مش ناويين تتجمعوا في رمضان

[Ahmed Anwer]

الموضوع بسيط نتقابل في أي فوود كورت

أعوذ بالله

اللهم أرفع مقتك وغضبك عنا

فوود كورت في رمضان ؟!!!!!!!!

ليه ليه ليه ليه ...

ماله الحُسين .... مالها حديقة الخالدين في الدراسة

-------------

يا افندم أنا خبرة في مقابلات المنتديات ،،

و دي أفضل طريقة

المطعم المحدد فيه واحد بيحبه و واحد ما يحبهوش

فيه واحد يقدر يدفع أي مبلغ ، و فيه طلبة الموضوع ده بالنسبة لهم معجز

فده أفضل مكان ، فيه تنوع في مستويات المطاعم

و لو مش عاجبك أو مش مناسبك أي حاجة هات أكلك معاك من أي حته

إرضاء لكل الأذواق و المستويات بمعني آخر

[لماضة مصرية جدا]

السلام عليكم و رحمة الله و بركاته

أبناااااااائي الطلبة (وش السيد عبد المعطي ناظر المدرسة)

مبسوطة جدا ان الفكرة عجبت حضراتكم

هو اينعم لغاية دلوقتي قاعدين نتكلم هناكل ايه و هناكل فين و محدش قال اتجاه معين بس برضه بارقة امل..(وش حد قلبه مليان تفاؤل قيمة 7 كيلوتفاؤل)

انا بقول لغاية دلوقتي الاجماع علي القاهرة

جميل اوي

طيب نحط اختيارات 3 اماكن و نصوت عليهابحيث انها تكون مناسبة لينا و لو هنجيب مثلا الفاموليا معانا

بشكر الفريق النسائي متمثل في نوران قائد طابية

و بينكي قائد جناح المدفعية...(الا ايه هو حركة المفروسين ديت....طب كوبونات و لا ع البوطاقة...مش فاهمة ايتوها حاجة خالص و بعدين بحول لما بحاول اركز علشان افهم)

و باشمهندسة عطر الجنة....التوبيك ملك حضرتك يا فندم اتفضلي المكرفون و ذيعي اللي نفس حضرتك فيه

في نفس ذات الوقت

لو حد لسه مش في مصر ليه منعملشي نفس اللمة بنفس التوقيت كل مجموعة في البلد اللي هي فيها

طبعا كل واحد علي حساب ظروفه

يعني فريق السعودية

فريق كندا

فريق الامارات...(و لو اني مش عارفة اصلا مين هونيك غير السيد عمدة)

فريق قطر

احنا عندنا ناس علي ظهر الصفيحة....قصدي الحصيرة....يا ربي البسيطة

طبعا نفسي جدا لو ماما سلوي تكون موجودة....ياااااااااااااااااه حلم

مستنية اقتراحاتكم

و التوبيك ملك ليكم

مساكم.....توكاتيك هتنجح ان شاء الله

[Ahmed Anwer]

أنا أقترح بالنسبة للقاهرة

فوود كورت كارفور المعادي اللي علي الدائري

باعتباره موقع متوسط من جميع أنحاء القاهرة و الجيزة

و فيه أكثر من مطعم يناسب معظم الأذواق

و مكان مفتوح اللي عايز يجيب معاه إزازة تمر هندي أو صينينة بطاطس

محدهش هيكلمنا

و في المول نفسه و في المنطقة المحيطه بيه

كافيهات كتير ممكن نكمل القعدة فيها بعد الفطار

[نورالعين]

فكرة فعلا اوريجينال لماضة

تعرفي اجمل ما فيها ايه

الصدمة

غالبا يصيب اصحاب هذه المقابلات صدمة

من اختلاف ملامح الشخص عما تخيلتيه عنه

اتمنى طبعا ممن يتقابلوا ان يسجلوا هذا اللقاء بصور

حتى نتعرف عليهم ونصدم احنا كمان :)

لكن أسوء ايضا ما في هذه المقابلات

عواجيز الفرح

وللأسف غالبا يكونون من الجنس الرقيق تخيلوا

اتذكر ان تقابلت فتاتان في منتدى ما

الاولى قالت لصديقاتها في نفس المنتدى ان الاخري تخينة

والثانية قالت عن الاولى انها سطحية

المشكلة ان الاسلاك دخلت على بعض وكلنا عرفنا وكانت مشكلة ههههه

صدمة تانية ولكن من نوع خبيث

[لماضة مصرية جدا]

طايف طايف طايف

عبوووووووود عبوووووود مظلات

وش الواد بلية و هو متشعلق في الميكروباص

اهلا بحضرتك معانا

بس انا صفر علي الشمال في الجغرافيا و معرفشي الطائف قريبة لمين من فريق السعودية

ليه متتواصلشي حضرتك مع فريق السعودية و يكون مثلا لقاء في حتة قريبة و ممكن تعملوا عمرة مع بعض....(و تدعولي مثلا مثلا)

