انهى موقف صح و انهى غلط؟

[ViralMind]

السلام عليكم..

الموضوع باختصار.. بان قامت احدى الشركات المصرية العاملة فى مجال الدعاية باسناد مشروع برمجى لى.. و يتطلب الامر ضمن المشروع بانى ادخل على بيانات الشركة.. و بالتالى صدمت بامتلاكهم عشرات الالوف - و ربما تصل لمئات الالاف - من الايميلات الشخصية اللى بيجمعوها من خلال حملات الدعاية بتاعتهم.. ده بجانب الاسماء و الموبايلات طبعا..

المهم.. بصراحة انا لما شفت حجم البيانات الضخم ده.. نفسى ضعفت :closedeyes: وفكرت انى اسحب نسخة من هذه الايميلات.. لاستخدمها فى مجال الدعاية الخاص بى..

بس بعد كده فكرت ان هذه امانة.. و انه من المؤكد ان الشركة صرفت مبالغ - الله اعلم حجمها قد ايه - لجمع هذه البيانات.. و ده معناه ان فيه تعدى.. ليس فقط على الخصوصية.. و لكن تعدى على هذه الامانة.. و الفلوس اللى اتدفعت..

فانا عايز اعرف.. هل اخذ نسخة من هذه البيانات يعتبر فعلا تعدى عالامانة؟ اذا اتبعنا استفت قلبك.. فانا حاسس ان فيها تعد على الخصوصية و الامانة فى نفس ذات الوقت.

شكرا جزيلا مقدما.

[عماد حمدي]

شوف أخويا الصغير يملك منتدي ، عند افتتاح المنتدي كان لابد من دعاية

فأضطر انه هوه يشتري المليون ايميل من شركات ( استضافة و تصميم مواقع ) بمبلغ 400 جنيه مصري .. مقابل ان الشركة تعطيه الايميلات اللي عندها

تحت مسمي الإشهار ..

طبعاً قوائم الإيميلات دي للناس اللي شغاله في تطوير المواقع و شركات الإستضافة بتتباع ..

وليها أسعار ..

ياعني قوائم إيميلات للمواقع المهتمة بالمحاسبة

قوائم ايميلات للمواقع المهتمة بالطبخ ، السيارات ، الاثاث ، الموضه و الأزياء

فيه برامج معينة بتحط فيها اسم المنتدي و بتقوم ع تفريغ و سحب كل ايميلات الأعضاء المشتركين فيها

ياعني انا عندي منتدي حسابات خاص بالسي ام اية

دخلنا ع منتديات المحاسبة و سحبنا كل الايميلات الموجوده بتاعت الأعضاء

و استخدمت الايميلات دي للدعاية للمنتدي بتاعي ( لاني بركز ع فئة معينة من الناس و هما خريجي تجارة ) ..

طبعا ً استخراج الايميلات دي بياخد وقت و مجهود كبير جدا ً ففيه بقا شركات بتعمل المهمة دي و بتبيع ليك الايميلات

طولت عليك أنا عارف بس طبعا ً غلط انك تاخدها منهم لان دي أمانه ..

تم تعديل 29 يوليو 2011 بواسطة omda2006

[ViralMind]

ايه الكلام الخطير ده.. ولا انا اللى مش فاهم؟ :closedeyes:

يعنى فيه برنامج ممكن استخدمه.. بحيث انى اكتب عنوان اى منتدى.. يقوم مطلع لى ايميلات الناس اللى مشتركة فى المنتدى ده؟!! دى كارثة ههههههه

لا بجد وضح اكتر.. لان الموضوع كده دخل فى الغميق.

[ViralMind]

ممكن يكون قصدك ثغرة تحميل ملفات الهوية؟!

[عماد حمدي]

بص يا باشا ..

أكيد حضرتك سمعت عن الإسبام و النصب علي البنوك الأمريكية و موضوع الويسترن يونيون و تحويلات الأموال ..

القضية اللي متهم فيها كام شاب من المنصورة و دكرنس ..

الناس دي بتعمل اية .. صلي ع النبي بقا و هوصلك للي أنته عايزة

فيه شركات وسيطه زي ( PayPal ) حضرتك بتسجل في الشركة دي عن طريق موقعهم ع النت و بتحط فيه كل بيانات الفيزا كارد بتاعتك ..

لما تيجي انته عايز تشتري أي شيء من علي النت هتلاقي مثلاً ان من طرق الدفع ( الدفع عن طريق Pay Pal ) ..

دا اللوجو بتاعهم اللي بيظهر في مواقع بتبيع عن طريق النت

طبعاً ناس كتير جداً بيستخدموا الشركة دي paypal كشركة وسيطة في الشراء علشان مش كل شوية لما يحب يشتري من اي موقع يقعد يدخل بيانته و تبقي معرضة للهاكرز و التجسس و حد ياخدها .. الشركة دي بتديك يوزر نيم و باس وورد و بس و هيا اللي بتشتري ليك الحاجة بتاعتك مقابل عمولة

الناس بقا اللي بتنصب علي البنوك و بتاخد أرقام فيز الناس و بتعمل تحويلات بنكية بيعملوا اية ؟؟؟

بيقوموا جايبين برنامج سحب الإيميلات من المواقع ودا ممكن تعمل عليه سيرش في جوجل و تجيبه ، ويسحبوا كل إيميلات الأعضاء الموجوده في باي بال دا ..

