pink rose بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 مش عارفه بصراحة ابدأ الموضوع منين هاتكلم من غير ترتيب افكار عشان الكلام يطلع من القلب على طول و يوصل لحضراتكم بيقولوا من شب على شئ شاب عليه طيب تعالوا نشوف شبابنا اليومين دول بيشبوا على ايه عشان نشوف هل فعلا هايشيبوا على كده من كام سنة ظهرت حكايات البنطلونات الساقطة بعدها جه بقى حوار ان البوكسر يبان و حاليا بقى التطور الطبيعي للحاجه الباردة هو اعلان قطونيل بصراحة باحس اني عاوزة اقوم اكسر التليفزيون من كتر احساسي بالقرف هو في ايه هو الاعلام ليه بيساعد على ان الحاجه الغلط تنتشر و المصيبة انها تبقى طبيعية هل طبيعي ان راااااااااجل محترم يمشي و الاندروير باين؟ سؤالي بقى هل العيال اللي بيعملوا كده دلوقتي لما يكبروا هايفضلوا كده طالما الوضع دلوقتي بقى طبيعي ايه اللي هايخليهم يعقلوا طالما سعادة البيه الوالد و الست الهانم الوالدة سمحوا بنزول ابنهم كده و الشاب لقي اغلب اصحابه كده و وسائل الاعلام بقت هي كمان بتطبع لكده حد معايا في كلامي و لا انا اللي حنبلية؟؟؟؟؟؟؟؟؟؟؟؟ رابط هذا التعليق شارك المزيد من خيارات المشاركة
se_ Elsyed بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 لأ يا ريمو إنتي عندك حق بصراحة دي ناس معدومة الذوق وما عندهاش دم حاجة أخر قلة أدب ... وتقليد اعمى لعادات هبله .... وياريت نقلد مثلاً نفس اللي بيلبس بنطلون ساقط ولا مش عارف إيه في الغرب .. نقلده في جديته وإفادته لوطنة و في أنصهاره في روح الجماعة والعمل من أجل مجتمعه حتى لو كان شاذ جنسياً سوري يعني لكن الشباب التافه الضايع اللي بيعمل زي كده بيقلد تقليد اعمى في الحاجات الشاذة اللي زي دي لكن الجدية والعمل .. مالناش فيها اللبس حرية شخصية .... لكن هل تصل إلى الدرجة دي ؟ والله العظيم انا ما سمعت عن الموضة المنيلة دي الا هنا ... مش عارف مين عمل موضوع عن الموضة دي من كام سنة كده لا وفي الأخر يعملوا عنها إعلانات وحاجه مقززة الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Alattar بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 يبقي أنا كنت صح بأه... أصل أنا شفت الاعلان المهبب بتاع قطونيل ده في البيت..و برضه كنت قرفان منهم بصراحة..و بتكلم مع المودام..اللي تقريبا ما شافتش الاعلان..قالتلي..مش معقول..تلاقيك ما أخدتش بالك..يمكن قطونيل دي ليها منتجات تانية غير الأندرورور.. و أنا طبعا بمنتهي العبط..وحسن النية في نفس الوقت..قلت..أكيد ليهم منتجات تانية..أكيد مش هيعملوا إعلان عشان الهباب ده يعني (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) رابط هذا التعليق شارك المزيد من خيارات المشاركة
se_ Elsyed بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 سلاح و عاوز يرخصه..هيتوافق علي طلبه علطول؟..ولا فيه شروط معينة؟ عشان ما نظلمش الناس يا عطار لهم بصراحة منتجات تانية بيعملوا شربات قطن تجنن ... هههههههههه الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