[لماضة مصرية جدا]

فكرة فعلا اوريجينال لماضة

تعرفي اجمل ما فيها ايه

الصدمة

غالبا يصيب اصحاب هذه المقابلات صدمة

من اختلاف ملامح الشخص عما تخيلتيه عنه

اتمنى طبعا ممن يتقابلوا ان يسجلوا هذا اللقاء بصور

حتى نتعرف عليهم ونصدم احنا كمان :)

لكن أسوء ايضا ما في هذه المقابلات

عواجيز الفرح

وللأسف غالبا يكونون من الجنس الرقيق تخيلوا

اتذكر ان تقابلت فتاتان في منتدى ما

الاولى قالت لصديقاتها في نفس المنتدى ان الاخري تخينة

والثانية قالت عن الاولى انها سطحية

المشكلة ان الاسلاك دخلت على بعض وكلنا عرفنا وكانت مشكلة ههههه

صدمة تانية ولكن من نوع خبيث

آن آن آآآآآآآآآآآآآآآآآآن تش...(موسيقي تصويرية و قرع طبول و كدهوت)

صدمة ليه بس

بصي انا هتكلم عن نفسي

شخصيا معنديش تخيل عن اي حد لان الملامح بتاعت الوش مش بتأثر فيا كتير يعني بشوف كل الناس حلوين و قمامير و مقطقطين...(طبعا بتكلم عن الجنس اللطيف)

و قابلت من المنتدي شخصيتين قريبن ليا جدا لقلبي و بجد حسيت اني اعرفهم من زمان اوي و بقيت احب اقابلهم في الحقيقة اكتر من المنتدي كمان لان جمال شخصياتهم بتفاصيلها حاجة كده ميتشبعشي منها

ع العموم انا مقترحة الفوكيرة ديت...لاني بحس ان احنا في المحاورات بقينا فعلا نعرف بعض

مش علشان الحروف

تؤتؤ...تيء تيء....تأتأ

علشان الروح بتعرف صاحبها و بتعرف هي بترتاح لمين

علي هامش الروح اللي عمالة تهفهف عليا و انا بكتب

هو انا ليه دايما بحس ان كل الناس عندها خبرة في موضوع المنتديات الا انا...انا مشتركتش في اي منتدي في الدنيا غير المحاورات...و عمري ما جربت اي حتة تانية

تفتكروا انا متاخرة كده علي مركب القرن الواحد و العشرين؟؟؟

طب اعمل ايه؟؟؟

ع العموم انا ليا مساحاتي الخاصة جدا اللي بلاقي فيها نفسي....و بتعب اوي عقبال ما بلاقيها و لا بلاقيها برمي المجدافل و بستقر بقي

و انا قاعدالكم هنا هوت....(وش ماري منيب و هي بتقول لشكري سرحان ابقي روح انت بقي جبل عتاقة و انا قاعدة هنا هوت علي قلبك:)

مساكم.....ارواح مسلمة حتي لو مش شايفة بعضيها

[Abu Reem]

الفاضل احمد انور هو الاكثر عملية الان وهو الذي بدأ باقتراح المكان ،

ولو ظلينا نتناقش كتير هيخلص رمضان ومش هنتقابل،

ومع اني لا احب ان اهتم كثيرا بتفاصيل اختيار المكان حتى لا نتشعب ، ولكن فقط سأقول اقتراحي واريد معرفة رأيكم

- بالنسبة للمقابلة في اي مطعم او مول تجاري فلن يكون المكان مناسب ، لان هناك عضوات قد يأتون مع ازواجهم او اسرتهم ، وبالتالي مسألة المطعم مش هتنفع،

احنا عاوزين مكان نعرف نتناقش فيه ونتعرف على بعض في هدوء وطاولة المطعم او الكافيتيريا لن لتنفع لهذا الامر

- نريد حديقة هادئة محترمة تستطيع ان تحضر فيه الاسرة الزوج والزوجة والابناء ، وفي الحديقة سنستطيع ان نتناقش ونتعارف ، وايضا لا نجبر الاسر على دفع تكاليف ضخمة للطعام..

- لذلك سأقترح حديقة الازهر...والامر متروك لكم وايضا يرجى سرعة تحديد الموعد ، وتأكيد الحضور

- ياريت الفاضل احمد أنور ...يبدأ التنسيق السريع بعد الاتفاق على المكان، فالأمر يستحق فعلا..وبالتأكيد اللقاء سيخفف كثيرا من وجهة نظر كل منا تجاه الاخر...ومين عارف قد يجعلنا نتوحد..

