استفسار عن أماكن تطعيم الأطفال في الرياض

[Alattar]

السلام عليكم و رحمة الله

خلاص بأه...الواحد كبر و بقي عنده عيال..و عاوزين نطعمهم بأه...عشان يبقوا أكثر طعامة من ذي قبل

ياريت بس اللي يعرف التطعيم بيكون ازاي هنا في الرياض..و هل له نفس المواعيد بتاعة مصر..يعني مثلا في مصر..كان فيه تطعيم بعد شهرين..و ده عملناه في مصر خلاص..بتاع ال 4 شهور بأه..هل هو هو هنا؟..ولا هنا ماشيين بنظام تاني؟

الواد ابني جاي من مصر..ومعاه كتيب التطعيمات في ايده..لأننا مفهمينه انه حاجة مهمة زي بطاقة الرقم القومي كده..

دلوقتي هو عنده تطعيم ال4 شهور بعد يومين ان شاء الله...بيبقي فين؟..و بيتكلف كام؟

يعني أروح أي مستوصف عادي و أسأل.؟..ولا فيه مكاتب صحة زي مصر كده؟

[se_ Elsyed]

السلام عليكم و رحمة الله

خلاص بأه...الواحد كبر و بقي عنده عيال..و عاوزين نطعمهم بأه...عشان يبقوا أكثر طعامة من ذي قبل

ياريت بس اللي يعرف التطعيم بيكون ازاي هنا في الرياض..و هل له نفس المواعيد بتاعة مصر..يعني مثلا في مصر..كان فيه تطعيم بعد شهرين..و ده عملناه في مصر خلاص..بتاع ال 4 شهور بأه..هل هو هو هنا؟..ولا هنا ماشيين بنظام تاني؟

الواد ابني جاي من مصر..ومعاه كتيب التطعيمات في ايده..لأننا مفهمينه انه حاجة مهمة زي بطاقة الرقم القومي كده..

دلوقتي هو عنده تطعيم ال4 شهور بعد يومين ان شاء الله...بيبقي فين؟..و بيتكلف كام؟

يعني أروح أي مستوصف عادي و أسأل.؟..ولا فيه مكاتب صحة زي مصر كده؟

إبننا الطٍعم عطار ....

والله كبرت وهاتتطعم ... يااااااااه الأيام بتجري زي التوك توك

بُص يا عطور ... التطعيم مشمول في نظام التأمين الصحي .. يعني مجاناً في أي مستوصف او مستشفى موجود في شبكة التامين الطبي اللي إنت تابع لها .... وأنا هنا اتحدث عن التطعيمات اللي بتلاقيها مذكورة صراحةً في جدول التطعيم

لكن ناس كتير وأنا منهم بنفضل تطيعم مراكز التطعيم التابعة لوزارة الصحة ..

هي مجاناً برضوا ... لكن عشان ده مجال تخصصهم فبتبقى التطعيمات دايماً فريش مش متخزنة زي اللي عند المستشفيات

إسأل وألف مين هايدلك في المنطقة بتاعتك على مركز تطيعم قريب منك لان أول حاجه هايطلبوها منك هي عقد إيجار الشقة عشان يشوفوا إنت إبن منطقتهم ولا من الفلول

تاني حاجه تاخد معاك شهادة الميلاد

وتاخد معاك شهادة التطعيم بتاعت مصر

وبالهنا والشفا

[mustafagamiel]

التطعيم مشمول في نظام التأمين الصحي

حتى ولو كانت زيارة يامسيو (يعني الزوجة والابن زيارة يعني ملهمش تأمين)

مبروك ياعطار

[se_ Elsyed]

التطعيم مشمول في نظام التأمين الصحي

حتى ولو كانت زيارة يامسيو (يعني الزوجة والابن زيارة يعني ملهمش تأمين)

مبروك ياعطار

لأ مش فاهم ؟

يعني قصدك زيارة بس معاهم كرت تأمين طبي زيك ؟

لو معاهم كرت طبي ما بتفرقش زيارة أو إقامة

[Alattar]

عمنا سين سين...حبيب الملايين

جزاك الله خيرا..و ان شاء الله أمشيلك في فرح عيالك كده ان شاء الله..بس تتوصوا بالبوفيه شوية

بالنسبة لسؤال مصطفي..يا سين سين..هو بيسأل عن اللي جايب مراته و ابنه زيارة..يعني مش مقيمين..ودول علي حسب ما سألت أنا في شركة تأمين قبل كده..قالولي انهم مالهومش تأمين طبي..التأمين بيكون للمقيمين فقط..

ودي تقريبا كانت شركة التعاونية اللي كانت الشركة عندنا عملالنا التأمين عليها السنة اللي فاتت..

[se_ Elsyed]

عمنا سين سين...حبيب الملايين

جزاك الله خيرا..و ان شاء الله أمشيلك في فرح عيالك كده ان شاء الله..بس تتوصوا بالبوفيه شوية

بالنسبة لسؤال مصطفي..يا سين سين..هو بيسأل عن اللي جايب مراته و ابنه زيارة..يعني مش مقيمين..ودول علي حسب ما سألت أنا في شركة تأمين قبل كده..قالولي انهم مالهومش تأمين طبي..التأمين بيكون للمقيمين فقط..

ودي تقريبا كانت شركة التعاونية اللي كانت الشركة عندنا عملالنا التأمين عليها السنة اللي فاتت..

كل حاجه بتمشي وبتبقى زي السكينة في الجاتوة

شركة التأمين لو عاوزه تمشيها بتمشيها

طب ما كانوا قالوا إن ما فيش شركة تقدر تامن على موظف إلا لو كان تحت كفالتها او جاب موافقة من بابا الكفيل إنه يتأمين عندهم ؟

كذب .. وبيتأمن على الناس دي زي الحلاوة الطحينية يا معلم

[Hesham Zaki]

مفيش داعي للقلق والحيرة الموضوع بسيط جدا وانا مطعم اطفالي كلهم كده

شوفي في مكان حكومي مش معروف لكتير وفاضي ورايق

في اسكان الكوايته شارع الضباب عمارة 5

التطعيم مجاني

بياخد رقم تلفونك ويبعتولك رساله علي الجوال يفكروك

لو سالوكي ساكنه فين (هم مش بيسالوا ) قولي لهم في شارع الضباب

وربنا يبارك في ابنك

تم تعديل 10 سبتمبر 2011 بواسطة hesham.zaki@windowslive.com