اذهب الي المحتوي
عماد حمدي

المصروفات الأساسية للتقدم و الحصول علي الـCMA / CMA

Recommended Posts

:: مصروفات الحصول علي الـ CMA ::

cma-logo-large.gif

س & ج

سؤال : اية هيا المصروفات الازمة علشان أقدر أخد الـ CMA ؟

جواب :

بص يا سيدي انته وهوه صلي ع النبي

دلوقتي سمعنا كتير كلة يقولك الشهاده غالية وهتكلفك 1000525110 جنية وعملوا من الحيه قبه وحصل رعب للناس وللأسف الشديد الناس صدقت وصرفت نظر عن دراستها علشان مش هيقدروا عليها ماديا ً بصوا بقا وركزوا معايا

دلوقتي قبل أي حاجة هقولك اية هيا المصاريف الثابته والإجبارية ..

- 200 دولار تسجيل عضوية في المعهد وتاخد رقم ليك معهد المحاسبين الإداريين بأمريكا طبعا ً مش معهد شرح لا دا المعهد نفسه اللي بيصدرلك الشهادة .. تمام كدة

- 190 دولار إشتراك سنوي .. بمعني اية هقولك دلوقتي انته واحد كفء ووعندك مقدره أنك تخلص البارتين في سنة كاملة يبقي كدة سيادتك مش مجبر أنك تدفع إشتراك تاني السنة الجاية خلاص طالما خلصت الشهاده في مدة السنة كدة فل

طيب افترضنا عدك عليك أول سنة وملحقتش تمتحن حاجة او امتحنت بارت وبقيلك التاني .. بكدة فإنته مجبر أن تدفع إشتراك 190 دولار تاني للسنة الجديدة علشان تقدر تحجز امتحان لان لازم تكون أكتيف ميمبر فلازم تكون دفعت إشتراكك

وهكذا ..

- 350 دولار رسم دخول الإمتحان للبارت الواحد دا طبعا ً النظام الجديد ياعني عندك فية جزئين كل جزء ب 350 دولار يبقي الإجمالي 700 دولار ,, لقدر الله دخلت الإمتحان ورسبت فهتضطر تدفع 350 دولار تاني علشان تدخل تعيد الإمتحان

يبقي كدة الإجمالي كام ياعمدة = 1090 دولار بما يعادل 5995 جنية مصري = 3996 ريال سعودي

سؤال هل ينفع بعد ما أخلص الشهادة وأحصل عليها أدفع إشتراك تاني واكون عضو في المعهد IMA ؟

جواب :

أيوه طبعا ً ينفع وأنا بنصح بكدة لية بقا أولا ً إسمك هيظهر سنويا ً بشكوف الأعضاء الفعالة ع موقع المعهد نفسة ودي حاجة مميزة ثانيا ً المعهد هيبعت ليك مجلة شهرية خاص بيه ثالثا ً هيبقي من حقكك تدخل ع موقع المعهد وتتطلع ع كل جديد يخص الشهادة وكل المتغيرات التي تطرأ علي نظامها من حيث تطويرها ويبقي من حقكك تنزل الكتاب مجانا ً

يكفي فقط أن تكون عضو فعال بمعهد المحاسبيين الإداريين بأمريكا .. لكن طبعا ً لو مش عايز تشترك مفيش اي مشاكل مش هتأثر عليك ياعني

سؤال : إمال اية يا عمدة سمعنا ناس بتقول أرقام فلكية اية الأرقام دي ؟

جواب :

طبعا ً الرسوم اللي شرحتها ليكم دي رسوم ثابتة وإجبارية .. لكن الأرقام الفلكية اللي تقصدوها دي فدي بقا رسوم الشرح بمعني اية فية مراكز كتير دلوقتي أنتشرت لتدريس السي ام اية وكل مركز ليه مزاياه ولية عيوبة ودا هنتطرق ليه فيما بعد ,, كل مركز من دول ليه سعر المحدد ياعني كمثال الجامعة الأمريكية غير الغرفة التجارية غير أرادو غير اسكادا كل منهم ليه سعر مختلف .. فانت ان شاء الله تتابع معانا هنا في القسم ومش هتحتاج أبدا ً انك تدرس برة عندهم لاننا ان شاء الله تعالي هنتبع أسلوب سيلف استدي ياعني تذاكر لواحدك وهنقولك هتبدأ منين وإزاي وهنوفرلك كل الكتب ومحاضرات شرح كمان ومحاضرات صوتية وأي حاجة هتقف معاك هنقف جنبك ومش هنسيبك هنديك قواميس تجارية تساعدك .. من الأخر معانا بإذن الله متقلقش هنوفرلك كل دا مجانا ً وإبتغاء مرضاه الله

نسألكم الدعاء بظهر الغيب .. تمنياتي للجميع بالتوفيق و النجاح ،،

حقوق النشر محفوظة لمنتديات عرب ويب سوفت & منتدي محاورات المصريين ؛ للكاتب / Omda2006 - Emad Hamdy

شارك هذه المشاركه


رابط المشاركه
شارك

هو صحيح انا ماليش في الموضوع ده خالص

ومش فاهمه حاجه

بس بجد مجهود ربنا يجعله في ميزان حسناتك

ربنا يباركلك يارب ، ميرسي علي زوقك ..

نورتي الموضوع :give_rose:

شارك هذه المشاركه


رابط المشاركه
شارك

ربنا يكرمك يا عمدة تسلم ايدك

انت كده وفرت عليه بحث كتير جداا

بس يا باشا ليه سؤال عن كتب الدراسة و المذاكرة

ازاي اقدر احصل عليهم و تكلفتهم كام في المتوسط

معلش هتعبك معايه بس انا ضايع و ربنا بعتك ليه من السما

شارك هذه المشاركه


رابط المشاركه
شارك

ربنا يكرمك يا عمدة تسلم ايدك

انت كده وفرت عليه بحث كتير جداا

بس يا باشا ليه سؤال عن كتب الدراسة و المذاكرة

ازاي اقدر احصل عليهم و تكلفتهم كام في المتوسط

معلش هتعبك معايه بس انا ضايع و ربنا بعتك ليه من السما

و لا ضايع و لا شيء يا باشا ..

أنا تحت أمرك في اي سؤال في اي وقت ربنا يقدرني و اقدر أجاوبك ..

بخصوص الكتب و المذكرات فطبقاً لقوانين المنتدي هنا " حماية الملكية الفكرية " ..

فيُمنع منعاً باتاً وضع روابط للماتيريال ع العام ..

يمكنك مراسلتلى ع الخاص و هعطيك روابط تحميل الكتب و المراجع ،،

بالتوفيق ،،

شارك هذه المشاركه


رابط المشاركه
شارك

بالذمه ده موضوع ميتكملش ويتنسى :protest:

فعلا التوبيك ده ممكن يكون مرجع مهم جدا للجميع

ربنا يوفقك ويجعله فى ميزان حسناتك

أستاذنا الغالي أكرم ..

أشكرك علي مرورك و ردك الطيب يا طيب ،،

انتظر المزيد قريباً إن شاء الله ..

شارك هذه المشاركه


رابط المشاركه
شارك
Guest Esmailmohamed

ده جميل جدا فعلا بس انا بسمع ناس كتير ان انت مش هتتجح وبيحبطوني فعلا قبل ماحاول حتي اني اقدم عليها ارجو انك تفدني لان الكل بيحاولو يخلوها مستحيل اني انجح فيها

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×