كل ما يخص محاكمة مبارك وأتباعه

[ابو محمد بن مصطفي]

شوفتوا المحامي اللي بيقول ان حسني ميت من 2004

[زهرة الجبل]

اصل الطلبات مكررة

دا غير انها هاتتقدم في مذكرات

فا القاضي مش عاوز عطلة طالما كده كده هايقراها

انما الحاجات الشفهية و مش مكتوبة بيمليها لكاتب المحكمة عشان تتسجل

يا أم كريم

ما هي دي قولنا جلسة إجرائية فقط ... لإثبات حضور المتهمين والدفاع

يعني مش جلسه مرافعة

وبالتالي أي حد عنده طلبات الراجل قال يقدمها مكتوبة ... عشان تبقى أوضح لإن الكلام بيروح في الهوا ومجرد شو إعلامي فقط

شكراً للتوضيح يا جماعه

أنا كنت مفكره إن الطلبات المكتوبه غير الطلبات اللي بيطلبوها شفهياً

[se_ Elsyed]

لو مبارك عنده دم

لازم يطلع الحباية الزرقا السامه من جيبه ويبلعها وينتحر ويخلص بعد ما سمع التهم دي كلها

[pink rose]

القاضي فصل يا عيني

ربنا يكون في عونه بجد

[مغتربة]

كارلوس لاتوف بعتلكم الحتة دي بمناسبة المحاكمة

يا نهار ابيض

لحق

الراجل دا مركز معانا ثانيه بثانيه

[capitshino]

نص الجلسة ضاعت فى خد منه الميكروفون

واتفضل مكانك.

[ozoozo]

اسف ياغريب للتكرار دقيقتين بينا

تم تعديل 3 أغسطس 2011 بواسطة ozoozo

[زهرة الجبل]

صباح الكنافة

واحد بيخرف وبيقول عاوز اثبت إن مبارك متوفى من سنة 2004

الراجل ده لازم يتحط مستشفى العباسية حالاً

بلا قرف وبيضيعوا وقتنا ويضحكوا علينا العالم

بيقول لك إسرائيل وأمريكا أستنسخت مبارك

طب كنت استنسخت لنا بقرة أو عجل ناخد منهم لبن ولحمه وكبده وكوارع

انتو كلكوا جايين عالراجل ليه كده ؟

ده كان عاوز يكشف المخطط الأمريكي الصهيوني

سؤال بس

الراجل ده جاي مع مين ؟

[se_ Elsyed]

لازم في الجلسات العلنية اللي زي دي يبقى في مهندس صوت تابع للمحاكمة ينفذ طلبات القاضي بمنع الصوت عن أي واحد يتشعلق في الميكرفون ويصدعنا

[مغتربة]

فريد الديب هيتكلم يا جدعان

[pink rose]

7 طلبات بس

رياض البنطلوني بس

[pink rose]

اعمل نفسك اطرش بقى يا عم الديب

[الغريب]

اسف ياغريب للتكرار دقيقتين بينا

والله كنت لسه هقول أنه سمع أوزو وجايبله الصورة وإيده في مناخيره ههههه

[nihal]

الموضوع مش محتاج انتحار يا سي السيد ،

المفروض سكته قلبية من زمان .. ماشاءالله عليه صحته بوم .

[مغتربة]

هو انا سمعت صح و لا غلط

فريد الديب بيطلب الف واربعمائه شاهد اثبات

و لا دى تخاريف صيام

[pink rose]

و حياة مامتك؟؟؟؟؟

شهادة 1000واحد عاوز تسمعها

سمعت الرعد في ودانك يا شيخ

تم تعديل 3 أغسطس 2011 بواسطة pink rose

[زهرة الجبل]

طب يعني هي طلبات الديب مش مكتوبه و هينظرها القاضي ؟

اشمعنى هو بيكمل كلامه و محدش قال له ادي الميكريفون للي جمبك ؟

ده بيقرأ بالتفاصيل و بالأسماء أهوه و محدش كلمه و وصل للطلب الأخير

[مغتربة]

حته صعبانيات بقى

و يطلب الطبيب المعالج

يا عم دا صحته احسن منى و منك

[مغتربة]

الجلسه رفعت للمداوله

[pink rose]

رفعت الجلسة للمداولة يعني هايرجعوا تاني و لا خلاص و لا ايه مش فاهمة