انا اتخنقت من

[التونسى]

إتخنقت من التناحه .. والبجاحه .. والملل

إتخنقت من السخافه .. والهيافه .. والهطل

إتخنقت من السفاله .. والنداله .. والهــبل

ضيقه ضيقه..

خنقه خنقه..

والعمل..إيه العمل!!!!!!!!!؟

[التونسى]

كلاكيت .. تالت مره

إتخنقت .. م اللى باعها .. بالرخيــص .. وسبها

إتخنقت .. م اللى خانها .. وعمرُه يوم.. ما حبها

إتخنقت .. م اللى سابها .. وجاى يقول .. دا ذنبها

إتخنقت .. ومصر بس .. ليها مــين .. غير ربها

ليها مين .. غير ربها!!!

ليها مين .. غير ربها!!!

إتخنقت .. اتخنقت

تم تعديل 13 سبتمبر 2011 بواسطة محمود البصيلى

[abobakr]

ايه في الدنيا مش بيخنق؟؟؟

تم تعديل 13 سبتمبر 2011 بواسطة bakarbeko

[لماضة مصرية جدا]

السلام عليكم و رحمة الله و بركاته

ايييييييييييييه التوبيك الخنيقة دوت...(وش حد يطلع لسانه و بيضحك في نفس ذوات الوقت)

الحقيقة هو انا مش اتخنقت بس يعني متضايقة هتقولولي ايه الفرق يا لمضة

و قبل ما الت و اعجب في الفرق بين الجوهر و المضمون بين الخنيقة و المضايقة و كدهوت

متضايقة ان الناس في التلفزين بتزعق

و ع الفيس بوك بتزعق

و حتي المنتدي هنا الحتة الطرية اللي واحد بيخش مية علي مراوحه....حاسة ان محدش بيسمع حد و برضه كل واحد بيزعق

متضايقة ان بقعد ادور كتير علي ساحة دافية ع النت او في الحقيقة

مش عارفة

حاسة ان ملامحنا بتتغير

حياتنا يمكن بتتغير

من جوايا نفسي اوي تكون للاحسن

بس الطريقة اللي احنا عمالين نجدف بيها علشان المركبة تمشي...مش مريحاني

بس خلاص

ياااااااااااااااه

كده ارتحت

[alaashabana]

انا اتخنقت من حاجة كبيرة اوى ومش لاقى حل لها .. اتخنقت من الهنوووووود اللى فى كل مكان وتروح اى شغل تلاقى المدير هندى وتروح اى مكان تلاقى هنود فى وشك حتى انهاردة جوة مطعم مصرى الاقى هنود قاعدين ياكلوا وفى الاسانسير وفى كل حتى تلاقى هنود هنود هنود وريحتهم مش كويسة .. أى نعم فية هنود محنرمين اوى ونظاف بس انا بقيت بحس انى بتخنق منهم لاتهم بكثرة اوى اوى وفى كل مكان منتشرين ... يعنى الصنيين كتير اوى لكن مش منتشرين زيهم كدة فى البلاد العربية ..

اتخنقت من الناس اللى بتعقد تفتى وتقول فى حاجات من الهوا ومش فاهمين حاجة والمشكلة ان ناس بتصدقهم وبيغرقوا فى الاخر.. اتخنقت من الفلام العربى اللى بجد بقيت معطمها فى قمة التفاهه وقلة الادب واستخفاف بعقول الناس .. اتخنقت من احساس عدم الاستقرار خصوصا فى البلاد العربية وكل يوم بنبقى خايفين يكون اخر يوم لينا ودة بيبقى صعب اننا نحس ان فى اى لحظة يقولوا مع السلامة .. اتخنقت ان كل حاجة تعملها فى البلاد يقولك هات موافقة الكفيل كانه ابونا اللى خلفنا .. اتخنقت غلاء المعيشة فى كل مكان وثبات وتقليل فى حجم الاجور والرواتب .. اتحنقت من الاحلام اللى كل يوم بأحلم بيها وخايف انها مش تتحقق .. اتخنقت من التفكير فى بكرة دائما نفسى انام واصحى ومش افكر فى اى حاجة غير فى الحاضر وفقط . انا مخنوق اوى . هههههههههههه انا بكتب وحاسس ان حواجبى بقيت سبعات فى ثمانيات .. مين اللى فتح الموضوع الكئيب دة :blink:

[متعب]

انا بقى مش مخنوق

هيرد عليا واحد دلوقتى يقولى انته تخنق اصلا

هههههههههاى

[عصام أبوالفتح]

انا مخنوق من ثلاث حاجات . . الاكل والنوم والحمام