اذهب الي المحتوي
ozoozo

عندي مشكلة تشابه أسماء وحكم غيابي وكمان تصريح العمل

Recommended Posts

روحت اعمل تصريح الزفت العمل ورحت استلم قالولي لا اطلع المباحث

طلعت المباحث فوجئت بنفس الاسم بتاعي الرباعي ان عليا حكم غيابي في شيك بسنه سجن وكفاله الف جنيه ولكن عنوان المتهم مختلف

اتكلمت مع الظابط قالي انا مصدقك بس ممكن تكون غيرت العنوان واداني جواب للنيابه اللي تبعها القضيه عشان يستعلموا من الملف ويكتبلي علي الجواب ان انا مش انا-حد فاهم حاجه:blink: -

وطبعا خفت اروح النيابه لوحدي احسن بتوع تنفيذ الاحكام يمسكوني واتفقت مع محامي اروح معاه بكره ....دعواتكم

طبعا منتها الفقع حاجه مالكش فيها ومطلوب تثبت ان انت مش انت

لما ارجع هااقولكم الاخبار ولو مارجعتش ابقوا هاتولي عيش وحلاوه

حد عدي عليه الموقف ده قبل كده

شارك هذه المشاركه


رابط المشاركه
شارك

ربنا يحفظ حضرتك وان شاء الله تعدي بسلام

واحد حصل تشابه كده فرقوا باسم الام .. معرفش ده ينفع في حالة حضرتك ولا لأ

على الاقل خد رأي محامي حتى بالتليفون

ربنا معاك

شارك هذه المشاركه


رابط المشاركه
شارك

روحت اعمل تصريح الزفت العمل ورحت استلم قالولي لا اطلع المباحث

طلعت المباحث فوجئت بنفس الاسم بتاعي الرباعي ان عليا حكم غيابي في شيك بسنه سجن وكفاله الف جنيه ولكن عنوان المتهم مختلف

اتكلمت مع الظابط قالي انا مصدقك بس ممكن تكون غيرت العنوان واداني جواب للنيابه اللي تبعها القضيه عشان يستعلموا من الملف ويكتبلي علي الجواب ان انا مش انا-حد فاهم حاجه:blink: -

وطبعا خفت اروح النيابه لوحدي احسن بتوع تنفيذ الاحكام يمسكوني واتفقت مع محامي اروح معاه بكره ....دعواتكم

طبعا منتها الفقع حاجه مالكش فيها ومطلوب تثبت ان انت مش انت

لما ارجع هااقولكم الاخبار ولو مارجعتش ابقوا هاتولي عيش وحلاوه

حد عدي عليه الموقف ده قبل كده

بتحصل كتير اوي يا اوزو وبيطلع صوحابها زي الشعره منا لعجين والله

زي اركان ما قالت بيفرقوا باسم الام غير طبعا انك معاك ما يثبت انك كنت خارج البلاد

الله يعينك بس ماتقلقش حلها بسيط وكويس ان معاك محامي شاطر

طمني حبيبي اول ما تخلص

الله يعينك

شارك هذه المشاركه


رابط المشاركه
شارك

السلام عليكم و رحمة الله و بركاته

يا رب يكون خير باذن الله

بس متروحشي بكرة لوحدك

محامي كويس

معرفة في المباحث شغال

حد من اخوات حضرتك ضروري

و طمنا علي حضرتك

---------------------

طنط اركان

تصريح العمل مالوش اي لازمة في اي لازمة

انا بعملي و اتمرمط فيه كل سنة

و بعدي في المطار و محدش اصلا بيسالني انتي مين

المرة الوحيدة اللي معملتوش فيها و ده نزلت في مطار اسيوط و لقيت الموظف بيقولي فين بقي تصريح العمل

و كان معايا القديم

مضاني علي اقرار اني اعمل واحد جديد و برضه سافرت

مش من حق حد يمنعك من السفر اصلا

بس الواحد بيعمله تكبير دماغ

-------------------------------------

استاذ اوز اوز

ابقي طمنا علي حضرتك

حصل الموقف ده قبل كده بس في فيلم

لا مش هحكيه انا دلوقتي

بعدين لما تبقي تيجي و تطمنا باذن الله

و صلي ركعتين قضاء حاجة و باذن الله خير

شارك هذه المشاركه


رابط المشاركه
شارك

بسيطة ماتخفش الموضوع ده بالضبط حصل مع ابن عمة زوجى

قبضوا عليه فى الطريق وهو مسافر بالليل على انه عليه حكم شيك بدون رصيد بنفس الاسم واتحجز يوم بحاله

رغم اختلاف المهنة والعنوان

لكن الحمد لله ضابط معرفة خرجه بالتليفون فى ثوانى

متروحش لوحدك واسال المحامى هو ينصحك تعمل ايه والاسهل شوف ضابط يخدمك فى الموضوع

للاسف البلد لسة متغيرتش بيقفلوا قضايا وخلاص من غير مايتحروا والواسطة هى الحل فى الحالات اللى زى كده

لان حلنى بقى لما يثبتوا اختلاف اسم الام زى مامدام اركان بتقول

ربنا يسهلك الامور وتعدى على خير ان شاء الله

شارك هذه المشاركه


رابط المشاركه
شارك

اخي العزيز ozoozo

اتوقع هذا شي طبيعي أن يحدث ولا أستغرب من ذلك بسبب تشابه أسماء

إخواننا المصريين جدا وهذا ما ألاحظه دائما ..... لكن لعله خير

عندما تذهب الى هناك ردد هذه الآية الكريمه بينك وبين نفسك

( وجعلنا من بين أيديهم سداً ومن خلفهم سداً فأغشيناهم فهم لا يبصرون ) اكثر من مره

وبإذن الله ستمشي أمورك بسلام .....

شارك هذه المشاركه


رابط المشاركه
شارك

هو الحكم ده نهائي واللا أول درجة؟ الواضح لي إنه أول درجة.

النيابة آخر مكان تخاف تروحه. أولا: لأن تنفيذ الأحكام تبع الداخلية مش تبع النيابة خالص. ثانيًا: تنفيذ الأحكام أصلاً متعطل شوية اليومين دول بسبب الثورة، بدليل إن اللي بعتك ظابط مباحث.

يكون محامي معاك أفضل كتير. والموضوع هيخلص في النيابة بسهولة إن شاء الله. بس المشكلة ممكن تتكرر معاك في الأجازات الجاية. فبرضه اسأل المحامي في الحكاية دي. ومفيش داعي لقلقك إطلاقًا. وعشان أطمنك، المحكوم عليه الأصلي (اللي فيه تشابه بين اسمك واسمه) من حقه يسافر عادي جدًا لو الحكم مش نهائي. وزي ما قال الأفاضل، انت ممكن تسافر عادي السنة دي من غير تصريح العمل. يعني محدش في المطار هيمنعك من السفر عشان الحكم.

وابقى طمنا على حضرتك.

تم تعديل بواسطة shawshank

شارك هذه المشاركه


رابط المشاركه
شارك

ربنا مع حضرتك إن شاء الله هتعدي علطول. أنا شخصيا في المواقف اللي زي دي بفضل اقول اية الكرسي حتى وانا واقفة قدام الموظف. والاية اللي قالتها " امل حياتي" حلوة قوي برده.

إن شاء الله خير give_rose.gif

شارك هذه المشاركه


رابط المشاركه
شارك

ربنا يحفظ حضرتك وان شاء الله تعدي بسلام

واحد حصل تشابه كده فرقوا باسم الام .. معرفش ده ينفع في حالة حضرتك ولا لأ

على الاقل خد رأي محامي حتى بالتليفون

ربنا معاك

اوزو اوزو..

اولا قدر الله و ما شاء فعل.. و ان شاء الله الامور هتعدى على خير.. اهم حاجة احتسب الامر عند الله و ربنا هيعوضك من فضله.

الحل اللى تقدم بيه الاخ الفاضل اركان.. اعتقد انه اقرب للمنطق و حل صحيح ان شاء الله.. كمان تاريخ الميلاد و البصمة.. و غيره من الامور اللى بتفرق.

يا ريت تبقى تطمننا اول بأول.. و ازمة و هتزول ان شاء الله.

شارك هذه المشاركه


رابط المشاركه
شارك

ربنا معاك ويخرجك منها على خييييييييييييير

بسيطة باذن الله بس لاتروح لوحدك خذ معك محامي وخذ اثبات معاك كشهادة ميلادك

عقد شقتك

جواز سفرك ........................الخ احتياطي خذ اوراقك وصورها والاصول

وان شاء الله خير

شارك هذه المشاركه


رابط المشاركه
شارك

سبحان الله نفس القصة بالظبط حصلت معى فى 2007

واتضح ان على حكم تبديد بسبب التهرب من الضرائب على المحل بتاعى

والله عمرى ماكان عندى محل لا انا ولا حد من اهلى

المهم حضرة الصول الهمام أخد العشرين جنيه وقال لى بدل وجع القلب ادفع الغرامة وكانت حوالى 500 جنيه دفعت بدل الشخص اللى اسمى متشابه معه وخلصت فى اقل من ساعة

وبعدين الاسم اتشال من على الكمبيوتر وسافرت وحلفت بعدها انى مش ح أروح الملاهى دى تانى

ماتقلقش ابتسم انت فى مصر والوضع بعد الثورة أحلى بكثير من قبلها انت بس جهز معاك كم ورقة من أبوعشرين لأن البنديرة زادت بعد الثورة بحجة وقف الحال وان شاء الله نص ساعة بالكتير وتاخد تصريحك

وفى أسوأ الأحوال الكارت الاخير معك هو اسم الوالدة الكريمة اما لو كان متشابه يبقى انت بقى اللى عملتها (أمزح معك)

توكل على الله أخى الكريم ولاتقلق الموضوع بسيط وهى دى بلدنا للأسف مضطرين نتحمل غباء موظفيها

تم تعديل بواسطة أبو العز

شارك هذه المشاركه


رابط المشاركه
شارك

أعوذ بالله

ياعم أختار عنوان موضوع خفيف حبتين ، أنت طستني في وشي على الصبح كدة بكارثة ,, ربنا يهديك

الموضوع سهل جدا متقلقش

عاوز أقولك أنه ياريت كان حصل معايا أنا لأ، ده حصل مع زوجتي وهي تنهي إجراءات الإلتحاق بعائل في مصر

الموضوع سهل جدا وبتجيب شهادة مش فاكر من فين وأنتهى الأمر ، المحامي بيقوملك بالموضوع ده كله دون أي عناء

لا تقلق كله خير

على فكرة أنا موضوع تصريح السفر ده مرة ضيع عليا تذكرة طيران بس في زمن أمن الدولة بقى وأنت فاهم :)

تحياتي...

شارك هذه المشاركه


رابط المشاركه
شارك

هو يا جماعة لما بنتكلم عن موضوع معين ومتخصص شويتين .... ونهاتي وننبح صوتنا ... ليه الناس ما بتسمعش الكلام وبتبقى حنبلية أكثر من اللازم ... عاوز أعرف .. ليه بجد ؟

إيش حال يا أوزوز إني قولت وحلفت لكم بأيمانات المسلمين إن تصريح العمل تم إلغاءه رسمياً من سنة 2004 ... وبقى لي 7 سنوات بأسافر مصر أكتر من 3 أو 4 مرات سنوياً ولم أجدده وماحدش سألني عليه غير مره واحده من 3 سنوات وشكل الراجل كان لسه نايم نوم أهل الكهف وما يعرفش ... وقولت للراجل حاضر من عيوني المره الجايه هاجدده

طب مكاتب العمل لسه فاتحه ليه ؟

سبوبة طبعاً .. وعشان موظفين الحكومة لازم يستخرجو تصريح العمل عشان موافقة الجهة التي يعمل بها ... وحتى دي كمان مش مهم لو الواحد مظبط أموره في الشغل بتاعه

لي أحد الأصدقاء جه السعودية من سنة بالظبط ... وكفيله طلع زبالة ونزل خروج وعوده وهاييجي مره ثانية بفيزا جديدة .. وقايل له وهو هناك أول مره إوعى تروح تطلع تصريح عمل ... ومع ذلك راح دفع وطلعه .... وجه هنا ومفطمه ومفهمه ويا حبيبي تصريح العمل إتلغى ... يهديك .. يرضيك ... فوجئت من أسبوع بيقول لي .. أنا خلاص قربت أخلص وفاضل بس أروح أطلع تصريح العمل !!!!!!!!!!!!!!!

على العموم معليش يا أوزوز ما تقلقش وبسيطة بإذن الله وتشابه الأسماء للاٍسف مازال بيحصل .. بالرغم من وجود قاعدة بيانات الرقم القومي .. سلملي عالرقم القومي .. اللي مستحيل إتنين فيكي يا جمهورية مصر العالمية يتشابهوا في الإسم الرباعي والرقم القومي وإسم الأم والعنوان كله مع بعضه مره واحده ...

إلا لو كانوا أخوات زي فيلم كده رضا

شارك هذه المشاركه


رابط المشاركه
شارك

روحت اعمل تصريح الزفت العمل ورحت استلم قالولي لا اطلع المباحث

طلعت المباحث فوجئت بنفس الاسم بتاعي الرباعي ان عليا حكم غيابي في شيك بسنه سجن وكفاله الف جنيه ولكن عنوان المتهم مختلف

اتكلمت مع الظابط قالي انا مصدقك بس ممكن تكون غيرت العنوان واداني جواب للنيابه اللي تبعها القضيه عشان يستعلموا من الملف ويكتبلي علي الجواب ان انا مش انا-حد فاهم حاجه:blink: -

وطبعا خفت اروح النيابه لوحدي احسن بتوع تنفيذ الاحكام يمسكوني واتفقت مع محامي اروح معاه بكره ....دعواتكم

طبعا منتها الفقع حاجه مالكش فيها ومطلوب تثبت ان انت مش انت

لما ارجع هااقولكم الاخبار ولو مارجعتش ابقوا هاتولي عيش وحلاوه

حد عدي عليه الموقف ده قبل كده

خير بإذن الله

ربنا يجملها بالستر

أحسن الظن بالله

و تفاءل بالخير

شارك هذه المشاركه


رابط المشاركه
شارك

لا حول ولا قوة الا بالله

خير باذن الله والموضوع بسيط زى مزمايلنا قالوا

ومتعرفش يمكن ربنا بيفاديك من حاجة اكبر

-------------------

مش تسمع ياعم كلام ابونا الحاج سين سين

إيش حال يا أوزوز إني قولت وحلفت لكم بأيمانات المسلمين إن تصريح العمل تم إلغاءه رسمياً من سنة 2004 ... وبقى لي 7 سنوات بأسافر مصر أكتر من 3 أو 4 مرات سنوياً ولم أجدده

تستاهل والراجل قالك معتش ليه لازمة - ليه تروح تدفع فلوس وتغرم نفسك وتعمله - مش كنت انا اولى بالفلوس دى :protest:

عالعموم قدر الله وماشاء فعل

-------------------------

خد محامى وحد من اهلك وباذن الله هتعدى على خير

ومعتش تعمل كدة تانى

ولما تحب تكتب شيكات ابقى استشيرنى الاول وانا اقولك تكتبها ازاى عشان متدبسش تانى فى الحجات دى :P

شارك هذه المشاركه


رابط المشاركه
شارك

يجب ان يتم الموافقه علي هذا المحتوي قبل نشره.

زوار
انت تقوم بالتعليق كزائر. اذا كنت تمتلك حساب فقم بتسجيل الدخول تسجيل دخول.
اضف رد علي هذا الموضوع....

×   Pasted as rich text.   Paste as plain text instead

  Only 75 emoticons maximum are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×