تحياتي لكم جميعا

[capitshino]

طايف طايف طايف

عبوووووووود عبوووووود مظلات

وش الواد بلية و هو متشعلق في الميكروباص

اهلا بحضرتك معانا

بس انا صفر علي الشمال في الجغرافيا و معرفشي الطائف قريبة لمين من فريق السعودية

ليه متتواصلشي حضرتك مع فريق السعودية و يكون مثلا لقاء في حتة قريبة و ممكن تعملوا عمرة مع بعض....(و تدعولي مثلا مثلا)

تقع الطائف على مسافة 100 كم من مكة

وعلى بعد 200 كم من اخونا تيمور

نفديكم ,,,

[عماد حمدي]

عايز أقولكم أن أول واحد أقابلة فيس تو فيس هنا في المنتدي هو الأستاذ / أحمد سيف ( المشرف سابقا ً ) ..

بجد شخصية جميلة جداً جداً ، و راجل محترم أوي أوي .. و بشوووش ..

طبعاً أول حاجة إتكلمنا فيها المنتدي هنا ! بالخير طبعاً ..

بجد راجل بعزّه جداً و بحترمه كتير .. اللي نفسي أقابلة هنا ناس كتير بصراحة أولهم عمونا أحمد عزب ( سي السيد ) :P

الراجل دا بقا مخنوق مني من أيام أسئلتي العقيمة اللي كنت بسألها أيام ما كنت في السعودية و بصراحة أنا لو مكانه كنت هتخنق مني أه والله ..

قعد ينصح فيا ، و أنا دماغي جزمة قديمة مسمعتش الكلام و هوبااااااا وقعت ع جدور رقبتي و رجعت قولت إلحقوني !

نفسي كدة يصفي من جوه من ناحيتي و هوه هيبقي تمام :) ..

عايز أقول أن في خلال أول سنة ليا هنا في الإمارات اللي كان يهمني أني أعمل علاقات كتير أوي بالمصريين الموجودين هنا و الحمد لله تم ذلك ..

وبدئنا نتجمع أفتكر في يوم جمعت 16 واحد محدش يعرف التاني ( من منتدي آخر مغتربين بردة ) ..

و قعدنا نسأل بعض بقا أسئلة كتير أهمهم و أولهم (( أنا في الحقيقة زي ما كنت متخيلي ولا لا )) ..

عن نفسي إستفدت من الإجتماعات دي كتير أوي ، بحب انا أسمع لتجارب الناس التانية ، بتختصر عليا مسافات كتير جداً ..

اللمه جميلة أوي بتحس كدة بجو مصر ربنا يجمعنا كلنا ع خير إن شاء الله ..

طولت أنا و رخمت و الناس إتخنقت معلش إستحملوني ، مزاجي حلو اليومين دول art:)

[لماضة مصرية جدا]

السلام عليكم و رحمة الله و بركاته

مش عارفة ليه انا عاملة زي المسحراتي

و انا برفع الموضوع دهوت

بس ان شاء الله كله بثوابه

ها رسيتو علي ايه

هو واضح لغاية دلوقتي كدهوت ان يعني مافيش حماسة للموضوع....(وش حد جاب ضرف الليلة)

انا سخصيا هحاول اعمل اتصالاتي مع البناويت اللي اعرفهم من المنتدي و ندبر كده لمة بناوتية محارواتية باذن الله في قاهرة المعز لدين الله...بس ادعولي اتوفق

بالنوسبة لاخواني الخناشير...مش عارفة ايه ظروفهم الحقيقة....بس تخيلت ان الحياة عندكم سهلة يعني و كدهوت و اول ما تقولوا يا خروج....هوووووووووب تلاقي نفسي جوه الجزمة و بتمشي لوحدك

ع العموم الدعوة مفتوحة برضه

و اصحي يا نايم وحد الداااااااااااااااايم رمضااااااان كرييييييييم

طخ....طا...طخ...طخ....(ده صوت طبلة المسحراتي)

[Mr MAGED]

فكرة جميلة استاذة ريهام

بس يعني انا اجي الامارات تنزلي انتي مصر !! ده كلام برضه

علي العموم انا وصلت خلاص ... فين بقي الناس بتوع الامارات

رمضان كريم

[عماد حمدي]

فكرة جميلة استاذة ريهام

بس يعني انا اجي الامارات تنزلي انتي مصر !! ده كلام برضه

علي العموم انا وصلت خلاص ... فين بقي الناس بتوع الامارات

رمضان كريم

تعالي لحمو ..

