كل ما يخص محاكمة مبارك وأتباعه

[pink rose]

عارفين لو فعلا شوفته في القفص هاعيط عياط

مش حبا فيه طبعا لاني بقالي كتيررررررررر اوي كان نفسي اصحى من النوم اشغل التليفزيون الاقي قرآن و مارشات عسكرية

لكن هاعيط لان ربنا بيدينا آيات كل يوم

تصدقوا بالله عيني دمعت لما شوفت عز نازل من البوكس قدام طره

و قعدت اقول ليه البني آدم بيعمل في نفسه كده

ليه يذل نفسه للحرام و هو فاكر انه بيرتفع بيه

و تيجي حكمه ربنا بانه يتذل امام الناس و يكون له خزي و عار

مبارك نفس الشئ يعني انت ربنا اعزك و كنت قائد قوات جوية و اسمك اتكتب في التاريخ بشئ مشرف جدا

ليه تنهي حياتك بالذل دا

لو كان في يوم افتكر القبر و لا عمل حساب ليوم الدين ما كانش يبقى دا مصيره

على فكرة عندي سواء اتحاكم و لا ما اتحاكمش هو انتهى مذلول في الدنيا

و الله اعلم اخرته عند الله ايه

اللهم احسن ختامنا و لا تفضحنا على رؤوس الاشهاد

[se_ Elsyed]

ما حدش بيتعلم ولا بيقرأ أو يصدق ما يراه

يعني كلهم على حياة عينهم شافوا ضياء الحق في باكستان

وسياد بري في الصومال

وموبوتو سيسيكو بتاع زائير

والعيال بتوع صربيا

وعلى يدهم عجنوا وخبزوا صدام من أول الجبروت والطغيان وقتل الملايين .. إلى مشهد علبة الرابسو وهو قاعد مشمر على الطشت بيغسل هدومه

ثم جاءت القشة التي قصمت ظهورهم في زين الهاربين بن علي ..

ومع ذلك كل واحد بيقول لنفسه " أنا غير .. أنا مش تونس ولا مصر "

وواحد يتحرق ويبقى فحمه ويدوق النار في الدنيا زي علي عبد الله صالح .. وبرضوا يكابر ويقول أنا صح

والتاني رمضان مش رمضان مش همه شعبه وعمال يضربهم بالطائرات الهليكوبتر والدبابات في أنحاء سوري ... وهو يقول دي عصابات إجرامية

والمجنون وعياله عمالين يهلفطوا في ليبيا ...

ولا حد بيعتبر

[pink rose]

R.N.N | شبكة رصد

رصد|مصر|محاكمة المخلوع|المستشار زكريا عبد العزيز : لايجوز غياب مبارك عن جلسات محاكمته ولا يجوز لمحاميه ان يطلب التأجيل او الأعتذاره.#RNN

ايه رأيكم في البؤين الحلوين دول

انا عاوزة حد قانوني بجد يقولنا الكلام دا صح و لا غلط

هل فعلا لا يجوز طلب التأجيل؟؟؟؟؟

يعني هايتحكم عليه بكره؟؟؟

و لا الكلام دا اصلا مكذوب على لسان وزير العدل

انا بجد مش فاهمة حاجه

[se_ Elsyed]

R.N.N | شبكة رصد

رصد|مصر|محاكمة المخلوع|المستشار زكريا عبد العزيز : لايجوز غياب مبارك عن جلسات محاكمته ولا يجوز لمحاميه ان يطلب التأجيل او الأعتذاره.#RNN

ايه رأيكم في البؤين الحلوين دول

انا عاوزة حد قانوني بجد يقولنا الكلام دا صح و لا غلط

هل فعلا لا يجوز طلب التأجيل؟؟؟؟؟

يعني هايتحكم عليه بكره؟؟؟

و لا الكلام دا اصلا مكذوب على لسان وزير العدل

انا بجد مش فاهمة حاجه

لأ يا ريم الموضوع مش كده

أنا زي ما قولت لك إن المستشار أحمد رفعت لسه جديد على القضية .. والقضية عدد أوراقها ضخم ويتجاوز 10 الاف ورقة وخيوطها معقدة خصوصاً بعد ضم القضيتين على بعض .. وبالتالي هاتاخد وقت .. عشان كده جلسة بكرة هي لسة إجرائية لإثبات حضور المتهمين ... ولتأجيلها للإطلاع وكمان لحد دلوقت لم يتم تحديد أي شهو سواء نفي أو إثبات ..