pink rose بتاريخ: 14 أغسطس 2011 كاتب الموضوع تقديم بلاغ مشاركة بتاريخ: 14 أغسطس 2011 بصراحة مش حاسة ان اللي بيعمل كده في الغرب اللي العيال هنا في المجتمعات العربية بيقلدوهم هما صفوة المجتمع الغربي او اللي عندهم جدية و كل الكلام اللطيف اللي قولته دا متهيألي و الله اعلم_ و ياريت اخوانا اللي عايشين برة يدونا خلفية _اللي بيعمل كده برة هما قاع المجتمع هناك و المصيبة لو فعلا احنا بنقلد قاع المجتمعات الغربية طيب عموما ايا كانوا بيقلدوا مين احنا بقى الناس المتمسكة بالاخلاق و العادات و التقاليد المحترمة دورنا ايه؟ عارف هاحكيلك حاجه ناس معرفه عندهم اولاد ابنهم الكبير دخل مرحلة المراهقة لقيت الواد طول شعره و راح عمله فرد و بقى شعره ملزق و راجع لورا كده زي العيال البيئة و شوية بقى سلاسل و حظاظات شكله بجد بقى يثير الاشمئزاز ما قدرناش انا و جوزي نسكت بصراحة و اتكلمنا مع باباه و مامته المصيبة اننا لقينا الرد منهم كالاتي شباب بقى و دي المرحلة بتاعت التغيرات و التقليد و التقلبات و شوية و اكيد هايتغير تفكيره و يتعدل سكتنا لاننا خلاص قدمنا النصيحة و مالناش عليهم سلطان بصراحة انا شايفاها مصيبة قولي يا استاذ احمد هايكون رد فعل حضرتك ايه و تصرفك لو جه واحد من اولادك و قال عاوز اطول شعري و البس سلسلة و حظاظة و عاوز يبين البوكسر؟ رابط هذا التعليق شارك المزيد من خيارات المشاركة
لونا بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 (معدل) فعلًا الإعلان سخيف جدًا وبالرغم من إن المنتج عادي و طبيعي جدًا .. لكن إختاروا زاوية غير محترمة بصراحة للدعاية للمنتج أما عن موضوع التوبيك .. في تخيلي و مش عارفة إذا كان ده صح و لا غلط .. إن ما فيش بنت محترمة و لا أسرة محترمة .. تقبل على نفسها إنها تجوز بنتها لواحد مسقط بنطلونه و المفروض برضه إن الأماكن المحترمة .. ترفض تشغيل حد يخدش الحياء العام بمنظر البنطلون الساقط فالمفروض إنه لما يوصل لمرحلة الشغل و الزواج .. حيلاقي إنه ما ينفعش يعيش بالمنظر السخيف ده أتمنى ذلك المشكلة هما بيلبسوا كدة ليه ؟.. و هل أهلهم بيوافقوا على كدة ؟.. ما أعتقدش !! تم تعديل 14 أغسطس 2011 بواسطة لونا ربنا آتنا في الدنيا حسنة .. و في الآخرة حسنة .. و قنا عذاب النار .. يا رب .. احفظ مصر و المصريين رابط هذا التعليق شارك المزيد من خيارات المشاركة
se_ Elsyed بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 قولي يا استاذ احمد هايكون رد فعل حضرتك ايه و تصرفك لو جه واحد من اولادك و قال عاوز اطول شعري و البس سلسلة و حظاظة و عاوز يبين البوكسر؟ إحم إحم في الحكيكة أصل يعني .. أيوه هاقول أهو لو حد من ولادي جه وقال لي أنا عاوز ألبس بنطلون ساقط وأبين البوكسر .... هاروح مديله بالبوكس وأسقط له صف سنانه لكن الأنسيال والسلسلة ... أصل يعني أنا لابس إنسيال فضة ... بس طبي وكتاب الله عشان ركبتي لسه بتوجعني من ساعة حادثة العربية بتاعت 2003 ولابس سلسلة فضة ... بس دي مش حادثة وشعري طويل ... بس هو كده خلقة ربنا .. بس مش لدرجة إني أضفره أو أخلية يطول وسط ضهري ... لكن ضفاير بقى وقُصة لحد المناخير زي لاميس الحديدي