كل ما يخص محاكمة مبارك وأتباعه

[م تيمور المراغي]

المستشار أحمد فهمى رفعت رئيس محكمة جنايات شمال القاهرة والذى سيقف امامه غدا الرئيس المخلوع محمد حسنى مبارك وابناءه جمال وعلاء ووزير داخليته حبيب العادلى وستة من كبار مساعديه وصديقه رجل الاعمال الهارب حسين سالم فى تهمة قتل المتظاهرين والتربح من المنصب واستغلال النفوذ فقد اجابات العديد من الصحف اليوم عن تلك التساؤلات بالمعلومات المعروفة عن المستشار احمد رفعت بتاريخه المشرف فى سلك القضاء المصرى فهو صاحب مقولة شهيرة أثناء النظر فى الدعاوى القضائية التى تنظر امامه وهى "إحنا علي منصة مش علي خشبة مسرح" وهو رجل حازم وصارم في إجراءاته وقوى في أحكامه وضليع فى القانون فهو من قام باصدار حكم بإخلاء سبيل نحو 16 متهما من قيادات الإخوان المحبوسين علي ذمة قضية التنظيم القطبي وعلى رأسهم الدكتور محمود عزت نائب مرشد الاخوان القريبون من المستشار رفعت يؤكدون أن موقفه المحايد خلال السنوات الماضية وعدم انتمائه إلى الحزب الحاكم وعدم امتلاكه علاقات تجمعه برؤوس النظام السابق يجعله صاحب موقف قوي لا يخشي في الحق لومة لائم فهو ليس كغيره ممن عرف عنهم انتماءاتهم لجهاز أمن الدولة المنحل او ممن يحكمون بنظام الاملاءات الامنية فهو لا يملك سوى نصوص القوانين التي يحكم بها طبقا للاسانيد والبراهين المرفقة فى اوراق القضية

[pink rose]

و قعدوا يستهبلونا و يقولوا جمال خس النص

و علاء تايه مش داري

و مبارك ارتجاف اذيني

ما هم رادين على السجن اهم و صحتهم جت عليه

[زهرة الجبل]

لا كده لوغاريتمات كبيره عليا

يعني ايه فض اغراض الدعوى ؟

[mekkawy]

مهو صاحي و فايق أهو و لسة شكله ظالم و متجبر و لم يتغير فيه شئ .. سبحان الله على التمثيل و الحكومة بتصدق بكيفها و تقرطسنا إحنا

[ozoozo]

شيل صوباعك من مناخيرك يامتهم

[pink rose]

لا كده لوغاريتمات كبيره عليا

يعني ايه فض اغراض الدعوى ؟

ما احنا فعلا مش هانفهم حاجه من اللي بيتقال دا خالص

المفروض كان كفاية اننا نشوفهم في القفص و خلاص

عشان نتأكد انهم في مصر و انهم بيتحاكوا فعلا

و مدام الكل بيشهد بنزاهة القاضي دا يبقى خلاص

نثق فيه

[م تيمور المراغي]

القاضي بيقول السيد رئبس الجمهورية السابق

[مغتربة]

الراجل دا طلع شديد فعلا يا جماعه

سبحان الله

انا لو كنت منه كنت انتحر قبل ما اتحط فى القفص دا

لكن هو طانه قاعد بيتفرج على فيلم عربى

نظراته مختلفتش عن ايام ما كان بيقول لنا و قد فهمتكم و من انتم و الحاجات دى

[مغتربة]

ربنا يسهل دول 11 متهم فى قضيه واحده بخلاف لسه قضيه مبارك و دول لسه فى المتهم الثالث

على كدا هنخلص على الفطار

[pink rose]

القاضي بيقول السيد رئبس الجمهورية السابق

هو شكله محترم بيكلم الناس كلها بالقاب و سيادتك و سعادتك

[mekkawy]

هأأأأأوووووو

البيه المحامي عاوز يقلبها ضرب أفضى إلى الموت و كأن الموت ده كحة مثلاً أو حباية طلعت في القفا

روح يا شيخ منك لله مع الظلمة بتوعك

[se_ Elsyed]

حاسين باستهبال ..؟

يارب

لأ يا نهال

كل ده كلام فاضي وإستعراض والقاضي لا يستمع إلى كل هذا لإنها جلسة إجراءية لأثبات حضور المتهمين وحضور الدفاع

وكل الطلبات والكلام ده هايبقى مكتوب ولازم القاضي يقرأه جيداً ...

وكل الأفلام هاتتم بعد تحديد شهود النفي والأثبات ويبتدي اللعب بقى

[م تيمور المراغي]

سى أن أن بتقول : حقا فعلها المصريون ! :egyflag:

محاكمة مبارك

مش حتقدر تغمض عينيك :happy:

[se_ Elsyed]

جمال بيميل على ابوه يوشوشه ويقول له : ماما بتقول لك شايل الدهبات والألمظات فين إحنا مش لاقيين ثمن السجاير ؟

مبارك قال له : بس بقى ببوزك الفقري إنت وأمك جبتونا ورا جتكو القرف

[nihal]

^^

مغتربه .. توقعت موته بأكثر من موقف ،

و أقول سبحان الله تبطأ عليه الموت .,, أستغفر الله الأعمار بيد الله بس يا مبارك مصيبتك تهد جبل

ثانياً / مازالت العجرفة في وجوههم جميعاً !!

[م تيمور المراغي]

القاضي بيقول السيد رئبس الجمهورية السابق

هو شكله محترم بيكلم الناس كلها بالقاب و سيادتك و سعادتك

مش قصدي

اللقب ده يتقال لما يكون خرج من الحكم بمزاجه

لكن ده رئيس الشعب اتقلب عليه

الاصول يتقال الرئيس المخلوع

[pink rose]

عاجبني القاضي بيدي الكل على دماغه

[nihal]

حاسين باستهبال ..؟

يارب

لأ يا نهال

كل ده كلام فاضي وإستعراض والقاضي لا يستمع إلى كل هذا لإنها جلسة إجراءية لأثبات حضور المتهمين وحضور الدفاع

وكل الطلبات والكلام ده هايبقى مكتوب ولازم القاضي يقرأه جيداً ...

وكل الأفلام هاتتم بعد تحديد شهود النفي والأثبات ويبتدي اللعب بقى

طيب يا سي السيد مش المفروض الإجراءات دية كانت تتم من قبل الجلسة ولا أنا غلطانه ؟.

[مغتربة]

كل محامى بيتكلم سلو موشن كدا ليه

ربنا يكون فى عون القاضى عمال يشهل فيه و هو و لا الهوا

[pink rose]

القاضي بيقول السيد رئبس الجمهورية السابق

هو شكله محترم بيكلم الناس كلها بالقاب و سيادتك و سعادتك

مش قصدي

اللقب ده يتقال لما يكون خرج من الحكم بمزاجه

لكن ده رئيس الشعب اتقلب عليه

الاصول يتقال الرئيس المخلوع

يا باشمهندس ما تحبكهاش كده يعني

سابق مخلوع المهم اني مرمي ف القفص

بذمتك دا شكل حد مخلوع يخرب بيت الجبروت