عيد ميلاد أختنا العسل ... زهرة الجبل

[رضوي]

كل سنة وحضرتك طيبة

والسنة اللي جاية تكوني حققتي كل اللي تتمنيه في طاعة الرحمن

[زهرة الجبل]

الى اجمل زهرة

تسعدنا بشذا كلماتها

دمتِ بكل خير

الأخت الكريمه أم زايد

و انتي طيبه و بخير

أسعدتني تهنئتك الرقيقه جداً

على فكره انتِ أم زايد و أنا أم زياد .. شفتي بقى ؟ طلعنا قرايب :closedeyes:

و كل عام و انتي ايضا بخير بمناسبة الشهر الكريم

تحياتي

تم تعديل 4 أغسطس 2011 بواسطة زهرة الجبل

[زهرة الجبل]

كل عام وحضرتك بألف خير وسعادة وحب

أختي الغاليه دريم

و انتي طيبه يا قمر

و كل عام و انتي بخير بمناسبة رمضان

شكرا لتهنئتك الجميله وربنا يديم الموده يا رب

تحياتي

[arkan]

كل عام وحضرتك بكل خير وصحة وسعادة يارب

تم تعديل 4 أغسطس 2011 بواسطة arkan

[زهرة الجبل]

الأخت ... زهره الجبل

كل عام وانت بخير ..اتمنى ان تكون هذه السنه

الجديده من حياتك سنه خير وسعاده

وتصالحا مع الأيام ...

الأخت الكريمه فاطمه حمزه

و انتي طيبه يا بكل الخير و الصحه و السلامه

أسعدتني جدا تهنئتك و دعواتك الكريمه

أسأل الله أن يستجيب لك و يجعل لكِ مثلها و زياده

تقبلي تحيتي و دمتِ في رضا الرحمن

أم كريم

[زهرة الجبل]

كل عام و انت لله اقرب و فى السعاده ارفل و لشقاء ابعد

كل عام و انت بخير و دعواتى لك بان يعيده الله عليك اعواما مديده فى طاعته و من اهل محبته

زهره الجبل

كل عام و انت بخير

الأخت الغاليه مغتربه

و انتِ طيبه و بخير

و كل عام انتِ بألف خير بمناسبة رمضان

أشكرك للتهنئه الرقيقه و الدعوات الغاليه

تقبلي تحيتي

و دمتِ بود

أم كريم

[زهرة الجبل]

يا سلام يا عبير على الكلام الجميل

بجد اجمل هدية لأجمل زهرة

كل سنة وانتِ طيبة يا زهرة

وباذن الله تتحقق كل امانيك

الأخت الفاضله نور العيون

تلألأ النور بين السطور يا ست نور

شفتي كمان عبير و جمال كلامها

بس اصلك انتي مش واخده بالك من حاجه

دايماً العلاقه بين الزهور و بين العبير تلاقيها كده علاقه خاصه

محدش يعرف قيمة العبير زي الزهور

و محدش أقرب للزهور من العبير

مش كده و لا إيه ؟.

أسعدتني جداً تهنئته بعيد ميلادي

و كل عام و انتي أيضاً بكل الخير بمناسبة الشهر الكريم

تحياتي و مودتي

أم كريم

[زهرة الجبل]

كل سنه وانتى طيبه وبخير

يأحلى زهره فى بستان جميل

وحشتينى يا جميل

الجميله بوسي

و انتي طيبه و بخير يا قمر

ربنا مايحرمني من زوقك

كل سنه و انتِ طيبه بمناسبة رمضان

تحياتي

[التونسى]

عيد ميلاد سعيد .. وعمر مديد .. اختى الفاضلة .. وشاعرتنا المميزه أم كريم

ان شاء الله تكون سنه جديده فى حياتك مليئه بالسعادة والاستقرار والسلام والنجاح ..اينما كنتى ..انت واسرتك الكريمه

مع خالص تحيتى وتهنئتى الحاره

محمود البصيلى

[خالد شحاته]

كل عام وانتي بخير وعقبال 100 عام ان شاء وانتي في اتم صحه وسعادة

[لماضة مصرية جدا]

السلام عليكم و رحمة الله و بركاته

اممممم

يعني طفيتوا الشمع

و قولتوا هابي بيرث داي تو مي....قصدي تو يو

طب يعني انا اخش اغسل المواعين بقي و لا ايه...(وش اي واحدة بتحاول تتخلص من المهمة القومية ديت)

كل سنة و حضرتك بكل الخير و السعادة

كل سنة و حضرتك زهرة استثنائية بتنبت فكرة مختلفة في وسط جبل الافكار الصلبة

كل سنة و حضرتك ام كريم و زياد و يكونوا قرة عين لحضرتك و زيادة في الخير دنيا و آخرة

كل سنة و حضرتك قريبة...هنا...في بيتك و مملكتك وسطنا

مش اقدر افكر في اي هدية غير اني ادعيليك من قلبي اوي

انك تكوني هنا

ربنا يسعدك قلبك و يقر عينك بعمرة او بحج

و تفتكريني و تدعيلي هناك

انا اسمي ريهام ع فكرة...(وش عيل مصدق اوي ان لازم تدعيلي بالاسم يعني)

كل سنة و حضرتك بكل الخير

و اسفة علي التأخير

[لماضة مصرية جدا]

كل سنه وانت طيبه يا زهرة

وربنا يجعل كل ايامك

سعيده

وجميله

وظريفه

وفريده

ومجيده

ونبيله

والفت

وسعاد

ربنا يسعدكم كلكم ;)

.