إبعتلي رقمك ع الخاص يا عم أنته ;)

تم تعديل 16 أغسطس 2011 بواسطة omda2006

[لماضة مصرية جدا]

فكرة جميلة استاذة ريهام

بس يعني انا اجي الامارات تنزلي انتي مصر !! ده كلام برضه

علي العموم انا وصلت خلاص ... فين بقي الناس بتوع الامارات

رمضان كريم

السلام عليكم و رحمة الله و بركاته

الاماارت نورت يا استاذنا

طب احنا كده شكلنا راح ندبح بقي الطيور اللي مربيناها علي السوطح

مليون حمد لله علي السلامة و يا رب تكون نعم المقام و المستقر

يسعدني كتير اني اتعرف علي اسرة حضرتك و باذن الله هباااااابة و هتلاقيني هناك

بس برضه لغاية ما اوصل لو حضرتك محتاج اي حاجة ممكن نتواصل من خلال المواطنين و المواطنات المصريين و المصريات...الجدعان اوي و الجدعانات اللي لسه في الامارات

يا رب ييسر لحضرتك كل الامور

[Howayda Ismail]

السلام عليكم و رحمة الله و بركاته

مش عارفة ليه انا عاملة زي المسحراتي

و انا برفع الموضوع دهوت

بس ان شاء الله كله بثوابه

ها رسيتو علي ايه

هو واضح لغاية دلوقتي كدهوت ان يعني مافيش حماسة للموضوع....(وش حد جاب ضرف الليلة)

انا سخصيا هحاول اعمل اتصالاتي مع البناويت اللي اعرفهم من المنتدي و ندبر كده لمة بناوتية محارواتية باذن الله في قاهرة المعز لدين الله...بس ادعولي اتوفق

بالنوسبة لاخواني الخناشير...مش عارفة ايه ظروفهم الحقيقة....بس تخيلت ان الحياة عندكم سهلة يعني و كدهوت و اول ما تقولوا يا خروج....هوووووووووب تلاقي نفسي جوه الجزمة و بتمشي لوحدك

ع العموم الدعوة مفتوحة برضه

و اصحي يا نايم وحد الداااااااااااااااايم رمضااااااان كرييييييييم

طخ....طا...طخ...طخ....(ده صوت طبلة المسحراتي)

بتغظينى يعنى ياريهام ولا ايه بالضبط ( شكل واحدة بتطلع لى لسانها )

يعنى انا نفسى فعلا موت اقابل ناس بس الظروف مش سامحة لانهم من القاهرة وانا فى اسكندرية

حليها انت بقى

اكيد حتقابليهم عيانا ابقى سلمى لى عليهم

[Mr MAGED]

فكرة جميلة استاذة ريهام

بس يعني انا اجي الامارات تنزلي انتي مصر !! ده كلام برضه

علي العموم انا وصلت خلاص ... فين بقي الناس بتوع الامارات

رمضان كريم

تعالي لحمو ..

إبعتلي رقمك ع الخاص يا عم أنته ;)

تم يا عمدة ... هات الفطار وتعالي بقي

[Mr MAGED]

فكرة جميلة استاذة ريهام

بس يعني انا اجي الامارات تنزلي انتي مصر !! ده كلام برضه

علي العموم انا وصلت خلاص ... فين بقي الناس بتوع الامارات

رمضان كريم

السلام عليكم و رحمة الله و بركاته

الاماارت نورت يا استاذنا

طب احنا كده شكلنا راح ندبح بقي الطيور اللي مربيناها علي السوطح

مليون حمد لله علي السلامة و يا رب تكون نعم المقام و المستقر

يسعدني كتير اني اتعرف علي اسرة حضرتك و باذن الله هباااااابة و هتلاقيني هناك

بس برضه لغاية ما اوصل لو حضرتك محتاج اي حاجة ممكن نتواصل من خلال المواطنين و المواطنات المصريين و المصريات...الجدعان اوي و الجدعانات اللي لسه في الامارات

يا رب ييسر لحضرتك كل الامور

ترجعي بالسلامة ان شاء الله .. وشكرا لدعوتك الكريمة

ويا رب تكون اجازة سعيدة باذن الله

تحياتي

[عماد حمدي]

فكرة جميلة استاذة ريهام

بس يعني انا اجي الامارات تنزلي انتي مصر !! ده كلام برضه

علي العموم انا وصلت خلاص ... فين بقي الناس بتوع الامارات

رمضان كريم

تعالي لحمو ..

إبعتلي رقمك ع الخاص يا عم أنته ;)

تم يا عمدة ... هات الفطار وتعالي بقي

وصلت يا باشا ..

أجيب الفطار و أجي ! :protest: من أولها كدة أجيب فطاري معايا :)

مـــــــــــــــــــــــــــــاشي أنا هقول لحسام عبد الفتاح بقا ههههههههـ ..

إن شاء الله هتصل عليك غداً و نتقابل عن قريب ..

و ألف حمد الله ع السلامة