هاطلع مشرف زيك ويبقي عندي دشليون نقطه بس هيه:P

طب وليه يا عزوز ؟

ما أنت لو كنت كملت دراستك كنت زمانك بقيت مُشرف .. أو حتى أمين شُرطة