اللي هايجليها حول لأ طبعاً ----------- بصراحة مش حاسة ان اللي بيعمل كده في الغرب اللي العيال هنا في المجتمعات العربية بيقلدوهم هما صفوة المجتمع الغربي او اللي عندهم جدية و كل الكلام اللطيف اللي قولته دا لأ مش شرط يا ريمو .. إتعاملنا مع أجانب كتير بصراحة لهم تصرفات غريبة .. زي اللي يكون عامل ضفيرة واصله لحد رجلة .. أو اللي لابس حلق حريمي ... وفيهم ناس كمان بيبقى باين عليهم إنهم مظبوطين ... بس بصراحة في الشغل مالهمش حل وبيعرفوا يفضلوا بين الحرية الشخصية وبين العمل .. لكن نحن مجتمعات شرقية ولنا تقاليدنا وما ينفعش أشوف مناظر زي دي في المجتمع عادي كده يعني الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
ViralMind بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 بصراحة مش حاسة ان اللي بيعمل كده في الغرب اللي العيال هنا في المجتمعات العربية بيقلدوهم هما صفوة المجتمع الغربي او اللي عندهم جدية و كل الكلام اللطيف اللي قولته دا متهيألي و الله اعلم_ و ياريت اخوانا اللي عايشين برة يدونا خلفية _اللي بيعمل كده برة هما قاع المجتمع هناك و المصيبة لو فعلا احنا بنقلد قاع المجتمعات الغربية لا عادى.. يعنى ده الطبيعى فى اوروبا.. و عادى جدا تلاقى بنت حاطة الحلقة فى مناخيرها.. و حاجات تانية غريبة كده لا ليها طعم ولا لون. بس الشباب هناك حاجة تانية... و يا ريت فعلا ناخد الحاجات الكويسة اللى عندهم, زى احترام خصوصية الاخر, و احترام الوقت و قيمة العمل. انا بتجنن لما بشوف نماذج للشباب هنا فى مصر بيقلد النموذج الاوروبى (النموذج الاوروبى صارخ اكتر من الامريكى فيما يخص الموضة و الحبشتكانات), و بستغرب ان فين رب الاسرة.. لانى بدأت اشوف النماذج دى فى مناطق متوسطة.. يعنى بعيد تماما عن الطبقة اللى عاملة فيها هاى كلاس, و اللى يمكن مبررهم الوحيد انهم مفصولين شوية عن مجتمعنا. عموما اللى بينقل التجارب دى.. بيبقى عامل زى المسخ.. لانه لا عرف يكون زى النموذج الاصلى اللى مستورد ده منهم, و لا قدر يتعايش مع مجتمعه بكل قيمه و مبادئه و عاداته و تقاليده. رابط هذا التعليق شارك المزيد من خيارات المشاركة
عماد حمدي بتاريخ: 14 أغسطس 2011 تقديم بلاغ مشاركة بتاريخ: 14 أغسطس 2011 ع فكرة دي من عادات قوم لوط و تشبه بيهم كمان .. ودي أكبر مصيبة ... مشكلتنا أننا بنقلد الوحش و بس ؛ حتي لو لم يتفق مع مبادئنا و عادتنا و تقاليدنا الشرقية .. عن نفسي مع أني شاب 25 سنة عمري ما عملت الحركة دي ابداً .. و لا أحترم أي شخص أشوفه بالمنظر دا و بقول عليه ( ........ ) حذف بمعرفة الرقابة ! شوفت إعلان قطونيل و سبحان الله كل اللي كنت قاعد معاهم قالوا نفس الكلمة ( اللي إتحذفت بواسطة الرقابة ) علي العيال اللي ظهروا في الإعلان .. أعتقد دلوقتي بعد الثورة الشباب هيكون أكثر وعيا ً و هيعرف أن دي تصرفات خطأ ، أغلب أصدقائي الحمد لله مش بيعملوا كدا حالياً .. أيام الكلية أيوة ، لكن دلوقتي الوضع تغير .. من شب علي شيء مش بالضرورة يشيب عليها .. تحيــــــاتي ،، رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان