عبر عن تقديرك / لشخصٌ ما

[طارق مصرى]

جزاك الله خيرا أخى طائر على موضوعاتك الجميله و الرقيقة لكى منى ألف تحية

[عماد حمدي]

حبيب قلبى / عمده 2006

الشاب المجاهد فى سبيل الوطن والعزوبيه

يسعدنى ان اعبر لك عن تقديرى واعزازى

بشخصك وزمالتك لى فى العزوبيه العصماء

ويارب تنهار وافرح فيك / عن قريب

خالص ودى / من مكنون صدرى

مش عارفين نقول إية لمعاليك :wub: أخجلتمونا و الله ،،

يعلم الله إنى أحبك في الله وأحترمك و اقدرك و ربنا يدوم المحبة و المعروف ..

تحيـــاتي يا شاعرنا الرقيق :flr1:

و أشكرك إنك إفتكرتني و كنت من أوليات الناس عند حضرتك ..

دا شرف كبير جداً ليا ..

لى عودة ..

تم تعديل 10 سبتمبر 2011 بواسطة omda2006

[عماد حمدي]

تقديري لكل من :

لوالدي بنصائحة وتوجيهاته ليا ..

لكل فرد وقف جنبي و ساعدني و نصحني و وجهني للطريق الصح ..

لأصدقائي جميعاً اللي ع طول يسألوا عليا وفاكرني في وقت المحن قبل وقت السرور ..

لرئيس الحسابات في شركتي القديمة اللي علمني واحدة واحدة و إستحمل اسئلتي الكتيرة .. وكان سبب في تغيير مسار حياتي المهني ..

لمديري المالي حالياً اللي مابيبخلش بأي معلومة ليا ، و تقديره و دعمه المستمر لعملي ..

لمدير العلاقات العامة اللي بيعتبرني زي ابنه و بيدورلي على عروسة :P

لكل فرد كان بيخاف عليا بجد من غير مصالح ..

لكل فرد بالمنتدي هنا و مش هقول أسماء علشان مش انسي حد ..

لكن يجب ذكر اسم الشخص اللي اول من رد ع أسئلتي و استحملني الفاضل / سي السيد ..

للمنتدي كله ككيان أعتبرة زي بيتي بالظبط ، و أعضائه زي أهلي تماماً ..

لكل فرد تقبل الرآي و الرآي الأخر ..

لطائر الليل الحزين اللي إدالنا المساحة الجميلة دي علشان نوجة رسالتنا هذه ،،

تقديري و احترامي للجميـــــ ــــــع ،،

[م تيمور المراغي]

مش حينفع كده على فكره ,,

مش كل واحد يدخل يقوم قايل : ولكل افراد المنتدى عشان مانساش حد والكلام الفاكس ده مش بياكل معانا

المفروض كل واحد يكون طبيعي و يقول بيقدر مين ,,ماليش في المسلوق ,,

اللي مش حيقول انا بقدر وبحب الرائع الخطير اركيتكت :egyflag: حمسكه السلك عريان ! :happy:

[عبير يونس]

مش حينفع كده على فكره ,,

مش كل واحد يدخل يقوم قايل : ولكل افراد المنتدى عشان مانساش حد والكلام الفاكس ده مش بياكل معانا

المفروض كل واحد يكون طبيعي و يقول بيقدر مين ,,ماليش في المسلوق ,,

اللي مش حيقول انا بقدر وبحب الرائع الخطير اركيتكت :egyflag: حمسكه السلك عريان ! :happy:

ايه يا باشمهندس

ده انت واخد أول مداخلة محبة و تقدير من صاحب التوبيك بنفسه

بلاش طمع

و عموما يافندم

أقدّر حضرتك رغم اختلافي معاك في الرأي أحيانا

لكن لا أنكر ان لديك روح مقاتلة لا تُقهر

[م تيمور المراغي]

ميرسي يا استاذه ده من زوقك

[egyptawy]

ميرسي يا استاذه ده من زوقك

انا بقى مش معروف هنا ومش بشارك كتير تقدرا تقولوا على من الفئة الصامتة

لكن بتابع من بعيد وفيه ناس كتير مش بتبخل على اى حد سواء بالنصيحة او بالخبرة او بالتجربة العملية

ومش هاقول اسماء عشان ما انساش حد

لكن ما اقدرش انسى س س الا باحس انه موجود دايما فى اى وقت بيساعد لوجه الله

وكمان الاستاذ خالد الا ساعدنى فى مشكلة ما

جزاكم الله خيرا

[عبير يونس]

هو التوبيك ده اتردم عليه ليه؟؟؟

( وش لماضة)

خلاص ما فيش حد تعبروا له عن حبكم و تقديركم :blink:

أقدم تقديري و اعزازي و حبي العميق

لشخص قريب مني جدا

و بأهديه الورد ده

وبأقوله حقك عليا ما تزعلش

أنت تعرف مكانتك جيدا عندي

[باهى الطائر الحزين]

اعبر عن تقديرى للفاضلتين :

مغتربة / لولا

عن مداخلتهما المعبرتين الموضوعيتين فى ،،

اقتراح للإداره الكريمه بشأن الإيقاف النهائي

واثمن بهما روحٌ عَليه / واقلام نزيهه ثريه

مدعاة / واسباب احترامى

[عبير يونس]

وحشتني اوي اوي اوي

أفتقدك بشدة

بابا حبيبي

[عصام أبوالفتح]

إلى من ملكت الحكمة والمعرفة والصبر والحماس والقوة والتحمل والمهارة

وأرضعتنى كل ذلك

أهدى خالص حبى ووفائى لكى يا أمى :wub:

وإلى مرآتى الصغيرة التى أرى فيها نفسى بكل ما فيها من مزايا وعيوب .. أهدى خالص حبى وامتنانى لكى يا ليلى

وإلى المرآه الاخرى التى ارى فيها مزايا وعيوب زوجتى :happy: أهدى خالص حبى وامتنانى لكى أيتها الأميرة سميرة

وإلى نصفى الآخر ... لا أستطيع الحياة من دونك .. فاقبلينى يا حبيبتى مجنونك

شكرا يا طائر على الموضوع الجميل ده

تم تعديل 22 ديسمبر 2011 بواسطة عصام أبوالفتح

[عبير يونس]

ابنتي الحبيبة سلافة

كل سنة و انتي طيبة

اليوم أكملتِ عامين

اللهم بارك في عمرك يارب

ورغم أنكِ أصغر أبنائي

إلا أنني أدين لكِ بالكثير يا صديقتي الجميلة

رقتك وعذوبتك أهدتني أنهارا من رقة الشعور و الحب

إليكِ يا ملاكي حبي و تقديري و اعزازي

[أبو يمنى]

الأخ الكريم والمشرف الفاضل أسد .

صاحب رؤية متزّنة وقلم هادئ .

ليته لا يحرمنا من تواجده المستمر .

[همسة الغامدي]

الاخت الرائعة والصديقة الجميلة ..ام سلمى

اعجز عن شكرها لمساندتي واعادتها لموضوعاتي ومشاركاتي

رغم مشاغلها واهتماماتها الا انها منحتني وقتها وشاركتني احساسي ومازالت

احببت ان اشكرها هنا عرفانا وامتنانا ..

لاحرمك الله الاجر غاليتي وادامك كما انت دوما (معطاءة)

[نورالعين]

رسالة شكر وتقدير وامتنان لكل ما قدمه لنا أستاذنا الفاضل

أبو محمد

تم تعديل 9 أكتوبر 2012 بواسطة نورالعين