جائزة البسبوسه الذهبيه لماما عبير الشرقاويه

[نوران]

عايزين هديه معتبره

حاجه حلوه ومفتخره

لماما عبير حبيبتنا

كلكو تقدموا هدايا

محدش يبخل يا إخواننا

ملابس النونو

ببرونات

وكمان مغات

كله هينفعنا

وكلنا نحيي احلي المهمهات

في كل المحاورات

وكام دعوه حلويين

يعين ماما يا رب آمين

تم تعديل 13 سبتمبر 2011 بواسطة نوران

[م تيمور المراغي]

قعدت افكر

وافكر

وافكر

وقلت لازم اروح اقدم الهديه بنفسي

ورحت

وياريتني ما رحت !

لان لما دخلت فوجئت بـ ...

ماتيجي نشوف :happy:

http://www.youtube.com/watch?v=UAsI73a67Fs

[نوران]

مين هيفك الكيس

انا ابتديت اهو

يا رب يعينك يا رب

وقوام قوام تلاقيه عريس

تم تعديل 13 سبتمبر 2011 بواسطة نوران

[م تيمور المراغي]

و آدي الخمسه جنيه :happy:

انا قلت لبويا ما يدخلنيش كلية الطب !

ياريتوا دخلني كليه البوسطه في طنطا ! :happy:

[Dreamwithme]

ربنا يكرمك يانوران علي الحفلة اللي أنتي بتعمليها لعبير

وربنا يكرمك ياعبير ويحميكي يارب

تم تعديل 13 سبتمبر 2011 بواسطة Dreamwithme

[عماد حمدي]

آه ياني من كتر التفكير تعبت ..

الواد الصغنون دا لما يجي الدنيا إن شاء الله ..

و يشوف مخاليق ربنا قاعدة تقطع في بعضها و اتهامات متبادلة بين القوي السياسية ..

و تقطيع في فروه الإخوان و السلفيين ، و شوية الليبراليين و العلمانيين ..

و كلوا داخل في بعضو و الدنيا هيصة .. و فراغ سياسي ..

و انتخابات رياسة و مجلس شعب و شورى ... و هوه يا حبه عيني مش فاهم اي حاجة

أكيد هيلسع بدري " بعد الشر طبعاً " فا أنا قولت اية بقا ..

لازم اجيبلة حاجة تهدي أعصابة و تخليه يبدأ حياته كول في اللذيذ ياعني ..

و ينفَض لكل البشرية دي ..

إتفضل يا يحي باشا ، و سيبك من الناس دي صدقني و بلاش تعتِّب ناحية المحاورات خالص ;)

.

.

.

.

.

..

.

..

.

..

.

..

.

..

.

..

.

..

.

..

.

..

.

.

..

.

..

.

.

..

.

..

.

.

.

بلاش ضرب أنا خايف علي مصلحة الواد ، و اللي بعمله دا علشان لما يكبر يجيلي هنا و يقولي والله براوه عليك يا عمدة وجهتني للطريق الصح :P أنته برنس الجيل و كل جيل ..

و اهو يا عم يحي دي عينه من البيبهات اللي وقعت تحت إيد عموا عماد ..

آخر روقان و النبي ..

دا زكزك ابن عم أحمد البواب ..

و دا بلية ابن ام محمد بتاعت اللبن ..

يا راجل دا من كتر شهرتي في تأهيل الجيل الجديد بقا بيجيلنا طلبات من برا

من أوربا ..

و من أسيا ..

بعد ما حضرتك تتفطم بقا إن شاء الله ..

هنخش علي مرحلة تانية أصعب حبتين ..

.

..

.

..

.

..

.

..

.

..

.

.

..

.

..

.

..

.

..

.

..

.

.

..

.

..

.

..

.

..

.

..

.

طبعاً كل اللي فات هزار في هزار .. ربنا يحفظة و يحمية و يجعله من عبادة الصالحين و يجعله قره عين والديه :)

[عطر الجنة]

استكمالا للمسيرة و الخط العريض الذى وضعه العمدة

[عطر الجنة]

هنا اوشا بيدرب

هنا معلق الواد كباكا عشان بصله فى الببرونة

[عماد حمدي]

هنا اوشا بيدرب

هنا معلق الواد كباكا عشان بصله فى الببرونة

انا بعترض تماماً عن التدريبات و الرياضة و الكلام دا ..

مركز العمدة لتأهيل بيبيهات المنطقة وبس .. أسعار مغرية جداً ..

متفتحيش عينيه علي الرياضة بليييييييييز

تم تعديل 13 سبتمبر 2011 بواسطة omda2006

[عبير يونس]

نوران الغالية

الحقيقة مش عارفة اقول لك ايه يا نوران على الروح الحلوة دي

ميرسي بجد

انت فعلا أسعدتيني و أدخلتي البهجة على قلبي

وحسستيني بالفرحة بجد

تيمور باشا

بجد ضحكت اوي ع المقطع

وميرسي ع الخمسة جنية

بس القيمة الحالية للجنيه 2011 غيرها في 1974 وقت الفيلم

و بعدين انا حاليا في السعودية و انت كمان

يبقى بالريال او اليورو سعادتك :closedeyes:

معلش احنا بنتكلم يعني ( وش القرموطي في سر الأرض)

ميرسي بجد أسعدتني

دريم هانم كعب الغزال

نورتيني بحضورك يا ست البنات

ربنا يسعد قلبك يارب

أما عمدة باشا

فبجد مش عارفة أقولك ايه يا باشا

ده ابوه ماداقش السيجارة في حياته

عايز الولد يطلع كده ؟wst::

بس تعرف

ولادي عندهم استعداد للانحراف بس مش لاقيين اللي يوجههم

هههههههههههههههه

يحي ده بقى حيبقى رئيس العصابة

و غالبا هو اللي حيفطمك ع الدور و اللي فيه

عطر الغالية

حتى انت يا بروتس

بتدي الولد منكر

:blink:

عجبني اوي الواد كباكا اللي متعلق ده

هو يستجري يبص للولد في الببرونة

هو اللي جابه لنفسه

آه احنا لحمنا مرة

ما نتاكلش لا مؤاخذة

mc:

ميرسي يا حبيبتي على اضفاء روح المرح ع الموضوع

[نوران]

ده نسيت الجايزه

اتفضلي يا عبير

[نوران]

نوران الغالية

الحقيقة مش عارفة اقول لك ايه يا نوران على الروح الحلوة دي

ميرسي بجد

انت فعلا أسعدتيني و أدخلتي البهجة على قلبي

وحسستيني بالفرحة بجد

ربنا يسعدك ويفرحك ويبارك لك فيهم ويحفظهم لك يا رب

والنونو ييجي بألف سلامه

ويهون عليكي النقل يا رب . . آمين

[نوران]

ربنا يكرمك يانوران علي الحفلة اللي أنتي بتعمليها لعبير

وربنا يكرمك ياعبير ويحميكي يارب

ربنا يبارك فيكي ويسعدك يا رب يا دريم يا قمر

[نوران]

أما الاساتذه الأفاضل :

أركيتيكت

عمده

عطر الجنه

الله يسامحكم :sad:

[الســـاري]

في السنة اللي قدموا فيها البسبوسة الذهبية والمش عارف ايه قدمنا

يتربى بعزك يا ماما عبير

http://www.youtube.com/watch?v=PWXGAzhSK5Q&feature=channel_video_title

يتربى بعزك ...... انعرض في توبيك نوران بباب الاجتماعيات

حصل على 1000 تقييم

نال جائزة السعفة الخشبية في مهرجان السينماالدولي بجمهورية توغو الديموقراطية

افلام الســاري ..... ام البسبوسة الذهبية

[الدكتور ياسر]

هتفقلك يا مدام عبير مع الشيخ البركة دة عشان نحفظ النونو القرءان .. سيبى الحكاية دى عليا

و آدي البسبوسة

تم تعديل 13 سبتمبر 2011 بواسطة الدكتور ياسر

[الســـاري]

بعد ان تقرر اغلاق التبريكات بموضوع انتظر المولود السابع قررنا رفع هذا الموضوع عشان نقول للاشراف مش بكيفكم تخلونا نوقف التبريكات

:P :P

ياللا يا جماعة اللي ما باركش لسه يبارك هنا .. الحقوا قبل الاغلاق ..

اما نشوف احنا ولا فريق الاشراف

bsh:)