روشة يا بنتي

بنتي يا روشة

كان فاضل تقولي

و انا و انت

و الناس المنورين الفرح

و اللي بيحبنا ميضربشي نار.....(امل حياتي اشتغل مطرب شعبي :closedeyes: ليلة واحدة و اتوب)

روشة يا ضنايا ما تيجي نعمل قناة المحاورات

انتي تقولي نكت

و انا اعمل استعراضات

فكري في العرض دهوت.....احنا هنتخطف من الفضائيات...(هنتخطف بمعني ياخدوا المعرفات بتاعتنا و بعدين يتاونا في الجبل.....اعوووووووووووو)

مساكي يا رب تلفزيون ال سي دي يجيب كل القنوات اللي بتصنع عالم "البهجة" الخاص بينا احنا

[Howayda Ismail]

زهرتنا الجميلة

كل سنة وانت طيبة وعقبال 100 سنة

[rewsha]

روشة يا بنتي

بنتي يا روشة

كان فاضل تقولي

و انا و انت

و الناس المنورين الفرح

و اللي بيحبنا ميضربشي نار.....(امل حياتي اشتغل مطرب شعبي :closedeyes: ليلة واحدة و اتوب)

روشة يا ضنايا ما تيجي نعمل قناة المحاورات

انتي تقولي نكت

و انا اعمل استعراضات

فكري في العرض دهوت.....احنا هنتخطف من الفضائيات...(هنتخطف بمعني ياخدوا المعرفات بتاعتنا و بعدين يتاونا في الجبل.....اعوووووووووووو)

مساكي يا رب تلفزيون ال سي دي يجيب كل القنوات اللي بتصنع عالم "البهجة" الخاص بينا احنا

اذا كان كدا......يبقى ماشي ...(وش مصطفى شعبان في مسلسل العار)

طالما فيها ال سي دي يبقى موافقون

ونبقى نجيب الثري دي بعد ما نشتهر انا وانت .

ونضرب لنا نظارتين كده ونخش بقى على عالم الاكشن

بس تفتكري ممكن ننافس ثلاني اضواء المسرح ؟؟؟ :rolleyes:

[لماضة مصرية جدا]

السلام عليكم و رحمة الله و بركاته

الو...الو....الو

واحد اتنين...سبعة...(وش اي حد ماسك علبة زبادي و عاملها ميكرفون)

شوفي يا روشة يا بنتي

حيث انك اخترتي ثلاثي اضواء المسرح و اموت و اعرف انتي جبتي الثلاثي من انهي اتجاه (يعني انا و انتي بقينا 3 ليه ليه ليه )

مش عارفة انا شايفانا في الصورة المعبرة ديت

ايه رايك بقي

و النيعمة ما هي راجعة...(وش اي واحد قاعدة ع السفرة و بتعزم بقلب جامد)

اما انا شخصيا مش عارفة ليه بحس بنقاط التقاء كتيرة اوي مع الضيف احمد :closedeyes:

اي خدمة

علي هامش روتانا سينما ديت

احنا متاسفين يا صلاح

قصدي احنا متاسفين يا استاذتنا زهرة

هنلم التياترو دوت و نروح بيتنا

مساكم.....10 سنة سينما....(موسيقي عمر خيرت بقي)

تم تعديل 5 أغسطس 2011 بواسطة لماضة مصرية جدا

[Folana]

السلام عليكم ورحمة الله...

كل سنة وأنت طيبة يازهرة...ان شاء الله كل أيامك فرح ورضا وتقرب الى الله

[زهرة الجبل]

كل سنه وانت طيبه يا زهرة

وربنا يجعل كل ايامك

سعيده

وجميله

وظريفه

وفريده

ومجيده

ونبيله

والفت

وسعاد

ربنا يسعدكم كلكم ;)

.

يا خبر أبيض

مين كل دول ؟

ربنا يسعد قلبك يا روشه يا رب

ضحكتيني ربنا يفرح قلبك

عموما المره الجايه لما تحبي تعزمي حد معاكي إبقي إديني خبر

علشان بس ألحق أعمل حسابي في البوفيه و الجاتوهات و كدهوت

يلا الحمد لله جت سليمه المره دي و الخير كتير

لا بجد بقى .. تسلمي و يسلم لي زوقك على التهنئه الجميله دي

ربنا يديم الموده يا رب و يديم عليكي خفة روحك و دمك اللي زي العسل

تحياتي

أم كريم

[زهرة الجبل]

كل سنه وحضرتك طيبه

وعقبال 100سنه في عمل صالح وصحة وسعاده وهنا

الأخ الفاضل مهندس أبو يوسف

و حضرتك طيب و بخير

شكراً للتهنئه و جزاك الله خيراً للدعاء

تم تعديل 6 أغسطس 2011 بواسطة زهرة الجبل

[زهرة الجبل]

كل سنة وحضرتك طيبة

والسنة اللي جاية تكوني حققتي كل اللي تتمنيه في طاعة الرحمن

و انتِ طيبه و بخير يا رضوى يا رب

و كل سنه و انتِ بألف خير بمناسبة الشهر الكريم

و ربنا يديم الموده يا رب

تحياتي

أم كريم

[زهرة الجبل]

كل عام وحضرتك بكل خير وصحة وسعادة يارب

الأخ الكريم أركان

و حضرتك طيب ** و كل عام و انت ايضا بخير بمناسبة الشهر الفضيل

أشكرك للتهنئه

دمت بخير