استفسارات رمضانية

[nora]

السلام عليكم ورحمة الله وبركاته

اولا كل عام وانتم بخير

انا عندي استفسار عن رمضان او بالاصح رأي الشرع في هذا الامر

1-هل يجوز للمرأه الحامل في الشهور الاولا (أي الاول والتاني )أن تفطر شهر رمضان ام لا يجوز

2- وإذا كان الطبيب هو الذي أمر بذلك

3- وإذا كان الأجابه ان لا عليها صوم ولها رخصة الافطار هل يلا يقبل صيامها إذا عاندت وصامت الشهر الكريم

أرجوا أن اجد عندكم الإجابة وشكرا :P :rolleyes:

تم تعديل 13 أكتوبر 2004 بواسطة nora

[Cleo]

ألف مبروك يا نوراااااااااااااا.....

النونو لازم يتسجل فى المحاورات قبل شهادة الميلاد....

والموغات وحياتك..... بموووووووووووت فييييه....

ربنا يباركلك فيما رزق... :P

[bentmasria]

السلام عليكم ورحمة الله وبركاته

اولا الف مبروك للضيف الجديد ربنا يتم لك بكل خير ويسعدك بيه

ثانيا

الصوم فى بداية الحمل يكون حسب حالتك الصحية واستئذان الطبيب فكلامه هو الذى يمنحك رخصة افطار المريض فقد قال تعالى

ومن كان مريضا او على سفر فعدة من ايام اخر يريد الله بكم اليسر ولا يريد بكم العسر

فاذا سمح لك الطبيب لا ضرر ولا ضرار وان اشار بخطورته عليك او على الجنين فى هذه المرحلة فافطرى وادى الكفارة باطعام شخص عن كل يوم تفطرينه

وهذه الفتوى اختى الكريمة جاءتنى اثناء حملى فى طفلى محمد ومررت بظروف مشابهة وهى من موقع www.noorislamy.com

وطمنينا عليكى دايما

اختك

ام محمد

[فــيــروز]

ألف مبروك يا نورا :P

وربنا يتم لك على خير ان شاء الله :rolleyes:

[nashwa]

مبروك يانورا :D ;) rs: rs: rs: :rolleyes:

نحن السابقون وأنتم الاحقون ... ربنا يتمم بخير ياستى

نفس سؤالك ده سألته للدكتوره بتاعتى الأسبوع اللى فات ... ومع أنها أنجليزيه بس طلعت فاهمه أنا بتكلم على ايه .. ولسه ماخلصتش السؤال .. الا ولاقيها بترد علي ولا مفتى الجمهوريه .. """ الإسلام بيسمح للمرأه الحامل أنها تفطر .. وأنا بقولك ماتصوميش""" ... على فكرة أنا فى بدايه السادس تقريبا ... وطبعا ماسكتش .. قولتلها عايزه أصوم ... وحجرب اول يومين ... وقعدت أشرح لها أنى حتسحر (ماعرفتش أقولها باالانجليزى) متأخر جدا ... وأصلى وأنام لغايه الضهر) وحيفضل حوالى 4 -5 ساعات على المغرب (مش كتير) .... الدكتورة بصتلى كده :P وغالبا كانت حتسلم وتفوض أمرها لله .. وقالتلى أعملى اللى أنت عيزاه .. بس لو تعبتى ماتصوميش

وفعلا لو تعبت مش حاصوم ... وربنا يغفر .. ويقدر على الكفارة

اللى عايزه أقولهولك .. أنت أدرى بصحتك ... وجربى .. بس نصيحتى ليكى ... بلاش فى الشهور الأولى ... الجنين سهل التأثر جدا فى المراحل الأولى بأى حاحة

بالتوفيق .. ورمضان كريم :D

[nora]

شكرا ليكم كلكم والله يبارك فيكم عموما انا عن نفسي هصوم وربنا يقدرني يارب :P

بس مش هخلي ابني يهوب نحيت المحاورات ابدا :rolleyes: :D

[kfaya]

كل طفل سيولد و احد والديه مسجل هنا ......هو ابن شرعى للمحاورات .. :rolleyes:

مبروك يا نورا وربنا يتم لك بخير .... :unsure:

مش هاكتر فى الكلام بعد اللى حصل مع نشوى ؟؟؟؟!!!! :angry: