اذهب إلى المحتوى
محاورات المصريين

عندي مشكلة تشابه أسماء وحكم غيابي وكمان تصريح العمل

ozoozo

بواسطة ozoozo
في موضوعات شخصية

 مشاركة

Recommended Posts

عصام أبوالفتح عضو جديد

عصام أبوالفتح

بتاريخ:
بتاريخ:

الله يسامحك يا أوزو

حتة عنوان على الصبح والموضوع طلع مالوش اى داعى للقلق منه

يا اخى الاحكام بترسل على العنوان وطبعا الحكم تم ارساله للراجل اللى اسمه شبه اسمك وصاحب الحساب اللى طلع منه الشيك

بيانات الحساب ده مستحيل تتطابق مع بياناتك

انا رأيى ولا تشغل بالك بالموضوع من اصله

( كفى بالمرء إثماً أن يحدث بكل ماسمع )

رابط هذا التعليق
شارك
  • الردود 59
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

ozoozo
ozoozo

اخواني الاعزاء شكرا علي دعواتكم ونصايحكم انا بعتبر ان المنتدي اهلي واي مشكله لازم احكيهالهم الحمدلله خلصت الموضوع النهارده روحت مع المحامي لسكرتير النيابه وطبعا المحامي عارفه لولا كده ماينفعش اطلع ع

se_ Elsyed
se_ Elsyed

هو يا جماعة لما بنتكلم عن موضوع معين ومتخصص شويتين .... ونهاتي وننبح صوتنا ... ليه الناس ما بتسمعش الكلام وبتبقى حنبلية أكثر من اللازم ... عاوز أعرف .. ليه بجد ؟ إيش حال يا أوزوز إني قولت وحلفت لكم ب

arkan
arkan

ربنا يحفظ حضرتك وان شاء الله تعدي بسلام واحد حصل تشابه كده فرقوا باسم الام .. معرفش ده ينفع في حالة حضرتك ولا لأ على الاقل خد رأي محامي حتى بالتليفون ربنا معاك

عنبو عضو جديد

عنبو

بتاريخ:
بتاريخ:

ربنا يفك كربك يارب وان شاء الله بسيطه وسهله انا واحد صاحبى عنده تشابه اسماء فى واحد مصنف على انه ارهابى من بتوع الجهاد

وكل ما تحصل كارثه ياخدوه لدرجة انه دلوقتى ماشى بشهادة الميلاد بتاعته الى جانب الرقم القومى

ان شاء الله الموضوع يعدى على خير

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
عصام أبوالفتح عضو جديد

عصام أبوالفتح

بتاريخ:
بتاريخ:

هو يا جماعة لما بنتكلم عن موضوع معين ومتخصص شويتين .... ونهاتي وننبح صوتنا ... ليه الناس ما بتسمعش الكلام وبتبقى حنبلية أكثر من اللازم ... عاوز أعرف .. ليه بجد ؟

إيش حال يا أوزوز إني قولت وحلفت لكم بأيمانات المسلمين إن تصريح العمل تم إلغاءه رسمياً من سنة 2004 ... وبقى لي 7 سنوات بأسافر مصر أكتر من 3 أو 4 مرات سنوياً ولم أجدده وماحدش سألني عليه غير مره واحده من 3 سنوات وشكل الراجل كان لسه نايم نوم أهل الكهف وما يعرفش ... وقولت للراجل حاضر من عيوني المره الجايه هاجدده

طب مكاتب العمل لسه فاتحه ليه ؟

سبوبة طبعاً .. وعشان موظفين الحكومة لازم يستخرجو تصريح العمل عشان موافقة الجهة التي يعمل بها ... وحتى دي كمان مش مهم لو الواحد مظبط أموره في الشغل بتاعه

لي أحد الأصدقاء جه السعودية من سنة بالظبط ... وكفيله طلع زبالة ونزل خروج وعوده وهاييجي مره ثانية بفيزا جديدة .. وقايل له وهو هناك أول مره إوعى تروح تطلع تصريح عمل ... ومع ذلك راح دفع وطلعه .... وجه هنا ومفطمه ومفهمه ويا حبيبي تصريح العمل إتلغى ... يهديك .. يرضيك ... فوجئت من أسبوع بيقول لي .. أنا خلاص قربت أخلص وفاضل بس أروح أطلع تصريح العمل !!!!!!!!!!!!!!!

على العموم معليش يا أوزوز ما تقلقش وبسيطة بإذن الله وتشابه الأسماء للاٍسف مازال بيحصل .. بالرغم من وجود قاعدة بيانات الرقم القومي .. سلملي عالرقم القومي .. اللي مستحيل إتنين فيكي يا جمهورية مصر العالمية يتشابهوا في الإسم الرباعي والرقم القومي وإسم الأم والعنوان كله مع بعضه مره واحده ...

إلا لو كانوا أخوات زي فيلم كده رضا

ملغى من 2004! ! ! ! !

واحنا بندفع كل سنة . . طب انا روحت اعمل التصريح لقيت قسم مصر القديمة متدغدغ ومكتوب يافطة عريضة انه تم نقل تصاريح العمل للقسم اللى وراء المحكمة الدستورية . . مين بقى اللى كتب اليافطة دى ? الموظفين برضو . . انا متخيل انى هلاقي مجموعة بنى ادمين ورا المحكمة ناصبين كشك وكاتبين عليه تصاريح عمل ومعاهم اختام داخلية مسروقة وورق من القسم اللى اتطربأ وبيلموا فلوس . . بس لو روحت ولاقيت مكان فى القسم مخض للتصاريح يبقى ايه تفسير الكلام ده?

( كفى بالمرء إثماً أن يحدث بكل ماسمع )

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
بس لو روحت ولاقيت مكان فى القسم مخض للتصاريح يبقى ايه تفسير الكلام ده?

طب هه هه هه هه :Head::Head::Head::Head::Head:

وكتاب الله ابطح نفسي عليكم وأقول في القسم إن المحاورات عوروني يا باشا

يا عصام .يا حبيبي ... ...

ما أنا قولت لك .. لو واحد موظف حكومة لازم بيطلع البتاع ده ....

وإن دي سبوبة زي سبوبة ضرائب العاملين في الخارج .. أو

او

دمغة الشرطة أم 10 جيني .. فاكرها ؟

ما هو لما بتدفع قيمة تصريح العمل بيقول لك إدفع في البنك .. وغالباً فرع أو فرعين بنك بيبقوا فاتحين معاهم في نفس المكان عشان الموضوع ده .. والبنك توماتيكي توماتيكي بيروح هابدك واحد دمغه إجباري غصم وأقتدار

لكن التصريح إتلغى .. إتلغى .. إتلغى

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
عصام أبوالفتح عضو جديد

عصام أبوالفتح

بتاريخ:
بتاريخ:
بس لو روحت ولاقيت مكان فى القسم مخض للتصاريح يبقى ايه تفسير الكلام ده?

طب هه هه هه هه :Head::Head::Head::Head::Head:

وكتاب الله ابطح نفسي عليكم وأقول في القسم إن المحاورات عوروني يا باشا

يا عصام .يا حبيبي ... ...

ما أنا قولت لك .. لو واحد موظف حكومة لازم بيطلع البتاع ده ....

وإن دي سبوبة زي سبوبة ضرائب العاملين في الخارج .. أو

او

دمغة الشرطة أم 10 جيني .. فاكرها ؟

ما هو لما بتدفع قيمة تصريح العمل بيقول لك إدفع في البنك .. وغالباً فرع أو فرعين بنك بيبقوا فاتحين معاهم في نفس المكان عشان الموضوع ده .. والبنك توماتيكي توماتيكي بيروح هابدك واحد دمغه إجباري غصم وأقتدار

لكن التصريح إتلغى .. إتلغى .. إتلغى

ربنا يكتر من امثالك يا س س ويجعلك زخرا للوطن والمواطنين . . وكويس جدا لان المشوار كان تقيل على قلبى اوى

( كفى بالمرء إثماً أن يحدث بكل ماسمع )

رابط هذا التعليق
شارك
باهى الطائر الحزين عضو جديد

باهى الطائر الحزين

بتاريخ:
بتاريخ:

صباحك خير

كان الله فى العون

وانشاء الله بسيطه

ماتقلقش

مسألة اجراءات وبس

وانت عارف الروتين

لكن الموضوع حيخلص حيخلص

بسيط يعنى

وبتمنالك من كل قلبى التوفيق

ربنا مع حضرتك

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك
arkan عضو جديد

arkan

بتاريخ:
بتاريخ:

شكرا على المعلومة ان التصريح ده اتلغى

واحنا اللى عمالين ندفع فلوس ومشاوير

اصل انا فاكرة مامت صاحبتي رجعت من المطار علشان تجديد تصريح العمل بس فعلا الكلام ده كان من زمان .. ولكن لسه معلق معايا الموقف ده

ومن جهة تانية فاهمة انه حق الوطن فرض عليا

عموما شكرا لافادتكم وربنا يطمنا على الاستاذ ozoozo

اللهم انك عفو كريم تحب العفو فاعف عنا

رابط هذا التعليق
شارك
Alattar عضو جديد

Alattar

بتاريخ:
بتاريخ:

بلاش الحركات دي يا أوزوز..ورجع للراجل صاحب الشيك فلوسه..و خلص نفسك..و بلاش تعمل نفسك برئ أكتر من كده

الحركات دي أنا عارفها كويس..بس انت خدت من الراجل كام؟..

ان شاء الله مفيش حاجة يا ريس و الموضوع هيخلص بسرعه..و زي ما قاللك أخونا سين سين..اطلع علي المطار و ان شاء الله مفيش حد هيسألك علي التصريح ولا حاجة..أنا تقريبا عمري ما حد سألني غير مرة واحدة بس..ياراجل ده انا مرة كنت مسافر من مطار القاهرة..و الظابط كان شكله مأنتخ و قاللي فين التأشيرة..قلتله أنا معايا التأشيرة الالكترونية..بس في شنطة الاب..استني هطلعهالك..قاللي..خلاص خلاص..ما تطلعش حاجة..و ختملي خروج و ادالي الجواز..

:blink:

المهم..طمنا عليك لما تخلص..و برضه ياريت ترجع للراجل الغلبان ده فلوسه..و ما تكتبش علي نفسك كومبيالات تاني

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
tarek hassan مبتدئ متقدم

tarek hassan

بتاريخ:
بتاريخ: (معدل)

دعواتنا لك أستاذ : عزوز بأن ينتهي الأمر سريعا على خير وأن تنهي إجراءاتك بسهولة ويسر

دا أنت خوفتنا يا راجل من العنوان المفزع

عموما لو الأمر مخلصش النهاردة قولي وإحنا نجمع المتظاهرين ونروح نعتصم هناك لحد ما يطلع تصريح السفر أو يستقيل المجلس العسكري وحكومة شرف

تحياتي وتمنياتي بالخير لك

أنت شايف المداخلة ولا لسه عامل عليه حظر

تم تعديل بواسطة tarek hassan

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك
hOuSsAm عضو جديد

hOuSsAm

بتاريخ:
بتاريخ:
بس لو روحت ولاقيت مكان فى القسم مخض للتصاريح يبقى ايه تفسير الكلام ده?

طب هه هه هه هه :Head::Head::Head::Head::Head:

وكتاب الله ابطح نفسي عليكم وأقول في القسم إن المحاورات عوروني يا باشا

يا عصام .يا حبيبي ... ...

ما أنا قولت لك .. لو واحد موظف حكومة لازم بيطلع البتاع ده ....

وإن دي سبوبة زي سبوبة ضرائب العاملين في الخارج .. أو

او

دمغة الشرطة أم 10 جيني .. فاكرها ؟

ما هو لما بتدفع قيمة تصريح العمل بيقول لك إدفع في البنك .. وغالباً فرع أو فرعين بنك بيبقوا فاتحين معاهم في نفس المكان عشان الموضوع ده .. والبنك توماتيكي توماتيكي بيروح هابدك واحد دمغه إجباري غصم وأقتدار

لكن التصريح إتلغى .. إتلغى .. إتلغى

يا جماعة انا بقترح اى حد كان بيعمل تصريح السفر كل سنة ميعملوش السنة دى ويحول نص المبلغ على حساب اخونا سين سين

الراجل عداه العيب وبقاله سنتين بيناحى فى الموضوع ده........ (انا سمعت الكلام يا ريس ومجدتوش وافتكرتك بدعوتين قدام قسم الشرطة smk: )

طيب محدش افتكره بحتة بطة او شوية فسيخ من نبروه :P

---------------------------------------------------

تصدق بالله يا سين سين بعد الكلام ده كله وهتلاقى واحد من اعضاء المحاورات بردوا رايح يطلع تصريح السفر :Head:

وهتلاقى واحد تانى بيسالنى مش اطلعه من السفارة فى جدة بالعملة الصعبة اهو اسرع وعشان اوفر وقت فى مصر :Head:

انا واثق من الكلام ده مية في المية وبكره تقول حسام قال

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك
ozoozo عضو جديد

ozoozo

بتاريخ:
  • كاتب الموضوع
بتاريخ:

اخواني الاعزاء شكرا علي دعواتكم ونصايحكم انا بعتبر ان المنتدي اهلي واي مشكله لازم احكيهالهم :give_rose:

الحمدلله خلصت الموضوع النهارده روحت مع المحامي لسكرتير النيابه وطبعا المحامي عارفه لولا كده ماينفعش اطلع علي القضيه الا عن طريق جواب من النيابه ولو روحت ممكن تنفيذ الاحكام يعكشوني

المهم ادينا التحيه لسكرتير النيابه وسقيناه الشاي وطلعلنا الملف الاصلي وادانا صوره طبق الاصل من المحضر مختومه بختم النسر ومكتوب فيها بيانات المتهم والحمدلله فيها رقمه القومي والا كنت هاضطر اعمل قضيه معارضه واخدت كمان صوره الشيك وصوره بطاقه المتهم الاصلي اللي سبحان الله طلع نفس اسمي بالظبط مع اني طول عمري بقول ان اسم والدي غريب شويه وعمري ماهالاقي حد شبه اسمي

وبالنسبه للتصريح انا ماكنتش هاعمله بس قولت الوطن بقي والكلام الفارغ ده واني وعدت نفسي هالتزم بالقانون حتي لو غلط والبلد محتاجه فلوس دلوقتي -عملتوا اربع سنين مع بعض-

انما الوطن مصر يدينا علي قفانا .............اااااااااااااااااااي براحه ياوطن

المشكله اني لازم افضل ماشي بورق القضيه معايا لغايه ماالواد التاني يتمسك

واسف علي العنوان المزعج بصراحه الدنيا كانت سوداء في وشي امبارح وكنت خايف يكون حد بيبتزني ومزور امضتي

الحمدلله

http://www.youtube.com/watch?v=PDwNlyG4cKo

رابط هذا التعليق
شارك
ابو محمد بن مصطفي عضو جديد

ابو محمد بن مصطفي

بتاريخ:
بتاريخ:

كفارة

لا بجد ...... الحمد لله انك طمنتنا

اللهي يطمن قلبك برؤية الحبيب محمد في الجنة

يا قدس يا سيدتي معذرة فليس لي يدان ،

وليس لي أسلحة وليس لي ميدان ،

كل الذي أملكه لسان ،

والنطق يا سيدتي أسعاره باهظة ، والموت بالمجان ،

سيدتي أحرجتني، فالعمر سعر كلمة واحدة وليس لي عمران ،

أقول نصف كلمة ، ولعنة الله على وسوسة الشيطان ،

جاءت إليك لجنة، تبيض لجنتين ،

تفقسان بعد جولتين عن ثمان ،

وبالرفاء و ا لبنين تكثر اللجان ،

ويسحق الصبر على أعصابه ،

ويرتدي قميصه عثمان ،

سيدتي ، حي على اللجان ،

حي على اللجان !

رابط هذا التعليق
شارك
Diab عضو جديد

Diab

بتاريخ:
بتاريخ:

انما الوطن مصر يدينا علي قفانا .............اااااااااااااااااااي براحه ياوطن

http://www.youtube.com/watch?v=PDwNlyG4cKo

:closedeyes:

انت اللي جبته لنفسك

في مصر

إمشي عوج يحتار عدوك فيك

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
طول عمري بقول ان اسم والدي غريب شويه وعمري ماهالاقي حد شبه اسمي

فعلاً أنا عُمري ما شوفت حد إسمه Ozo

بس الأسامي دي كانت موجودة زمان عادي ..

--------

دعواتنا لك أستاذ : عزوز

عزوز ؟؟؟؟؟؟؟؟؟؟

اللهم أجعله خير

---------

طيب محدش افتكره بحتة بطة او شوية فسيخ من نبروه

يا بني المنتدى ده إسمه محاورات المصريين ..

يعني ما تقولش إديتنا إيه محاورات المصريين وقول هاندي إيه لمحاورات المصريين

عُمرك شوفت كتاب ينزل الأسواق ويكسر الدنيا والناس بدل ما تقبض .. تدفع ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

يا معلم عزوز ليلتك فُل بزيادة ... خارج من السجن زايد النص وزيادة ... شربنا شربات بعد ما كنا هانشربها سادة

وإيييييييييييييه .. إيييييييييه

إدخل لحن يا زهيري حته من مقام الصبا الفرايحي

إقفش المطلع وكمل إنت

ألقف يا معلم

http://www.youtube.com/watch?v=u-kCPH-U7Hg&feature=related

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
غريب الخبر عضو جديد

غريب الخبر

بتاريخ:
بتاريخ: (معدل)

الحمد لله انك قدرت تخلص مشكلة كانت ممكن تبقى عائق فى حياتك فى اى وقت فى المستقبل...يعنى لو مكنش التصريح ده اللى انا اساسا عمرى ما طلعته وسافرت اكتر من 30 مرة من غير ما اتسال عليه..اعتقد مكنتش هتعرف من اساسه ان فيه مشكلة عندك زى القضية دى مثلا......دائما بفتكر الاية(وعسى ان تكرهوا شيئا وهو خير لكم)..)

عموما حمدلله على سلامتك

تم تعديل بواسطة غريب الخبر

عبدى..تشاء واشاء..ولا يقع فى ملكى الا ما أشاء

فاذا رضيت بما اشاء..أعطيتك ما تشاء

رابط هذا التعليق
شارك
raouf عضو جديد

raouf

بتاريخ:
بتاريخ:

روحت اعمل تصريح الزفت العمل ورحت استلم قالولي لا اطلع المباحث

طلعت المباحث فوجئت بنفس الاسم بتاعي الرباعي ان عليا حكم غيابي في شيك بسنه سجن وكفاله الف جنيه ولكن عنوان المتهم مختلف

اتكلمت مع الظابط قالي انا مصدقك بس ممكن تكون غيرت العنوان واداني جواب للنيابه اللي تبعها القضيه عشان يستعلموا من الملف ويكتبلي علي الجواب ان انا مش انا-حد فاهم حاجه:blink: -

وطبعا خفت اروح النيابه لوحدي احسن بتوع تنفيذ الاحكام يمسكوني واتفقت مع محامي اروح معاه بكره ....دعواتكم

طبعا منتها الفقع حاجه مالكش فيها ومطلوب تثبت ان انت مش انت

لما ارجع هااقولكم الاخبار ولو مارجعتش ابقوا هاتولي عيش وحلاوه

حد عدي عليه الموقف ده قبل كده

طبعا قلبى قلبى معاك يا اوزو وربنا يطلعك منها على خير

حصلت معايا من سنتين ولقيت عليا حكم ب6 شهور بسبب ان ضربت واحد بالعربية وهربت

طبعا فى التاريخ ده كنت فى السعودية والعربية مرفوعة كمان

بس الحمد لله خرجت منها والظاهر ان حد من الظباط عمل محضر وهمى ولبسه ليا وانا مسافر بس ربك ستر

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...