بس الله أعلم شكل مبارك هايضحر بكره

لكن إذا حضر .. تفتكروا هايرجع تاني شرم الشيخ .. لإن كده إرهاق لواحد في سنه

وبالتالي أنا شايف إن مستشفى المعادي العسكري هي أنسب مستشفى عشان يكون فيها قريب من مكان محاكمته ... والمسافة بين قاعة المحاكمة والمستشفى بسيطة جداً ...

لكن المشكلة بتبقى في القلق والمظاهرات اللي ممكن تحصل حوالين المستشفى

على العموم خلينا نشوف .. ونخلي القاضي يشوف شغله ... وإحنا كمان نشتغل ولا نجعل أمور المحاكمات هي شغلنا الشاغل

[pink rose]

R.N.N | شبكة رصد

رصد|محاكمة المخلوع |مراسلة العربية: مديرية أمن جنوب سيناء تتلقي إخطار بترحيل مبارك إلي القاهرة الليلة.#RNN

تعليق على الخبر بجد وجع قلبي

محمد الشربيني: كم كنا ندعي عليك في جوف الليل يا مبارك الله اكبر ولله الحمد

3 minutes ago · Like

تم تعديل 2 أغسطس 2011 بواسطة pink rose

[فريح]

تجمع العشرات من مؤيدى وأنصار الرئيس السابق حسنى مبارك مساء الثلاثاء بميدان مصطفى محمود قبل ساعات من بدء أولى جلسات محاكمته، تمهيداً لذهابهم إلى أكاديمية الشرطة بالتجمع الخامس، فجر اليوم عن طريق "مينى باص" يقلهم من ميدان مصطفى محمود إلى مقر أكاديمية الشرطة.

وردد مؤيدو مبارك هتافات بالميدان "لو حسنى مبارك حكموا عليه هنهد السجن ونولع فيه"، و"أشرف مصرى حسنى مبارك"، مطالبين الجيش بتكريمه بدلاً من محاكمته، مؤكدين حضورهم بأعداد كبيرة أثناء محاكمة الرئيس السابق صباح اليوم الأربعاء.

وأكد عدد من المحامين المتواجدين بميدان مصطفى محمود "لليوم السابع" حصولهم على تصريح بالدخول إلى قاعة المحكمة للانضمام إلى فريق الدفاع عن الرئيس السابق.

[م تيمور المراغي]

ابو شامه وحشهم

اخص على كده

[فريح]

اشتباكات بشرم الشيخ وقطع الطريق المؤدى لمقر إقامة "مبارك"

قبل ساعات من بدء الجلسة الأولى المقررة لمحاكمة الرئيس المخلوع محمد حسنى مبارك، صباح غد الأربعاء، وقعت اشتباكات عنيفة، استُخدِمَت فيها أعيرة نارية، بين مواطنين "صعايدة" وبدو فى إحدى المناطق القريبة من مستشفى شرم الشيخ الدولى، مقر إقامة "مبارك"، ما أسفر عن 5 مصابين، منهم 3 أفراد شرطة أحدهم إصابته خطيرة بعيار نارى.

وقال شهود عيان، إن الاشتباكات - التى لم يُعرَف سببها حتى الآن - بدأت خلف المستشفى، وسرعان ما انتقلت إلى أمامه، ليقطع مواطنون الطريق المؤدى لها، احتجاجاً على عدم تمكنهم من الدخول لذويهم بالمستشفى.

[عماد حمدي]

اذا شعرت للحظة واحدة بالتعاطف مع أي ديكتاتور وهو مكسور في قفصه , فتذكره وهو ظالم في عرشه.

[م تيمور المراغي]

مبارك يطلب أن يقتصر حضوره المحاكمة على نصف ساعة.. واتجاه لإدخاله مستشفى أكاديمية الشرطة

[عماد حمدي]

الرئيس المخلوع محمد حسنى مبارك قد وصل إلى القاهرة قبل قليل لحضور جلسة محاكمته اليوم، الأربعاء، بمقر أكاديمية الشرطة، وقد تم تجهيز جناح خاص داخل مستشفى أكاديمية الشرطة لإقامة مبارك ومتابعة حالته الصحية خلال فترة المحاكمة.

وقالت مصادر مطلعة لـ"اليوم السابع"، إن الرئيس المخلوع لن يغادر مقر المحاكمة إلى شرم الشيخ، وسيبقى طوال فترة الجلسات بمقر مستشفى أكاديمية الشرطة تحت حراسة أمنية مكثفة ومتابعة طبية مستمرة طوال فترة الجلسات.

نقلاً عن اليوم السابع الرابط

[م تيمور المراغي]

شوفتوا اللي حصل !

بيقول لك فيه قانون سنه انور السادات يقضي باستمرار اصحاب الرتب من قواد اكتوبر على نفس رتبهم العسكرية مدى الحياة

يعني محاكمة المخلوع امام محكمة مدنية باطلة

[م تيمور المراغي]

بسم الله الرحمن الرحيم .

وأصبح الذين تمنوا مكانه بالأمس يقولون ويكأن الله يبسط الرزق لمن يشاء من عباده ويقدر لولا أن من الله علينا لخسف بنا ويكأنه لا يفلح الكافرون.

صدق الله العظيم .

سورة القصص آية رقم 82

[عصام أبوالفتح]

عاجل : التلفزيون المصرى

طائرة تقل الرئيس المصرى المخلوع من شرم الشيخ الى القاهرة لمحاكمته

[capitshino]

محاكمة مبارك ..على الهواء مباشرة من مصراوي

http://ontv.masrawy.com/Streaming.aspx?ref=Mubarak_trial

[ozoozo]

حرام عليكم ......

اللي نعرفوا احسن من اللي مانعرفوش وبعدين ده شبع خلاص يعني مش هايسرق تاني-شوف المنطق-

صباح الاستفزاز

:P

http://www.youtube.com/watch?v=SN5QWYalgZs

[pink rose]

شوفتوا اللي حصل !

بيقول لك فيه قانون سنه انور السادات يقضي باستمرار اصحاب الرتب من قواد اكتوبر على نفس رتبهم العسكرية مدى الحياة

يعني محاكمة المخلوع امام محكمة مدنية باطلة

اه قريت الحوار دا امبارح

طب كده بقى هايتحول لمحاكمة عسكرية؟؟؟

[se_ Elsyed]

شاهدت وأنا في البيت شوية مناوشات بين عيال صيع مؤيدين لمبارك .. وعيال أصيع منهم عارضين

أنا أؤيد الإعتصام السلمي والمطالب السلمية

لكن مجرد الواحد ما مسك حجر في إيده يبقى بلطجي ولازم يُطبق عليه القانون بكل قوة عشان يبقى عبرة

طبعاً البهوات قالعين هدومهم وحاجه أخر قلة أدب .. والشرطة موقفها غريب ... تستقوى على الغلبان وتسيب المجرم وتتطبطب عليه ..

طبعاً دي أول جلسة للمحاكمة . وبالتالي لو الدولة ما فرضتش هيبتها على الجميع فهاتبقى مدابح

سيارات الناس .. والشاشات التليفزيونية العملاقة وأرواح الناس قبل ده كله معرضة للخطر حجر من دول يلبس في دماغ حد يبقى أنتهى كده

لازم الشرطة تلم الأشكال الزبالة دي كلها .. وكل واحد ماسك حجر أو بيعتدي على حد ياخد له 6 شهور سجن زي الباشا عشان يحرم يجرؤ ويبلطج تاني

[se_ Elsyed]

إترعبت أمبارح لما عرفت إن المستشار أحمد رفعت قاضي المحاكامت دي هايطلع معاش كمان شهرين ... لكن هناك تأكيدات بإن قانون السلطة القضائية يُجيز للقاضي الأستمرار في حالة نظره لقضايا هامة حتى تنتهي الدورة القضاية .. ودي هاتنتهي 30/6/2012

يا مُسهل

[se_ Elsyed]

محاكمة مبارك ..على الهواء مباشرة من مصراوي

http://ontv.masrawy.com/Streaming.aspx?ref=Mubarak_trial

شكراً يا كابتش

مش عارف حبكت النهاردة القنوات المصرية ما تشتغلش على النت .. هو في إيه ما هم قرفننا كل يوم ؟

http://www.egytv.net/watchnow.aspx