و بيرسلوا رسالة للأعاضء بصفحة شبيه تماماً 100 % للصفحة باي بال .. يخبروهم في الرسالة ..

ان حدث خلل في قاعدة البيانات وانهم بيحدثوها فلازم تدخل بيانات الكريديت بتاعتك تاني ..

العميل بينخدع و بيدخل البيانات و يضغط تأكيد ، ع الفور بيانات الكريديت دي بتوصل لإيميل الاسبام او الهاكرز ..

بياخدوها بقا بيصرفوا نفسهم عن طريق تحويلات و كدة و غالبا ً بتمم من خارج مصر لان مصر معمولها بلوك ..

عايز أقولك ان البرامج دي موجودة و كتيرة جداً مشكلتها انها بتاخد وقت رهيب علشان تسحب الإيميلات الموجودة ممكن تسيب جهازك اسبوع اقل شيء

لو حجم الموقع كبير ..

طبعاً قائمة ايميلات مشتركي الباي بال دي بتتباع بالدولار و حضرت انا صفقة زي دي ، كانت ب 200 دولار ..

فاللي معاه قوائم إيميلات كانه معاه كنز و إيميلات تكون شغالة مش وهمية ..

صدعتك أنا .. معلش

[عماد حمدي]

آلية الإسبام طبعا ً شرحها طويل جداً ..

بس أنا ذكرت ليك الأساسيات و النقاط الرئيسية فقط دون الخوض في تفاصيل ..

لأني مش عايز أتحمل ذنب حد ممكن يستخدم الموضوع دا غلط ..

طبعاً الكلام دا مش موجه ليك ، لكني بتكلم بوجه عام ..

لك التحيه و التقدير ،،

و لو محتاج قوائم ايميلات انا ممكن اساعدك و اقولك تروح لمين ..

[ViralMind]

موضوع paypal انا فاهمه.. لانى بتعامل مع paypal يمكن من 2005.. لانى اسست شركة فى امريكا فى هذا الوقت.. و كنا بنستخدم paypal فى التحويلات..

يعنى مش سهل ان الواحد ينخدع فيه اطلاقا..

بالنسبة لموضوع الspam.. حاسس ان الطرق اللى اتكلمت عنها شبه تقليدية و مش professional..

الموضوع دلوقتى اتغير خالص.. و بقينا بنعتمد عالcloud computing و الكرون جوبز فى تحليل البيانات.. فمش لازم استخدم جهازى الشخصى او جهاز الشركة مثلا للقيام بالمهمة.. بل بقى فيه استخدام هايل للريسورسز الرهيبة اللى اتاحها الكلاود كمبيودنج..

اصل انا شبه متخصص فيما يخص الانظمة التلقائية او الautomated systems عالانترنت.. مش الديسكتوب.. و كمان شغل الAPIs بمختلف انواعها... و على سيرة الكريدت كارد.. من فترة مش بعيدة كنت اشتركت فى برمجة سيستم لشركة مزادات شهيرة عالانترنت.. و كان السيستم عبارة عن fraud detection للكريديت كاردز.. انه بيعمل تحليل للبيانات و الارقام و الاىبى و غيره من التفاصيل اللى ممكن تكون صغيرة بس بتقفش بلاوى كتيرة.. و طبعا مع ملايين الاوردرات.. مينفعش ان شخص او حتى مجموعة اشخاص يحللوا البيانات بنفسهم.. لان هتبقى فيه مشكلة جامدة فى الوقت.

موضوع السبام موضوع كبير فعلا.. و كيانات كبيرة انهارت بسببه.. بس كل حاجة ليها اللى يوقفها... واللى بيحصل انى مثلا ابدأ فى تحليل تصرفات السبام بوت.. و بناءا عليه اسد الثغرات.. بتصرفات مضادة.. يعنى زى auto detection كده..

[ViralMind]

آلية الإسبام طبعا ً شرحها طويل جداً ..

بس أنا ذكرت ليك الأساسيات و النقاط الرئيسية فقط دون الخوض في تفاصيل ..

لأني مش عايز أتحمل ذنب حد ممكن يستخدم الموضوع دا غلط ..

طبعاً الكلام دا مش موجه ليك ، لكني بتكلم بوجه عام ..

لك التحيه و التقدير ،،

و لو محتاج قوائم ايميلات انا ممكن اساعدك و اقولك تروح لمين ..

بعد ايه بقى ما انتا فتحت عينيا عالفولة واللى فيها :lol:

هو حتت سكربت هكتبه.. يخش يجيب الايميلات كلها من قفاها :closedeyes: